منتديات هتوف  

العودة   منتديات هتوف > أقلام هتوف > قصص و روايات

قصص و روايات قصص , قصص طويلة , قصص رومانسية , روايات , روايات طويلة - تحميل روايات ، روايات طويلة رومنسية



إضافة رد
 
LinkBack أدوات الموضوع انواع عرض الموضوع
قديم 11-18-2009, 03:07 PM   #1

ثقـيلـﮧ¬»مزح’ـۃ الدنيـآ ~

 
الصورة الرمزية فـجـر..!
 
تاريخ التسجيل: May 2009
الدولة: فصُــول الحـڪآيہ هَمُۈمِيے..
المشاركات: 1,409
معدل تقييم المستوى: 15
فـجـر..! will become famous soon enough



(adsbygoogle = window.adsbygoogle || []).push({});
زآويـہ عبدوٍوٍטּ { رجآوي

السلآم عليكم ~

فْوق رفٌ المَكتَبه تسكَن كتْب لانعرف ولما أقتنينها , نعيش مابداخلها وماهو أقرب لأنفسنا ,, حنيناً وشوقاً .. حزناً يعتري مشاعرنـا ,, بالشوق تحضننا بين صفحاتها ,,

بمآ إني مجنونه روايات وخاصتا [ عبدوون ] اموت برواياته بشكل مب طبيعي ~

حبيت اقتني مما أبدع في صفحآت كتبه المنتشره في كل مكآن ..

إقتنآءات بسيطه من أجزآء من فصول رواياته يآرب تعجبكم ..

كثر ماعجبتني ~ْ


{ فـجـر..
__________________

||







-->
من مواضيع فـجـر..!


التعديل الأخير تم بواسطة فـجـر..! ; 11-18-2009 الساعة 03:10 PM
فـجـر..! غير متواجد حالياً   رد مع اقتباس
قديم 11-18-2009, 03:09 PM   #2

ثقـيلـﮧ¬»مزح’ـۃ الدنيـآ ~

 
الصورة الرمزية فـجـر..!
 
تاريخ التسجيل: May 2009
الدولة: فصُــول الحـڪآيہ هَمُۈمِيے..
المشاركات: 1,409
معدل تقييم المستوى: 15
فـجـر..! will become famous soon enough
افتراضي رجآوي وفـجـر $

عُدت ..

كآتب " من القصيم "

أحب كتاباته وأتأمل فيهآ كثير ..

عندي سلسلة أعمآله الصادره لحد الحين ..

//




عــــــبـــدون ..

كاتب يسرد حكايات وخواطر باللغة العاميه ..

قريبه من النفس كثيرآ ..

//

أول كتآب جمعني على الكاتب ومنه تعرفت

وجدته على رفّ مكتبة جرير .. حيث كنت أتجول لأشتري كتب خآصه للدرآسـه ؛ = )



[.الحب مهـوب لعبـه .]


كتآب ذكر في فصل من فصوله /





حكايات بين ثناياها شيئآ من طفولة عبدوون ..

والتي أوقعت في نفسه مآيكتبه من خوآطر وهو شآبـّ ,,


ومن فصول الكتآب التي احب قرآئتهآ ..

