منتديات هتوف  

العودة   منتديات هتوف > أقلام هتوف > خواطر و قصائد

خواطر و قصائد خواطر و خواطر حب , وخواطر غرام وعشق , و خواطر حزينه , قصائد , قصائد شعرية , و قصائد حب , و قصائد منوعه



إضافة رد
 
LinkBack أدوات الموضوع انواع عرض الموضوع
قديم 02-18-2010, 04:09 AM   #1
على الله يابقى دمعي
 
الصورة الرمزية فديت عيوني
 
تاريخ التسجيل: Feb 2010
الدولة: في بيتنا
المشاركات: 86
معدل تقييم المستوى: 0
فديت عيوني is on a distinguished road



(adsbygoogle = window.adsbygoogle || []).push({});
كفاية صار لك شهرين غايب عني يالغالي!!!

كفايه صار لك شهرين غايب عني يالغالي
كفايه يا أعز الناس ترا والله ما أقدر

دخيلك لا تخيب فيك هقواتي وآمالي
وإذا إنها عالصبر والله وغلاتك عندي راح أصبر

أبتحمل عنا فرقاك وحالي يرثي لحالي
معني والله لين اليوم مدري ليش بس تهجر

أبعرف شالسبب أرجوك وش اللي بس يجرالي
أنا شسويت يا ربي عشان تـثور وتـتـفجر

أنا والله ما أستاهل أبد كل اللي يجرالي
أقل ما فيها بس قللي سبب خلاك تتغير

أبعرف بس شالموضوع علامك صرت ما تبالي
بذمة كل أهلك فيوم شفتني بشي أنا مقصر

عطيتك قلبي وروحي وهبتك حالي ومالي
حملت إحساس هالدنيا وعطيته لك وأنا أفخر

عشقتك عشق لا قبله ولا بعده إنعشق تالي
هويتك موت واتخيل الين الموت واتصور

وإذا جاني مسج منك مخزن رقمك الغالي
ولا أمسح رسالاتك أتم أقراها وأفكر

و أحلل كل كلمه بالمسج الله يا غربالي
وأقول بخاطري معقوله حاسس فيني ويشعر

و أرد أقول لا يمكن تذكرني وهو سالي
لاني توني مطرش مسج طرش مسج يشكر

و أرد أقول لا أدري يبيني وحاسس بحالي
و أرد أقول لا ما أظن على باله أنا أخطر

الين إني أنا أتأكدت قلبه بالفعل خالي
ولا غيري أنا بقلبه يحبني موت ويقدر

لأني مره من المرات طرت فكره على بالي
نويت أزعل بدون أ
سباب وأشوفه لو بيتأثر

أبعرف قدري بقلبه بيهمه وضعي الحالي
أو إنه راح يطنشني ولا ياسأل ويستفسر

وفعلا دق ما جاوبت حرقلي والله جوالي
ثلاث الآف مره دق وأنا مطنش ولا معبر

كتبلي بالمسج أطلع أنا عند بابك الحالي
قسم بالله ما تطلع لاخربها أنا وأحقر

ومشكلتي أعرفه زين يسويها ولا يبالي
نزلت وخاطره مكسور يقول شفيك متغير

وقلتله بس أبتاكد إذا قدري معك عالي
ضحكلي وقالي أتأكدت ودمعه بلل المحجر

وطارت فيني الدنيا لمكاني صاحبي جالي
تعذر لي وأنا الغلطان وأنا اللي لازم أتعذر

بعدها عشت أحلى أيام في قربه ياهنيالي
وصلنا لمرحله ما نفترق عن بعضنا وأكثر

بعدها فجاه خلاني ولا يسأل عن أحوالي
وأنا في خاطري أدري محال فيوم يتغير

أدق له ما يجاوبني بديت أشك في حالي
أخاف إنه حصل له شي أخافه بس متكدر

لعب في قلبي الوسواس خياله ما تهيالي
حوالي ألف مسج طرشت حبيبي يا عسى ما شر

ولا جاوب وأنا قاعد على أعصابي وغربالي
حبيبي صار له أسبوع فيني حتى ما فكر

الين اني عرفت شلون أخلي خلي الغالي
