منتديات هتوف  

العودة   منتديات هتوف > أقلام هتوف > المنبر الحر

المنبر الحر فضاء واسع لقلمك وفكرك مواضيع عامه



إضافة رد
 
LinkBack أدوات الموضوع انواع عرض الموضوع
قديم 04-04-2010, 10:32 AM   #1

moka

 
الصورة الرمزية ][ مـكسسرٍهًّ : ـاَلكـيْبوٍرٍد ][
 
تاريخ التسجيل: Dec 2009
الدولة: jeddah , hes home
العمر: 22
المشاركات: 1,507
معدل تقييم المستوى: 19
][ مـكسسرٍهًّ : ـاَلكـيْبوٍرٍد ][ is a jewel in the rough][ مـكسسرٍهًّ : ـاَلكـيْبوٍرٍد ][ is a jewel in the rough][ مـكسسرٍهًّ : ـاَلكـيْبوٍرٍد ][ is a jewel in the rough



(adsbygoogle = window.adsbygoogle || []).push({});
A1 يـتبعْ [ آحلآم تتحـق وِ .. فنـآيلْ تتشـققً .. ] ’‘ نــهـآيـاَ ت حزِيـنهْ

أخيراً وبعـد جهـد جهييييد من نزول الجزء الأول ..

تم وبـ.حمد الله .. الانتهـاًء من الجزء الثـاًني بـالملعنـة واختهـاً

للمعلومـيـة الساًلًفـة طويلـة .. ويبي لـهـاً روقـان تاًم ..




للي ماً قرىآ الجزء الأول .. يلآقيه بـ نفس القسمْ ..

{ < مآعندهآَ وقت




{ .. أحلام تتحقق .. و .. فنـايل تتشقق .. }


الكثير من الناس عندما يكون على بعد خطوة واحده من تحقيق حلمه يتفاجأ بأن العقبات قد كثرت ..
وكأن الدنيا ترفض وصوله إلى ما يريد ..
وهذا غير صحيح فالعقبات والمصاعب موجودة في كل وقت ولكن لـسهولتها في البداية لا يعيرها أحد اهتماماً ..

وقد أفنى العديد من العلماء والباحثين أعمارهم في هذا الصدد ..

ويذكر أن العالم البوسني والهرسكي <-- جنسيته حلوه

( فرزنيتشيا صوداكاشيا ) قال :


إنما مسيرة الفتى في تحقيق حلمه كشريط مغامرات بلاي ستيشن يبدأه بالمستوى السهل ثم يتدرج في المستويات ..
حتى إذا لم يتبقى سوى خطوات على ختام الشريط أتـاه الوحش النهائي فيأكله كما يأكل الأسد الفأر ..

غير أن ما قاله هذا العالم قوبل باستهجان الكثير من العلماء ..
فمنهم من اعترض على تشبيه السالفه بشريط بلاي ستيشن ..
لأنه تشبيه في غير محلـّه .

وهناك أيضاً دعاية للسوني على حساب الإكس بوكس والنتندو ..

أمـا العالم التونسي ( زكي بو تكويشه ) فـقد قال : لا أعلم .

-- -- -- --
كانت ابتسامة سالم دليل قوي على أنه يرى حلمه قد لاح في الأفق ولكن الظروف التي تحدث أمامه تخبره بـ.أن يردد { ياليل مطولك } ..
سالم يقول في نفسه : آآآآآآخ يالغهر يعني الشي اللي طول عمري تمنيته يصير .. لمـّا يكون بهالقرب مني ما أقدر له .!!
لااًاًاًاًاًاً .. لااًاًاًاًاًاً ..

سعيد يلتفت يمين ويسار يبي يشوف هاني وصل للمواقف ولا لا ..
وطاحت عينه على جواله وهو يصدر نور قبل لا تشتغل النغمـه ..

مسك الجوال ورد بـ.صوت غاضب :
ألووو .. أنت شتبي يا ثور

سالم على الطرف الآخر :
يابن الحلال تعال عند سيارتي صارت مشكله كبيرة .. !!

