منتديات هتوف  

العودة   منتديات هتوف > هتوف الرياضي > اخبار رياضيه - تصاريح رياضيه - نقاشات رياضيه

اخبار رياضيه - تصاريح رياضيه - نقاشات رياضيه اخبار الدوري السعودي , الدوري السعودي , جدول الدوري السعودي , نتائج مباريات , تحليل فني للمباريات , تصريحات الاعبين , لقاءت صحفيه , نقاشات رياضيه جاده , تصويتات , متابعه لكل جديد بالرياضه السعوديه و العربيه والعالميه



إضافة رد
 
LinkBack أدوات الموضوع انواع عرض الموضوع
قديم 05-23-2010, 09:24 PM   #1
[ هُتوف فعــال ]
 
الصورة الرمزية هلآلي..
 
تاريخ التسجيل: Apr 2010
الدولة: في القصيم
المشاركات: 561
معدل تقييم المستوى: 9
هلآلي.. is on a distinguished road



(adsbygoogle = window.adsbygoogle || []).push({});
افتراضي La liga Cafe .. فيا للبارسا وابرا مهوب طالع .. سيزار يجدد للخفافيش ..

بسم الله الرحمن الرحيم



مساكم / صبحكم .. الله بالخير جميعا .. شخباركم طيبين ان شاء الله ؟ ..
زي ماتشوفون بقدم لكم الليغا كافي جزاني الله خير < بدينا بالمذله .. عاد ان شاء الله يعجبكم .. وان ما اعجبكم عاد وش اسوي لكم عاد ..

..






انتهى الليغا .. حمد لله كان ممتع والله .. استمتعنا بكل جولاته .. صحيح أحيانا تجيك مباريات حامضه .. بس دوري فيه بلغريني .. ميسي .. كريس .. كيتا .. غصبن عليكم تستمتعون .. طبعا زي ما انتم تشوفون بنزل لكم الكافي ..( يقطع ام المذله ) .. طبعا نبي نستعرض بالبدايه .. الانديه اللي حققت بطولات هالموسم ..

..
..




اتليتكو بطل الدوري الاوروبي .. أستحقوا البطوله للامانه .. صحيح ساعدهم التحكيم ضد فالنسيا كثير .. بس الفريق استحقها بشكل عام .. فريق يطلع سبورتينغ لشبونه .. و فالنسيا .. والليفر بالسيمي فاينل .. وبالنهائي يلزخ فولهام .. اكيد يتسحقها .. فلوريس قدم معهم مستويات حلوه .. جاء وقدر يستكشفهم ويعرف نقاط قوتهم وضعفهم .. والدليل مستوى ريس البطل تحسن كثير مع فلوريس .. تحس انه اعطاه الادوار اللي يجيدها واستفاد منه صح .. ماودنا نطول كثير .. بس هذي البطوله الاولى من التسعينات للاتليتكو وان شاء الله انها اخر بطوله ..


..
..





أشبيليه بطل كاس اسبانيا .. بعد مافاز على اتليتكو 2-0 .. سجل الاول كابيل .. والثاني نافاس .. طبعا ماشفت المباراه .. لان الجزيره نقلتها بكل قنواتها .. واحترت بأي قناه اشوف الماتش .. ثم قلت مايحتاج .. شكرا جزيره ..



..
..





برشلونه بطل الدوري .. ورصيد نقطي جديد وتاريخي ..




..
..




الــهــبــوطـ









خيريز .. هبطوا واخذوا المركز الأخير .. خيريز ماقدم أي شي يشفع له انه يجلس .. أصل افضل مركز وصل له 17 .. عاهات مجمعه .. أصلا من تشوف انهم من الجوله الـ12 لين الجوله الاخيره .. تخيلوا اكثر من 20 جوله .. وهم بالمركز الـ20 .. تعرف انه زلايب ومايستحقون يبقوه .. يخرب بيت الفريق اللي متعادل 10 مرات .. وخسران 20 .. حتى أذكر من المباريات اللي شفتها لهم .. ماكان فيه لاعب كويس أو بارز .. فلذلك اشوفهم استحقوا الهبوط ..







