منتديات هتوف  

العودة   منتديات هتوف > أقلام هتوف > خواطر و قصائد

خواطر و قصائد خواطر و خواطر حب , وخواطر غرام وعشق , و خواطر حزينه , قصائد , قصائد شعرية , و قصائد حب , و قصائد منوعه



إضافة رد
 
LinkBack أدوات الموضوع انواع عرض الموضوع
قديم 09-07-2007, 08:45 PM   #1
 
الصورة الرمزية حلم عاثر *
 
تاريخ التسجيل: Oct 2006
الدولة: الرياض
المشاركات: 18,360
معدل تقييم المستوى: 42949746
حلم عاثر * has a reputation beyond reputeحلم عاثر * has a reputation beyond reputeحلم عاثر * has a reputation beyond reputeحلم عاثر * has a reputation beyond reputeحلم عاثر * has a reputation beyond reputeحلم عاثر * has a reputation beyond reputeحلم عاثر * has a reputation beyond reputeحلم عاثر * has a reputation beyond reputeحلم عاثر * has a reputation beyond reputeحلم عاثر * has a reputation beyond reputeحلم عاثر * has a reputation beyond repute



(adsbygoogle = window.adsbygoogle || []).push({});
افتراضي *× مساجله بين عزوبي ومعرس *×*

.
.
.
.
.
.


^^

هلا وغلا أحباب قلبيـ
..
هذه مساجله بينـ واحد عزوبي هع

وبين واحد متزوج <<< عويذ الله من شره
المهم

..
اخليكمـ مع المساجلهـ

..
قال العــزوبيـ
..
قال العزوبي يوم شـاف المعاريـس *** الرابـح اللـي لاقعـد مايقـومـي
أول سنـة كـلٍ يبـث الاحاسيـس *** وثاني سنة تجلب عليـك الهمومـي
وثالث سنة حط الرمـل والمتاريـس *** لابد مـن حـربٍ تقـوم وتدومـ
لامن دخلـت الـدار لاكنهـا بليـس *** متلفلـفٍ فـي غاليـات الهدومـي
تأخذ من المخباة وتسحب من الكيس *** وتغيـر الموديـل شـيٍ لـزومـي
وان قلت ما أملك يامره لوهو فليس *** قالـت تديّـن لا تكـثـر بلـومـي
ولاجيت مرة نـاويٍ لـك ب....... *** قالت تصّبـر خـل قلبـك رحومـي
ليتك تساعدنـي تصحـح كراريـس *** زادوا علينا أربع حصص في العلومي
أزوارة في العصر والصبح تدريـس *** والليـل تصحيـحٍ وودي أنـومـي
تبكي إذا جاها وجع لوهـو ضريـس *** وتقول أبي دكتـور ماهـو حكومـي
يروح عمرك بين عرسٍ وتأسيـس *** واربـع سنيـن والبزاريـن كومـي
وسط المطابخ بين قـز ومحاميـس *** هـذا صحـن رزٍ وهـذاك ثـومـي
والا خلصـت إمنظـفٍ الملالـيـس *** جتك تقول انهـج نبـي زود لومـي
ولا جبت قالت اكنس الحوش تكنيس *** خل البلاط يصيـر مثـل النجومـي
ومكرسٍ جهدك من الخوف تكريـس *** وان نادتك بالصوت اقبلـت مومـي
يجيك تـال الليـل دايـم كوابيـس *** ويشيبنـك مزعـجـات الحلـومـي
هذي حياة اللي ركض باغـي...... *** ضيع حيـاة أول وصـار محرومـي
تعيش يالمعـرس حيـاة المحابيـس *** وشف العزوبي بكل شارع يحومـي
من مفرق جلاجل إلى جوي للخيـس *** وان حار حايرهم بوسطـه يعومـي
يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي
شف العزوبي مايعـرف الهواجيـس *** ولا يـودي حرمتـه كـل يـومـي
يا عنك ماحاش الفخـر والنواميـس *** الا عزوبـيٍ يـعـرف السلـومـي
اذا اعرس المعرس غدا عندنا هيس *** ونزيل اسمه مـن سجـل القرومـي
والى بغيـت البهذلـة والدحاويـس *** فأعرس وخلك من عـداد الرخومـي
وش صابكم من عرسكم يا المفاليس *** وش استفدتوا غيـر دق الخشومـي
اللي تزوج أشهد انـه غـدا تعيـس *** والرابح اللـي ماخـذٍ لـه..........
ترى عناق العام نطت على التيـس *** والحرعقب العـرس يصيـر بومـي

..