سعيد :
لحووووول طيب كل تراب راجع لك ..

رجع سعيد ووقف عند سالم و عيونه طالعه من مكانها .. يؤؤ يؤؤ وشذاااا .. ؟؟؟

سالم :
والله مدري شغلت سيارتي وجيت بأمشي عيـّت تتحرك السيـّارة يوم نزلت لقيتها كذا

سعيد :
تستهبل أنت .. أنا يوم حطيتك قبل دقيقه عند السياره كانت سليمة وما فيها أي شي ..

سالم :
سليمـة ولا حليمـة <-- موب وقتك يا ثورهً أنتيْ وظرافتك
والله شوف يا سعيد .. أنا لمـّا ركبت السياره وحاولت أشغلها .. يمكن عيال الكلب أستغلوا الفرصـه وسووّا اللي تشوفه ..

حاول سعيد يبلع السالفه لكن للأسف ما قدر ..
بيني وبينكم السالفه ما تخش المخ ..
يعني قبل دقيقه السيارة مافيها شي ..

والحين مسروق منها ثلاث كفراًت والكفر الرابع مشقوق بـ.سكين ..
ومكتوب على جنب السياره بـ.خطّاط أحمر .. { إذا ذهبت للبيت سوف تموت يا سالم .. إذهب مع أصدقاءك }

قرر سعيد يطلع عشرين ريال من جيبه ويعطيها سالم عشان ياخذ تكسي ويروح للحارة ..

بينما سعيد يمد يده إلى جيبـه ..
سالم كان يسوق الأعذار والتبريرات ويقول ما أقدر أروح البيت أخاف أموت ..
يا سعيد انا ما اقدر أصبر بدوني <-- :خايف: آآآآآه يا قلبي ..

وبينما هم كذلك .. سكت سالم فجأه ..
وسعيد دخل جو مع المشهد ..
واستمر يحرك يده ببطئ في اتجاه جيبه عشان يغيظ سالم

سكت سالم والدموع كانت تجتمع في عيونه قال في نفسـه : لاااااااااا .. يا رب ياااااا رب ياااااااااا رب ..

توهق الضعيف .. ما يدري وش يقول ..
يبي يدعو ربـه يحقق له اللي في باله .. لكن ضاع الكلام ..

غمـّض عيونه .. وكأنـه استسلم للموت ..
موت الحلم اللي كان على وشك تحقيقـه ..

يوم فتح عيونه .. كان أول منظر يشوفـه .. هو المنقذ ..
هو السعادة ..
هو أحلى منظر ممكن يتخيلـه أحد ..
كأنـه يشوف سعاد عبد الله قدامـه بـ.كامل زينتها تغمز له ..
كأنه يشوف حمزه إدريس يرقـّص بالكورهـْ على بعد أمتاًر منـه ..
كأنه يشوف حاتم على الطبيـعة يلقي قصيدهـْ
كأنـه يشوف بانوراما داخلـه المواقف .. لا .. لا ..

فعلاً شاف بانوراما داخله المواقف ..
ولا شعورياً صاح بـ.أعلى صوته .. : هـاًاًاًاًاًاًاًاًني وصـل ..


نزلت يد سعيد اللي كانت على بعد ثلاثة سنتيمترات وخمسة ملليمترات من جيبه ..
والتفت للجهة اللي كان يناظر فيها سالم .. وفعلاً شاف نور ساطع ..
يقترب منهم ..
انطفى النور بعد ما وقفت السيارة على بعد مترين فقط ..

ولاّ هـذا هاًني .. الشاب الوسيم اللي جاي من كنداً جالس خلف الطارهـْ ..
سبحان الله كانت ملامح وجهه كأنها تقول ياً عيال الكلب أنا غنـي أنـا كاًش أنا أدرس برىآ

ما أدري هل هي فعلاً تقول كذا .. أو إن سالم وسعيد يتخيلون هـ.الشي ..

نزل هاني من السيارة باتجاه الشباب وكان لابس جنز وتيشيرت ، طالع مثل القمر اسم الله عليه
ما يمديه يمشي خطوتين إلا وسالم ناقز عند وجهه مادٍّ يده ويقول :
هلا هاني السلام عليكم <-- مسوّي يعرفه


سحب عليه هاني لأنه كان يتوقع إنه عامل نظافه يبي فلوس ..
واتجه لسعيد .. وبعد خمس بوسات بين هاني وسعيد .. أشّر سعيد على سالم .. وقال :
هذا واحد اسمه سالم .. <-- ابن الذين ماقال صديقي

ما ألتفت هاني .. لأن النظره الأولى كانت كفيلة إنها تخليه يكرهه شلون لو صار فيه نظرة ثانيه ..
قال هاني :
أوك .. <-- حاول يغصب نفسه يقول والنعم .. أو عاشت الأسامي لكن ماقدر ..

بعد أربع دقايق .. كان فيها هاني هو اللي يسولف ويتكلم ..
ويسأل عن الحال والأحوال .. لكن ما كان يلقى إجابة من الاثنين ..

يوم ركـّز في الموضوع أكتشف إنهم يناظرون فـ.الموتر وساحبين عليه .. لذلك قال :
يالله مشينا ..؟؟

وردوا بصوت واًحد .. :
مشيـنـاًاًاًاً ..

ركب هاني السيارة .. أما سالم وسعيد .. كانوا واقفين عند باب الراكب الأمامي ..
كلـّن يقول أنا بـركب قداًم ..

سالم يقول لـ.سعيد :
يخوي كل تراب .. أنا اللي اقترحت عليك نتمشّى اليوم وانا اللي اتصلت عليك بـجوالي .. يعني انا المفروض أركب قدام ..

سعيد :
يابن الكلب هاني خويي أنا .. وسيارته تعتبر خويتي أنا ..
يعني أنا أولى منك .. أنت ما ودك تحمد ربك لأني بـ.أخليك تركب سيارة صديقي <-- ياليل

سالم .. :
قسمن ما تركب قدام إلا في حالة وحده .. على جثتي ..!!

قامت اصواتهم ترتفع وكلـّن يحلف ويسب ويشتم ..
وبعد لحظات .. دخلوا في عراك عنيـف

هاني مفجوع من اللي صار .. نزل من السيارة ركض .. باتجاه الحمير ..
وصل عندهم وفرق بينهم ..
لكن باقي كل واحد يسب الثاني ..

سالم يقول : ..
الشرهـه ميب عليك .. على أمــّـك اللي تركت موضوع تربيتك للشغاًلًـه ..

ويرد سعيد : ..
المشكله وقتها كانت أمـّك هي شغالتناً ..

هاني ارتفع ضغطـه وصاح بـ.صوت عالي .. :
بسسسسسسسسسسسسس يا ورعاااااان ..
خلاص انطم انت وياه .. أبوووكم لآ أبو من جمعكم يالمبزرهـْ ..
سلامات وش فيكم ..؟؟

رد سعيد .. وهو منزل راسه فـ.الأرض :
الحمار يبي يركب قداًم ..!!

نقز سالم .. :
إيه أنا المفروض أركب قدام .. لأنـي اللي خليته يطلع اليوم من البيت .. وأنا اللي ..

قاطعه هاني وهو شوي وينفجر :
أقول لك بس يا حيوان ..
سكتوا كلهم ..

هاني :
استغفر الله العظيم .. مين أكبر من الثاني .. فيكم ..؟

كلهم تكلموا في نفس الوقت .. :
أناا أكبر لا والله تراه نصـاب .. ياخي أنا أكبر منك ..

هاني حاط يده على راسـه يحاول يركز موب قاًاًاًاًدر .. :
وبعديييييييييين ؟؟؟؟؟
كل واحد يطلـّع بطاقـته خلوني أشوف مين أكبر ..

قال سالم وهو يطلـّع بطاقته .. ترا يمكن بعد يومين أطلـّع البطاقـة الجديده ..

هاني :
على تبن .. بأسفرك البحرين أنا ..؟؟

سعيد يضحك بـ.شويش .. عشان يقهر سالم
مسك هاني البطاقات وجلس يقارن بين تواريخ الميلاد ..

ناظر في سعيد .. وقال له .. :
سعيد أركب قداًم ..

جلس سعيد برى السياره يتراقص من الفرح والنشوه ..
ويشطف سالم عشان يغيظه ..
سالم حمـّر وجهه من الغضب والحقد ..
وأتوقع لو معه سكين وقتها .. كان نشـّبها في خشم سعيد ..

ركبوا كلـّهم فـ.السياًرهـْ .. وتحركوا باتجاه شارع التحليـه ..
سالم وسعيد صاروا يتحركون بالحركـه البطيئـة يقال لهم ثقـل ورزّه ..

لـ.درجة إن سالم كان صوته نحيف وحاد ..
لكن أول ما ركب .. صاًر بطيء .. وفيه بحـّه .. شلون ما أدري ..

وبينما كان هاني يسولف لهم .. عن الغربـه .. وكندا .. وإنـه ما بقى له غير سته شهور .. ويحقق حلمه .. ويجيب الشهادة ..

كان كل بعد عشر ثواني يطلـع صووت ..
كشششششششششننننك .. كشششششششنننك ..
خاف هاني لا يكون السياره فيها شي ..
لدرجـة إنـه من شدة الخوف .. وقف على جنب وطفـّى السياره ..
لكن الصوت ما زال مستمراً ..

لحووول وش هـ.الصووت ..
إلتفت ورى .. لقى سالم .. ماسك جوالـه ..
وحاط أصبعه على زر التصوير .. وما خلـّى زاويه ما صوّر منها ..
لدرجـة إنه مدخل الجوال تحت المرتبـه .. وجالس يصوّر ... :خايف:

جلس هاني يتحمـّد ربـه على نعمة العقـل ..
وقرر يتخلـص من هـ.الدلوخ بـ.أسرع فرصـة ..

لـذلك ما طرى في بالـه إلا أنـهم يتعشون بعدين يرجعهم لـ.سيارتهم ويروح لـ.بيته ويمسح رقم جوال سعيد

وفعلاً .. قال هـاني .. :
يا شباب وين ودّكم نتعشـّى ..؟؟

محد فيهم تكلـّم ..!!

فهم هاني الموضوع .. عرف إنهم طفارى فـ.تدارك الموقف وقال :
أنا عازمكم على العشـا .. بس وين ودكم نروح ..

إلتفت سعيد لـ.سالم وقال :
إممم تخبر يا سالم هذيك البوفيـة اللي تبيـع نقانق .!!! .. تعرف موقعها بالضبط ؟؟

سالم فتح فمـة { كناية عن الإنبهار والإعجاب } وقال :
يوووووووووووه يلعن أممممممم نقانقهم ..
بس أنا عندي مكان أحسن .. !!

تحمـّس هاني اللي كان يقول في نفسـه تخيـل أتعشـّى في بوفيـة

قال سعيد :
وين المكان الأحسن .. ما أظن فيه أحسن من البوفيه اللي تبيع نقانق ..

رد سالم وهو يناظر نظرة واحد واثق من كلامه وفيه شوفة نفس :
القرموشي

سعيد صرخ بـ.صوت عاااااالي :
يوووووووووووووووووووه والله رااااااح عن بااااااااااالي تتذكر قبل سنـتين يوم يعزمنا ولد عمك هناك .. والله إلى الآن أحس طعم المعصوب في لساني <-- الله ياخذك فرّش أسنانك يا كلب

تحطـّم هاني من أقتراحات الزلايب ..
والمصيبـه إنـه ما خطر على باله ولا فكـّر إنـهم ناس ضعوف وعلى قد حالهم ..
أطلق مطعم يطري على بالهم القرموشي ..