أول إقتنـآء ..}

[ اذكر انهم كانوا يسمونه "ابو البنيات" وبعضهم يسميه "البنيه".. يوم هو صغير.. مهوب علشانه كان يشبه البنات او يتشبه بهن.. لكن لأن البنيات كانن عليه مثل الفراش على الضو..
كان يمشط شعور البنيات الصغار اللي بعمره واللي اكبر شوي واللي ادون ازين من تمشيط امهاتهن او خواتهن لهن.. ويعرف يتفنن بحط الحنا بالايدين ويشكله على اشكال حروف والا نباتات.. وعلى صغره كان يعرف يمدح الشي اللي يسويه للبنات بحيث ماكانن يبن غيره يزينهن.. وانسحرن به سحر.. الامهات قبل البنات حتى..
كانن الامهات يرسلن بناتهن لم اهله الامن صارن يبي يروحن لم عزيمه او عرس وتلقى البنت ابد تقول: تسلم عليكم امي وتقول خلو "عزوز" يمشط البنات الله يعافيه.. همن تلقاهن ابد يصفن سرا كل وحدتن تنتظر دوره قدامه وهو تلقاه ابد مستغرقن بالتفنن والتزيين ولا اكبر بروفيشينال.. وابتكاراته بانواع القصات وربطات الشعر وطرق التكحيل ما كان لهن عنده حد...
على انسجامه ذاك واخلاصه لفنه كان يتعرض طبعا لعواطف هاللي على ابواب المراهقه من الصغيرات ويجيه من حرارة مشاعرهن الشي الكثير.. كانن يحاولن يحاكنه او يمزحن معه مثلا.. وياحظ اللي مثلا يسولف له سولافتن طويلة او يقول له كلمتن حلوه مثل انه يمدح شعره او شين به.. هذيك تلقاه تعيش اللي قال له ايام واسابيع.. وتلقاه تعلم خوياته وقد تزود وتبالغ وقد تخلق منه قصة حب ووجد وغرام.. وكان يعرف يتعامل معهن كلهن وبدون أي مجاملاتن مستهلكتن او كذب... يعني ماكان يسوي اكثر من انه كان يلقى بموهبته الشي الميزة بأي وحدتن يتعامل معه من هالصغيرات ويمدح به هالشي الحقيقي.. وبالمقابل ما يحكي عن العيوب ابد ويداري وينتبه وحتى لو طلبت منه البنت نفسه انه يقول له عيوبه.. بس يحاول يداري العيب بالمكياج اوالكحل اوقصة الشعر لكن عمره مايحكي عنه..
كان سابقن عصره اكالولد وكان الاهم متجاوزن ظروف عصره بعد.. وكسب احترام وثقة الجميع ونال المجد من اطرافه.. ووصلت لان الوحده من هاكالبنيات كانت عادي تكتب اسمه بالقلم مثلا على ذراعه او على ساقه.. او يمكن حتى ممكن تاصل للوشم الصغير اللي كان يزين بعود كبريت اوشي.. وقام جيل كامل من بنات هكالحارة على عشق هال"عزوز".. وبدون مقابل يعني مثل عشق البنات ل"نيكولاس كيج" او "براد بيت" هاليومين.. لكن.. ماشين يكمل الا وجهه..
ماحدن يقدر يكسب كل شي جميع كذا.. واللي يحبنه الحريم يكرهونه الرجاجيل.. واللي يحبونه الرجال ما يواطننه الحريم.. وبكذا كان "عزوز" يأجج الاحقاد بصدور اللي حوله بدباشه وبدون ما يقصد او يحس.. واول مابدت الامور تاضح له يوم بدا ياصل الستطعش ويكبر وبدن الحريم يتغطن عنه واضطر فجأه لمخالط الملاعين.. كان يعير ال"بنيه" منحينه.. لكنه لاحظ نكهة التشفي والحقد باديتن تظهر.. وعجز يلقى له احدن يصادقه ويرضى به.. ومن ناحية ثانيه عجز بعد هو انه يقتنع باحدن من جنسه عقب مخالطه المكثف للبنات.. واستمر على كذا شبه معزول.. واللي كانن يحاولن يكلمنه بالتلفون وكذا ماكان يقدر يصير معهن مثل منول.. كان مثل السمكة اللي طلعوه من الما.. وبدا يذبل ويبيد سبحان الله..
بتل على كذا لمين جا وقت الزواج.. وبدت امه واللي حوله يزنون عليه.. وبعد اخذ ورد وافق يدورون له.. وكانن امهات اللي يتقدمون لهن والبنات يوافقن.. لكنه الامنه جت للابو عيا.. وعرف وعرفوا اهله انه بسبب ماضيه وحقد الابوه والاخوان عليه.. وشكهم باخلاصه وولائه بنفس الوقت.. دور دور لما عجز.. ومير يخر.. ويقعد ببيت اهله مايدري وش يسوي...
نصحوا اهله يطلعون عن الحارة اغاديه يعبر الامنه ابعد عن اهل حارته اللي عارفينه.. وفعلا طلعوا ودوروا له.. ومير يوم لقوا له وحده وشافه وجازت له ونووا العرس خلاص.. جاه يوم العرس هاكالالم اللي لايحتمل بداخليه.. وتلوى وتوجع لما قالوا خلاص راح فيها الولد يبي يموت الله وعلم.. وولا خففه الا يوم رقد بالمستشفى له يومين.. وانحرجوا معازيبه بالحيل.. وفات موعد الزواج.. وجو معازيبه من باكر يشوفون عنه.. واعتذر لهم وبين لهم انه طاب وكلش وطلب منهم يحددون له من باكر لو يبون.. وبعد تردد وخوف انه يفشلهم ثانيه وافقوا للاسبوع اللي عقبه.. وتكرر الموضوع مرتن ثانيه يوم جو يعيدون الكره عقبه باسبوع.. ومير مير يفهمونه اهل البنت.. فكوا العقد وخلوه يطلق وقالوا كفانا فضايح وبهاذيل لبنيتنا ولدكم ممسوك..
من عاد يبي يطلع هاللي ماسكته بين هاكالعشرات من البنات اللي كد عشقنه.. أيس وطفى.. وعرف انه محجرن له من كل جهه.. أحقادن من كل هالرجاجيل اللي حوله وشماته.. وأنفسن ممسكته من هاكالبني اللي كد هبل بهن وولاهوب اللي يقدر يتزوج ولاهوب اللي يقدر يرجع لمنول.. وآمن بعمق ان ماله طلعتن من هالحفرة اللي هو به.. وحاول انه مير خلاص يوطن روحه على هالشي.. وقام اكالصبح واتجه لسيارته يبي يروح للعمل... ومير والله تاقع عينه على ورقتن لقاه ملفوزتن بيد باب سيارته.. أنيقه ومعطره وبخطن بناتين دقاق.. وهو عاد أخبر الناس بخطوطهن..