رد عليهـ العريس هع
قال العريس أنا الذي في سـعاده ××× ماني عــزوبــي ضايق الصدر مهموم
مبسوط من مثلي قعـد عنــد غاده ××× مهوب مثـل اللي لحاله تقل بـــوم
في كل لــيله حاضنٍ لـه وسـاده ××× وانا مـع المـزيون في غـرفة النوم
أنا اشهد انه عايـشٍ في قــراده ××× يروح عــمــره مـا تهنى ولايوم
الى دخــل للبيت يبلش بــزاده ××× يقعد يقــطّـع له طمــاطٍ معه ثوم
ولا قضى عقب العصـر من عداده ××× والـحوض من كثر المواعين مزحوم
والى غسلهن ثم فـك الســـداده ××× دلى يغســل له سـراويل وهــدوم
وان ماطــبخ روّح لمطعـم حمـاده ××× والا قـعد في منزله واعـلن الصوم
وان جاه ضيفٍ باغيٍ لـه رفـاده ××× يـروح يشــري رز وايـدام ولحوم
ما يعرف الشمبو وراسـه عــراده ××× وشــمغه من الكواي ملـيانه رقوم
ما يكنس الفرشــه ويلقط بــداده ××× اما بقـايا رز او خــبز معــروم
عنده صراصيرٍ بحـاجه ابــاده ××× تسـرح وتمرح في الغرف دايم الدوم
يجمع قروشه ويتســـلف زيـاده ××× حتى يسافر مصـر او ديرة الروم
او راح يم التاي وتـــرك بـلاده ××× ناظر جـوازه ممـتلي كله ختوم
دايم يسافر ما يعـرف العــباده ××× يسكر وينكر و........ بالكـوم
وإلى رجع يـروح يـم العــياده ××× حيث ان فـيده مـن فعايله مزكوم
وإلى قعد مارس مع .......عاده ××× حيثه مسيكينٍ مـن العرس محـروم
له موتر خرده كثير فســـاده ××× في كل يـومٍ في الاشارات مصـدوم
غمارته تقول ورشــة حـــداده ××× ومريقـده في شـنطته دوم محزوم
دوم يتنقل تقــل كنه جــراده ××× في كـل يومٍ نازل له على قــــوم
يسهر والى قام الظهر من رقـاده ××× روّح على شغله والى اليوم مخصـوم
يذي بنات الناس يبغي مـراده ××× في كل يومٍ زاهمٍ له على ( هـــوم )
اراه مايعـرس ويقـدح زنـاده ××× يترك بـنات الناس ويصير معصوم
يلقى هنوفٍ تخـدمه مثـل داده ××× ويصــير رجّالٍ ويسلم من اللوم
يفرح الى من قرب وقت الولاده ××× ويصير معنى العرس بالحيل مفهوم
يشوف أولاده ومعهم شهـــاده ××× قبل الـوفاة وقولة الناس مرحــوم
__________________
..






..
-->
من مواضيع حلم عاثر *

حلم عاثر * غير متواجد حالياً   رد مع اقتباس
قديم 09-07-2007, 09:15 PM   #2
][ za!d ][
 
تاريخ التسجيل: Oct 2006
الدولة: بحور الشـعـر
العمر: 36
المشاركات: 9,687
معدل تقييم المستوى: 0
ز يــــــد is on a distinguished road
افتراضي

يسلمو يالغالي
على المساااااجلهـ الروعه
وتسلم يمينك
-->
من مواضيع ز يــــــد

ز يــــــد غير متواجد حالياً   رد مع اقتباس
قديم 09-08-2007, 02:59 AM   #3

،’ سِـلْوَانُ قـلب’،

 
الصورة الرمزية مس.فـله..!
 
تاريخ التسجيل: Feb 2007
الدولة: بيْن سَقْفِي وَ وِسَادَتـِي ..
العمر: 31
المشاركات: 13,307
معدل تقييم المستوى: 64
مس.فـله..! is just really niceمس.فـله..! is just really niceمس.فـله..! is just really niceمس.فـله..! is just really niceمس.فـله..! is just really nice
افتراضي

مساجلهـ خطيــرهـ

واللة ان المعرس سكت العزوبي

شكرا عبدالله ^_^
__________________
-->
من مواضيع مس.فـله..!

مس.فـله..! غير متواجد حالياً   رد مع اقتباس
قديم 09-08-2007, 03:00 AM   #4
عذبة الأطبآآع
 
تاريخ التسجيل: Jul 2007
الدولة: الرياض،،
المشاركات: 6,533
معدل تقييم المستوى: 152
Ro7 aboha ! has a reputation beyond reputeRo7 aboha ! has a reputation beyond reputeRo7 aboha ! has a reputation beyond reputeRo7 aboha ! has a reputation beyond reputeRo7 aboha ! has a reputation beyond reputeRo7 aboha ! has a reputation beyond reputeRo7 aboha ! has a reputation beyond reputeRo7 aboha ! has a reputation beyond reputeRo7 aboha ! has a reputation beyond reputeRo7 aboha ! has a reputation beyond reputeRo7 aboha ! has a reputation beyond repute
افتراضي

والله المره لها دوور كبير يا حوبي لنا هع هع ،،

يذي بنات الناس يبغي مـراده ××× في كل يومٍ زاهمٍ له على ( هـــوم )
اراه مايعـرس ويقـدح زنـاده ××× يترك بـنات الناس ويصير معصوم
يلقى هنوفٍ تخـدمه مثـل داده ××× ويصــير رجّالٍ ويسلم من اللوم
^
^

صح لسانهم وخصوصا المتزوج اعجبني هع هع وتسلم يمناك عبدالله ،،

تشكرات لا هنت ،،

تحيتي


روح ابوي
__________________
>
I'm Back w7shTony wajd !!
-->
من مواضيع Ro7 aboha !

Ro7 aboha ! غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:35 PM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir