منتديات هتوف  

العودة   منتديات هتوف > أقلام هتوف > قصص و روايات

قصص و روايات قصص , قصص طويلة , قصص رومانسية , روايات , روايات طويلة - تحميل روايات ، روايات طويلة رومنسية



إضافة رد
 
LinkBack أدوات الموضوع انواع عرض الموضوع
قديم 04-08-2010, 07:16 PM   #1
| سبحآن الله وبحمده |
 
الصورة الرمزية تمـَرٍدْ ~ً
 
تاريخ التسجيل: Jan 2009
الدولة: الرياض .
المشاركات: 13,204
معدل تقييم المستوى: 10425607
تمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond repute



(adsbygoogle = window.adsbygoogle || []).push({});
A1 رواية نهاية عاشق رواية سعودية رومنسية كاملة

منقووووووووووول
๓ ไ ๓ نهاية عاشق أو عاشق من لون آخر ๓ ไ ๓
الكاتبة : متلثمه بشماغ عاشقها



السلام عليكم و رحمت الله وبركاته
هذي أول رواية أكتبها و أتمنى أن تعجبكم
الرواية رومانسيه خياليه و لكن فيها شيء كثير من الواقع الذي نعيشه
سأدخل في الرواية و أعرفكم على عالم العشاق
و (( نهاية عاشق ))


أسرة أبو فيصل ( عبد الله )
فيصل : موظف في شركة سابكـ بالجبيل ع26 سنة
سلطان : يدرس في جامعة الملكـ سعود ( إدارة أعمال ) ع 24 سنة
نايف : يدرس في كلية الطب ع 22 سنة
حنان : تدرس في كلية التربية (قسم E) ع 20 سنة
منى : تدرس في الثانوية ثالث ثانوي ( علمي ) ع 18 سنة


أسرة أبو نواف (محمد)
نواف : موظف في مطار الملك خالد ع 28 سنة خاطب عبير بنت خالته
سعود : يدرس الماجستير في جامعه لندن ع 26 سنة
ناصر : موظف في شركة العائله ( مدير العلاقات العامة) ع 25 سنه
خالد : يدرس في كلية الهندسة ع 23 سنة
هنادي : تدرس في كلية التربية ( قسم انجليزي ) ع 21 سنة
مها : تدرس في جامعة الملكـ سعود ( هندسة معمارية ) ع 19سنة
سارة : تدرس في الثانوية ثاني ثانوي ( علمي ) ع 17 سنة


أسرة أبو مشاري (سلمان)
مشاري : يشتغل في شركة العائلة و هو ( الأمين السري للشركة ) ع 28 سنة
طلال : يدرس في جامعة الملكـ سعود ( محاسبة ) ع 22 سنة
أفنان : تدرس في جامعة الملكـ سعود ( رياض الأطفال ) ع 20 سنة
شوق : تدرس في الثانوية سنة ثالث ثانوي ( علمي ) ع 18 سنة
رغد : تدرس في الثانوية سنة أولى ثانوي ع 16 سنة

أسرة العمه نوره ( أم فهد )
و زوجها عبدالعزيز الـ .... أشهر تاجر بالرياض مشغول بالسفر عشان تجارته ((بزنس مان))
فهد : موظف في إدارة مستشفى الملكـ فيصل التخصصي متزوج أماني أخت صديقه رائد له سنتين متزوج ع 30 سنة
تركي : يدرس في الكلية البحرية بالظهران ع 24 سنة
وجدان : تدرس مع مها بنت خالها في جامعة الملكـ سعود (هندسة معمارية)ع19 سنة

( عبد الله و سلمان و محمد أخوان و نوره أختهم الوحيدة و شركة العائلة صارت بين العيال بعد ما عطوا أختهم نصيبها من الشركة )
وكل واحد بتعرفون شخصيته و همومه و تفكيره و طموحه و أهدافه في البارتات الجايه

بسم الله
نبدأ
7
7
7


البارت الأول
أخرج دفتر خواطره كالعادة من درج مكتبه ليكتب ما يجول في قلبه .

يوم السبت ....
أو يوم البؤساء ....
التاريخ ......
و أي تاريخ سيكون
نهاية عاشق في هذا الزمان
الساعة تشير إلى الرابعة صباحا ً
في حين بزوغ .... دقات قلبي
هنا .........
أعلنت عيوني ......
بتساقط الدموع ........
و ذاب قلبي كذوبان الجليد........
و تطايرت ....
أشلاء جسدي في الطريق ......
حتى أصبحت حطام
إنسان .......
أو بقايا إنسان
هي قصتي و قصة شمعة الأمل
التي أريدها
أن تشعل باقي الشموع ......
ذلك الأمل .... الذي كنت أبحث عنه ...
مع مرور السنين
كنت أبحث عن وطن لحبي
كنت أبحث عن ملكة لقلبي ....
كنت و كنت
و كنت ....
أريد أن .....
أنقش حبي على جدار السنين
كنت أعرف بعشقكـ لأحرفي وكلماتي
سيدتي ....
و لكنني لم أكن أعلم بأنني عشقتكـ أنتي
من بد كل النساء .....
حاولت أن أبعدك من حياتي ..
حاولت بأن أتناسى أمر قلبي
و لكنني لم أستطع ...
أن أنساك
حتى أصبحتي حلما ً يراودني كل ليلة ......
حلما ً أريد أن أحققه
و لو خسرت كل شيء لدي ....
و لم يكن مني إلا أن أعترف لك بحي
و أعرض عليك نفسي ..
قائلا ً لك .. أحبيني ,, أحبيني .. أحبيني
و كنت متوقعا ً بأن تمدي لي يدك و تصافحيني
و تعلنين دخولك في نبضات قلبي ..
و لكن للأسف وجدت مشاعرك متبلدة
وجدت قلبك قاسيا ً ..
رفضتي أن تكوني حبيبتي ..
و حاولت معك بكل الطرق
أن تكوني أنتي حملي الذي كنت أبحث عنه
قلت لك ..
أريدك أن تكوني كل شيء لي ...
و لكنك رفضتي ..
و جعلتي شمعة الأمل ..
الذي كنت احتفظ بها تنطفىء...
و إنطفأت حياتي معها ..
نعم إنطفأت حياتي
بإنطفاء تلك الشمعة ..
و أصبحت أعيش في الظلام ..
الذي تركتيه لي ..
بعد تكبرك و تعاليك ..
و رضفك بأن تكوني فتاة أحلامي ..
أخيرا ً سيدتي ..
و ليس آخر
أتمنى لك التوفيق و السعادة ..
أينما كنت ..... متمنيا ً
أن أجد من يشعل الشموع في حياتي ..
دفعتا ً واحدة
فلسفة مشاعر هي خربشات قلمي ... عندما أحسست
أن شمعة الأمل التي كنت أحتفظ بها قد
إنطفأت ... في هذه الليلة ...
و تلك هي واقعا ً عشته ....
ستأتي إلى هنا يوما ً و تسأل عني


فقولوا لها كان هنا يطلب حبك ثم رحل
فلا تنتظريني لأنني لن أعود


كتب هذه الخاطرة و ترك الخاطرة تحت الوسادة
جهز شنطته و أغراضه و طلع من الغرفة

خلصت وجدان من صلاة الفجر بعد كذا سمعت صوت باب من خارج الغرفة
طلعت من غرفتها تبي تشوف وش السالفة ؟
تفاجأت بأخوها تركي شايل معه شنطة السفر و طالع ...
وجدان : ترررركي
تركي التفت على وجدان و هو منفجع : بسم الله .. وش تبين مني ؟
وجدان : وين طالع ؟
تركي بسخرية : إذا صرت أصغر منك تعالي إسئلي عني أوووكي
وجدان معصبة : أنا مو صغيره
تركي : ههههههاي ضحكتيني
وجدان تبي تقهره : شوق تزوجت واحد غيرك و تركتك يا مسكين
تركي واااصل حده من القهر : عاد من زينها و حلاوتها في ألف وحده تتمناني
وجدان مستتغربه : أنت تقول إنك تحبها !!
تركي على طووول راح لغرفته بدون ما يرد على أخته بكلمه
وجدان ما دعاها قلبها على أخوها فراحت له غرفته على طول

*
في الفندق
ماجد : ألف مبروك يا العروس .
شوق ( وهي مستحية ) : الله يبارك فيك
ماجد يبي يحرجها : الله يا حلاتك و أنتي مستحية
شوق منزله عيونها و منحرجه في نفس الوقت : ماجد
ماجد مهبول في عيونها : عيون ماجد
شوق : وين مكان الحمام ؟
ماجد هو بغمز لها : تبغين تبدلين ملابسك مو ؟
ردت وهي مستحية : أيوه
ماجد وهو واقف : خذي راحتك يا حياتي
شوق بحيا : مشكور
ماجد : العفو حبيبتي
طلع ماجد من الغرفة عشان يطلب لهم عشاء
شوق في نفسها ماجد كلامه ينقط عسل بس تركي اااه منك
يا تركي وش شعورك يوم تزوجت و تركتك أكيد أنت اللحين زعلان مني ( رفعت راسها)
طيب أنا مغصوبه على الزواج مو ذنبي
و دمعت عينها و هي تحس بالغصة


سأعرفكم عن عائلة ماجد
أسرة أبو ماجد (صالح)
ماجد : أنهى الماجستير في أمريكا ع 26 سنة << بتعرفون شخصيته في القصه
دينا : تدرس في الثانوية سنة ثالث ثانوي ( أدبي ) ع 18 سنة
أحمد : يدرس في المرحلة الإعدادية ع 14 سنة


*
في بيت ( أبو فيصل )
الساعة 1 الظهر
دق تلفون البيت
حنان و هي متأففه : من اللي ما عنده ذوق يتصل في هالوقت ؟
ردت حنان من التلفون و هي متضجره : ألووو
........... : ألو السلام عليكم موجود فيصل
حنان : فيصل بالجبيل اللحين و ما يجي إلا بالعطلة الأسبوعية
............ : أوووه تذكرت طيب وين سلطان ؟
حنان مستغربه ( هذا يعرف العائلة الكريمة كلها ) : طيب مين أقول له
............. : ما لك خص
حنان معصبة و منحرجه في نفس الوقت : دقيقه بناديه
........... : ههههههه هذي أكيد حنان يا حلاتها و يا حلاة صوتها
حنان تنادي من بداية درج الصالة الطويل :
سلطااااان ... سلطاااااان
سلطان وهو طالع من غرفته إلى الدرج : نعم وش فيك تصارخين علي أصغر عيالك شايفتني !!
حنان : عندك مكالمه من واحد سخيف
سلطان : هههه من هالسخيف !!
حنان : ما أدري شوف من ذا
سلطان : أووكي

نزل سلطان
و رد على التلفون

سلطان : ألوو
.......... : هلا بولد العم
سلطان و هو فرحان : سعود هلا و غلا اشتقت لك يا الغالي
حنان و هي تطالع التلفزيون : مين سعود ؟
سلطان و هو ماسك التلفون : هههه هذا السخيف اللي قلتي عنه سعود ولد عمي محمد
حنان <<< هين يا سعوود إن ما وريتك أنا ما لي خص هيييين بتشوف وش بيجيك
سلطان يكلم سعود : شخبارك يا القطوع ؟
سعود : هههه بخير و أنت شخبارك ؟
سلطان : انا الحمد لله بخير و سهاله
سعود : سلطان يا ولد العم أنا مكلمك في شغله
سلطان : تأمر أمر يا سعود
سعود : ما يأمر عليك ظالم يا الغالي بكره بوصل الرياض
سلطان و هو ميت من الفرحه : أحلف
سعود : ههههه (( و لا تجعلوا الله عرضة في أيمانكم ))
بس خلها مفاجأه و خصوصا ً أهلي ما أبيهم يعرفون عن موعد وصولي
و أبيك تستقبلني في المطار أنت و ناصر أخوي .
سلطان : و تركي ما أقول له
سعود : تركي أكيد مو فاضي لي معرس على حبيبة قلبه شوق
سلطان : و من قال لك إنه تزوج شوق ؟
سعود و هو مستغرب : مو عرس شوق أمس ؟
سلطان : بلى بس صارت سالفة طويلة ما يصير أقول لك إياها في الجوال إذا جيت أبقول لك
سعود : أوكي يصير خير مع السلامه
سلطان : فمان الله

نهاية البارت الأول
_______________________
البارت الثاني

في غرفة النوم
ماجد ( يصحي شوق من النوم ) : شوق .... شوق
ماجد : الساعة 8 و نص الصباح
شوق ( و هي قاعده ) : نعم ماجد تبي أجيب لك شي ؟
ماجد : لا بس صحيتك من النوم لأني بسافر بعد نص ساعه
شوق ( و هي مستغربه ) : ليه بتسافر ؟
ماجد : عندي أشغال ضرورية
شوق : بس أمس عرسنا ليه ما أخذت إجازة تونا متزوجين !!
ماجد : كل الأشغال على راسي ما أقدر آخذ إجازه
شوق : طيب متى بترجع من السفر ؟
ماجد ( و هو يفكر ) : أممم يعني تقريبا ً بعد 3 أسابيع
شوق و هي متفاجأه : 3 أسابيع كثيرررر
ماجد : وش أسوي الأشغال ضروري أسويها خلال هالثلاث الأسابيع
شوق : طيب ودني بيت أهلي ما أبي أجلس لوحدي
ماجد : ما بتبقين لوحدك أختي دينا بتجيك
شوق : صعبه تخلي أبوك و أخوك لوحدهم و ثاني شي دينا تدرس صيفي مو فاضيه لي
ماجد : خلاص تجهزي بوديك بيت أهلك
شوق : اوكي بروح أجهز شنطتي


++++++
في بيت أبو مشاري
في الصاله
أبو مشاري : شوق وش فيك جايه بأغراضك توك متزوجه أمس لا يكون متهاوشه مع ماجد
شوق ( وهي تحب راس أبوها ) : لا ما تهاوشت معه بس يقول انه عنده شغل و ما بيرجع إلا بعد 3 أسابيع
أبو مشاري ( في راسه 100 علامة إستفهام في واحد يترك زوجته في ثاني يوم من زواجهم
و لا سفرها (شهر العسل) بس حاول ما يبين هالشيء قدام بنته لأنها مغصوبه على الزواج فما يبغى يزيد الطين بله )
أبو مشاري : خير إن شاء الله ترى أفنان و رغد فوق أصعدي لهم و أنا أبوك البنات مشتاقين لك حييل
شوق ( و هي مبتسمه ) : إن شاء الله يبه

<< بتكلم عن شوق
شوق ثاني بنت من بنات أبو عادل طويله و جسمها نعوم عيونها خضراء << طالعه على جدتها من جهة أمها
و شعرها بني طويل ناعم ملامحها بيبي فيس بيضاء و مدققه و رومانسيه و هاديه ما تحب المشاكل و حساسه حيييل
و كانت أكثر بنت في عائلتها يجونها خطَّاب من و هي في المرحله الإعداديه ( المتوسطه ) بس أبوها يرفضهم
لأنها صغيره و لأن عندها أخت أكبر منها و هي أفنان << ما يبغى يزعلها
و بعد كذا خطبها تركي 3 مرات بس في كل مره يطلع له أبو مشاري عذر
و الكل مستغرب لأن تركي في المستقبل راح يكون له وظيفه مرموقه
و شاب ما يعيبه شي مثقف و وسيم و رومانسي بشكل جنوني و يحب شوق بجنون لدرجه إن الكل يعرف إنه يحبها
بس أبو مشاري ما كان يبغى تركي يكون لبنته و بتعرفون السبب من خلال البارتات الجايه
و بعد كذا خطبها ماجد اللي أنهى دراسة الماجستير
فرح به أبو مشاري لدرجه إنه ما سأل عنه بس أهم شي عنده إنه يبعد تركي عن شوق .

ليه يبغى يبعد تركي عن شوق !!! << بتعرفون بعدين ^_*
+++++++
في مستشفى الملك فيصل التخصصي
و بالتحديد في مكتب فهد
رن الجوال
الساعه 11 الليل

رد فهد : ألو
الخدامة : ألو بابا فهد مدام أماني وازد تئبان تئال بسرئه
( مدام أماني تعبانه حيل تعال بسرعه )
فهد ( وهو خايف على أماني ) : أوكي أنا بجي بس خلي مدام أماني تلبس عبايه
الخدامه : أوكي

و سكر منها التلفون
فهد ( وهو متوتر ) : الله يستر غريبه أول مره تكلمني الخدامه عن أماني عسى ما فيها شي
و طلع من المكتب
++++++
في بيت أم فهد
في الصاله

الساعه 1 الليل
تركي ( وهو مستغرب ) : حلفي .
وجدان ( وهي مستانسه ) : والله توها رغد مكلمتني تقول إن ماجد مسافر مدة 3 أسابيع و شوق موجوده عندهم.
تركي سرح مع كلام أخته
وجدان ( وهي تضحك ) : ههههه اللي ماخذ عقلك يتهنى به .
تركي برومانسيه : آآآه هي ماخذه عقلي و قلبي و روحي و كل شي .
وجدان : الله الله الله بصراحه ما أتحمل بديت أغار .
تركي : هههههه وش تغارين عليه ؟ تغارين من بنت حبها أخوك بعدين تركته و تزوجت غيره !!
وجدان : تركي .... شوق مغصوبه على الزواج .
تركي ( وش مستغرب ) : من جدك ؟
وجدان : ايه من جدي ، بس بقول لك شي حلو
تركي ( وهو يسند راسه على الكنب ) : قولي من زمان ما سمعت أخبار حلوه
وجدان : تقول لي أفنان أمس إن خوالي قرروا يروحون المزرعه يوم الخميس يعني بعد أربع أيام
تركي ( وهو يبغى ينام ) : قديييييييييمه
وجدان : خخخخخ يعني وش تبيني أسوي لك ؟
تركي ( فتح عيونه على آخر شي ) : أبيك تروحين بيت عمي سلطان اللحين .
وجدان و هي مستغربه (من جده هذا اللحين الوقت متأخر) : عشان شوق!!
تركي : ايه
وجدان : ( وهي تبي ترفع ضغط أخوها ) : ليه أروح ؟
تركي : بلا سخافه أبيك تطمنيني على شوق .
وجدان : روح أنت لهم و قول أبي أتطمن على شوق و أعرف أخبارها
تركي : يا ربي شلون أتفاهم مع هالغبيه
وجدان : إذا كنت أنا غبيه أنت وش بتكون ؟
تركي ( وهو معصب ) : أنا الغلطان لأني جلست معك بروح أتمشى مع ربعي أبرك لي ... بااااااي
و طلع ..
وجدان ( و هي معصبه ) : أوووووف أبي أطلع بمزاجي في أي وقت أبي يكون عندي سياره
طلعت لها الخدامه ( سيتي ) من المطبخ : مس وجدان تبين أنت سوقي سياره
الترجمه ((تبين تسوقين سياره ))
روحي فلبين مع أنا .
وجدان ( وهي ماسكه فنجان القهوه ) : روحي أحسن لك و لا بالفنجان على راسك
سيتي : خلاص .. خلاص أنا في روح (( أنا بروح ))

.......................................

في المستشفى
الساعه 3 الفجر
طلع الدكتور

راح له فهد : دكتور نبيل عسى ما شر شخبار زوجتي طولتوا معها كثيييير حوالي 5 ساعات
الدكتور نبيل : مبروووك أخوي فهد زوجتك جابت بنت
فهد ( وهو فرحان ) : الله يبشرك بالخير هي شخبارها اللحين ؟
الدكتور نبيل : تعبانه يبغالها ترتاح لأنها ولدت بالقيصريه بكره تقدر تشوفها و لا تنسى تمرني مكتبي .
فهد : ان شاء الله يلا في أمان الله
الدكتور نبيل : مع السلامه

+++++++++
في بيت أبو ماجد
الساعه 8 الصباح

في الصاله
أبو ماجد : دينا يا بنتي أخوك بيفشلنا قدام الجماعة يترك بنتهم في اليوم الثاني من زواجهم
دينا : ما تدري يا بابا يمكن عنده أشغال
أبو ماجد : أي أشغال يا بنتي مفروض يسفرها شهر العسل أنا معطيه فلوس عشان يسفرها
و اللي قاهرني هو اللي طلب مني أزوجه هالبنيه بالذات
دينا بحزن : الله يعين شوق عليه
أبو ماجد : دينا
دينا : نعم
أبو ماجد : ودي أني أخلي ماجد يترك بنت الناس لأنه ما يستاهلها أبغاها تشوف حياتها هي في طريق و ماجد في طريق
ولدي مو مال زواج الظاهر يبي يتم طول عمره عزوبي
دينا و هي تبكي : ما تستاهل شوق اللي يجيها توها صغيره أخاف الناس إذا دروا عن طلاقها يظنون أن فيها عيب
أو شي كبير خلا أخوي يطلقها ..
أبو ماجد ( و هو ماسك راسه من القهر ) : هالولد بيجنني يبي يذبحني
دينا ( و هي تبكي ) : بسم الله عليك يا بابا ما عليك منه أهل شوق ما أتوقع يسكتون له
و بيطلبون منه أنه يطلق بنتهم إذا عرفوا حقيقته
أبو ماجد : حسبي الله عليه .. حسبي الله عليه من ولد عسى ما يخرب سمعتك و سمعتنا
<< لهالدرجه ورى ماجد شي كبير وش هو ؟؟ (( بعدين بتعرفون ))
دينا : لا تقول كذا يا بابا حنا ما لنا ذنب الله يهديه لنفسه
أبو ماجد ( من قلب ) :آآآمييين الله يهديه و يصلحه


_ _ _ _ _ _ _ _

في المطار
الساعه 12 ظهرا ً


الآن ستهبط الطائره البريطانيه رقم 3 القادمه من مدينة لندن

سلطان : ناصر هاذي الطيارة اللي بيجي فيها سعود
ناصر : ايه .. الحمد لله على سلامته خلنا نروح عند الانتظار عشان نستقبله
ok سلطان :
ناصر ( و هو يأشر ) : ما كأن هذا حمد
سلطان : مين حمد ما أعرفه
ناصر : هذا خويي أيام الثانويه
سلطان : أهاااا
ناصر : انتظر أخوي هنا و أنا بروح أسلم عليه من زمان ما شفته
سلطان : أوكي


راح ناصر لحمد

ناصر : هلا بالخوي
حمد و هو يضمه : هلا فيك اشتقت لك يا القاطع
ناصر :حتى أنا وين كنت كنت طول هالوقت
حمد : ااااه السالفه طويييله إذا اجتمعنا قلت لك
ناصر : خير إن شاء الله .. شخبار الوالد ؟
حمد ( و هو مكتئب ) : السالفه كلها عنن الوالد و الله يا أخوي حالته ما تسر
ناصر : ضيقت صدري وش السالفه ؟؟
حمد : تعال عندي يوم الجمعه الوالد يسأل عنك
ناصر : أوكي بجي عندكم
حمد ( يغير الموضوع ) : غريبه أنت وش جابك للمطار ؟
ناصر : أووه ذكرتني جيت عشان أستقبل أخوي سعود
حمد : ما شاء الله عليه كمل الماجستير ؟
ناصر : ايه كمله
حمد : أنا بروح البيت و أنت بلغ سلامي لسعود
ناصر : يوصل .. مع السلامه
حمد : في أمان الله


بينما سلطان ينتظر سعود التفت و لقى وراه نواف

نواف : سلطان وش تسوي في المطار ؟
سلطان : أرعبتني حسبتك سعود
نواف ( مستغرب ) : ليه وش دَخَّل سعود في السالفه ؟
سلطان : أوووه أنت ما تدري إن سعود بيوصل الرياض اللحين
نواف ( بإستغراب ) : لا ما أحد قال لي ....... المهم فؤاد يناديني وصلوا الركاب و لازم أكون معه .
سلطان : طيب .. يلا أشوفك على خير
نواف : يلا سلام
سلطان : مع السلامه

وينزلون الركاب
.

.
.
.
__________________
اللّهم أني أسألك إيماناً دائماً وقلباً خاشعاً
وعلماً نافعاً ويقيناً صادقاً وديناً قيماً
والعافية مِن كل بلية وتمامَ العافية
ودوامَ العافية والشُكر على العافية

والغِنى عَن النآس


-->
من مواضيع تمـَرٍدْ ~ً

تمـَرٍدْ ~ً غير متواجد حالياً   رد مع اقتباس
قديم 04-08-2010, 07:17 PM   #2
| سبحآن الله وبحمده |
 
الصورة الرمزية تمـَرٍدْ ~ً
 
تاريخ التسجيل: Jan 2009
الدولة: الرياض .
المشاركات: 13,204
معدل تقييم المستوى: 10425607
تمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond repute
افتراضي رد: رواية نهاية عاشق رواية سعودية رومنسية كاملة-رواية نهايه عاشق كاملة للتحميل+قراءة

نواف ( وهو يكتب بالكمبيوتر يتكلم ) : جوازك لو سمحت
سعود : هههههه أهليييين محمد
نواف رفع عيونه ( وضم أخوه ) : هلا و غلا الحمد لله على السلامه
سعود : الله يسلمك
نواف : الشغل ما فيه واسطات عطني جوازك
سعود : ههههه أوكي

و عطاه الجواز
و ختم عليه نواف و عطى سعود الجواز
نواف و هو يأشر على مكان الكوفي : شوف سلطان ينتظرك مع ناصر هناك
سعود : أوكي
نواف : أشوفك في البيت
سعود : أوكي
نواف : لوعت كبدي كم مره قلت لي أوكي يعني عشانك درست في لندن ما علموك
إلا ( و يقلد صوت سعود ) أوكي
سعود : هههه حرام عليك ,, أقول شوف شغلك لا يفصلونك .
نواف ( و هو معصب طق سعود على كتفه ) : فال الله و لا فالك يلا أنقلع عن وجهي
سعود و هو يضحك : مقبوله يا الحبيب

و راح سعود لسلطان و ناصر
سلطان : هلا سعود وش فيك تأخرت كل الركاب نزلوا و مشوا و أنت ما جيت وين كنت ؟
سعود : كنت أسولف من نواف أخوي
ناصر و هو فرحان : الحمد لله على السلامه يالغالي
سعود : الله يسلمك
ناصر : يلا خلنا نروح البيت أكيد الوالده بتفرح بهالمفاجأه الحلوه
سعود ( بفخر ) : هههه أكيد أنا الغالي

و ركبوا السياره
سلطان : وع مين اللي مكذب عليك أنت ثقيل دم و تلوع الكبد
سعود : ياااااااي هالقد تغار مني
سلطان : هههه خلونا نمشي أحسن
سعود : أي والله تصدق أبي أنام لي 8 ساعات قاعد في الطيارة
ناصر : يلا عشان ترتاح لأن أكيد الأهل بيسوون لك عزيمه
سلطان : صح كلامك يا ناصر ....... يلا وصلنا بيتكم
سعود : مشكوووور سلطان تعبناك معنا .
سلطان : ولو أنت الغالي
ناصر : يعطيك العافيه يا ولد العم سلِّم على الأهل
سلطان و هو في السياره : يوصل .... مع السلامه
ناصر + سعود : في أمان الله


.
.
.

نهاية البارت الثاني
_______________________
البارت الثالث
في بيت أبو مشاري
الساعة 6 المغرب
في الصالة

رغد ( نازله من غرفتها تنادي ) : أفنااان
أفنان ( وهي تتابع الـ tv ) : نعم ... وش تبين ؟
رغد : توها سارة مكلمتني تقول إن سعود رجع من لندن و بيسوون له عزيمه بمناسبة رجوعه بالسلامه
أفنان : وااااو وناسة الليله في مكان نروح له
رغد ( جلست قبال أفنان ) : ما تفكرين إلا في الطلعات و الروحات و الجيات

و نزلت لهم شوق
شوق : أهليين صباايااا
أفنان : أهليين حبيبتي .. كيفك يا ألبي ؟ ( قلبي )
شوق ( بدلع ) : تماامو
رغد ( وهي ضايق صدرها ) : بصرااحه أبوي قاهرني يوم زَوجك حراام توك يا شوق صغيره
شوق ( جلست على الكنبه ) : لا تذكريني إني متزوجه تضيقين صدري أكثر اللحين مضى 3 أيام
و لا كلمني ماجد ما كأنني زوجته (( و قعدت تبكي ))
أفنان ( جلست بجنب شوق ) : لا تضيقين صدرك حبيبتي إن شاء الله زوجك بيرجع و أعذريه يمكن مشغول
شوق ( و هي تمسح دموعها ) : صح كلامك يمكن عنده أشغال و لا قدر يكلمني

و نزلت أم مشاري
أم مشاري : بنات أبيكم تتجهزون الساعه 8 بنروح بيت عمكم محمد ( أبو نواف )
شوق + أفنان + رغد : إن شاء الله يمه


في بيت أبو فيصل
الساعه 7


منى ( تنادي من عند الدرج ) : نايف ... نايف يلا تجهزنا
نايف ( في غرفته ) : أوكي أنتظروني في السياره
منى : إن شاء الله .. بسرعه يا حنان خلصي .... أخرتينا !!
حنان ( و هي طالعه من دورة المياه ) : أوكي هذا أنا جيت .. الميك أب اللي وجهي مضبوط ثلاث مرات و أنا أعيده
منى ( وهي تطالع وجه حنان ) : وااااااو طالعه تهبلييين
حنان ( بغنج ) : ميرسي خيتو
نايف ( نزل من الدرج ) : يلا تبغوني أوصلكم و لا لا؟؟
منى : وصلنا ما عندنا أحد غيرك أمي راحت مع سلطان
نايف : طيب .. أمري لله بوصلكم
حنان : يسلموو خيوو

و ركبوا السياره
نايف يسوق السياره و كانت جنبه حنان و في المركب الثاني منى
نايف : اللحين من وين متعلمه هالكلام ( و يقلد صوت أخته ) يسلموو خيوو
منى : هههههههه من المنتديات طبعا ً
نايف : أهااا
حنان بحالميه : يا حلاة كلام المنتديات
نايف بصرامه : أقول سكتي لا تتفلسفين احتمال أخلي الوالد يقطع النت عندك
لأنك طول الوقت جالسه عليه ,, و لا منتبهه لدروسك .
حنان : ليييييييه يقطعه أنا أستفيد منه في الكليه كيف أطلع النتايج
منى : الله يسلم الجرايد
حنان : يا الهبله الجرايد ما تقول أنك ناجحه إلا بعد فتره و يمكن يسقط أسمك سهو
أما النت يطلع النتايج بسررعه
نايف : يلا وصلنا نزلوا عشان أروح للشباب في المجلس
حنان + منى : أوكي

و نزلواا من السياره

بتكلم عن نايف
<< بيكون له دور في الروايه
نايف شاب مثقف ما يعرف شي في الحب بس يسمع عنه و لا يؤمن به
أهم شي عنده مستقبله في الطب و طموحه أنه يكون دكتور مشهور له سمعته في الرياض
مواصفاته : مملوح حنطي عيونه وساع بنيه طويل


.................................................. ............................
في بيت أبو نواف
مكان العزيمه

أم نواف : مها حبيبتي جهزتي الكيك في غرفة الطعام
مها : أيوه جهزته
أم نواف : يا قلبي خلي هنادي تكلم نواف عشان يخلي سعود يدخل مع الشباب و الشياب للصاله
مها : إن شاء الله
مها ( تنادي ) : هنااادي
هنادي ( وهي تسولف مع حنان ) : حنان دقيقه بروح مها أختي تناديني
حنان : خذي راحتك
هنادي : وش تبين يا مها ؟
مها : تقول أمي كلمي نواف عشان يقول لسعود يدخل مع الرجاجيل
هنادي : إن شاء الله

دخل سعود مع عمامه و أخوانه (خالد و نواف و ناصر) و عيال عمه و تركي
و البنات تغطواا
أم نواف : كلولولولولولولولووي ..
سعود : ههههههه اللي يشوفك يا أمي كأني معرس مو مكمل ماجستير
رغد : ما شاء الله ما ظنيت سعود بهالجمال
شوق (وهي تهمس في أذن رغد ) : حتى أنا ما شاء الله عليه مزيوون

نتكلم عن سعود << >>
سعود أجمل أخوانه طويل و عريض و له شنب خفيف خفيف و ملامحه ملامح البدو << طالع على أبوه
و كانت عيونه عسليه و نظراته حاده مثل الصقر
.......
متلثمه (( أبي يجيني زي كذا ))

سعود : أقول سكتي و كملي القصه أحسن لك
متلثمه : إن شاء الله سعود << خايفه هع هع
.......

المهم نرجع للقصه

حنان ( دق قلبها بسررعه ) : هذا اللي كلمنا من يومين يهبببل ما شاء الله عليه
نايف ( يسلم على سعود ) : الحمد لله على سلامتك يالغالي
سعود : الله يسلمك يا نايف

و دخلوا غرفة الطعام
سعود : أمي يعني أقص الكيك بروحي خلي وحده من خواتي تقص الكيك معي
أم نواف ( بجلالها عشان حمواها و عيالهم موجودين ) : هنادي قلبي قصي مع أخوك الكيك
أبو فيصل : لا ..... خلوا مها أو ساره تقص الكيك مع سعود


الكل مستغرب
سعود : أوكي تعالي يا مها
مها : طيب


و قصوا الكيك

و الكل يصفق و الشباب يعطون الهدايا لسعود و يباركون له على شهادة الماجستير
و البنات جلسو ياكلون الكيك و باركوا لسعود


ترك أبو فيصل الكيك و وقف
أبو فيصل : كنت أنتظر اليوم اللي نجتمع فيه كلنا بس للأسف أختي أم فهد مو موجوده لأنها مشغوله مع فهد و زوجته
بس الحمد لله وجدان و نواف موجودين و أتمنى أنهم يوصلون هالسالفه لأختي
شوق ( تحمست في نفسها ) : نواف موجود هنا .. وينه ؟
على طول رد نواف : خير يا خالي وش السالفه ؟
كل البنات التفتوا لنواف

شوق ( في نفسها ) : لا زال على زينه و أسلوبه ما تغير بس وش في وجهه ذبلان
معقول يكون بسببي !!
أبو فيصل : السالفه طويله يوم كنت أدرس الدكتوراه في أمريكا كنت متزوج أم فيصل بس ما قدرت آخذها معي
لأنها كانت حامل بسلطان و هالسالفه حبيت أقولها لكم بسبب إصرار ولدي فيصل على أني أخطب له هنادي
فيصل منحرج ومستغرب في نفس الوقت << وش دَخَّل السالفه في خطبتي من هنادي
هنادي كانت خايفه و منحرجه يعني اللي أحبه و طول عمري أحلم فيه كان يحبني و يبي يخطبني
كمل أبو فيصل كلامه : المهم كنت أدرس في أمريكا و تعرفت على وحده لبنانيه كانت تدري معي في نفس الكورسات اللي أدرسها
و تزوجتها
(( الكل كان مستغرب ما كان أحد يدري بهالسالفه إلا أبو فيصل و أم فيصل و أم نواف و أبو نواف ))
و بعد ما تزوجتها حملت و جابت لي بنت زي القمر سميناها ديانا و بعد ما خلصت دراستي
حصلت بيني و بين اللبنانيه مشاكل و طلقتها و جبت ديانا معي للرياض و حاولت في أم فيصل إنها تربيها
و تخليها مثل عيالها بس ما رضت و أنا ما ألومها لأني خنتها و تزوجت وحده غيرها و حنا لنا متزوجين 3 سنوات
فقررت إني أخلي أخوي أبو نواف يربيها و غيرت إسمها من ديانا إلى هنادي ..

بعد ما سمعت هنادي هالكلام أغمى عليها
شوق تصارخ : هناااااااااااادي
نواف كان ما يدري وش يسوي على طوول مسك الجوال و دق على الاسعاف

مها وساره جلسوا يبكون
فيصل ( على طول شال هنادي ) و جات سيارة الاسعاف و ركبوها في السياره و كان فيصل معها

و الشباب مع الشياب يلحقونهم بسيارة نايف و نواف خذ شوق و وجدان و رغد و أفنان و وداهم للمستشفى
و حنان و منى راحوا مع أخوهم سلطان للمستشفى
حنان : سلطان أنت مستوعب الكلام اللي قاله أبوي
سلطان : والله ماني مستوعب شي معقول تطلع هنادي بنت عمي أختي من أبوي !!!!


الحريم جلسوا في البيت مع خالد و مشاري
لأن أم نواف ارتفع عليها الضغط و مو راضيه تروح المستشفى

أم مشاري : مشاري وين أخوك طلال ما شفته اليوم ؟
مشاري : طلال بالشاليه في الشرقيه مع ربعه
أم فيصل : خالد يمه ودني المستشفى قمت أحاتي هنادي ما أحد كلمنا يطمنا على حالتها
خالد : إن شاء الله خالتي بوصلك
ركبوا السياره


.
.
.

و وصلوا للمستشفى
أم فيصل : يعطيك العافيه يا ولدي
خالد : هذا الواجب يا خالتي


(( سعود راح لغرفته و جلس مع نفسه مو مستوعب الي صار
معقوله هنادي مو أختي كنت حاس من زمان ملامح وجهها غير ملامحنا شقراء
و عيونها عسليه فاتحه كانت المميزه بين خواتي مع إن مها و ساره الكل يقول عنهم أنهم مملوحات
لكن إذا جلسوا جنب هنادي في فرق كبير بينهم وبينها
بس الله يعينك يا فيصل البنت اللي كنت متعلق فيها طلعت أختك من جد بتكون أكبر صدمه في حياتك يا ولد عمي ))

في غرفة الانتظار
فيصل( متوتر و مصدوم مو مستوعب اللي حصل ) : ما كأن الدكتور تأخر مع هنادي
أبو فيصل : اجلس يا ولدي أختك ما فيها إلا العافيه

.
.


أبو نواف : تركي خذ البنات للبيت جلستهم هنا ما لها فايده
تركي : إن شاء الله خالي


تركي يكلم وجدان بالجوال

وجدان : ألو
تركي : ألو وجدان طلعي مع بنات خالي عشان أوصلهم لبيتهم
وجدان : إن شاء الله

عند غرفة إنتظار النساء
وجدان : شوق تعالي مع خواتك عشان نوصلكم
شوق : لا نبي نتطمن على هنادي
وجدان : خالي مو راضي يقول بعض البنات يروحون مع تركي و الباقي مع خالد ولد عمي محمد (( أبو نواف ))
لأن سيارته فاضيه و حنان بتطمنا على هنادي
شوق ( و هي تعدل عبايتها ) : أوكي .. يلا أفنان نادي رغد عشان نمشي
أفنان : إن شاء الله ... رغوود تعالي بنروح
رغد ( وهي تقيس وزنها على الميزان ) : أوكي جايه


تركي يسوق السياره

تركي ( يسأل شوق ) : شخبارك مع زوجك يا شوق ؟
شوق ( وهي منزله عيونها ) : تمام الحمد لله
تركي ( و هو ضايق صدره ) : مبسوطه معه
شوق ( و الدمعه في عيونها ) : الحمدلله
تركي ( و هو متضايق ) : الله يوفقك يا بنت خالي
شوق في قلبها << أحبه و الله و أحبه قالت : أجمعين
وجدان ( ضاق صدرها على أخوها و على شوق و الله ما يستاهلون اللي يصير لهم )
: رغد شخبار الشيخ الإماراتي اللي تحبينه
رغد : قصدك فزاع يهببببببل
تركي ( يضحك ) : هههه يا حليلك جد الحب ما له هيبه حتى أنتي تحبين ههههه
رغد : وش قصدك ..... قصدك إني بزره أوريك يا الدب
تركي : حراااااام عليك أنا أمارس رياضه و الكل يحسدني على جسمي و تقولين عني دب
أفنان : أما في هالشي أنت صادق
الجميع : ه


.
.
.

نهاية البارت الثالث
_______________________
البارت الرابع

((لقد خلقنا الإنسان في كبد))

.
.
.

في المستشفى
الساعه 11:30 الليل

عند الانتظار

طلع الدكتور من غرفة هنادي راح له فيصل على طوول وسأله : شفيها عساها بخير
الدكتور : من حضرتك ؟
فيصل : ولد عمها ( بارتباك ) أقصد أخوها
الدكتور : هي جا لها انهيار عصبي و حنا عطيناها أبره مهدئه و اللحين هي نايمه في الغرفه إن شاء الله بكره راح تكون أحسن
فيصل : الحمد لله يعطيك العافيه دكتور
الدكتور : هذا واجبنا أخوي

جا أبو فيصل لفيصل: خير شخبارها هنادي ؟
فيصل : يقول جاها انهيار عصبي و اللحين هي نايمه في الغرفه
أبو فيصل : خلنا نرجع البيت و بكره نطلعها من المستشفى أبغاها ترتاح الليله عندهم
فيصل : إن شاء الله .... وين أمي ؟
أبو فيصل : خالد وصَّل أمك و خواتك للبيت و نايف خَذ خواته يلا خلنا نمشي حنا بعد

فيصل : أوكي

و رجعوا للبيت

في بيت أبو مشاري
الصباح
الساعه 9 الصباح


في الصاله

كان أبو مشاري يشرب قهوه نزل مشاري من الدرج و جلس مع أبوه

أبو مشاري : مشاري شخبار الشركه ؟
مشاري و هي يصب له قهوه : الشركه ماشيه تمام
أبو مشاري : الحمد لله .. و شخبار ناصر مع الشغل ؟
مشاري : ما شاء الله عليه ناصر نشيط يستحق منصب ( مدير العلاقات العامه )
أبو مشاري : ناصر طلع على أبوه أخوي أبو نواف كان من أنشط الموظفين في الشركه
فخلاه الوالد ( الله يرحمه ) ذراعه الأيمن في الشغل و توفى الوالد و صار عمك المدير في الشركة
مشاري : أهاا عمي قد المسؤوليه ما شاء الله عليه أول من يدخل الشركه و آخر من يطلع منها مهتم كثير على الحلال
أبو مشاري : الله يخليه لنا يعرف أمور الشركه و التجاره و العقارات أكثر مني و من أخوي أبو فيصل
مشاري : آميين الله يخليه لنا ان شاء الله ...... يبه أنا استأذن بروح الشركه اليوم بنوقع عقد مع شركه اماراتيه
أبو مشاري : الله يوفقكم
مشاري حب رأس أبوه: آآمين .. مع السلامه
أبو مشاري : في حفظ الله


.........

في بيت أم فهد
في غرفة تركي
الساعه 10:00

تركي مستند على الكرسي الهزاز و مشغل المسجل على أغنية تفارق لعبدالمجيد عبدالله
و سرحان مع كلمات الأغنيه

.
.
.

يارب يرجع كل حبيب لحبيبه

اذا تفارق شخص عادي مصيبه

وشلون لو فارقت منهو تحبه ؟
<< آآخ يا شوق


يارب يرجع كل حبيب لحبيبه
<< ياارب


دام الحياة في بعدهم حيل صعبه
<< دمعت عين تركي و على طول مسح دمعته


طبع الوفي لو راح شوقه يجيبه

على حبيبه مااعتقد يقسى قلبه ؟
وفي الدنيا محد ياخذ إلا نصيبه
<< غمض عينه و ابتسم ابتسامة ألم

ياريت قلبي ياخذ اللي أحبه
<< ياااريت آخذك يا شوق بس الظاهر إنه حلم لا يمكن أنه يتحقق

إذا تفارق شخص عادي مصيبه

وشلون لو فارقت منهو تحبه ؟

يارب يرجع كل حبيب لحبيبه

دام الحياة في بعدهم حيل صعبه

أنا تعبت وفرحتي مو قريبه

أحيان أقول الحب ياناس كذبه

لكن قلبي يرجع وهذا عيبه

يشتاق للي مبعداً حيل دربه ..

يارب يرجع كل حبيب لحبيبه

دام الحياة في بعدهم حيل صعبه

جلس تركي سرحان و بعدها
فتح دفتر مذكراته و كتب فيها


يااارب ترجعين لي يا شوق
تركي لشوق و شوق لتركي
أحبك يا بنت خالي
و حياتي بدونك ما تسوى شي

.. العاشق ..

............

يوم الأربعاء
الصباح
الساعه 10:30

في بيت أبو فيصل
كان فيصل جالس في غرفته و هو مو مستوعب اللي يصير معقوله حبيبة قلبي حلم عمري من 6 سنوات
تكون أختي بس أنا أحبها كنت أبي أتزوجها ليه أبوي قال لنا اللحين بعد ما تعلقت فيها كان قال لي من قبل
ما أتوقع الكلام اللي قاله لنا أبوي صدق أكييد مقلب << كان يتكلم بدون وعيه
آآآآآآآه يا هنادي آآآآآه يا القهر و نزل راسه و مسك الوساده و قعد يبكي .. يبكي على حظه و حظ حبيبته
.
.
.
__________________
اللّهم أني أسألك إيماناً دائماً وقلباً خاشعاً
وعلماً نافعاً ويقيناً صادقاً وديناً قيماً
والعافية مِن كل بلية وتمامَ العافية
ودوامَ العافية والشُكر على العافية

والغِنى عَن النآس


-->
من مواضيع تمـَرٍدْ ~ً

تمـَرٍدْ ~ً غير متواجد حالياً   رد مع اقتباس
قديم 04-08-2010, 07:18 PM   #3
| سبحآن الله وبحمده |
 
الصورة الرمزية تمـَرٍدْ ~ً
 
تاريخ التسجيل: Jan 2009
الدولة: الرياض .
المشاركات: 13,204
معدل تقييم المستوى: 10425607
تمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond repute
افتراضي رد: رواية نهاية عاشق رواية سعودية رومنسية كاملة-رواية نهايه عاشق كاملة للتحميل+قراءة


و في غرفة من غرف الجناح الأيسر من الفيلا
كانت هنادي جالسه على الكرسي الخشبي و تطل من البلكونه على البساط الأخضر و المسبح الكبير الجانبي
آآآه يا زمن أنا وفيصل موجودين في نفس الفيلا بصفة أني أخته مو حبيبته اللي حبها من ست سنين
كنت أتمنى أدخل هالبيت في يوم من الأيام مع فيصل و أنا و هو ماسكين بعض يد بيد
و يقول لي يا قلبي يا أحلى ما في الكون و أخيرا ً حققنا حلمنا القديم
بس هذا أخوي .. فيصل أخوي ! بكت بكاء يقطع القلب يعني أمي مو هي ناديه ( أم نواف ) اللي ربتني
مين هي أمي ؟ و حبيب قلبي و عمري طلع ... ( و أنقطع صوتها من البكاء )
و نامت على الكرسي من كثر التعب و الارهاق اللي فيها

*
العصر
الساعه 3:00

في بيت ( أبو نواف)

نواف جالس في الصاله يكلم عبير ( خطيبته ) بالجوال
نواف : أهليين قلبي
عبير : أهليين
نواف : أخبارك حياتي .. أشتقت لصوتك حييل
عبير : أنا تمام .. و أنت كيفك ؟
نواف بنبره حزينه : أنا تعبان
عبير خافت : شفيك عسى ما شر لا تخوفني
نواف : قلبي
عبير : وش فيه قلبك ؟
نواف : مشتاق لك
عبير : هههههههه من جد ما عندك سالفه خفت عليك
نواف يبي يحرجها : يعني تحبيني

طلعت حنان من المطبخ و هي تاكل تفاحه
حنان : بس الرومانسي يكلم خطيبته لوعَت كبدي خطيبتك دايم تسأل عنك
( و تقلد صوت عبير ) شخبار نواف ؟ .. سلمي لي على نواف .. اشتقت لنواف

نواف : هههههه يا بعد قلبي يا عبووره
عبير من كثر ما هي منحرجه ما ردت : .......
نواف : عبور أنتي معي ؟
عبير : ايوه معك
نواف يسوي نفسه زعلان : يعني ما تحبيني ؟
عبير : مين قال لك إني ما أحبك ؟
نواف : أنا
عبير : وش دراك إني ما أحبك ؟
نواف : لأنك ما رديتي على سؤالي
عبير بدون ما تحس قالت له : أنا مو بس أحبك أنا أمووت بالأرض اللي تمشي عليها
نواف : يا بعد قلبي و الله عيديها
عبير : وش أعيد ؟
نواف : كلمة أحبك
عبير : نواف و الله أستحي
نواف : ههههه أحب اللي يستحون
عبير : باي
نواف : باي
نواف كان ميت ضحك عرف إنها تقول باي لأنها منحرجه منه

....................
العصر
الساعه 4:30

في بيت أبو فهد ( العمه نوره )
أبو فهد : نوره .. نوره
طلعت أم فهد ( نوره ) مع وجدان من المطبخ : سم أبو فهد تبي مني شي ؟
أبو فهد : أبيك تجهزين كل الأغراض اللي بتودونها للمزرعه عشان يوديها السايق من اللحين
أم فهد : ليه أنت ما بتروح معنا ؟
أبو فهد : أكيد ما بروح معكم تبيني أقابل وجه أخوك سلمان ( أبو مشاري ) الكريـــه
أم فهد : يعني لا زلتوا على هواشكم ما تغيرتوا ؟
أبو فهد : و لا عمرنا راح نتغير ياخذ مناقصاتي لشركته و رَد ولدي تركي 3 مرات و تبيني أتصالح معه !!
أم فهد : الله يهديكم بس
أبو فهد : مشكلة أخوك إنه يغار مني لأني صرت تاجر معروف و له سمعته الكبيره في البلد أخوك هذا حقود
ما يحب الخير إلا لنفسه
أم فهد : خلاص غَـيّـــر هالسيره اللي تضيق الخلق
أبو فهد : إن شاء الله ، سويلي شاي من أيدينك الحلوه
أم فهد : تأمر أمر كل اللي تبيه بسويه لأجل عيون أبو فهد تكرم مدينه
أبو فهد : تسلمين يا قلبي

و صرخت وجدان
.
.

أبو فهد : خير وجدان فيك شي ؟
وجدان : ترركي ألحق
تركي و هو نازل من الدرج متكشخ بالثوب و الشماغ :بسم الله وش فيك يا الخبله ؟
وجدان : تررررركي العجايز بتغزلون في بعض
أم فهد : عجايز بعينك أنتي و خشتك
تركي : ههههه يا حليلكم تتغزلون في بعض و الله لأعلم الشياب عن سواياك يا أبو فهد
أبو فهد معصب : استح على دمك إذا قلت للرجاجيل لا أنت ولدي و لا أعرفك
تركي خاف : لا خلاص ما بقول لهم شي تغزل في جوليت لما تشبع

و طلع تركي من البيت مع الشباب عشان يتمشون في المملكه
أبو فهد : هههههه شكله خاف مني
أم فهد : حرام عليك خوفت الولد و كل هالسالفه صارت من هالسوسه و تأشر على الكنبه اللي كانت جالسه فيها وجدان و ما لقتها
أم فهد : هههههه ما هيب سهله قطت الموضوع على أخوها و هربت لغرفتها
أبو فهد : تربيتي هههه


&&&&&&&&

.
.
.


في مكان بعيد عن الرياض
في وسط كازينو ( ملهى ليلي ) كان جالس و حوله بنات كاسيات عاريات من جميع الأجناس و الألوان
روسيه .. لبنانيه .. خليجيه .. أمريكيه .. مغربيه .. تونسيه .. مصريه << بالأصح بنات هوى و ليل
و موسيقى الديسكو بأعلى صوت و كاسات الجعه و الويسكي و أنواع كثيره من الخمور و المسكرات
على الطاوله الخشبه الرفيعه و الرقص و الفسوق و شباب يرقصون مع بنات و شذوذ
وووو.... الخ
في وسط ازعاج الموسيقى و الأغاني و الكاسات اللي تطيح من يدين السكرانين
و صراخ البنات و ضحكهم

......... : يا حلوه أنتي أبغاك عندي الليله في الغرفه
البنت اللي لابسه ملابس تظهر أكثر مما تخفي بمياعه مصطنعه : طيب كم تدفع لي ؟؟
......... و هو حاله سُكر رمى عليها كل الآلاف اللي في بوكه : كل هالفلوس لك موافقه ؟
البنت بابتسامة خبث قربت منه و باست خده بمياعه حطت راسها على صدره : أكييد موافقه
............. على طول سحبها معه و هو سكران للغرفه

و قَفل الباب
مشفر .. رقابه .. هيئه .. مشفر .. رقابه .. هيئه

<<لا تستغربون في ناس في مجتمعنا كذا و اللي يقهر زياده أنهم مسلمين و يشهدون ان لا اله الا الله
بس ما أقول لهالفئه الا يا رب يخسف بهم و هم على هالفسق اللهم آمين



نهاية البارت الرابع
_____________________
البارت الخامس

(( كل إنسان ما هما كان جانبه السيء و الشر أكثر عنده لازم يطلع فيه بذرة خير ))

الساعه 5 العصر
في الرياض
شارع العليا
و بالتحديد في فيلا أبو فيصل

كان أبو فيصل جالس مقابل المسبح يكلم أخوه أبو نواف

أبو فيصل : ألو هلا محمد ( أبو نواف )
أبو نواف : هلا عبدالله ( أبو فيصل )
أبو فيصل : شخبارك يا أخوي ؟
أبو نواف : الحمدلله و أنت علومك؟
أبو فيصل : ماشيه الحمدلله ... المهم أخوي بغيتك في موضوع
أبو نواف : خير أخوي ؟
أبو فيصل : الله يسلمك الموضوع عن بنتي هنادي و الله حالتها ما تسر كله مسكره على نفسها غرفتها و لا تكلم أحد الا نادر
أبو نواف : لا تلومها يا أخوي شكلها لين اللحين مصدومه من السالفه
أبو فيصل : أي و الله .. الله يعين .... المهم بغيت منك تجي عندي الليله
أنت مع عيالك و بناتك كلهم عشان نجلس كلنا معها و نعرف وش في خاطرها
أبو نواف : خلاص إن شاء الله الليله عندك
أبو فيصل : أجل أشوفك على خير
أبو نواف : مع السلامه


...............

في بيت أبو مشاري
في المقلط
رغد تكلم ساره بنت عمها محمد بالتلفون
رغد : لااا فشله
ساره : لا فشله و لا شي عادي تعالوا معنا بيت عمي عبدالله عشان هنادي
رغد : بس أنتوا خواتها حنا ما لنا شغل في الموضوع
ساره : شدعوه أنتوا بنات عمها
رغد : بس أحس أن الموضوع عائلي ما لنا أي دخل فيه
ساره : بلا سخافه قولي تم عشان نمر عليكم
رغد ( وهي تفكر ) : بشوف راي خواتي و برد لك خبر
ساره : أوكي سي يو
رغد : سي يو ليتر

و صعدت رغد الدرج و كان نازل أخوها طلال
رغد ( تسلم على طلال ) : هلا طلول ما شفتك أمس ؟
طلال : لأني رجعت من الشرقيه متأخر
رغد : أهاا .. طيب وين بتروح اللحين ؟
طلال ( و هو يعدل بلوزته ) : بروح التحليه مع تركي و الشباب
رغد : أهاا
طلال ( نزل من الدرج و فتح الباب ) : طيب أنا بطلع يلا تشاااو
رغد ( و هي تأشر بيدها ) : تشااو

و راحت لغرفة أفنان و هي تتحلطم
دخلت غرفة أفنان
أفنان ( كانت تلعب بوجهها بالميك أب ) : رغووود وش فيك تتحلطمين ؟
رغد : لا بس قاهريني الشباب هم يطلعون و يتمشون و حنا جالسين في البيت لا شغل و لا مشغله
أفنان : أي و الله يلا وش نسوي الله يعينا .. المهم وش جيبك لغرفتي أكيد وراك سالفه
رغد : لا بس دقت علي ساره تقول تبغانا نروح معهم بيت عمي عبدالله عشان هنادي
أفنان : وناسه خلونا نروح
رغد : بس المشكله أن أخوانها و عيال عمي عبدالله بيكونون كلهم موجودين معها
أفنان : لا أحسها صعبه ما نقدر نروح
رغد : حتى أنا رايي من رايك بس بروح لشوق عشان أشوف رايها
أفنان : أوكي سكري وراك الباب أنا بروح أستحم
رغد : طيب


و طلعت رغد
و راحت بغرفة شوق

شوق كانت جالسه على الكرسي في غرفتها و ماسكه الجوال
رغد ( تطق الباب ) : عادي أدخل
شوق : هههههههه و اللي يشوفك اللحين ما دخلتي تعالي وش تبين مني ؟
رغد ( جلست قدام شوق ) : توها مكلمتني ساره تبغانا نروح معهم بيت عمي عبدالله عشان هنادي
شوق : توها وجدان قايله لي في الجوال بس ما أيدت الفكره
رغد : حتى أنا ما أحس لنا شغل في الموضوع و ما أتوقع هنادي تاخذ راحتها و حنا موجودين
شوق : صح كلامك أنا قلت لوجدان تجي عندنا الليله عشان نوسع صدرنا
رغد : زين قلتي لها أكيد هي طفشانه
شوق : أي والله .. المهم أنا بنزل أسوي عصيرات
رغد ( وهي تطالع جوال شوق ) : كنتي تدقين عليه ؟
شوق ( نزلت عيونها ) : ايه بس ما رد علي
رغد ( معصبه ) : تركيه يولي
شوق : بس يمكن إنه مشغول و ما قدر يرد علي
رغد : يمكن
شوق : تصدقين توها داقه علي دينا أخت ماجد و الله أن هالبنت طيوبه دايم تسأل عني و عنكم
رغد : يا حليلها سلمي عليها
شوق : أوكي يوصل
رغد : يلا أنا بروح غرفتي بلبس أي شي سبورت تشااااو
شوق : تشااو


في الشرقيه
في مخيم من مخيمات الشباب

الثاني : وش رايك يا الزعيم ؟
الزعيم( بابتسامة خبث) : حلو حلو من وين جبتوها ؟
الأول : كان أخوها نازل لبنده و أختطفناها من السياره
البنت كانت تبكي و هم مربطين يدينها و رجولها و مسكرين فمها بقطعة قماش
الزعيم : طيب أبغى بياناتها
الثاني ( يمد له أوراق) : هاذي بياناتها
الزعيم : بنت فواز الـ ........ من أغنى أغنياء الخبر هههههه حلو حلو بنطلب منه مبلغ كبير عشان نترك بنته
الأول : نكلمه اللحين يالزعيم ؟
الزعيم : لا لا بكره نكلمه لازم نضيف بنته أحسن ضيافه
و قرب منها و شال قطعة القماش من فمها

الزعيم : ليه تبكين يا حلوه ؟
البنت تبكي : يا حمار روح عن وجهي
الزعيم ( و هو يمسك وجهها ) : أنا حمار يا بنت الكلب كنت ناوي أضَيفك بس ما تستاهلين ... يا صقر
الأول ( صقر) : نعم يا الزعيم
الزعيم : سكرواا فمها و لا تعطونا شي تشربه لين بكره
الثاني : طيب

و سكروا فمها
الزعيم : الا ما قلتوا لي وش اسم الشرسه هاذي ؟
صقر: اسمها وعد
الزعيم بنظره مكر : ههههه وعد فواز حلو حلو


............................

في الرياض
فيلا أبو فيصل
الساعه 8 الليل

الكل كان متجمع في المجلس عائله أبو نواف و عائلة أبو فيصل و كل واحد جالس يفكر في حاله
عائلة أبو نواف
نواف
بعد ما دريت أن هنادي بنت عمي و أختي من الرضاع ما أدري وش صار لي جلست مصدوم لمدة يوم كامل
معقوله تكون بنت عمي من الأساس !! و الله شي غريب ما أدري ليه ما قالوا لنا من قبل بس صدمتي أخف من صدمة فيصل ولد عمي
الله يعينك يا فيصل اللي كنت تحبها و تبي تتزوجها طلعت وحده من محارمك الله يصبرك

سعود
صدمتي مو أقل من فيصل بس تغربت 4 سنين و رجعت أحس كل أمورنا تغيرت و بالأصح تلخبطت
و خصوصا ً في عزيمتي جد شي عجيب !!

ناصر
أنا ما بيني و بين أهلي احتكاك كبير دايم في الشركه بس هالسالفه جد صدمتني أحس أنه صادوه
لين اللحين مو مستوعب إن اللي تسكن معنا طول هالسنين بنت عمي و صارت أختنا من الرضاع بعد
بس ما أقول إلا الله يعين الجميع على هالصدمه اللي غَيّرت في حياتنا كثيير

خالد
لو أقيس مدى تأثير السالفه علي كان طلع تأثيرها بالتكعيبات يؤؤ ما أدري وش فيني تأثرت كثير بالهندسه
ما أقول الا الله يعين البنات إذا حنا الشباب ( ويطالع في أخوانه و عيال عمه ) كل واحد منا مبلم و منصدم
و شلون تأثير الصدمه على البنات !!


مها
أنا لين اللحين مصدومه أختي اللي تنام معي في غرفتي و تاكل معي بتتركني و بتبقى في بيت عمي على طول
ما أبيها تتركني أنا متعلقه فيها كثير و ما أتحمل تتركني لوحدي مع ساروه المزعجه

ساره
أنا بكيت و بكيت بس اللحين أحس الموضوع عادي وحده طلعت مو أختنا من أمي و أبوي
... طلعت بنت عمنا بس أحلى شي أن هنادي طلعت أختنا من الرضاع يعني مثل أختي مها ما في فرق

عائلة أبو فيصل
فيصل
(يطالع عيال عمه و أخوانه )
ابتسم بينه و بين نفسه يحاول يتناسى الصدمه اللي فيه
هنادي اللحين تخوف بلد وراها 7 أخوان و كل واحد طوله طول الباب و عرضه عرض الجبل هههههه ( طلع صوت ضحكته قدام عيال عمه و أخوانه)
و الكل التفت عليه

نايف : فيصل وش فيك تضحك فيك شي ؟
فيصل ( بعد هالضحكه على طول تحولت الى دموع) : خلاص أنا تعبت بطلع من البيت

و طلع فيصل و على طول لحقوه نايف و سلطان و ناصر
في ساحة الفيلا الخارجيه
جا له ناصر و نايف
ناصر : فيصل خلاص أنت ما تؤمن بالقضاء و القدر
فيصل ( يبكي ) : بلى بس أحبها مو محبة أخو لأخته أنت ما تفهمني
ناصر : بلى فاهمك بس حاول تأقلم نفسك على هالوضع و حتى هي الله يعينها
فيصل : أنا ما بروح المزرعه معكم
نايف : ليه ما بتروح؟
فيصل : أبغاها تاخذ راحتها أنا بقطع الاجازه و برجع للجبيل
نايف : خلاص بس اللحين خلك قدامها عادي و لا تهتز قدامها نبغاها تعرف أن أخوانها رجال ما يهزهم ريح
فيصل : أوكي ( و مسح دموعه ) خلاص خلونا ندخل


و دخلوا الشباب
جلس فيصل جنب سلطان
سلطان : وش فيك ؟
فيصل : ما فيني شي
سلطان : اهاا خلاص كيفك لا تقول شي
فيصل ابتسم لسلطان يعرف أخوه يحب الفضول و أكيد الفضول ذابحه


سلطان
وش فيه فيصل أكيد بكى عشان هنادي الله يساعدك يا أخوي

نايف
يا حليلك يا هنادي أثرتي فينا كلنا ما أتوقع يا أختي أن فيصل ينساك
بس إن شاء الله الزمن ينسيه هنادي القديمه و يرجعه للواقع

حنان
أنا كنت مستانسه أن هنادي بنت عمي تصير أختي بس ما توقعت أن أخوي فيصل يحبها بهالشكل
الله يعينك يا أخوي و حتى هنادي شكلها تحب فيصل حيييل بس إن شاء الله بحاول أنسيهم هالحب

منى
ونااااسه عندي أخت جديده بس ما توقعت إن فيصل الهادي يحب هنادي بهالشكل بس مفروض ينساها أو يتناساها

البنات متلثمات و الشباب جالسين في المجلس الوسيع ينتظرون هنادي

دخلت هنادي و الكل رفع عيونه و شافها ما عدا عيون واحد و أكيد عرفتوه فيصل

كانت لابسه بدله سبورت و رافعه شعرها الأشقر ذيل حصان و ملامحها اشوي ذبلانه
ابتسمت لهم : الله كل أخواني و خواتي متجمعين وناااسه
تقدم لها نواف ( و ضمها ) : هلا بهنادي
ضمته هنادي أخوها من الرضاع : هلا نوافوه لي أسبوع ما شفتك شخبارك و شخبار عبير ؟
نواف بمرح : عبوره وااااااااي تهببل خطيبتي
ضحكت هنادي : ههههههه الله يخليكم لبعض
نواف : آآآآمين

نواف : بعرفك على أخوانك الجديدين و أخوانك القديمين اللي من الرضاعه
هنادي : ههههه أوكي

نواف مسك سعود : هذا سعود المغرور أكيييييد تعرفينه
هنادي : أكيييييد أعرفه و هل يخفى القمر ؟
سعود : احم احم ميرسي خيتو
هنادي : العفو على فكره أنت خذت كلمة حنان المميزه ( و تلقد حنان ) : ميرسي
سعود ابتسم و هو يطالع شكل حنان بنت عمه اللي متلثمه بس مبين عليها أنها مستحيه

نواف : اللي بعده
تقدم ناصر
هنادي : نصووووووور اشتقت لك يا سوبر مان دائما ً تكون في الشركه
ناصر : خخخخ سوبر مان مره وحده مقبوله تشتاق لك العافيه يا قلب ناصر
هنادي ( وهي تسوي روحها مستحيه ) : ما أقدر على الكلام الحلو
ناصر : طول عمره لساني ينقط عسل

نواف : أقول لا تصدق نفسك و انقلع خلنا نكمل
نواف يكمل : اللي بعده
خالد : هااي يا مصممه الديكور
هنادي : هلا بالمهندس
خالد : خلاص قررت أفتح مشروع و بخليك تصممين لزبايني عشان أطور موهبتك
هنادي : أوكي و لا يهمك يا خوخه
خالد معصب : خوخه بعينك ما أحب هاللقب
هنادي : خخخخ أن شاء الله خوخه
خالد يهدد : هيييييييين أوريك بعدين
هنادي : ههههههههه

نواف : أوكي خلصوا أخوانك من الرضاع و اللحين أخوانك الصدقيين ههههه
هنادي : ما في فرق بينكم و بين بعض كلهم أخواني الغاليين
نواف :أدري كنت أمزح المهم اللي بعده
أقبل فيصل
نواف انقلب ملاحه من الفرح إلى الجد
نواف : هذا فيصل أخوك
هنادي ( كانت تنتظر هاللحظه اللي كانت خايفه منها بس تشجعت و خلت نفسها عاديه ) : هلا فيصل
فيصل رفع عيونه : هلا هنادي

الكل ساكت و يطالع
هنادي : مشكور يا فيصل على كل شي سويته لي و خلنا نفتح صفحه جديده
فيصل ابتسم : بس أحس الموضوع أشوي صعب
هنادي : لا تخاف بنتعود على الوضع الجديد
فيصل : بحاول

و طلع فيصل من المجلس
هنادي ضاق صدرها بس ما بينت : نواف كَمل
نواف : أوكي اللي بعده


جا سلطان
نواف : هذا سلطان أشهر من نار على علم
هنادي : هههههه وناااااسه أخوي من المشاهير
سلطان : هههههههه اهليين بأختي الجديده أبي منك طلب قولي تم
هنادي : تم
سلطان : أبيك تخطبين لي

كل الشباب و البنات ضحكوا عليه
هنادي : أبشر و لا يهمك بدور لك على وحده تناسبك
سلطان : تسلمييييين
نواف : اللي بعده
تقدم نايف
نايف : هلا هنادي
هنادي : أهليين
نواف : هذا الدكتور نايف
نايف : هههههه خلني أخلص الكليه بعدين قول دكتور
هنادي : زيين أن واحد من أخواني دخل طب كشخه
نايف ( يغمز لها ): ههههه أعجبك
هنادي : أكييد تعجبني أنت أخو هنادي مو أي شي
الكل يضحك :
هنادي ( وقفت على الكرسي) : أنا بقول لكم اقتراحي
الكل : وش هو ؟
هنادي : بنام أسبوع هنا و أسبوع بيت عمي محمد لما أتزوج ههههه وش رايكم ؟
البنات فرحانات :وااااااو وناااااااااااسه
هنادي : مشكورييين كلكم على جيتكم هنا عشاني تعبتكم معي
الشباب : لا عااااادي أنتي أختنا الغاليه
ابتسمت لهم هنادي
((( أجمل شي في الحياه أنك تكون بين أخوانك و خواتك اللي يحبونك و لا يرضون عليك بأي شي )))
&&&&&&&

في التحليه
الساعه 10 الليل
كانوا الشباب جالسين في المقهى
تركي : طلوووووووووول
طلال ( وهو يتابع مباراة أجنبيه مع الشباب ) بصراااخ لأن المقهى إزعاج : نعم
تركي : خلنااااا نطلع من المقهى عشان نتمشى
طلال : أوكي
( و نادى الجارسون )

طلال : كم الحساب ؟
الجارسون : حسابك أنت مع صديقك ؟
طلال : ايه
الجارسون : في بنت دفعت حسابكم
طلال ( مستغرب ) : طيب وين هالبنت ؟
الجارسون ( يأشر على البنت اللي جالسه في زاوية المقهى مع خويتها ) : هناك البنت
طلال : أوكي ثانكس

جا له تركي : طلال يلا خلنا نطلع المقهى زحمه
طلال : تصدق إن في بنت دفعت حسابنا
تركي ( مستغرب ) : مين هاذي ؟
طلال ( يأشر له ) : ذيك اللي جالسه مع خويتها
تركي : تعال خلنا نروح لها و نعطيها فلوسها
طلال : طيب

و راحوا لها طلال و تركي
تركي : لو سمحتي
البنت لفت على تركي ( بمياعه ) : نعم
تركي : أنتي اللي دافعه حسابنا؟
البنت ترمش بعينها : ايوه
تركي : طيب ليه دافعه الحساب ؟
البنت ( تأشر لخويتها ) : قولي له ليه دفعت الحساب يا جوجو
جوجو ( مدت يدها ) : بصرااحه أنت مع خويك ذاك ( و تأشر على طلال ) تعجبونا و نبي نتعرف عليكم
البنت: فهمت ليه دفعت عنك يا ...... إلا ما قلت لي وش أسمك ؟
تركي ( بغرور ) : معك تركي ( و دفع لها الحساب ) و مره ثانيه لا تدفعين حساب غيرك فاهمه يلا بااي
البنت ( عصبت منه ) : مغرور شايف نفسه حيييييييييل
جوجو : بس يحق له مزيون و وسيم مرررره يا حظ البنات اللي يقربون له أكيد مستانسين عليه
البنت : الا وش قال اسمه ؟
جوجو : تركي يا حلاة اسمه يجنن هالولد مو خويك القديم يزيد القرف
البنت : ما خاويت يزيد الا عشانه بطران بس هالتركي من جد عذاااااب ... بلحقه بلحقه لما أطيحه


راح تركي لطلال
و طلعوا من المقهى
و ركبوا السياره
طلال : ها عطيتها فلوسها
تركي : ايوه .. لا تخاف شكلي بتعود على هالأشكال
طلال : و هي ليه دافعه حسابنا؟
تركي ( ابتسم ) : تصدق يا طلال اللحين البنت هي اللي صارت ترقم الولد
طلال : و الله الدنيا تطورت
تركي : أيه و الله تقول لي ( و يقلد صوت خويتها ) بصرااحه أنت مع خويك ذاك
تعجبونا و نبي نتعرف عليكم
طلال : ههههههههه صدق أنهم داجات
تركي : تصدق لو أني مو متنرفز اللحين كان تعرفت عليها و بعد فتره أسحب عليها
طلال : هههههه و الله أنك شي
تركي : المهم خلنا نروح لمهند شكله لا زال في الصالون
طلال : يا حليله مهند زواجه بكره شكله متحمس للعرس
تركي : ههههه أي والله توه مكلمني يقول تعالوا شوفوا شكلي بالسكسوكه
طلال : هههههههه أحس إن شكله يطلع نكته
تركي : ههههه خلنا نروح نجننه
طلال : أوكي


..........................
__________________
اللّهم أني أسألك إيماناً دائماً وقلباً خاشعاً
وعلماً نافعاً ويقيناً صادقاً وديناً قيماً
والعافية مِن كل بلية وتمامَ العافية
ودوامَ العافية والشُكر على العافية

والغِنى عَن النآس


-->
من مواضيع تمـَرٍدْ ~ً

تمـَرٍدْ ~ً غير متواجد حالياً   رد مع اقتباس
قديم 04-08-2010, 07:19 PM   #4
| سبحآن الله وبحمده |
 
الصورة الرمزية تمـَرٍدْ ~ً
 
تاريخ التسجيل: Jan 2009
الدولة: الرياض .
المشاركات: 13,204
معدل تقييم المستوى: 10425607
تمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond repute
افتراضي رد: رواية نهاية عاشق رواية سعودية رومنسية كاملة-رواية نهايه عاشق كاملة للتحميل+قراءة

في بيت أبو مشاري

في الصاله
وجدان : شغلوا لنا شي مشتهيه أرقص
رغد : و أنتي دايم تطربين
وجدان : وش عليك مني خليني أوسع صدري
رغد : ههههههه أوكي
أفنان ( و هي تدور في الأشرطه ) : وش تبين أغاني راشد الماجد و لا أليسا و لا ماجد المهندس و لا ..
قاطعتها وجدان : حطي راشد مطربي المفضل
أفنان : أوكي
وجدان : الا وين شوق ؟
رغد : أكيد تكلم دينا
وجدان : أهاا
أفنان : يلا شغلت الاستريو

و قاموا البنات يرقصون

على أغنية سلامات


سلامات حبيبي مو على بعضك سلامات
سلامات أشوف الحزن في عيونك سلامات
بلقياك القلب يشفي غليله
وأنا وياك مثل قيس وليله
روايات وياما ألفوا عنا روايات

<< كانت وجدان ترقص و هي تفكر في ذاك الشاب اللي طير عقلها بجماله و أسلوبه
من هو هالشاب ؟؟ << بتعرفونه في البارتات الجايه

....................

يوم الخميس
الساعه 10 الصباح
في المخيم

صقر : جاسم وش رايك بوعد ؟
جاسم : قصدك اللي خطفناها؟
صقر بمكر : ايه صيده حلوه مرره وش رايك ؟
جاسم : ههههه بسرعه خلنا ندخل عليها قبل ما يجي مساعد قصدي الزعيم
صقر : تعال معي

و دخلوا على وعد اللي مربطه في الخيمه الصغيره
شافوها و انصدموا من شكلها و على طووول دق صقر على مساعد
.
.
.
.
مساعد ( وهو نايم ) : ألوو
صقر ( وهو خايف ) : تعال بسرعه وعد ... دم .. دم
مساعد ( قام مخترع ) : وش فيك تخربط وش فيها وعد ؟
صقر : أنت تعال بسررعه
مساعد ( قام ) : طيب أنا جايكم
.
.
.

و راح لهم مساعد و دخل المخيم
جا له جاسم : مساعد خلنا نلحق على البنت قبل ما تموت
مساعد ( وهو مخترع ) : وش فيها ؟

جاسم مسك مساعد و دخل معه الخيمه الصغيره
قرب مساعد من وعد اللي مغمي عليها و راسها مجروج جرح عميق و ينزف دم كثير
على طول فك رباطها و شالها

مساعد : صقر خلنا نوديها لأقرب مستشفى و أنت يا جاسم أجلس هنا لما نجي
جاسم : إن شاء الله

صقر شغل السياره و ركب مساعد و معه وعد
مساعد ( هز كتف وعد ) : وعد .. وعد قومي بوديك بيت أهلك بس قومي
وعد : ......................................
مساعد : قومي و الله برجعك لأهلك
صقر ( وهو يسوق السياره ) : عسى ما ماتت البنت
مساعد ( معصب ) : فال الله و لا فالك
صقر : يلا خلنا ننزل وصلنا للمستشفى
مساعد ( و هو يشيل وعد ) : بوديها الطوارئ و أنت أنتظر هنا و أنا بكلمك على الجوال
صقر : أوكي


راح لطوارئ مستشفى سعد التخصصي لأنه كان أقرب مستشفى لهم

و على طول خذوها للغرفة العمليات

مساعد كان واقف ينتظر خروج أي دكتور عشان يطمنه على وعد

( اااه يا وعد ليه ضربتي راسك بعامود الخيمه عسى ما صار لها شي كبير و الله إني ما بسامح نفسي على اللي سويته )
*
*

في الشرقيه

و بالتحديد في منطقة الحزام الأخضر بالخبر
في قصر فواز كانت الدنيا معفوسه فوق تحت
فواز معصب : وين وعد ما جات معك من أمس ؟
كان رائد متوتر : و الله ما أدري و شلون اختفت نزلت لبنده و كانت تنتظري في السياره و رجعت و ما لقيتها
أم رائد ( تبكي ) : يا قلبي على بنتي أكييد مخطوفه
فواز ( مسك زوجته ) : لا تخافين يا منيره اذا كانت مخطوفه أكيد بيكلموني عشان أعطيهم فلوس بس إذا ما أحد اتصل بعد 24 ساعه
بتصل على الشرطه عشان أبلغ

طلع رائد من القصر و جلس في سيارته
و دق على فهد
رد فهد : ألو
رائد : هلا فهد
فهد : هلا رائد وش في صوتك متغير ؟
رائد : أختي وعد
فهد : وش فيها ؟
رائد : انخطفت
فهد ( بصدمه ) : وش تقول ؟؟
رائد : تعال لي الشرقيه و الله ما أدري و ش أسوي ؟
فهد : درى عمي ؟
رائد : ايه درى هذا هو معصب و إذا ما أحد كلمه بيبلغ بعد 24 ساعه
فهد : خلاص أنا بجيك مع الشباب عشان ندورها معك
رائد : بنتظركم بس لا تقول لأماني أختي ما أبي يصير لها شي أنت تعرف أنها متعلقه في وعد كثير
فهد : ما بقول لها .. خلاص بنجيك على الطياره
رائد : أوكي

و سكر منه التلفون
فهد : الله يحفظك لأهلك يا وعد

بعرفكم على عائلة فواز
فواز( أبو رائد) : من هوامير البورصه و هو من أغنى أغنياء الخبر
منيره ( أم رائد) : دكتوره في جامعة الملك فيصل
رائد : درس في جامعة البترول و المعادن و كمل دراسته بأستراليا عمره 27 سنه
أماني : متزوجه فهد درست في جامعة الملك فيصل بالدمام محاسبه و اللحين تكمل دراستها في المعهد بالرياض
وعد : بنت عمرها 19 سنه طالبه في جامعة الملك فيصل تدرس نظم معلومات هي أصغر وحده في عائلة فواز


................
الساعه 12 الظهر

في بيت أم فهد
دخل فهد البيت و كان مستعجل حييل
أم فهد كانت جالسه تطالع التلفزيون شافت فهد : فهد
راح فهد لأمه و باس راسها : نعم يمه
أم فهد : وش فيك مستعجل ؟
فهد : بروح الشرقيه اللحين
أم فهد ( مستغربه ) : ليه بتروح الشرقيه ؟
فهد ( جلس جنب أمه ) : بقول لك ليه بس لا تعلمين أماني
أم فهد ( خافت ) : عسى ما في أهلها شي !!
فهد ( بضيق ) : رائد توه مكلمني يقول إن وعد انخطفت
أم فهد ( مصدومه ) : وعد !!!!!!!!
فهد : ايوه بروح لرائد مع واحد من عيال عمي ما أقدر أروح الليله المزرعه
أم فهد : خلاص أجل بس طمني على وعد إذا لقيتوها
فهد : إن شاء الله

طلع من البيت و راح شقته و خذ الأغراض اللي يحتاجها لأن أماني في المعهد و الريم بنته الصغيره عند أم فهد
و على طول دق على أخوه تركي
في السياره
فهد يدق على أخوه تركي
فهد : ألو تركي
تركي : هلا أبو الريم
فهد : هلا أقول أنا بروح الشرقيه تخاويني
تركي ( يطالع ساعته ) : لا والله ما أقدر وراي شغل ضروري عند جامعة الملك سعود
عندي بحث عشان كلية البحريه و أنت ليه بتروح الشرقيه ؟

فهد : لأن توه رائد مكلمني يقول إن وعد أخته انخطفت
تركي ( مصدوم ) : وعد أخت مرتك !!
فهد : أيوه أخت أماني و قال لي يبيني أجي له على الطياره و أنا أبي أروح مع واحد من عيال خالي
تركي ( توه يتذكر ) : أيوه ذكرتني دق على فيصل بيروح الشرقيه بعد أشوي بالطياره
فهد : خلاص أجل بدق على فيصل بس يا تركي لا تقول لأحد عن وعد و خصوصا ً زوجتي
تركي : إن شاء الله يلا مع السلامه و طمنوني اذا لقيتوها
فهد : أوكي بقول لك مع السلامه

)()()()()()()(
الساعة 9 الليل
الكل راح للمزرعه

بوصف لكم المزرعه
((باب المزرعه كبير و مره فخم حديد مشغول لونه ذهبي مع بني
و مدخل المزرعه رخام بيج و على جانبيه حشيش أخضر مع ورود ملونه و ريحان
متفرع المدخل إلى طريقين يمين و يسار النافوره الكبيره الطريق اليمين يودي لمجلس الرجال و الطريق اليسار يودي لمجلس الحريم
و ورى المزرعه فيلا كبيره فيها مطبخ في الدور الأول و غرف للخدم و طاوله طعام كبيرة في غرفة الطعام
و ديوانيه للشباب و اللي هي عباره عن كنبات عشبي مع ذهبي و نحاسي طراز كلاسيكي و معتق ببني فيه تلفزيون بلازما
و الدور الثاني عباره عن 4 أجنحة نوم و في كل جناح غرفتين نوم كبار و حمام كبير مع الجاكوزي ))

<< بس يبقى جنبهم بحر و يصير شاليه ^_^
كانوا البنات متجمعين بعيد عن الحريم في المجلس و أنواع السوالف و الهستره و الوناسه جات لهم العمه نوره
العمه نوره : يا حبايبي أبي بنتين منكم عشان يساعدوني في المطبخ
شوق : إن شاء الله عمتي ...... وجدان تعالي معي عشان نساعد عمتي
وجدان : أوكي

و راحوا للفيلا
<< طبعاً بدون ما يحطون الغطاء على وجيهم لأن العمه قالت لهم إن الشباب في مجلس الرجال

راحت وجدان مع أمها جهة المطبخ أما شوق جلست تتأمل شكل الفيلا و صعدت للدور الثاني عشان تشوف الجناح تبعهم
لقت جناح مفتوح بابه استغربت مين اللي فتح باب هالجناح و راحت جهة الجناح المفتوح
و صدمت بجسم شخص و اختل توازنها بسبب الكعب العالي و طاحت على الأرض كانت فشلانه من طيحتها
و من ملابسها لابسه برومدا جينز و بودي بينك مفتوح من الصدر و مرسوم فيه ورده حمراء كبيره
نزل لها هالشخص و مسك يدها : ما تشوفين شر يالغاليه و انصدمت أكثر و أكثر لأن هالشخص كان تركي
وقفت شوق مرتبكه تصلح شعرها البني ( و هي منزله عيونها ) : مشكور يا .. ( و ضاع الكلام اللي تبي تقوله )
تركي و هو يتأمل وجهها : يا ... ايش كمليها
شوق بضيق نزلت من الدرج و كان يد تركي أسرع منها :
شوق أبي أتكلم معك بشي ممكن ؟
شوق ( منزله عيونها ) : ما أقدر أتكلم معك يا تركي أنا مرتبطه
تركي كل ما يسمع هالكلمه ينقهر و يتنرفز لأن حبيبة قلبه راحت منه
تركي ( ترك يدها ) : أوكي على راحتك
شوق نزلت من الدرج و هي منهاره نفسيتها
حسوا لو مره عشاني و اتركوا الطبع الأناني يا هلي ردوا علي من ذبح فيكم كياني
( ليه زوجتوني من ماجد !! ليه حرمتوني من أغلى إنسان في الوجود !! .. ليه !!)
تركي فكر بعد العشاء يطلع البنات طبعا ً عشان يناظر شوق
راحت شوق للمطبخ
وجدان : شوق وينك حنا في المطبخ من زمان و أنتي ما جيتي
شوق كانت خايفه تحس فيها وجدان : ها كنت أدوركم بصراحه ضيعت المطبخ
وجدان : أهااا المهم شيلي معي صحن العشاء ثقييل مررره
شوق : أوكي
شالوا الصحن و ودوه لمجلس الحريم
أما العمه نوره دقت على تركي عشان ياخذ صحن العشاء للرجال

في مجلس الحريم

انتهوا من العشاء
أم نواف : الحمد لله .. ما شاء الله الأكل طعمه أحلى من ذيك المره
أم فهد : ههههه أكيد طعمه حلو ولدي تركي اللي طابخه مع الشباب
شوق لما سمعت كلمة تركي على طوول رفعت راسها و كل البنات لاحظوا هالشي يعني هي لين اللحين تحبه !!

........
في المستشفى
كان مساعد جالس و هو مرره متوتر لأنهم جلسوا معه في تحقيقات
و هو قال لهم إنه ما يدري عن شي لقاها طايحه في الشارع و جابها للمستشفى
طلع الدكتور من غرفة العنايه المركزه و على طول راح للدكتور : هاا شخبارها اللحين
الدكتور بأسف : و الله لين اللحين في غيبوبه
جا لهم الشرطي : دقينا على أهلها و قالوا أنهم بيجونها
مساعد متوتر : خلاص أجل قول لهم أن في شخص جابها هنا و راح
الشرطي : لا أبوها يقول لا تروح الظاهر يبي يشكرك
مساعد (( يحس إنه أحقر مخلوق على وجه الأرض )) : طيب أنا بنتظر
و مسك جواله و دق على صقر

صقر : هاا شخبارها ؟
مساعد : و الله ما أدري لين اللحين في غيبوبه
صقر : اهاا
مساعد : المهم أنت روح للمخيم و أنا بجيكم بالتاكسي
صقر : ليه أنا بنتظرك
مساعد : شكلي مطول أبوها اللحين بيجي
صقر خاف : قلت لهم أننا خطفناها
مساعد : لا من جدك أنت
صقر : الحمد لله
مساعد : تصدق ما أدري أحس إن هالبنت تهمني كثير أبي أتطمن عليها
صقر : هههههه لا تقول أنك تحبها
مساعد معصب : من جدك أنت أقول انقلع
صقر : أفااا خلاص أنا بروح اللحين المخيم باي
مساعد: مع السلامه
و سكر الجوال
مساعد في نفسه ( صدق أنه غبي )
راح لمكتب الدكتور
مساعد : للحين ما في تحسن في حالتها
الدكتور : هي في غيبوبه بس أنا شاك في شي و الله أعلم
مساعد ( متوتر ) : وش هالشي ؟

.
.

في المزرعه
في مجلس الرجال
تركي يكلم وجدان : ألو وجدان
وجدان : اهليين تركي
تركي : وجدان طلعي مع بنات خالي عشان نتمشي بالسياره
وجدان ( مستانسه ) : واااااو فللله
تركي : هههههه يلا طلعوا
وجدان : أوكي
و سكرت الجوال
وجدان : يلا لبسوا عباياتكم تركي بيمشينا
مها : يااااااااي أخوك فللله مو خالد أخوي يرفع الضغط
وجدان : ههههه يعجبك أخوي
أفنان : دقيقه بنادي شوق و رغد
وجدان : أوكي أنا و البنات نحتريكم بالسياره
أفنان : أوكي
و صعدت للدور الثاني من الفيلا
أفنان : شوق ... رغد لبسوا عباياتكم
شوق : ليه ؟
أفنان : تركي بيمشينا برا المزرعه .. نبي نغير جو
شوق : من جدك أنتي ؟
أفنان : ايه من جدي بسرعه خلصي أنتي و رغد البنات بنتظرونا
رغد و شوق : أوكي
و نزلوا البنات من الفيلا
و ركبوا السياره
الساعه 10 و نص الليل
كانوا اللي موجوديين بالسياره مها و منى و شوق و أفنان و رغد أما حنان و ساره جلسوا في مجلس الحريم مع هنادي
لأنها ما هي مشتهيه تطلع

في السياره
كانت وجدان جالسه جنب تركي
وجدان : تركي وين بتودينا اللحين ؟
تركي : بندور في الخرج و قبل ما نرجع بنروح مقهى
وجدان : ياااااي و الله أنك فلله
تركي ما رد على أخته كان يعدل المرايا عند جهة شوق اللي جالسه ورا مقعد وجدان عرفها من عيونها النعسانه
كانت شوق تطالع من النافذه اللي رايح و اللي جاي و هي في عالم ثاني تفكر في مصيرها مع ماجد
( معقول أتم طول عمري كذا متزوجه ماجد بالاسم شكل الأخ مطول في سفرته يقول 3 أسابيع
و اللحين مر شهر و هو ما بعد يرجع )
وجدان : تركي صوتك حلو غن لنا
أفنان : أي و الله دايم وجدان تمدح صوتك
مها : يلا عن لها تحمست
تركي : ههههه صوتي مو حلو لهالدرجه
رغد : كذاب ذيك المره سمعت صوتك تغني في بيتنا عشان تراضي طلال
تركي : الله غنيت له أيام الثانوي من زمااااااان
وجدان : يلا عن عشاني ( وهي تتدلع جنب بنات خالها )
تركي : أوكي أمممممم
يا اللي على البال تطري و أنت ما تدري
وش ذنبه اللي يحبك و أنت خليته
وش ذنب قلبن رسملك حبه العذري
وش ذنب دمعن على طاريك هليته
و نزلت دمعه من عين تركي و على طول مسحها عشان ما يلاحظ أحد
و صرخواااااااا البنات

وقف تركي السياره
تركي و هو مرتعب : وش فيكم ؟

....