يكلمني وجت فكره بعد ما مت وأنا افكر

وفعلا إتصل فيني وبدت أحزاني واهوالي
وكانت صدمتي كبيره علي الغالي اتغير

سألته قلتله وش فيك ما من شر
يالغالي
وش اللي صار بالدنيا علامك ليش متبعثر

أو إنك يعني ما تدري بدونك صرت أنا لحالي
ولا لي خلق أي إنسان كثر ما فيك أنا افكر

وجاوبني وقال أرجوك أبي هالدنيا تصفالي
أنا مليت من وضعي وأ
شوف الكل متغير

أنا ضاقت بي الدنيا وابي ابقى أنا لحالي
خلاص إتركني لا تسال وأنا برجع عقب أشهر

وقلتله مو علي تكذب أعرفك تضعف قبالي
تكلم قول شالموضوع بدا قلبي يدق أكثر

سكت لحظه وقال أرجووووك ابعد عني
يالغالي
وخلني اذكرك بالخير وانته مثلي اتذكر

ولا اتطرش مسج واحد ولا اتدق لي ابد تالي
واذا لي خاطرن عندك لا تتكلم أبد سكر

وقلتله والله ما اسكر الين تقول وتصفالي
وقالي والله ما اتكلم ولو تبكي دمع احمر

ولكن شوف ربعك وانته تعرف بس وش جالي
خلاص إفهمها عالطاير ولتحرجني بعد أكثر

وسكر والدمع فيني على الخدين همالي
قسم بالله ما أدري علامه قلبه اتحجر

فؤادي انهار وأنا حملي يهد جبال وجبالي
في لحظه صارت الدنيا في عيني هالكبر وأصغر

حسافه ما توقعته يصدق فيني عذالي
حسافه ما هقيته يوم يصد عني ويتغير

بعدها صارلي ما صار وربي يعلم بحالي
فؤادي باقي بس شوي وأحسه مالجسم يظهر

بديت أعرق ومدري ليش وخابت كل آمالي
أنا أتوقعت كل الناس ولا توقعت هو ينكر

وقلت بخاطري خله مصيره يرجع الغالي
أكيد إنه سمع أي شي وجوه صار متعكر

ولكن طول إغيابه وزادت فيني أعلالي
مرض قلبي تعب فكري وأحسه جسمي متخدر

وقلت خلني أطرشله مسج وأشكيله
أحوالي
وطرشت المسج وشوي دق لي ودون ما أفكر

هلا والله يا أغلى الناس هلا والله بالغالي
الو ما قلتلك لا تذكرني أو أذكر

أبي بس أذكرك بالخير ياخي خلني في حالي
وقلت وخاطري مكسور أنا آسف وما اكرر

قسم بالله لين اليوم وحالي يرثي لحالي
قسم بالله الين اليوم ولا أدري ليش اهو أتغير

قسم بالله ما غطت عيوني ولا هدى بالي
قسم بالله ما مر يوم إلا وفيه أنا أفكر

قسم بالله قلت بنساه بس طيفه يتهيالي
قسم بالله لو حاولت أنا أنساه أتذكر

الين اليوم أنا عندي أمل يرجع ويصفالي
أقول الشوق بيرده على فرقاي ما يقدر

الين اليوم وضحكاته وبسماته على بالي
الين اليوم ما أرقد كثر ما فيه أنا أفكر

أبعرف شالسبب أرجوك وش اللي بس يجرالي
أنا شسويت ياربي عشان تـثور وتـتـفجر

أنا والله ما أستاهل أبد كل اللي يجرالي
أقل ما فيها بس قلي سبب خلاك تتغير

أبعرف بس شالموضوع علامك صرت ما تبالي
بذمة كل أهلك فيوم شفتني بشي أنا مقصر

أنا راح أنتظر ردك ولو حتى بمسج خالي
و إذا ما جاني منك الرد وغلاتك عندي راح أصبر

سنه سنتين اللي يهم أشوفك ثاني قبالي
ثلاث سنين أو أربع أبصبر يعني راح أصبر

ولكن حكم إحساسك وجاوب يا أغلى كل غالي
بذمة والديك يهون تنساني ولا تذكر

يهون انك تخليني ولا تسأل ولا تبالي
يهون انك تنام الليل وتتركني انا اسهر

كفايه صار لك كم
غايب عني يالغالي
كفايه يا اعز الناس ترا والله ما اقدر

دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر
__________________

يا دروب الحـــــــب صيحي
ويا دموع العين طيحي
صرت من بعده جريحي
وقلبـــــي عن غيره تسكر......>>>



روح ياطاير وقله
قلبــــي فيه ألفين [glint]علــــة[/glint]
الحياة [glint]بعده[/glint] مملة
وحالي من بعده [mklb2][glint]تدهور[/glint][/mklb2] ......>>>
-->
من مواضيع فديت عيوني

فديت عيوني غير متواجد حالياً   رد مع اقتباس
قديم 02-18-2010, 04:31 AM   #2
-( عضو )-
 
تاريخ التسجيل: Aug 2009
الدولة: الريــــآضـ
المشاركات: 136
معدل تقييم المستوى: 11
Happy live is on a distinguished road
افتراضي رد: كفاية صار لك شهرين غايب عني يالغالي!!!

يـــــــآآقلبــــيه قصيده خيـــــآآآآل..
واتقطع القــــلب >>اشوي وتصيح هع
فديتـ اعيوني..ســلمتي ع هالاختيـــآآر..
ومن حظي انا اول من رد..
تقــــبلي مروري..
-->
من مواضيع Happy live

Happy live غير متواجد حالياً   رد مع اقتباس
قديم 02-18-2010, 04:58 AM   #3
على الله يابقى دمعي
 
الصورة الرمزية فديت عيوني
 
تاريخ التسجيل: Feb 2010
الدولة: في بيتنا
المشاركات: 86
معدل تقييم المستوى: 0
فديت عيوني is on a distinguished road
رد: كفاية صار لك شهرين غايب عني يالغالي!!!

من حظي أنا إنه أنتي أول من يرد علي...
||يسلموووووووووو حياتوووووووووو||
نورتيييييييي المشاركة..
__________________

يا دروب الحـــــــب صيحي
ويا دموع العين طيحي
صرت من بعده جريحي
وقلبـــــي عن غيره تسكر......>>>



روح ياطاير وقله
قلبــــي فيه ألفين [glint]علــــة[/glint]
الحياة [glint]بعده[/glint] مملة
وحالي من بعده [mklb2][glint]تدهور[/glint][/mklb2] ......>>>
-->
من مواضيع فديت عيوني

فديت عيوني غير متواجد حالياً   رد مع اقتباس
قديم 02-18-2010, 05:38 PM   #4
-( عضو )-
 
الصورة الرمزية أخت السلطأإآن
 
تاريخ التسجيل: Jul 2009
المشاركات: 56
معدل تقييم المستوى: 0
أخت السلطأإآن is on a distinguished road
افتراضي رد: كفاية صار لك شهرين غايب عني يالغالي!!!

قصيده في قمه الروعه سلمت اناملك على الطرح المميز

تقبلي مروري....
-->
من مواضيع أخت السلطأإآن

أخت السلطأإآن غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ودك تنامين ؟ نامي .. رواية رومانسية رهيبة .. Ē ṩ Ŧ α Ъ Я α 8 قصص و روايات 258 04-06-2017 02:28 AM
.. علمني حبك .. أن أحزن .. شــــــوق قصص و روايات 94 12-08-2016 08:02 PM
بليييييييييييييز جيبوها لــــــي انا مسكينه z00z00 قصص و روايات 8 01-04-2010 06:39 PM
كفاية .. طارق المحياس .. ع ـزف ونزف..! خواطر و قصائد 9 12-30-2008 11:12 AM


الساعة الآن 04:27 AM


Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.0 TranZ By Almuhajir