ناظر فيهم وقال :
طيب أنا أعرف مطعم أطلق من كل ذولي ..
والحين رايحين له ..

قال سالم .. :
ما أظن فيه أحسن من القرموشي .. لكن يالله نشوف .. !!

بعد فترة بسيطة .. وقف هاني عند تشيليز :خايف:
و قال لهم يالله وصلنا ..
محد رد عليه ..

ناظر فيهم .. لقاهم يطالعون في بعض وعيونهم مفتوحه ع.الأخير وكل واحد فاتح فمـه ..

ابتسم هاني ابتسامه خبث تدل على إعجابه بـ.نفسه .. وقال :
ما تبون هـ.المطعم نروح القرموشي أجل ..؟؟

في لمح البصر لقى الثنين واقفين عند باب المطعم وينتظرونه

دخلوا الثلاثه للمطعم .. وجلسوا على طاولـة والإبتسامه ما فارقت وجه سالم وسعيد ..

مـر فلبيني من جنبهم وناداه هاني وقال له :
منيـو بليـز ..

يوم مشـى الفلبيني نقـز سالم وصاح بـ.صوت عالي .. :
يا صديق خلــّـها ثنين منيو .. حقي بدون شطـّه

هاني لا شعورياً صفق سالم كف وقال له :
كل تراب واسكت لا تفشلنـاً ..

بلع العافيه سالم وطلـّع جواله مسوّي نفسـه يكلـم <-- يلعن أم تصريفتك ..

أمـا سعيد في هذه اللحظات طلــّع جواله من مخباه واتصـل على صديقه وأول ما رد عليه صديقـه قال سعيد :
أتحدااااااااااااااك أنا وين الحيـن ؟؟
: ...
يا مسكين أنا في تشيليز ..
: .... ... ..
أقول كل تراب بس ترا لك أسبوع وانت وضعك موب عاجبني .. يالله انقلع .

قفـّل الخط سعيد .. وناظر في هاني وقال :
يا شين البزران .. مدري مين معلمهم إني في تشيليز <-- يلعن أم حالتك :خايف:

هاني ما عاد يقدر يتحمل اللي يشوفـه واللي يصير قدامـه لـ.ذلك بدا يكثر من قول حسبي الله ونعم الوكيل ..

قال للدلوخ اللي قدامـه :
انا بـ.أطلب لكم على ذوقي .. ما أبي أحد يتكلم .. فاهميـن .. ؟؟

هـز سعيد راسـه بالموافقـه ..
ما يبي أي شي يخرب عليـه حلمـه ..

من زمان وهو ينبسط إذا مر من جنب هـ.المطعم ..
وأخيراً جاء اليوم اللي يدخله ويتعشـّى فيـه ..
ياًاًاًاًاًهـْ .. يالهـاً من لحظات سعيدهـْ بالنسبـة لـ.سعيد ..

وصل الطلب وأخذ هاني الشوكـه والسكيـن وقام ياًكل ..
لكـن الشباب ما قدروا ياًكلون .. لـ.ذلك طلبوا من القرسون يجيب لـهم بـ.خبـز ..

وبعد ما تعشـّوا ..
قـرّب سالم من سعيد .. وقال له كلمتيـن في أذنه .. وقام وهو يقول أنا بروح الحمـام أغسـّل ..
بعده بـ.دقيقه قام سعيد وطلـّع من جيبـة قلم ستدلر أبو ريال .. وحطـّه على الطاولـة وقال :
هاني لا تروح انتبه للقلم انا بـروح أغسـل وأجيك ..

استغرب هاني من الحركـة بس ما اهتم ..
عند المغاسل كان سالم ينتظر سعيد .. ويوم وصل سعيد ..

قال له سالم ..:
يا ولد فيه مشكله .. مافيه إلا حمام واحد فاضي ..

سعيد :
عادي يالله دخلنـا

وفعلاً دخلوا كلهم للحمام .. وجلسوا وبعد خمس دقايق .. قال سالم :
تتوقع هاني دفع الحساب .. ولا باقي ..؟؟

رد سعيد :
صاحي أنت ترى هذا مطعم غالي يعني الحساب يطـوّل ..

وفي صالة المطعم كان هاني ينتظر وينتظر وينتظر .. لين طفـش ..
معقوله ربع ساعه يغسلون ..
قام وأخذ القلم معـه .. واتجه لـ.المغاسل ..
يوم وصل مالقـى أحد ..
المغاسل فاضيـه ..
بس سمـع صوت في الحمام ..
قرّب من باب الحمام .. وحط أذنـه ..
في داخل الحمـام

كشششششششششششنننك .. كششششششششششنننك ..

سعيـد :
هااه تتوقع حاسبهم .. ولا باقي ..

سالم :
أتوقع دفعه بـس دقيقه بـ.أكتب تاريخ اليوم ورقم جوالي ورى الباب ..

:خايف:
هـاني رفس الباب بـ.أقوى ما عنده وفعلاً شاف سالم وسعيد في الحمام ..

سعيـد ماسك جواله ويصور نفسـه ..
و سالم معه خطـّاط أحمر ويكتب ذكرياته ورى الباب ..



لا إراديـاً ..
ولا شعوريـاً ..
وتلقائيـاً ..

صررررخ هاني بـ.صووووت قوووووي جداً .. :
اًاًاًاًاًاًاًاًاًاًاًاًاًاًاًاًاًاًاًاًاًاًاًاًاً هـ .. لاًاًاًاًاًاًاًاًاًاًاًاًاًاًاًاًاًاًاًاًاًاًاًاًا ً .. ياًاًاًاًاًاًاًاًاًاًاًاًاًاًاًاًاًاًاًاًاًاًاًاًا ً ..

وأصابـه الجنون ..
وأخذ يتخبـط في المطعـم يمنـة ويسـرة ..
يشـد فنيلتـه من على جسدهـْ ..
حتـــّـى تقطـعـت

وفي تلك الأثنـاًء خرج سالم وسعيد بـ.سرعة هائلـة باتجاه الباب .. ولاذوا بـ.الفرار



:خايف:


..

لك الله ياً هـاًني ..
فـ.بعد أن كنت مصدر فخر واعتزاز لـ.عائلتك ..
أصبحت مجنوناً هائما على وجهك ..
بعد أن كنت مثالاً للذكاء والوسامة
تم طردك من البعثـة .. وأصبحت القذارة تغطي جسدك ..
بعد أن كانت أمك تبحث لك عن عروس تقترن بهـاً ..
أصبـح أبوك يبحث لك عن مستشفـى للصحـة النفسيـة يستطيع علاجك ..
بعد أن كنت على بـاب حلمك الكبيـر .. :خايف:
اختفـى ذلك الحلم بـلا رجعـه ..

تلك هي الحيـاًه ..
لا تدوم لـ.أحد ..
فـ.إن أسعدتك اليوم ..
فـ.انحش منها بكـره ..
وإن سطرتك اليوم ..
فـ.ربما تعطيك وجه في الغد القريب ..

وتلك هي أحلامنـا ..
تتقاذفهـا الأيـام ولا ندري هل تتحقق ..
أم أن المقادير تخبئ لنـا ما لا نريد ..



{ .. أحلام تتحقق .. و .. فنايل تتشقق .. }




كتبـه :


موكـىـآَ بـ.شحمـهآ ولحمـهآ ..