والا مكتوب عليه: الحب مهوب لعبه.. ]


مقدمه هذه الروآيه ~


:جزء احب قرائته بين الحين والاخر يبين لي انه هكذا يموت الحب وتنتحر الأشـوآق :





˚˚๑ჯ◦..كيــــــــف يمـــــوت الحــــــب وتنتحــــر الأشــــــــواق ؟..ჯ◦๑˚˚



...ღ ஐ ღ...





"" ,’,’˚˚ علـّمني كيف " أجث ّ " جذور هواك من الأعماق ... ˚˚,’,’""



ღ ღ علــّـمني كيف تموت الدمعه في الأحداق .. ღ ღ



ஐ .. علمني كيف يموت الحب وتنتحر الأشواق "*.. ஐ


,’,’,’


الأشواق تنتحر كذا ...



يجتمعن عند بيت حداهن...



ويختارن وحدة ٍ هي اللي تبي تحكي ...



ويوقـــّــفن ليموزين و يمشن لم ّ بيت المودّهـ ..


طق طق ..


منهو. .



احم احم . .


حنــّــا الاشواق افتحوا. . .


يجي حدا عروق المودّه ويطل ّ مع الباب يتأكـــد . .


همــّــن يفتح ..


ويدخلن الاشواق ...



هلا والله وشلونكم عساكم طيبين ...


ويجيبون لهن العروق قهوه وشاهي وتمر...



وهن ياويلي مبلبطات ..



ساجــّــات ولابطات ...



ولا على بالهن ..



وقهوه جايه . . .


وقهوه رايحه ...


وفناجيل ..


وسوالف..



لمــّــين يبدون يملــّــون ويطفشون العروق ..



واحد واحد . .



ويبدون يتعلــّــثون ويهجـــّــون..




واحد واحد . .




واللي جامل



وقعد منهم ......


قعد قعد ..



لمّــا طق ّ ..!!..

.


.

ஐ .. .. ஐ


لكمـ من الحب صاافيهـ
ومن الود صاادقهـ

وترقبوا ان راقت لكمـ هذه الخاطرهـ المزيد منـ

][ الحب مهوب لعبهـ ][


][ ولـي عودة لذكر فصول ٍ أخرى من هذا الكتآب ][

والتعريف بإصدآر ثاني غيره ؛


أتمنى يعجبكم مثل مآعجبني > .


وهذا الموضوع بيكون متجدد كل يوم أدخل فيه بنزل لي جزء حلو قريته ~







فجورهـ..!
__________________

||







-->
من مواضيع فـجـر..!


التعديل الأخير تم بواسطة فـجـر..! ; 11-18-2009 الساعة 03:11 PM
فـجـر..! غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:31 PM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir