منتديات هتوف  

العودة   منتديات هتوف > هتوف الرياضي > اخبار رياضيه - تصاريح رياضيه - نقاشات رياضيه

اخبار رياضيه - تصاريح رياضيه - نقاشات رياضيه اخبار الدوري السعودي , الدوري السعودي , جدول الدوري السعودي , نتائج مباريات , تحليل فني للمباريات , تصريحات الاعبين , لقاءت صحفيه , نقاشات رياضيه جاده , تصويتات , متابعه لكل جديد بالرياضه السعوديه و العربيه والعالميه



إضافة رد
 
LinkBack أدوات الموضوع انواع عرض الموضوع
قديم 05-23-2010, 09:40 PM   #5
[ هُتوف فعــال ]
 
الصورة الرمزية هلآلي..
 
تاريخ التسجيل: Apr 2010
الدولة: في القصيم
المشاركات: 561
معدل تقييم المستوى: 9
هلآلي.. is on a distinguished road
افتراضي رد: La liga Cafe .. فيا للبارسا وابرا مهوب طالع .. سيزار يجدد للخفافيش ..

..

..






النقطه الرابعه .. قد تكلم فيها تريستان .. اللي هي الـ Comeback .. فعلا الريال تميز هالموسم بأنه يرجع للمباريات بتغيير او بتغييرين .. كثير ينتفون بلغريني على التشكيله الاساسيه .. وانا منهم شي يقهر صراحه لما تشوف غرانيرو اساسي ومستواه من أسوء لاسوء .. أو غاغو سئ .. وديارا الاثنين برا .. بس لما تجي تشوف النتيجه بالاخير .. أخذ الـ3 نقاط ومشى .. هو فعلا ودك انك تاخذها بأروع مستوياتك .. بس مادام أخذها كيفه .. بلغريني تميز بالشي هالموسم .. 80 % من تغييراته تكون لها فايده للفريق ويقدر يرجع للمباراه وياخذ النقاط .. هذا ماجاء من فراغ .. اتوقع بعض الشغل اللي اشتغل عليه بلغريني .. ونقطه ايجابيه تحسب له ..






الاصابات .. كان لها دور مب سهل هالموسم .. الريال عانى منها بشكل مب طبيعي .. يصاب كاكا .. كريس موجود .. يصاب كاكا .. يرجع كريس .. يصاب بيبي رباط .. يعني كان لها دور مؤثر بالفريق .. خاصه اصابة بيبي لان ماعندك له بديل .. والاصابه جايه حول يناير يعني نص الموسم .. انا ما أدور العذر لبلغريني عشان اقول شوفوا ماينلام .. انا اقول الاصابات أثرت على الفريق .. ولو ماحصلت هالاصابات واعوذ بالله من كلمة لو .. اتوقع الفريق راح يكون اقوى بكثير ..



استعرضت اهم الاحداث والنتايج .. ورايي ان مدرب باول موسم له مع فريق جديد ولاعبين جدد .. يحتاج وقت عشان يتاقلم .. وبعض الظروف كانت ضده .. وبرضوا كان له اخطاء .. وممكن يستفيد منها .. لذلك رايي اشوف ان بلغريني يستاهل يجلس موسم ثاني ويدعم الفريق .. وقتها تقدر تحاسبه ..


أنا تقريبا تكلمت بما فيه الكفايه عن بلغريني .. والحكم لكم ويظل كل الكلام اللي فوق رايي انا شخصيا .. يحتمل الصواب والخطا ..


..

-->
من مواضيع هلآلي..

هلآلي.. غير متواجد حالياً   رد مع اقتباس
قديم 05-23-2010, 09:44 PM   #6
[ هُتوف فعــال ]
 
الصورة الرمزية هلآلي..
 
تاريخ التسجيل: Apr 2010
الدولة: في القصيم
المشاركات: 561
معدل تقييم المستوى: 9
هلآلي.. is on a distinguished road
افتراضي رد: La liga Cafe .. فيا للبارسا وابرا مهوب طالع .. سيزار يجدد للخفافيش ..





بعد ماخلصنا من الثنائي هيغوين وكريس وانهم افضل ثنائي مر على الريال بالارقام .. وتكلمنا عن بلغريني .. نجي للشاب اللطيف هذا .. ابراهيموفتش ..
ابراهيموفتش ..ابراهيموفتش .. ياكثر ماسمعنا اسمه هالموسم .. واللي يطالبون بكرشته لانه ماقدم مستوى .. واللي يقول زحلقوه على مان ستي بس ..نزول مستواه .. شي طبيعي .. اللي بيجيب ارقام ويجلس يشرح .. هذا كلام فاضي .. الارقام صحيح مهمه بالكوره .. بس مب كلش .. واحد يسحب من المرمى للمرمى الثاني ويوم وصل عطاها بوسكويتس .. وبوسكويتس دفها بركبته للاعب ثاني .. وهدف .. نقول بسكويتس انه بطل ؟ .. اكيد لا .. هذي هي الارقام .. ابرا خيب كثير من امال جماهير برشلونه .. بس توصل لمرحله اننا نسمع .. ناس تبي تبادله بفيا من فالنسيا .. وناس تبي تكرشه على مان ستي !! .. خير وش هالكلام ؟!! .. لوهله حسيت اننا نتكلم عن لاعب صاعد من برشلونه B .. انا في رايي هذا لاعب عنده الامكانيات الخرافيه .. عنده الامكانيه انه يكون افضل مهاجم بالعالم .. اذا كان كريس لاعب متكامل .. فهذا مهاجم متكامل .. جسم .. تسديد .. مهاره .. راس .. ذكاء .. صناعه .. جميع صفات المهاجم فيه .. لذلك ممكن يتفجر بأي لحظه .. صحيح المبلغ اللي دفع فيه مبلغ قوي .. بس مب من المنطق اني احكم عليه من اول موسم له .. انا عارف ان الليغا سهل للمهاجم .. واللعب فيه مفتوح .. بس حتى ولو .. يحتاج وقت .. الموسم الجاي عندي احساس انه بيتفجر الرجال لو جلس .. بيكون مريح ماعنده كاس عالم ولا شي .. بيرجع يتدرب وهو مريح باله .. وبيبدا يدهر بالموسم صح .. اللي يطالب بفيا ويقول مناسب للبرشا .. صادقين اشوفه مناسب .. بس انا اكره ماعندي المهاجم اللي تجيبه 6 فرص للتسجيل .. ويسجل وحده .. خير ان شاء الله ؟!! .. انت مهاجم تصنف من الطراز A .. احتاجك تستثمر نص الفرص اللي تجيك اقل شي .. احتاجك من لا شي .. تصنع لي هدف .. كثير عدتها وزتها هالكلمه .. فيا مهاجم بطل .. ما اختلفنا .. بس الضجه الاعلاميه اللي عليه مخلينه كرويف زمانه .. قهر قهر قهر .. ان فيا يجي على حساب ابرا .. قمة الخطا ..





انك تحكم على لاعب من موسم واحد .. مهما كان .. يحتاج وقت .. ولو جلس ولعب اساسي الموسم الجاي بتشوفون ..الرجال ترى ماقصر بالمباريات الكبيره .. الريال بالكامب نو دخل وسجل وحسم لك الكلاسيكو .. اللي ممكن لو ما انحسمت ذيك المباراه كان الدوري اخذ مسار ثاني .. ارسنال بدوري الابطال سجل هدفين .. برضوا بداية الدوري كانت انطلاقته قويه وسجل 5 اهداف بـ5 مباريات متتاليه اذا ماخانتني الذاكره .. الولد عنده الطموح وعنده الامكانيات .. بس النوعيه ذي من اللاعبين فيه المزاجيه الشي الكثير .. يحتاج وقت لين يدخل بالمود .. ويفهم اللاعبين اللي معه .. ويفهم اجواء الليغا .. الحين بالليغا وانتم لاحظوا هالشي .. الرجال اذا ارتقى وبجنبه احد حسب عليه الحكم فاول .. وش ذنبه طيب اذا كان هو جسمه قوي وطويل واللي حوله اقزام ؟ .. ليه ينحسب عليه فاول طيب .. بالكالتشيو العكس عادي .. يرتقى ويطيح اللي بجنبه ويكمل ويلعبون عادي .. كثييير تصير بالليغا مع ابرا .. واللي يرجع لمبارياته بيلقى هاللقطه تكرر كثير .. المهم انا في رايي ان الرجال عنده الامكانيات ومحتاج وقت بس لين يطلعها .. الموسم الجاي احسه بيسوي شي كبير .. اذا هالموسم سجل 16 وصنع 7 .. يمكن تتدبل الموسم الجاي مايندرى ..

..
..

يظل رأي .. يحتمل الصواب والخطا ..
-->
من مواضيع هلآلي..

هلآلي.. غير متواجد حالياً   رد مع اقتباس
قديم 05-23-2010, 09:46 PM   #7
[ هُتوف فعــال ]
 
الصورة الرمزية هلآلي..
 
تاريخ التسجيل: Apr 2010
الدولة: في القصيم
المشاركات: 561
معدل تقييم المستوى: 9
هلآلي.. is on a distinguished road
افتراضي رد: La liga Cafe .. فيا للبارسا وابرا مهوب طالع .. سيزار يجدد للخفافيش ..






لابورتا .. أحيانا لما ودك تتكلم عن شخص .. ماتدري مع وين تبدا .. ومع وين تنتهي .. بس لازم الواحد يشيد باللي سواه هالادمي .. محامي معه 3 لغات .. اسبانيه وفرنسيه وانغليزيه .. طموح كله حب وتضحيه وتعب واصرار عشان فريقه وجماهيره ..
بعد ما غاسبرت ترك الفريق وهو باسوء أحواله .. استلم الفريق وبناه من جديد .. صار برشلونه غير .. قوة اقتصادية .. استراتيجيه واضحه .. برشلونه صار موجود في العالم كله ..عشان تعرف انه رئيس فعلا يحب الفريق .. بتصريح له قبل كم يوم .. يقول كل أملي امشي وانا مضبط 3 اشياء / فيا .. فابريغاس .. هنري يجلس .. يالله !! .. أول مره اشوف رئيس نادي جالس يتعب ويضبط الفريق لواحد يجي عقبه .. رئيس بطل نموذجي قيادي .. ممكن انك تضرب فيه المثال صراحه .. سوا نقلة نوعية ببرشلونه غير طبيعيه .. جاء هالادمي و أسس قاعده لسنوات قدااااام .. بأول موسم له كانت الصحافه مستعجله وشبت عليه .. وكانت تقول غاسبرت ولابورتا وجهان لعمله واحده .. يقصدون انك ماسويت شي يا لابورتا ولا نفعت الفريق .. بس الحين ودك تشوف اللي انتقدوا ونتفوه ذاك الوقت .. لابورتا له اراء كثير من الناس يعارضها .. لكن يمر الوقت وكل الناس اللي كانوا معارضين يعرفون عقب ان لابورتا كان يسوي الشي الصح .. عنده بعد نظر وحكمه وروؤيه مستقبليه بطله .. على سبيل المثال بعد موسم التعادل النقطي الكارثي حق كابيللو .. لابورتا ما أقال ريكارد و ألتزم بمشروع ريكارد 5 سنين .. وكان شىء طبيعي إنك ما تقيله بعد ما جاب 2 دوري و أبطال .. و بعد الموسم الخامس انتهى مشروع ريكارد مع الفريق و حتى إن لابورتا طلع و صرح في نص الموسم يقول حتى لو ريكارد جاب معنا الأبطال فهو مودع مودع .. العالم كلها كانت تبي مورينهو الفاضي وقتها .. و الصحافة كانت تبي مورينهو .. وكل البرشلونيين امنيتهم يجي مورينهو .. و فيه أخبار طلعت إنهم اجتمعوا مع مورينهو كان قريب من برشلونة .. لكن بعدين لابورتا اختار جوارديولا بعد مشورة كرويف .. والان نفس اللي عارضوه مب قادرين يحطون عيونهم بعينه ..






كون فريق ممكن تريح أي مدرب يجي .. وأي رئيس يجي بعده .. تسديد ديون وسددها .. كمل الفريق بالعناصر اللي ناقصته .. من 2003 الى 2010 .. تقريبا سبع سنوات .. الشغل اللي سواه عن 14 سنه مع رئيس ثاني يمكن .. فريق طايح ومتبهذل .. يمسكه ويضبطه ويخليه يحقق السداسيه !! .. يحافظ على استقرار الفريق وعلى نجومه .. يحاول انه يصعد لاعبين من الشباب اكثر من انه يحاول يشري لاعبين .. سياسة لابورتا مب طبيعيه .. وما أبالغ لو قلت انه افضل رئيس مر يمكن على برشلونه .. 4 لاليغا .. 2 دوري ابطال .. كاس العالم للانديه مره .. السوبر الاوربي مره .. السوبر الاسباني 3 مرات.. كاس اسبانيا مره .. وش بقى !! .. لابورتا باختصار فرض على اي متابع للكوره بالعالم انه يستمتع باللي يسويه برشلونه .. فرض على الكل انهم يضربون مثل على برشلونه بتوليد المواهب والمحافظه عليهم .. اكاديمية برشلونه انجبت لاعبين خلت اوروبا تفتخر فيهم ومن فطاحلة اللاعبين حاليا .. نص قوة المنتخب الاسباني تجي من برشلونه .. تتكلم عن قواعد اساسيه بالمنتخب من الاكاديميه .. نسبة كبيره من الفضل ترجع للاعبين الاكاديميه ذي بتحقيق اسبانيا ليورو 2008 .. ماننسى طبعا لاعبين الريال اكيد .. بس الحق ينقال .. برشلونه داعم قوي للمنتخب .. الشغله مب شغلة فلوس واشر وتفوز لا .. خطه بعيدة المدى .. تفيد الفريق .. تجيب لي بطولات .. ماتخسرني كثير ماديا .. هذا اذا ماكانت تربحني ..
تاريخ كبير جداً صنعه لابورتا فترة رئاسته ولا اعتقد بيجي رئيس ينسينا اللي سواه .. لابورتا وقت رحيله وقت خرافي .. مشى بعد ماضبط كلش للرئيس اللي عقبه .. وماصار ناقصه شي أبد .. اعتقد اللي سواه لابورتا يحرج أي رئيس يجي عقبه .. يستاهل من يطلع له كتاب .. ويتكلم عن اللي سواه .. وكيف .. وشلون .. ويخلي اي رئيس بالعالم يستفيد .. لابورتا سوا شي .. يحرج أي رئيس نادي يجي عقبه انه يسوي نفس الشي .. وبنفس الوقت يريح اي رئيس يجي عقبه لانه يستلم فريق جاهز وتمام .. مستحيل تتكرر يا لابورتا ..
-->
من مواضيع هلآلي..

هلآلي.. غير متواجد حالياً   رد مع اقتباس
قديم 05-23-2010, 09:49 PM   #8
[ هُتوف فعــال ]
 
الصورة الرمزية هلآلي..
 
تاريخ التسجيل: Apr 2010
الدولة: في القصيم
المشاركات: 561
معدل تقييم المستوى: 9
هلآلي.. is on a distinguished road
افتراضي رد: La liga Cafe .. فيا للبارسا وابرا مهوب طالع .. سيزار يجدد للخفافيش ..

نواصل معكم .. وهالفقره بتكلم فيها عن اللاعبين اللي كانوا فعلا مؤثرين بأنديتهم هالموسم .. سواء طوال الموسم .. او بفتره قصيره .. وما راح أطول بس لابد الواحد يمر عليهم وماينساهم ..


..









طبعا مع أول لاعب .. واللي أشوفه فعلا كان مؤثر بشكل مب طبيعي .. تشافي هالموسم سوا كلش .. أقنع نسبه كبير من المتابعين انه الان هو صانع اللعب الأول في العالم .. نقطة الوصل بين خطوط برشلونه .. كل كوره بالملعب او هجمه لازم يكون له بصمه فيها .. لو يموه بجسمه فاعرف ان الفريق راح يستفيد من هالتمويه .. لما لاعب يعطيك 14 اسيست مباشر فاعرف انك فعلا تتكلم عن البلاي ميكر الاول بالعالم .. طبعا انا ماتطرقت لحركته اذا أخذ لفه على جسمه وسحب معه 3 على السريع .. وعطاك اياه ثرو للفيس من الجهه اليمنى .. ويعرضها الفيس وهدف .. باللحظه ذي ماتقدر الا انك تقول يخرب بيت مخك ياكلب .. ماعنده مشكل يدخل الكوره بفتحة ابره ابن الحراش
.. استمتع من جد وانت تشوفه .. شكلي شطحت واجد .. بس فعلا الادمي كان مؤثر بشكل كبير .. ذا الموسم تشافي وصل لذروته .. من اليورو 2008 الى الان وهو متفجر الولد .. يقدم أداء بالملعب ماتقدر الا انك تصفق له .. توزيع كور عاليمين واليسار .. يسرع الرتم ويبطي الرتم زي مايبي .. بثرو واحد يحسم لك ماتش .. ما ودي أتكلم زياده لاني قلت قبل ماراح اتكلم كثير .. بس غصب عنك اصابعك تكتب عالكيبورد لما يجي اسمه ..


..







هذا اسمه دي جيا
.. وعدنا ان شاء الله بعد 5 سنوات بالكثير .. وبتشوفونه اسطورة الحراسه الاسبانيه .. هذا خليفة كاسياس ويمكن يتعداه بعد .. اذا كان مستواه الحالي وهو مواليد 1990 كذا .. أجل لو يطلع لفريق كبير ويطور من موهبته .. وش بيصير لما يكون عمره 25 ؟!! .. وماننسى ان الحارس عمره طويل .. دي جيا قدر ياخذ الخانه من اسينخو اللي جايبينه من بلد الوليد الصيف الماضي .. قدر يثبت امكانياته ومستواه .. وأثبت هالشي بالملعب .. جسمه .. وسرعة بديهته .. وذكائه .. تخلينا نتوقع انه ممكن يكون حارس خرافي هالادمي .. الولد ما مسك الخانه الا بالنصف الثاني من الموسم .. هذا لو ماسكها من البدايه كان صار ترتيب اتليتكو كذا ! .. ماظنيت والله .. على أن قدامه كديش ودروج .. أصلا مجرد تقول قدامه يلعب بيريرا .. وتدري ان هالادمي ساهم بالحصول على الدوري الاوروبي .. خلاص تدري انه حارس كفو .. الولد صغير .. وجسمه كويس .. وذكي .. وعنده سرعة البديهه .. وساهم كثير في تحسن مستوى الاتليتكو بالفتره الاخيره .. عموما كل صفات الحارس البطل موجوده .. بس محتاجه وقت وتطوير .. ونشوفه ان شاء الله حارس خرافي مع فريق ثاني ان شاء الله
..

..







بانيغا .. بلا فيا بلا سيلفا بلا بطيخ
..هذا هو العلامه الفارقه هالموسم للفالنس .. قدم أداء خرافي من بداية الموسم لين الجزء الاخير منه .. ذا الموسم تفجرت موهبته بقوه .. كنت أقول صعبه بوجود مانويل ياخذ فرصته .. لازم واحد منهم يطلع .. الان اقول بلا مانويل بلا محاورتهم الباقين .. هذا حطه أول واحد ثم اختار واحد بجنبه .. أبدع وأثبت امكانياته بالوسط .. كان محور ممتاز هالسنه .. العلامه الفارقه بالوسط لفالنسيا .. تبي واحد يطلع لك كور صح وأحيانا ثروات ؟!! هذا هو .. تبي واحد يغطي لك الأظهره اذا طلعوا مع الهجمه هذا هو .. تبي واحد يفتك الكوره بكل سلاسه هو بانيغا .. لو فيه مدرب صاحي للارجنتين كان هذا موجود بالقائمه .. فعلا بانيغا هالموسم كان ممتاز وبقوه بعد .. وحلل قيمته بالراحه ..


..







ياحبيلك ياكلب .. فورلان هالموسم كان قوة اتليتكو بنسبة لاتقل عن 30 % .. فورلان سوا لهم كلش .. لايهمكم ابو شنطه اغويرو .. ترى والله كل الشغل والابداع من البطل هذا .. والحمد لله أنصفه نهائي الدوري الاوروبي وبدع فيه .. وسجل الهدفين .. مهاجم بطل بطل بطل .. هداف الكلب يشم الهدف شم .. تبي يمين والا يسار ؟!! يطلع لك صاروخ من أحد رجليه يخلي الحارس يصور .. تبي تمركز وفتح مساحات للدرج اللي بجنبه تلقاها موجوده بفورلان .. لاعب تكتيكي وصخ .. يقدر يجر لك المدافعين على وجيههم .. ويفاجئك بمهاره والا تسديده .. وهدف .. نسبه كبيره من نهضة الاتليتكو بالفتره الاخيره كانت برجول هالولد .. فورلان مبدع من أيام فياريال .. بس للاسف الاعلام يلتفت للجنسيه والفريق قبل مستوى اللاعب .. بس حمد لله أحس مع اتليتكو جاه انصاف شوي .. مع ان هذا مب حقه أبد .. اللاعب مظلوم بصراحه .. سجل هالموسم 18 هدف .. وله 6 اسيست .. وهذا وهو يلعب بجنب واحد غبي .. ووراه عاهات مجمعه مافيهم الا سيماو وريس .. والباقين ودك تجلسهم بالمدرجات .. هذا لو بفريق كبير وش سوا ؟ ما انسى تصريحه ابد يوم قال اني مستعد أجلس بالبرشا احتياط .. بس ماتمت الصفقه .. وياروحي ياغوديانسون !! .. فورلان انتظرك بكاس العالم ..


..





بيدرو ليون .. وسط أيمن خيتافي .. صنع 9 أهداف هالموسم .. ولد بطل بطل .. موهبته بانت مع ليفانتي عام 2007 .. وهبط ليفانتي وقتها .. أذكر بلغريني طلب من ادارة فياريال قال أبي هاللاعب .. بس للاسف ماتمت الصفقه وسرقوه بلد الوليد
.. واستمر معهم موسم وأبدع .. عقبها انتقل مسؤولين خيتافي خقوا وانتقل لهم .. الولد عمر 24 بس .. فيه اخبار تقول ان ميلان حاط العين عليه ويستاهل والله .. وسط ايمن بطل .. مفيد للفريق .. وكان له دور كبير بأن خيتافي ياخذ المركز السادس ويتاهل للدوري الاوروبي .. اللاعب مع سولدادو أقدر اقول انهم قلب خيتافي .. بيدرو ليون فعلا أبدع هالموسم .. ومن الظلم اننا نذكر اللي بدعوا هالموسم .. ومانجيب أسمه وانه كان مؤثر مع فريقه ..









فيلبي لويس .. الظهير الايسر للديبور .. وأفضل ظهير بالليغا حاليا .. برازيلي الاصلي .. ومعه جنسيه ايطاليه .. فاوضه برشلونه بالصيفيه لكن رئيس الديبور نشب للولد وماخلاه ينتقل .. وطلعت أخبار ان ميلان نفس الكلام يبيه واللي يعزز الشي ذا ويرغب باللاعب ان معه جواز ايطالي .. فماراح يحسبونه كلاعب أجنبي .. الولد بطل بطل .. كان علامه فارقه بالجهه اليسرى كلها للديبور .. ويوم أصيب الفريق افتقده كثيييير .. يمكن من أسباب طيحة الديبور اصابة هاللاعب .. جسم .. مهارات .. كنترول بطل عالكوره .. عرضيات ممتازه .. ودفاعي حلو .. بطل بطل .. لحق على اخر مباريات الديبور ورجع من الاصابه .. بس خلاص عقب مافقدوا الامل بمركز اوروبي .. هذا من الاسماء المؤثره في نواديهم ..







دييغو الفيس .. حارس الميريا .. برازيلي موالد 85 .. صغير والله مقارنه بانه حارس .. الولد جاهم وكان يلعب مع فريق خايس بالدرجه الثانيه عام 2007 .. وانتقل للميريا وصار الحارس الاول لهم .. يمكن البعض بحكم مركز الميريا الخايس يتجاهل اللاعب او مايلقيه اي انتباه .. بس الحق حق صراحه
.. الحارس بطل .. وأنقذ فريقه النايم من تاريخيات .. حتى لما يلعبون مع برشلونه والريال .. اللي يدقق فيه والله ياهو يطلع أهداف الكلب محققه ..


..
..



وه بس
.. نافاس .. جناح أشبيليه الايمن .. يقطع ام الجناح اللي ماتخلص لياقته خخخخخخخخ .. والله ياهو بطل .. اتعب وانا اقول ملك ياناس .. وأسئلوا مارسيلو مباراه الذهاب .. جناح أيمين متعب لأي ظهير وفريق حتى .. يسحب يسحب عالجناح .. ثم يرفع راسه ويعطيها للثور اللي اسمه فبيانو .. ثم يضيعها فبيانو الثور .. وطول المباراه كذا .. لين يسجل هدف ويروح المدح للدرج فبيانو .. والمسكين ذا مسحوب عليه .. مهاره وسرعه خرافيه عند هالادمي .. مافيه شي عنده مستحيل .. فيه بثاره اعوذ بالله .. اشوى اني منب ظهير بس .. قادر من ربع فرصه يخلق لك هجمه خطيره ويعطي اسيست او حتى يسجل هو .. اشوى ديل بوسكي ضمه للمنتخب .. وعسى مايكرشه بس .. أشوفه افضل جناح ايمن بالمنتخب حاليا .. وله الفضل الكبير ان اشبيليه تاهلوا للابطال .. عنصر مهم ومفيد لفريقه .. وهذا وهم يلعبون بمدرب ابجوره شكل بس .. لو يجيهم مدرب صاحي ويعرف يستغل امكانياته وش بيصير !! .. بطل ..


..
..

برضوا ماخلصت تحملوني
-->
من مواضيع هلآلي..

هلآلي.. غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
بليييييييييييييز جيبوها لــــــي انا مسكينه z00z00 قصص و روايات 8 01-04-2010 06:39 PM


الساعة الآن 07:26 PM


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO 3.6.0 TranZ By Almuhajir