< - يآلله يآلله اصبعيْ الدبْ تقطـعْ




__________________
-




.there's , a natural mystic blowing through the air "

ممنوع وضع الإيميلات والآسك مي والمواقع الشخصية ( الإدارة )
-->
من مواضيع ][ مـكسسرٍهًّ : ـاَلكـيْبوٍرٍد ][

][ مـكسسرٍهًّ : ـاَلكـيْبوٍرٍد ][ غير متواجد حالياً   رد مع اقتباس
قديم 04-04-2010, 11:47 AM   #2
-( عضو )-
 
الصورة الرمزية آخر انفاسي رحيـل
 
تاريخ التسجيل: Dec 2009
الدولة: في ارض الله الواسعه
المشاركات: 1,500
معدل تقييم المستوى: 139
آخر انفاسي رحيـل has a reputation beyond reputeآخر انفاسي رحيـل has a reputation beyond reputeآخر انفاسي رحيـل has a reputation beyond reputeآخر انفاسي رحيـل has a reputation beyond reputeآخر انفاسي رحيـل has a reputation beyond reputeآخر انفاسي رحيـل has a reputation beyond reputeآخر انفاسي رحيـل has a reputation beyond reputeآخر انفاسي رحيـل has a reputation beyond reputeآخر انفاسي رحيـل has a reputation beyond reputeآخر انفاسي رحيـل has a reputation beyond reputeآخر انفاسي رحيـل has a reputation beyond repute
افتراضي رد: يـتبعْ [ آحلآم تتحـق وِ .. فنـآيلْ تتشـققً .. ] ’‘ نــهـآيـاَ ت حزِيـنهْ

يعطيك العااااافيه,,
سبحان الله انا الاحظ انه لاصار الواحد موراايق او معصب
ماتضبط معه الشغله اللي يبيها
عكس اللي دايم مبسوط ,,,,والا شرااااااايكم
-->
من مواضيع آخر انفاسي رحيـل

آخر انفاسي رحيـل غير متواجد حالياً   رد مع اقتباس
قديم 04-04-2010, 12:27 PM   #3

moka

 
الصورة الرمزية ][ مـكسسرٍهًّ : ـاَلكـيْبوٍرٍد ][
 
تاريخ التسجيل: Dec 2009
الدولة: jeddah , hes home
العمر: 22
المشاركات: 1,507
معدل تقييم المستوى: 19
][ مـكسسرٍهًّ : ـاَلكـيْبوٍرٍد ][ is a jewel in the rough][ مـكسسرٍهًّ : ـاَلكـيْبوٍرٍد ][ is a jewel in the rough][ مـكسسرٍهًّ : ـاَلكـيْبوٍرٍد ][ is a jewel in the rough
افتراضي رد: يـتبعْ [ آحلآم تتحـق وِ .. فنـآيلْ تتشـققً .. ] ’‘ نــهـآيـاَ ت حزِيـنهْ

منـورة يَ حلوهْ

لآهنتيْ /
__________________
-




.there's , a natural mystic blowing through the air "

ممنوع وضع الإيميلات والآسك مي والمواقع الشخصية ( الإدارة )
-->
من مواضيع ][ مـكسسرٍهًّ : ـاَلكـيْبوٍرٍد ][

][ مـكسسرٍهًّ : ـاَلكـيْبوٍرٍد ][ غير متواجد حالياً   رد مع اقتباس
قديم 04-04-2010, 02:44 PM   #4
صانع حرف
 
الصورة الرمزية عاشقة الامل الضائع
 
تاريخ التسجيل: May 2009
الدولة: اعيش في الاردن \فلسطينة الاصل
المشاركات: 9,598
معدل تقييم المستوى: 2787
عاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond repute
افتراضي رد: يـتبعْ [ آحلآم تتحـق وِ .. فنـآيلْ تتشـققً .. ] ’‘ نــهـآيـاَ ت حزِيـنهْ

مشكورة اختي على الطرح المبدع

ادام الله عليكي الصحة والسعادة
__________________
ملاحظة هامة هامة هامة:


الرجاء من جميع اعضاء هتوف المحترمين عدم كتابة اي موضوع في قسم الصحة الى بعد التأكد من مصدره وفي حال عدم التأكد

كتابة اسفل الموضوع منقول .

صحتنا مهمة اكثير :buakrie_20040 820:

عيد مبارك .... عيد مبارك " كل عام وانتم بخير "
-->
من مواضيع عاشقة الامل الضائع

عاشقة الامل الضائع غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:31 AM


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO 3.6.0 TranZ By Almuhajir