تنريفي .. احبهم ذا الفريق
.. مب عشانهم يخسون .. بس ملعبهم بطل وكبير صراحه .. تنريفي أهون شي من الزلايب خيريز .. أفضل مركز وصلوا له الـ10 .. ورجعوا لـ12 .. ثم رجعوا مره ثانيه لـ10 .. يفوزون ويخسرون وفيه منافسه شوي .. هدافهم نينو .. اسباني وماقد لفت انتباهي .. المهم ماودي أكثر كلام لانهم مايستاهلون .. بس هبطوا ويستاهلون ..







بلد الوليد .. اذا كان فيه من الهابطين احد ماودك يهبط فهو هذولا .. أصلا اسمهم يخليك تحبهم .. تحس انهم عيال عمنا .. بلد الوليد يرفع الضغط .. بدا الموسم بشكل جيد .. حتى انه بجوله من الجولات وصل للمركز الـ8 .. ومن الجوله الـ18 وهو داج .. اللي يقهر وشو ؟ ان عنده عناصر كويسه .. دييغو كوستا المهاجم .. سيسي الجناح .. ماركيتوس .. سيزما .. ديل هورنو .. يعني فيه اسماء المفروض اقل شي تخليك ماتهبط .. بس عاد اللي صار صار .. المشكله هجومهم من اضعف الفرق هجوما .. مسجلين بس 37 .. من اضعف الفرق هجوميا .. عموما فيه اسماء لازم تطلع وتروح لفرق بالدرجه الاولى .. قهر انهم يلعبون بالدرجه الثانيه زي اللي ذكرتهم فوق .. خاصه سيزما الجناح ..


..


الــصــعــود







زي ما أنتم شايفين هذا الترتيب .. وباقي بالضبط 5 جولات .. طبعا المنافسه بين نومانسيا وطالع .. لان فياريال لو أخذ احد المراكز الثلاث الاولى .. مايصعد بسبب ان الفريق a موجود .. عموما 5 جولات يمكن يتغير فيها شي كثير .. بس ودي صراحه بيتيس يرجع .. خاصه ان كثير من لاعبينه ماطلعوا .. حتى سيرجيو غارسيا بعد موجود والظاهر جايب 12 ..

عموما 5 جولات .. ونشوف من يتأهل ..

-->
من مواضيع هلآلي..

هلآلي.. غير متواجد حالياً   رد مع اقتباس
قديم 05-23-2010, 09:27 PM   #2
[ هُتوف فعــال ]
 
الصورة الرمزية هلآلي..
 
تاريخ التسجيل: Apr 2010
الدولة: في القصيم
المشاركات: 561
معدل تقييم المستوى: 9
هلآلي.. is on a distinguished road
افتراضي رد: La liga Cafe .. فيا للبارسا وابرا مهوب طالع .. سيزار يجدد للخفافيش ..

طبعا بعد ما استعرضنا بطولات الاسبان هالموسم .. نبي نشوف الترتيب .. الهدافين .. الزامورا.. اللعب النظيف .. الخ ..
الـتـرتـيـب






..
الـهـدافـيـن








الـزامـورا





أكثر اللاعبين في صناعة الأهداف





اللعب النظيف





أخشن اللاعبين





معدل حضور الجماهير







طبعا بعد ماخلصنا .. بعلمكم وش اللي راح اتطرق له واتكلم عنه ان شاء الله بباقي الردود ..

الثنائي كريس وهيغوين > ابراهيموفتش > بلغريني > قوة الديبور بالبدايه وانخفاض مستواهم بالنهايه > مايوركا المفاجئه > لابورتا > اللاعبين اللي كان لهم دور هام ببعض الانديه ..

..


توي ماخلصت لحد يرد .. < مطول
-->
من مواضيع هلآلي..

هلآلي.. غير متواجد حالياً   رد مع اقتباس
قديم 05-23-2010, 09:30 PM   #3
[ هُتوف فعــال ]
 
الصورة الرمزية هلآلي..
 
تاريخ التسجيل: Apr 2010
الدولة: في القصيم
المشاركات: 561
معدل تقييم المستوى: 9
هلآلي.. is on a distinguished road
افتراضي رد: La liga Cafe .. فيا للبارسا وابرا مهوب طالع .. سيزار يجدد للخفافيش ..


بسم الله نبدا بأول شي ..





كريس وهيغوين .. أفضل ثنائي مروا على تاريخ الريال .. هذي هي لغة الارقام .. مجموع ماسجل الاثنين هالموسم هو ( 53 ) .. هيغوين سجل ( 27) .. كريس سجل (26 ) .. وبكذا يتفوقون على ثنائي الريال بوشكاش ودي ستفيانو .. عام 60/61 .. اللي سجلوا 49 هدف .. اللاعبين قدروا يدخلون التاريخ بقوه بذا الرقم البطل .. ويستاهلونه .. اللاعبين الاثنين يشكلون خطر على أي فريق هالموسم ..







كريس بطل بصراحه ذا الموسم .. مستواه كان أغلب الموسم بالـ TOP .. نادره المباريات اللي اختفى فيها .. وتنعد على الاصابع .. كريس هداف ويستغل امكانياته على الجناحين سواء اليمين او اليسار .. او الفاولات .. او حتى استغلال العرضيات خاصه وانه يملك جسم يساعده على انه يرتقي ويركنها بالمرمى .. كريس أنقد الريال بكثير من المباريات .. وكثير من المدريدين يقولون فعلا حلل قيمته الـ94 مليون يورو .. ولو كان موجود طوال الدوري وماغاب تقريبا 50 يوم .. وقت ما اصيب ضد مارسيليا بمجموعة الابطال .. كان ممكن يكون كلام ثاني .. ويعطي الريال قوه أكثير .. عموما انا بالنسبه لي اشوف ان كريس قدم مستوى بطل .. كان من أفضل 3 لاعبين بالريال في رايي .. الكثير بالبدايه وبالبري سيزون .. تكلموا على ان كاكا هو اللي مضمون مستواه .. وكريس هو اللي ينخاف منه ممكن مايندمج ويدخل الاجواء بدري .. لكن كريس خالف التوقعات وانعكست الايه .. كريس من البدايه كان قروي .. كريس سجل هالموسم ( 26 ) في الدوري .. بالابطال سجل 7 اهداف مع العلم انه لعب 6 مباريات تقريبا .. ريكورد بطل لكريس ..







هيغوين .. هداف الريال هالموسم .. والمهاجم الاول حاليا .. (27) هدف .. بدون ولا بلنتي .. رقم بطل صراحه .. هيغوين هالموسم قدم مستوى متميز .. حتى ان الكثير كانوا يطالبون مارادونا انه يضمه للمنتخب .. هيغوين ببداية الموسم كان احتياط .. وقت ماكانت المداوره كان يتناوب هو وراؤول وبنزيما على الخانه .. الا ان اثبت نفسه غونزالو .. ومع الوقت قدر انه يستمر اساسي .. الكثير من المدريدين ينتقدون هيغوين بشي واحد .. لا تضييع فرص او مزاجية لا .. بس البعض يقول ان هيغوين لاعب يختفي بالمباريات الكبيره .. واقعيا فعلا .. قدام ليون اختفى هيغوين وضيع فرصه سهله .. قدام برشلونه للاسف ماكان موجود .. وفيه كم مباراه بعد اختفى فيها هيغوين .. بالنسبه لي اشوفه صح شي يقهر ان المهاجم الاول عندك لما تحتاجه بوقت الحسم يخذلك ومايخدمك .. بس هل هذا سبب مقنع اني أكرشه ؟!! او اقول انه مهاجم سئ ومب قد الريال .. وش هالمهاجم السئ اللي يسجل لي ( 27) بدون ولا بلنتي .. وفوق كل هذا عمره ماتجاوز الـ22 .. يعني لو صار عمره 25 مقارنه بمستواه الحالي اكيد بينضج اكثر وبيبدع وبيتعود اكثر على الاجواء .. مشكلة اللي يسبون هيغوين انهم يقارنونه بميسي .. ميسي معليش يمكن يختلف احد معي برايي .. بس ميسي مايقارن باي لاعب ثاني .. من الظلم انك تقارن ميسي بهيغوين .. فرق الامكانيات كبير .. واختلاف طريقة لعب كل فريق أيضا .. أصلا اي لاعب تقارنه بميسي بيطيح من عينك .. اللاعب بعد مباراه ليون وبعد ماضاعت ذيك الفرصه .. الجمهور مع الاعلام حط جام غضبهم عليه .. وطلع لاعب بن كلب مايستاهل الريال .. ولازم ينكرش بأقرب وقت .. ولا كأنه مبدع قبل المباراه هذي .. هذي المشكله بالريال .. ان الاعلام قذر وواطي وينسى كلش .. والجمهور عاطفي ومحتاج انه يلقى له كبدش فداء .. أنا ما اقول بكلامي هذا ان هيغوين هو الاسطوره القادمه ولازم ياخذ الكبتنيه ويصير هو اللاعب الاول بالريال .. لا ابدا .. بس أنا اشوف ان اللاعب يبقى ومع الوقت بيتحسن وبيتطور مستواه اكثر .. شوي شوي يتعود على الاجواء .. يتعود على اللاعبين اللي معه .. ترى يمكن 6 لاعبين داخلين على تشكيلة الريال كلهم جدد .. التفاهم بين اللاعبين اكيد بيصير معدوم .. يحتاجون وقت لين يضبطون .. وطريقة بلغريني بالمداوره بداية الموسم لها دور انها تبطئ هالشي اللي هو الانسجام .. نهاية كلامي .. اعتقد انه موسم ناجح لهيغوين .. ولو استمر اساسي الموسم الجاي واخذ فرصته .. أجزم انه مستواه راح يتطور كثير ..
-->
من مواضيع هلآلي..

هلآلي.. غير متواجد حالياً   رد مع اقتباس
قديم 05-23-2010, 09:35 PM   #4
[ هُتوف فعــال ]
 
الصورة الرمزية هلآلي..
 
تاريخ التسجيل: Apr 2010
الدولة: في القصيم
المشاركات: 561
معدل تقييم المستوى: 9
هلآلي.. is on a distinguished road
افتراضي رد: La liga Cafe .. فيا للبارسا وابرا مهوب طالع .. سيزار يجدد للخفافيش ..

..
..






بلغريني .. كثير تردد هالاسم باسبانيا هالموسم .. سواء شي ايجابي او سلبي .. او حتى شطحات واراء .. نهاية الموسم اللي راح تردد كثير ان ممكن بلغريني يدرب ريال مدريد .. وان بيريز وفالدانو يدورون واحد فاهم بالليغا وخبير فيها .. وان كانت على الخبره فهو فعلا اقدم مدرب موجود حاليا بالليغا 6 سنوات فيها .. اخبار من هنا وهناك .. ادارة فياريال ما نفت .. وادارة الريال ما اكدت هالشي .. لين يوم الاحد بالضبط .. واعلن الموقع الرسمي للريال .. ان التقديم يوم الثلوث 2 يونيو اذكرها زين
.. فرح من فرح وقتها .. وزعل من زعل وقتها .. وانه مب مدرب من طينة الكبار .. الخ .. بدت التدريبات والتصاريح برضوا .. صرح بلغريني عن طلعت سنايدر .. وقال انه لاعب مهم واحتاجه .. بعدها بفتره طلع سنايدر للانتر .. بدت الاخبار تطلع والاقاويل ان بلغريني يدار من قبل الاداره .. وان مابيده حل وربط .. بدا الموسم بمباراه قويه ضد الديبور .. قدر وقتها الريال يفوز 3-2 .. وبذيك المباراه سجل كريس اول اهدافه من بلنتي .. المباراه الثانيه للريال على ارض اسبانيول وفاز الريال 3-0 .. واستمر الريال يفوز .. والثقه تزيد ببلغريني والصحافه تمد والجمهور استبشر خير .. الى مباراه اشبيليه القويه على ارض اشبيليه .. وقتها اشبيليه ابدع وامتع وفاز فوز مستحق 2-1 .. وتمسخر مارسيلو مسخره مايعلم بها الا ربي من نافاس .. رجع الريال لدوامة الفوز .. وتعادل وحده بس قدام سبورتينغ .. وعقبها فاز على اتليتكو بالديربي .. وكمل طريقه مانبي ناخذ كل مباراه ونذكرها .. مجمل كلامي ان الفريق تقريبا ماشي تمام وصح .. وصلت مباراه برشلونه .. وتخوف الكثير ان مستوى الريال ممكن مايأهلهم للفوز على برشلونه .. والتوقعات تميل للبرشا بكثييير .. وبدت المباراه والريال أذهل الكل .. قدر يفرض شخصيته على الكامب نو .. استحوذ على النص .. وانتشار بطل .. حتى فيه فرص سنحت للتسجيل بس ربي مافوق .. واستئساد بويول كان له دور .. الشوط الثاني انخفض مستوى الريال شوي .. ابراهيموفتش دخل وقدر من عرضيه الفيس انه يسجل .. وقدر برشلونه عقبها انه يحافظ على الهدف .. وانتهت المباراه 1-0 .. الكل عقب المباراه أشاد ببلغريني اولا .. واللاعبين ثانين .. صحيحه خساره .. لكن الفريق قدم .. خاصه الشوط الاول امتع وابدع .. اللي مخلي الجانب المدريدي انه ينبسط حتى بالهزيمه ان الريال فرض شخصيته هناك .. الصحافه والاعلام قام يمدح مانويل عقبها .. وانه يقدر يدخل بتكتيك بطل وو الخ .. تواصلت المباريات عقبها .. جت مباراه فالنسيا وكانت قويه وعلى ارض فالنسيا .. وقدر برضوا الريال يفوز 3-2 .. ويرجع لاجواء المباراه بعد ماكان مهزوم .. وانتهى الدور الاول .. بـ3 هزايم .. اشبيليه .. بلباو .. برشلونه .. وكلها برا ارض الريال ..






بدا الدور الثاني .. بمواجهة الديبور على ارض الديبور !! .. يقطع ام العقده .. اكثر من 16 سنه الريال مافاز هناك .. كثير من المدريدين متخوفين .. لكن انتهت المباراه 3-1 .. وانفكت العقده .. واستمر بالفوز الريال .. وجت مباراه اشبيليه الاياب .. وانتهت المباراه بفوز الريال 3-2 ورد الاعتبار .. واستمر الفريق بالفوز .. ووصلت مباراه برشلونه على ارض الريال .. كثير قالوا ان المباراه ذي بتحدد معالم الدوري .. لانها تقريبا بـ6 نقاط .. تفوز وتاخذ 3 وتعطل منافسك .. المعنويات مرتفعه شوي ..والريال متصدر بفرق الاهداف ..وزياده ان الريال من بداية السيزون ما انهزم على ارضه .. ومقارنه بالمستوى الذهاب الواحد يستبشر خير .. لكن انتهت بنتيجه 2-0 لبرشلونه .. واكل الريال اول هزيمه على ارضه .. وقتها للامانه بلغريني فشل بادارة المباراه .. لا من تغييرات او حتى تشكيله اساسيه .. الاعلام بدا من جديد .. وانه لازم يقال .. ووينك يامورينهو .. وان بلغريني فاشل بالمباريات الكبيره .. ولله الحمد الاداره ماسوت اللي متوقع منها
.. وكملت مع بلغريني .. وقدروا يفوزون على بلد الوليد عقبها 2-1 ويرجعون شوي وترتفع المعنويات .. بعدها فالنسيا مباراه قويه .. وقدر يفوز الريال 2-0 .. بدت المعنويات ترتفع تدريجي .. واستمر الريال بالفوز .. قابل مايوركا وقدر يتجاوزه .. قابل بلباو ونفس الكلام .. واستمر الفرق نقطه وحده الى اخر مباراه ..





تكلمنا عن الدوري ومسيرة الفريق
هناك .. لانه هو الاطول .. والاحداث اللي صارت .. نشوف الابطال .. بشكل عام الفريق كان جيد جدا .. تاهل كأول المجموعه .. ميلان اخذ الريال رايح جاي .. وكأنها تتاكد مقولة قدام الفرق الكبيره بلغريني سئ .. لعب مع ليون للاسف واستمرت العقده .. وطلع الريال .. نفس الكلام الريال طلع من الكاس قدام الكركون برباعيه .. واللي كانت شرارة الخلاف مع غوتي .. يعني مجملا بلغريني فشل بالكاس وطلع منه بدري من فريق سكه .. ونفس الكلام تأهل اول المجموعه .. لكن طلع قدام ليون من دور الـ16 .. واستمرت العقده ..











بعد ماخلصنا واخذنا نظره على بلغريني .. نجي الان نقيمه ونشوف ..


المشروع .. بلغريني جاء وفيه صفقات صارت قبل يجي .. وفيه صفقات صارت عقب .. يعني بشكل عام بلغريني ماكان له اي يد بالانتقالات او الصفقات .. والسبب ليه ؟!! .. هذي سياسة المشروع انها تنعرض على المدرب وهو يوافق او لا .. قمة الغلط اشوفها انك تضبط كلش وتعرضها على المدرب سواء وافق او رفض .. أنت لازم تشوف هو وش يبي .. يمكن اللاعبين اللي انت بتجيبهم خطته ماتتناسب معهم .. غلط وقمة الغلط طريقة تنفيذ المشروع .. انا ما اقول الكلام دفاع عن بلغريني .. بس هذا الحق .. المفروض المشروع ينبي على المدرب ومتطلباته .. اذا مانجح عقبها تعال وأجلده وطلع حرتك فيه .. بس لما يفشل صعبه تجي تناقشه انت اصلا ما مشيت على رايه وهواه .. الصفقات أغلبها صارت بدون تخطيط .. سنايدر اقوى مثال .. اختصار كلامي كله .. بلغريني معذور ببعض الاشياء لانه ما اختار اللاعبين بنفسهم ..

الشي الثاني .. بلغريني يفشل بالمباريات الكبيره .. نستعرض المباريات القويه / برشلونه خسر رايح جاي .. ميلان خسر وتعادل .. فالنسيا فاز رايح جاي .. اشبيليه فاز وحده وخسر وحده .. ليون خسر الذهاب وتعادل .. هذي المباريات الكبيره تقريبا القويه .. فاز بـ 3 وخسر5 .. وتعادل 2 .. صراحه ريكورد سئ قدام الفرق الكبيره ..
وهنا فعلا نقدر نحاسب بلغريني .. أكيد ممكن بعض المباريات يكون لها ظروفها بس مب معقول كل هالمباريات تخسرها .. ومباريات حساسه بعد .. هذي سلبيه من سلبيات بلغريني هالموسم ..







تعامل بلغريني مع الاحداث
.. من الاحداث القويه اللي صارت هالموسم غوتي بعد مباراه الكركون .. تلفظ على بلغريني .. وتفاقمت المشكله .. غوتي جلس 8 مباريات تقريبا اذا ماخانتني الذاكره مادخل التشكيله الاحتياطيه .. وكل ما انسئل بلغريني يقول للحين ماجهز .. الا ان بلغريني رجعه عقب .. ورجع ازين من اول واحسن بكثير .. وصار علامه فارقه .. اقوى ورقه رابحه للريال بالدكه هو غوتي .. مباريات كثيره دخل اخر ربع ساعه او ثلث .. وقدر يسوي الفارق ويقلب مباريات .. هنا لازم اننا نقول الحق ان بلغريني عرف يتعامل صح مع المشكله .. واستفاد من اللاعب .. بالمقابل مره من المرات كريس يطلع من المباراه ويمد يده بلغريني عشان يسلم عليه .. وسحب عليه كريس .. ما شفنا اي تعامل من بلغريني او قوة شخصيه زي اللي صارت مع غوتي .. ولما انسئل بلغريني قال اصلا هو كان منفعل .. منفعل والا مب منفعل المفروض يتعاقب ..






الشي الثالث المداوره
بداية الدوري طبقها بلغريني والكثير انتقده .. الفريق محتاج انسجام لان اللاعبين الجدد كثارين .. وغير كذا المدرب جديد .. يعني محتاجين ينسجمون مع بعض ويلعبون اكثر وقت ممكن مع بعض .. بالمقابل بلغريني كان له رايه .. وكان يثبت اركان اساسيه مايبدلهم والبقيه تشملهم المداوره .. وبالمقابل الفريق ياخذ الـ3 نقاط .. سلبيتها ان الفريق يفتقد للانسجام .. وميزتها اللي وضحت للكل .. ان الفريق مايهتز كثير لو اصيب لاعب .. شفنا كريس اصيب والفريق قدر يمشي بدونه .. ونفس الكلام كاكا .. ونفس الكلام بيبي وان كانت اصابته اكثر واحد له تاثير لان ماله بديل ..

-->
من مواضيع هلآلي..

هلآلي.. غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
بليييييييييييييز جيبوها لــــــي انا مسكينه z00z00 قصص و روايات 8 01-04-2010 06:39 PM


الساعة الآن 08:08 AM


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO 3.6.0 TranZ By Almuhajir