في المستشفى
مساعد و هو مصدوم : لا أنت تكذب شتقول ؟؟؟
الدكتور : أنا قلت إحتمال يصير كذا و الله أعلم
مساعد بهستيريا وقف : أنت تكذب أنا ما أصدقك إلا وعد ما أبي يصير لها شي
أنت ما تدري مين وعد ... أنت ما تعرف الزعيم .. أنا بخلي أبو وعد يفصلك من شغلك
... أنت شلون صرت دكتور أنت .... و على طول أنهار عندهم

...............
نهاية البارت الخامس
_______________________
البارت السادس


(( فديت صوتك فديتك شفتك عشقتك هويتك يا ليت تدري يا ليتك غلاك يا كبر قدره))

مستشفى سعد التخصصي

دخل فواز مع رائد و فهد

عند الاستقبال

فواز : لو سمحت أخوي عندكم مريضه بالمستشفى إسمها وعد
موظف في الاستقبال : أيه عندنا هي موجوده في غرفة العنايه المركزه
رائد ( مصدوم ) : وش فيها ؟؟
الموظف : والله ما أدري وش هو الموضوع بالضبط بس بنادي لكم الدكتور اللي يتابع حالتها
رائد : طيب
فواز : رائد وش في أختك ؟
رائد ( خايف ) : والله ما أدري
فهد : إن شاء الله ما فيها شي بس أنتوا هدوا أنفسكم
فواز ( جلس على أحد الكراسي مصدوم) : عسى بنتي مو متعرضه لإعتداء
فهد : عمي الله يهديك لين اللحين ما عرفنا الموضوع أنتظر و نشوف
جا لهم الشرطي
سَّلم عليهم
الشرطي : إستاذ فواز حياك الله وش سالفتك هنا ؟ عسى ما في أهلك شي ؟
فواز : بنتي عندهم هنا في العنايه المركزه
الشرطي : وعد !!
فواز : ايه
الشرطي : واحد جابها هنا لازم تشكره لو أنه ما جابها بسرعه كان بنتكم راحت منكم
فواز : بنتي وش فيها ؟
الشرطي : تعرضت لإصابه قويه في الراس
فواز ( ضايق صدره على بنته ) : و هي شخبارها اللحين ؟
الشرطي : و الله ما أدري
و يأشر على الدكتور : هذا هو الدكتور المشرف على حالتها
الدكتور : السلام عليكم
فواز – رائد – فهد : و عليكم السلام
رائد : شخبار وعد ؟
الدكتور : حالتها مستقره اللحين
رائد : طيب مين اللي جابها عندكم ؟
الدكتور : واحد اسمه مساعد على ما أظن هو موجود هنا في غرفة 56
رائد ( مستغرب ): هو وش فيه ؟
الدكتور : جاه إنهار عصبي
رائد : اهااا .... فهد تعال معي عشان نشكره
فهد : طيب
و دخلوا لغرفة مساعد
نور الغرفه خفيف
مساعد نايم على السرير
مساعد حس بوجود أحد فتح عيونه شوي ( بصوت مبحوح ) : مين ؟
قرب منه رائد
رائد : أنا ..... ( انصدم بمساعد ) مساعد !!!
مساعد فتح عيونه مصدوم : راائد
مساعد : وش جابك هنا ؟
رائد: و أنت شفيك هنا ؟
مساعد ( بحزن ) : أأأأخ يا القهر
رائد : وش فيك ؟
مساعد ( ابتسم له بحزن ) : لو أحد قال لك إن مساعد يحب تصدقه ؟
رائد ( يضحك ) : أكيد لا ما راح أصدقه
مساعد : حبيت وحده
رائد : خلاص أخطبها
مساعد : بس القهر إن أهلها أغنياء كثير مثل أبوك و أهلك
رائد : أهاااا و كيف عرفتها ؟
مساعد ( بكذب ) : لقيتها على الرصيف مغمي عليها و جبتها للمستشفى بس ما أعرف منها شي إلا إن اسمها وعد فواز الـ....
مكتوب في بطاقة هوايتها
رائد مصدوم : وش تقول ؟؟؟؟؟؟
مساعد : أيه بس الغريبه أنك أنت مع البنت نفس أسم العائله أكيد أنها تقرب لك زوجني أياها أحبها يا رائد و الله أني أحبها
فهد مو مستوعب اللي يصير يحس نفسه أنه في فلم هندي !!!!
رائد ضم مساعد : أنت اللي أنقذت حياتها يا مساعد
مساعد ( عبس وجهه باستغراب ) : وش تقصد ؟
رائد ( و الدموع نزلت من عيونه ) : أنت أنقذت وعد أختي
مساعد جلس على السرير : من جدك وعد أختك ؟؟
رائد : ايه السالفه كلها أني نزلت لبنده و رجعت لقيتها مو موجوده في السياره و قال له كل السالفه
مساعد في نفسه
(( ضاق صدره صدق إني حقير و الله ما بسامح نفسي وعد طلعت أخت رائد صديقي
قسم بالله لو يدري إني أنا اللي قلت لصقر و جاسم يخطفونها كان ذبحني بس إذا طلعت من المستشفى بخطبها
ما أقدر أصبر على هالزين بس كلام الدكتور اللي قاله و هي وش ردة فعلها إذا جيت و خطبتها الله يستر بس ))
رائد ( بضيق ) : خلاص أنا بقول لأبوي عشان يشكرك بس اللحين بروح أكلم الدكتور بموضوع مهم
مساعد ( قطب حواجبه ) : وش بتقول له ؟
رائد : أبيه يتأكد وعد لازالت بنت و لا .....
قاطعه مساعد : لا أكيد بنت
رائد بإستغراب : وش عرفك إنها لازالت بنت ؟
مساعد ارتبك : شوف يا رائد أختك بنت و لا مو بنت أنا أبي أتزوجها
رائد : بس يا مساعد
مساعد : لا بس و لا شي خلاص أنا أبي أختك بستر عليها إذا كانت مو بنت على قولتك
رائد : خلاص بقول لأبوي و برد لك
مساعد : مشكووووور
رائد ( مستغرب ) في نفسه (( وش بينه و بين وعد ليه يبيها أهي بالذات جد شي غريب ))
رائد : المهم أنا بطلع بمرك بعدين
مساعد : إن شاء الله
فهد سَّلم على مساعد : يلا مع السلامه
مساعد : مع السلامه

طلع رائد من الغرفه
رائد : فهد وش رايك بالموضوع ؟
فهد : ما أدري بس أنت روح تأكد من الدكتور الاحتياط واجب
رائد : خلاص أنا بروح له و أنت أجلس مع الوالد
فهد : أوكي

راح رائد للدكتور
في مكتب الدكتور
جلس رائد : دكتور أبي أتأكد منك عن وعد
الدكتور : وش اللي تبي تتأكد منه؟
رائد ( بارتباك ) : أختي متعرضه لإعتداء أو شي من كذا
الدكتور ( بإبتسامه ) : لا تخاف أختك بنت ما تعرضت لشي من كذا بس هي تعرضت لإصابه بالراس
رائد : و اللحين هي شخبارها ؟
الدكتور بضيق : هي صحت من الغيبوبه بس إصابتها في الراس قويه و أثرت على حاسه من حواسها
و هي بتصحى بس هالإصابه أثرت على النطق
رائد مصدوم : وش تقول ؟؟؟؟
الدكتور : أختك ما تقدر تتكلم يمكن فتره و تتكلم أو أن حالتها تكون كذا طول العمر
رائد مو مستوعب الكلام الللي يقوله الدكتور : قصدك أختي بتكون خرساء !!
الدكتور بأسف : ايه بس ما أدري بتكون خرساء طول العمر و لا يمكن ترجع تتكلم
رائد ( مسك راسه ) في نفسه (( اللحين وش بقول لأبوي الله يعينه و يعينك يا وعد ))
رائد : طيب ممكن أشوفها ؟
الدكتور : لا ما تقدر اللحين انتهت الزياره بس بكره تقدر تزورها
رائد : خلاص بشوفها بكره


.............
الخرج
الساعه 10 و نص
في السياره
وقف تركي السياره

تركي وهو مرتعب : وش فيكم ؟
أفنان ( وهي تبكي ) : شوق طاحت علي ما أدري وش فيها
تركي على طووول طلع من السياره و فتح الباب اللي جهة شوق
و قال لوجدان : رجعي ورا
وجدان و هي خايفه على شوق : إن شاء الله
تركي شال شوق و ركبها مكان وجدان و حط راسها على حظنه و هو يقول :
قلبي قومي من النوم تتركين تركي حبيبك ( وهو يبكي و مو حاس باللي يقوله ) شوق قومي عشاني عشان العاشق اللي يحبك من زمان
شوق : ..................................................
<< طبعا ً البنات تأثروا من كلام تركي معقول يحبها لهالدرجه
تركي مشى بالسياره بسرعه غير معقوله كان يقطع الإشارات اللي في طريقه عشان يوصل للمستشفى
ما يبي يفقد حبيبته تركي في نفسه :
((بس يمكن أغمى عليها عشانها حامل لا معقول ماجد لمسها أو نام معها لا مستحييييييل
كان يطالع شوق و هو مصدوم بس إذا كانت حامل تنزله ما أبيها تجيب طفل من ذاك الواطي الحقير ))

و وصل لأقرب مستشفى
قسم الطوارئ
تركي كان متوتر يروح و يرجع على الغرفه اللي دخلوا فيها شوق
أفنان وهي تبكي : ها وش أخبارها ما قالوا لك عنها شي ؟
تركي يشبك أصابيعه من التوتر : لا ما أحد قال لي شي
و كانوا البنات في غرفة الانتظار يبكون معقول تروح شوق منا
رغد كانت بتدق على أهلهم بس تركي ما رضى لها قال : لا ترعبينهم توهم نايمين

لاحظ تركي إن الدكاتره طولوا مع شوق
تركي يكلم وجدان : وجدان طلعي مع البنات برجعكم المزرعه و أنا برجع لشوق
وجدان : لا بنتم معك
تركي كان معصب : طلعي مع البنات عشان أهلنا ما يحسون إنها مو موجوده في المزرعه
وجدان : أوكي ....... بنات يقول تركي بيودينا المزرعه عشان أهلنا ما يشتاغبون علينا
أفنان و هي تبكي : ما أبي أترك أختي
وجدان : لا تخافين تركي بيكون جنبها و أنتي تعرفين إن تركي يحبها و يخاف عليها
أفنان : أوكي

ركبوا السياره مع تركي
و رجعهم للمزرعه
تركي دق على طلال : ألو طلال
طلال ( في الديوانيه يتابع مسلسل ) : هلا تركي وينك
تركي : أقول أطلع أنا في السياره
طلال : طيب بجيك

و راح له طلال

طلال ركب سيارة تركي و هو مستغرب : وش فيك ؟
تركي مشى بالسياره : شوق أختك بالمستشفى
طلال ( مصدوم ) : شتقول وش فيها أختي ؟
تركي : كنت طالع مع البنات و أغمى عليها في السياره
طلال ( بتوتر ) : عسى ما فيها شي كبير
تركي ( معصب ) :كله من ماجد الزفت تاركها لوحدها أكيد نفسيتها تعبانه
طلال ( بحزن ) : الله يعينك يا شوق كله من الوالد مفروض ما يزوجها ماجد
واحد طايش و ما عنده مسؤوليه بس ما سمع كلامي الله يهديه بس
تركي ( متضايق ): طيب أنا وش ذنبي إذا كان يكره أبوي يمكن عشاني أخو وجدان و فهد من الأبو و أمي غير
طلال : و الله ما أدري ليه يسوي كذا
تركي : طيب أمي ماتت من و أنا صغير و نوره مرت أبوي أمي اللي ربتني و علمتني و عاملتني
مثل ما تعامل وجدان و فهد ما في فرق بينا و بين بعض
طلال ( بإبتسامه ) : يعني لين اللحين تحبها ؟
تركي : قصدك شوق أكذب عليك إذا قلت لك أني ما أحبها
( ابتسم تركي ) شوق هاذي حب الطفوله و حب المراهقه و لا زالت هي حبي الأول و الأخير
طلال : الله يعينك يا تركي
تركي وقف سيارته : يلا وصلنا المستشفى


و نزلوا من السياره
و دخلوا المستشفى
.......................

في قصر أبو فواز

في الصاله
فواز : بكره بنزور وعد
أم وعد ( بلهفه ) : طيب وش أخبار بنتي وش فيها؟
رائد ( بحزن ) : و الله ما أدري وش أقول لكم
فواز ( بقلق ) : قال لك الدكتور شي غير اللي قاله لي
فهد : يا عمي رائد راح للدكتور في مكتبه يوم كنت جالس معك عند الاستقبال
فواز : وش قال لك الدكتور يا رائد ؟
أم وعد ( برعب ) : وش في بنتي ؟
رائد (بحزن ) : وعد تعرضت لإصابه قويه في الراس و أثر على حاسة النطق
أم وعد ( بصدمه ) : بنتي صارت خرساء !!
فواز ( بصدمه ) : صدق الكلام اللي تقوله أمك !!
رائد ( بحزن ) هز راسه بإيجاب
أم وعد ( بصراخ ) : كذاب هالدكتور بنتي ما بتصير خرساء
مسكها فواز : يا منيره إذكري الله قدر الله و ما شاء فعل زين إن البنت ما ماتت أو جاها الشلل
كل شي أهون من شي
أم وعد ( نزلت دموعها ) : يا قلبي على بنتي و شلون بتكمل دراستها و هي على هالحاله
رائد مسك أمه : أمي لا تسوين قدامها كذا صيري عاديه لا تضيقين صدرها
فهد ( وقف ) : أنا بروح الرياض اللحين
أم وعد : لا أنتظر بكره و روح ما أبي يصير لك شي في هالليل
فهد ( جلس ) : خلاص بنام عندكم الليله و بكره بروح الرياض عشان أقول لأماني عن وعد و نجيكم
أم وعد ( بحزن ) : خذ راحتك يا ولدي القصر ما فيه أحد غيرنا نام مع رائد
رائد ( مسك فهد ) : تعال نام معي في غرفتي
فهد ( قام ) : أوكي


................

في المستشفى
طلع الدكتور و على طول راحوا له طلال و تركي
طلال : شخبارها اللحين
الدكتور : هي بخير الحمد لله
تركي ( بتوتر ) : وش اللي فيها ؟
الدكتور : أنت زوجها ؟
طلال التفت على تركي و توه بيجاوب على الدكتور بس سبقه تركي
تركي : ايه أنا زوجها
الدكتور بعتب : أنت ما تعتني في زوجتك فيها فقر دم و نقص فيتامينات اللحين خليناها ترتاح لأنها مرهقه
تركي بفرح : الله يبشرك بالخير دكتور ... ممكن أشوفها ؟
طلال يطالع تركي في نفسه (( لا الأخ بايع و مخلص صَّدق أنها زوجته ))
طلال : هيييييي تركي وش فيك ؟
تركي : عادي بروح أتطمن عليها
طلال : أنت مو من محارمها يالذكي
تركي : هاذي زوجتي
طلال : من جدك أنت تكذب الكذبه و تصدقها أقول روح تلايط خلني أتطمن على أختي
تركي : طيب بس قول لها إن تركي بيدخل يبي يتطمن عليك
طلال : طيب بقول لها عشان تتغطى ( بإبتسامه ) شباب آخر زمن
تركي : أقول انقلع أحسن لك
طلال : مقبوله يا الحبيب
تركي : بروح أشتري شي و خل شوق تتغطى
طلال : أوكي


تركي راح لأقرب مكان لبيع الورود في المستشفى
و شرى لشوق باقة ورد جوري حمراء و بيضاء
و راح للغرفه
و طق الباب
تركي : أحم أحم
طلال : هههههه أدخل
تركي دخل و سلم على شوق اللي مغطيه وجهها بالغطاء : الحمد لله على السلامه و مد لها الورد
طلال : أووووووه ورد و حركات هههههه
شوق ابتسمت : مشكور تركي كلفت على نفسك
تركي بابتسامه : الغالي ما يرخص إلا للغالي
طلال : و الله أنك شي

دق جوال طلال
طلال : أنا بطلع أشوي و برجع
شوق : طيب
تركي : حتى أنا بطلع
شوق : تركي إذا ما عليك أمر ناد لي النيرس عشان تجيب لي مويه
تركي مسك جيك المويه و صب لشوق : تفضلي
شوق بابتسامه : زاد فضلك
تركي : أنا بطلع عشان أسأل الدكتور عنك إذا نقدر نطلعك اللحين و لا لاء لأن أهلنا ما يدرون
شوق : أنا اللحين بخير خلهم يطلعوني
تركي : خلاص بقول لهم


و طلع تركي
كان طلال ينظر تركي جنب الغرفه
طلال بمكر : هاااا طولت مع أختي وش سويت ؟
تركي : ما سويت معها شي بس طلبت مني مويه
و عطيتها الماي هي اللحين تبي تطلع من المستشفى تقول إنها أحسن من أول
طلال : أهااا خلاص روح قل للدكتور عشان يرخصها
تركي : أنا بروح له اللحين بس ما قلت لي وش هالمكالمه اللي جايتك
طلال : هذا فهد أخوك داق علي يقول جوالك مغلق
تركي ( دخل يده في جيبه و طلع جواله ) : يؤؤؤ ما فيه شاحن بشحنه في المزرعه
طلال : فهد يقول أنهم لقوا وعد
تركي بفرح : زين وين لقوها ؟
طلال : في المستشفى لقاها مساعد ذاك صديقنا اللي أبوه مسجون بسبب الديون
تركي : ايييييه عرفته
طلال : هو اللي لقاها مغمي عليها في الشارع و وداها المستشفى لأن راسها ينزف دم
تركي ( منصدم ) : الله عسى ما صار لها شي
طلال ( بضيق ) : يقول هالضربه أثرت على راسها و صارت خرساء ما تتكلم
تركي منصدم بحزن : لا حول و لا قوة إلا بالله على يصبرها و يصبر أهلنا
طلال : آمين
تركي : بروح للدكتور عشان يرخصون شوق
طلال : و أنا بروح لشوق عشان تتجهز


..................

في الصباح
الساعه 11

يوم الجمعه
كان الوحيد اللي مداوم في الشركه
يراجع أوراق الحسابات في الشركه كل هذا عشان ينسى هنادي
و يدق جواله رفع الجوال و استغرب من هالرقم الغريب
فيصل : ألو
.................: .....................
فيصل : ألو مين معي ؟
................: ألو أهلين فيصل
فيصل ( هالصوت مو غريب علي هذا صوت هنادي يوووه وش فيني أهوجس ما أتوقع إنها هي )
فيصل : هنادي ؟
هنادي : ايه
فيصل بصوت هادي : أهلين هنادي
هنادي : فيصل أبيك في موضوع
فيصل مستغرب : خير عسى ما شر الوالد فيه شي ؟
هنادي : لا تخاف بابا ما فيه شي
فيصل تسند على الكرسي : الحمد لله
هنادي : فيصل ليه ما جيت المزرعه ؟
فيصل ( ما كان متوقع هالسؤال ) : أنا عندي شغل
هنادي : كذاب أدري إنك ما تبي تشوفني لأن خالتي فوزيه ( أم فيصل ) قالت إنك قطعت إجازتك
فيصل : ما أبي أضايقك بوجودي
هنادي : طيب خلنا نفتح صفحه جديده
فيصل : شلون ما فهمت ؟
هنادي : خلاص أنسى هنادي القديمه و خلنا نبدأ حياتنا الجديده كأخوان
فيصل و هو فرحان : كنت ناوي أقول لك هالشي بس كنت متردد
هنادي ( تبي تهبل فيه ): أجل فصول انقلع أنتظر مكالمه من صديقتي
فيصل وهو معصب : نعم .. نعم .. نعم هنادي إحترميني أنا أخوك الكبير و الله لأوريك إذا رجعت الرياض
هنادي : هههههههه خوفتني
فيصل ( وهو يتوعد ) : هييييييييييييين
هنادي : أوكي انقلع بااااااااااي و سكرت الجوال في وجهه
فيصل في نفسه ( أورييييييييييك يا هنادي هيييييييييييين )

&&&&
في الإمارات و بالأخص دبي دار الحي
الساعة 12 الظهر
كان جالس في لوبي فندق جوميرا حاط رجل على رجل
و يشرب شاي ينتظر الأشخاص اللي جايين يسوون معه لقاء
يمرون جنبه البنات و يلتفتون له غصب جماله ملتف للإنتباء

وحده من البنات طالعه مع زميلتها من الفندق : ميره ما تحسين إن شكله شكل أمير
ميره التفتت عليه : لا يا شما شكله من عيال البطاره
شما : بس أحس إنه شايف نفسه
ميره : أكيد مبين أنا له منصب رفيع في دبي
شما : صح كلامك يا ميره


فتح أحد الجرايد الموجوده على الطاولة و قعد يقرى
سمع واحد يناديه : عساف
عساف رفع نظارته الشمسيه : هلا متعب
متعب يسلم عليه : شو اخبارك؟؟
عساف ( وقف له ) : أنا تمام و أنت شحالك ؟
متعب : أحوالي ماشيه و لله الحمد
عساف يطالع ساعته : ما أدري شو في الصحافه تأخروا ؟
متعب يأشر على الناس اللي داخلين : هذا هم جاوا إذا خلصت معهم اللقاء تعال لي عند برج العرب
عساف : أوكي بجيك

و تجمعوا عليه الصحافه و سوى معهم لقاء
واحد من رجال الصحافه : أخ عساف شحال الوالد اللحين و هل صحيح إنه بيتنازل عن منصب الوزاره؟
عساف : إن شاء الله الوالد يقوم بالسلامه و ما بينازل عن منصب الوزاره
رد عليه الثاني : بس نحن سمعنا إنه بينازل عن منصب الوزير لك أنت هل هذا الكلام صحيح ؟
عساف رفع حاجبه بغرور : عادي كل شي يايز
جاله واحد من الصحافه : أنا من صحيفة .......... أبي أسأل سؤال هل أنتم الوحيدين من عائله الـ....... الموجودين في الإمارات
عساف : ايه نحن الوحيدين اللي هني و عمامي كلهم موجودين في الرياض
رد عليه واحد من الصحافه : كلهم لهم مناصب مرتفعه مثل الوالد ؟
عساف قطب حواجبه : و الله ما أدري من زمان ما شفتهم بس هم يشتغلون في التجاره و البورصه
رد واحد من الصحافه : و ما فكرتوا تزوروهم ؟
عساف : إن شاء الله بنزورهم قريب
رد واحد من الصحافه : شكرا ً على الإجابات أخ عساف
عساف : العفو و أنا في الخدمه

طلع عساف من فندق جميرا
و هو يفكر في نفسه
(( الوالد حالته صعبه و أنا ما أقدر على هالمنصب الرفيع يبيله مسؤوليه كبيره
بس أنا مشتاق للرياض و مشتاق لبنت عمي شوق بروح أخطبها في أسرع وقت بس عسى ما تزوجها تركي
لا ما أتوقع يزوجونها توها صغيره اللحين هي الظاهر إنها بتروح الجامعه أأأه يا زينها هالبنت شيخة البنات كلهم ))


<<< ما يدري إن شوق راحت منهم إثنينهم (من تركي و عساف)
بتكلم عن عساف
شخصيه جديده في القصه بس له دور كبير فيها
الولد الوحيد عند الوزير راشد أمه أميركيه تزوجها أبوه يوم كان يدرس بأمريكا درى أبو راشد ( جد عساف ) بالموضوع و طرده من البيت
سكن راشد في الإمارات و أخوانه في الرياض و أحتل مناصب كبيره في الإمارات بسبب شخصيته و هيبته و ذكائه و علمه إلى أن صار وزير
توفت زوجته بمرض السرطان ( عافنا الله و اياكم )
و حزن راشد عليها و مرض بنفس المرض
و هو اللحين في المستشفى و عساف ما يبي الصحافه يدرون عن مرض أبوه

عساف شخصيته مثل شخصية أبوه في هيبته و ذكائه و جرائته
بس شايف نفسه شوي متكبر على بعض الناس اللي ما ينتمون لطبقته
وسيم لدرجه جنونيه طالع على أمه من ناحية العيون الزرقاء و لون البشره البرونزيه
و طلع على أبوه في حدة ملامحه البدويه و رجولته .. طويل و جسمه رياضي


ركب سيارته البورش و راح لبرج العرب
............

نهاية البارت السادس
______________________
البارت السابع


في المزرعه
العصر الساعة 3 العصر

هنادي تقَّوم البنات اللي تجمعوا و ناموا في جناح واحد و الشباب في الديوانية
هنادي : بنااااااااااااااااااات قوموا
شوق ( سدت إذنها و هي منبطحه على السرير ) : طيب بنقوم بس سكتي أزعجتينا
هنادي تصارخ : قووووووووووووووووووووووووووووووموااااااااااااااااا اااا
منى ( بضجر ) : أوووووف خلاااااص بقوم
قامت منى تغسل وجهها و هي تتحلطم
هنادي : تستاهلون أكثر من كذا
راحت هنادي و مسكت كاس مويه و كبته في وجه مها اللي نايمه جنب شوق
مها ( قمزت من الخوف ) : يممممممممممممممه بمووووووووت
هنادي : قومي يا الدجاجه
مها معصبه : دجاجه بعينك أبي أنام ( و تتثاوب ) ما نمت زين أمس
هنادي : ما أحد قالك ما تنامين زين
مها ( راحت الحمام تبدل ملابسها ) : أوووووف مزعجه
هنادي : ههههههههه أحسسسسسسن
هنادي : شوق قومي و لا بكب في وجهك المويه
شوق على طول قامت : لا خلاص أنا أقمت ( و راحت غرفتهم تبدل ملابسها )
هنادي : ههههه و الله أشكالكم تضحك
هنادي : امممممم بقت أفنان و رغد و حنان و سارونه
ساره على طول قامت : خلاص أنا قمت ما أبيك تقعديني مثل شوق و مها
هنادي : زييييين قمتي بقت أفنان و رغد و حنان حمييييييييير النوم
شوق ( لبست بنطلون جينز مع بلوزه حمراء و بيضاء و رفعت شعرها ذيل حصان )
: هنادي وش فيك اليوم ؟

هنادي : بس كذا فيني نشاط مو طبيعي
شوق : ههههههه تعالي وش رايك أنتي قعدي حنان و أفنان و رغود و أنا بروح أطب على وجدان
هنادي : يؤؤؤؤؤو أنا أقول مين اللي نسيتها طلعت ناسيه وجدان
شوق ( مستغربه ) : بس وينها ما نامت معنا هنا
هنادي : أكيد نامت في جناحهم
شوق بخبث : خلاص بروح لها و بزعجها أكيد عمتي و تركي قاعدين من زمان
هنادي :100 % قاعدين من زمان وجدان لو تفجرين جنبها قنبله نوويه ما قعدت
شوق : بروح أقومها
هنادي : أوكي

راحت شوق لجناح عمتها نوره
فتحت الباب بشوي أشوي بس كانت متردده يمكن تركي هنا !! لا لا ما أتوقع أكيد قام من زماان
و دخلت الغرفه اللي دايم تنام فيها وجدان لقت أحد متغطي غطاء كامل
شوق في خاطرها هاذي أكيد وجدان تحب تتغطى بهالطريقه

شوق تهز بخفيف : جودي قومي
شوق : جودي
شوق : حبيبتي قومي


في خاطره أووف من اللي يهزني شكلي لا زلت في الحلم

شوق بصوت واطي : وجدااان قومي
شوق : جودي قعدي


أوووف من هاللي يهز شكلي ما أحلم

شوق علت صوتها : وجدان قومي

هالصوت مو غريب علي يؤؤ على طول حلمي تحقق بهالسرعه لا لا مستحيل

رد بصوت خشن : مين
جمدت شوق مكانها : .........
رفع اللحاف عن عيونه و فتح عيونه و انصدم

في خاطره الله حلمي تحقق شوق تقومني بنفسها ابتسم تركي بصوت مبحوح : صباح الخير
شوق جامده في مكانها مو مستوعبه في خاطرها : يممممه وش جابه هنا وين وجدان
شوق توها تستوعب و على طول طلعت من الغرفه
تركي جلس على السرير و على طول قعد يضحك : هههه

طلعت وجدان من الحمام مرتعبه : يؤؤؤ وش فيك تضحك فيك شي ؟
تركي على طول وقف و راح ضم وجدان : وناااااااسه مين قدي شوق بنفسها قعدتني
وجدان شكل أخوي استجن : ؟؟؟؟؟؟؟؟؟؟؟؟؟
تركي : هههههههه أنا نمت في سريرك و هي على بالها أني أنا أنتي و قعدتني
و بعدين شافتني و على طول طلعت من الغرفه

وجدان : يؤؤؤؤؤؤ حرااام بروح لها أكيد متوتره و منحرجه و حالتها حاله
تركي : قولي لها يقول لك تركي عادي لا تنحرجين و دايم يقول لك قعديه من النوم
وجدان : لا جد أنت خبل بروح أشوف شخبار البنت

و طلعت وجدان

تركي في خاطره : اااااه حتى تقعدها للنوم حلو فديتك يا شوق
.....................
__________________
اللّهم أني أسألك إيماناً دائماً وقلباً خاشعاً
وعلماً نافعاً ويقيناً صادقاً وديناً قيماً
والعافية مِن كل بلية وتمامَ العافية
ودوامَ العافية والشُكر على العافية

والغِنى عَن النآس


-->
من مواضيع تمـَرٍدْ ~ً

تمـَرٍدْ ~ً غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية احضنيني بقوة أخاف منك أضيع تمـَرٍدْ ~ً قصص و روايات 355 09-05-2011 12:17 PM
قصة حطموك ياقلبي رواية سعودية جريئة جدا رومنسية حزينه تمـَرٍدْ ~ً قصص و روايات 18 09-03-2011 07:57 PM
رواية بنات دجه والعقل رجه تمـَرٍدْ ~ً قصص و روايات 334 12-23-2010 06:02 PM
فهرس الروايات الكامله الجاهزة للتحميل بهتوف تمـَرٍدْ ~ً قصص و روايات 4 03-22-2010 09:56 PM


الساعة الآن 03:44 AM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir