منتديات هتوف  

العودة   منتديات هتوف > أقلام هتوف > المنبر الحر

المنبر الحر فضاء واسع لقلمك وفكرك مواضيع عامه



إضافة رد
 
LinkBack أدوات الموضوع انواع عرض الموضوع
قديم 06-08-2010, 01:52 PM   #1

moka

 
الصورة الرمزية ][ مـكسسرٍهًّ : ـاَلكـيْبوٍرٍد ][
 
تاريخ التسجيل: Dec 2009
الدولة: jeddah , hes home
العمر: 22
المشاركات: 1,507
معدل تقييم المستوى: 19
][ مـكسسرٍهًّ : ـاَلكـيْبوٍرٍد ][ is a jewel in the rough][ مـكسسرٍهًّ : ـاَلكـيْبوٍرٍد ][ is a jewel in the rough][ مـكسسرٍهًّ : ـاَلكـيْبوٍرٍد ][ is a jewel in the rough



(adsbygoogle = window.adsbygoogle || []).push({});
قصــة الجحلـط .. و التسلاب الـ3

عزيزي القآرئ أحذر من النوم في الحوش أو السطوح لاتطير حمامه فوقك وتجعمص ؛ مع تحيآت موقع جبهتك أون لاين ؛ تحت شعار ( جبهتك سر تألقك )

نظرآ ل تشجيع سيدة حنينك المعنويَ و العاطفي وش بعد < مابيرد عليتس احد ثآني مرةَ


وشسمة ذي مغبرة بجهازن مافتحة يوم لقيتها تذكرت ايام زمآن < كاتبتهاَ .. و عمري ، 15 صنة < شمون ريحة صنان ؟

آنزلوآ تحت ..و إي رد غبـيَ .. مثل < لآزم اجيب امثلة؟ اوتسية . == لي باكُُ بقربعة قربعة قسم وش كمان يا هلاك اممم < قصدي ياملاك

مالي مزآج اقرأ او فيني نوم او عندي إسهال او خشمي مدلل وجايبن لي حول ..

سمو بالله و تذكروآ ان القيامة قربت وشفيكم تنحتوآ .. يقولون اني اشبة السديس و يقولون بعد ان الشعر اللي ف جسم عناد يسوىآ الشعر اللي ف شنبَ عبوديَ كلة

المهم آنزللو و لا يكثر ( اسلوب قشرة )



ملاحظة * ماكتبت مثل كل مواضيع قال و قالت و قيل و يقول و قولوآ ..كتبتهاَ ، كيذ1 على البركة عشان ماحس اني أألف كتب قرآءةَ لسنة اولى متوسط










.. ،




//





///




//

//



///






في يوم الجمعه أجتمعت الجمعيه العموميه لعايلتنا المبجله على وجبه العشآء تعشينا على طاوله الطعام وأكلنا بملعقه وشوكه وسكين وترا فيه مناديل يعني نمسح مانروح نغسل يعني نآكل في أجوآء برستيجيه وأتكيتيه ؛ وجلسنا نتسامر بعد الطعآم وكل ما أدلوت بسمرتي جتني كرشه وتسفيل وتفال وأحيآنآ إذا صارت الدلوه حقتي مخيسه تجيني نعله ولا صندل بزر إلين ما وصلت المواصيل يقعدوني جمب دولاب النعآل وإذا قلت شي مآصل يقولي واحد منهم تخير لك نعله معجبتك وجبها عشآن أنتفك حتى صارو ينادون عيالهم عشآن يتويقعون ويتعلمون الرمايه علي ؛ والقهر يجي واحد من أخواني يقول نكته مثل وجه ويضحكون وإذا ضحكت ألتفتو علي كلهم وقالو لي خير إن شاء الله مسوي صديقنا ولا تعرفنا ياحيوآن؟ والمشكله كلها أني قاعد أسلك يعني شيون وأقويآء عيون؛ بديت أتوتر وطلعت ريحه زفره من أطرآف جسمي وفاحت ريحه الكشنه من خشتي حتى من القهر فاحت من عيوني ريحه غمص ؛ قمت من عندهم وأنا أنصى اللابتوب أشغله وتطلع لي رساله تقول قم أرقد ياورع وتعوذ من بليس ترا عندك دوام بكره قلت هين عآد يابن الكلب الشرهه على ألي جايك يازلابه ترآ رآس مالك هديه من جبن لبشكري< بذله يعني؛ والله لأحمل فيك فيروس يشق بومتك ياحيوآن أنا أوريك يآ( طوووط طيط طآآآط شششش) < إذا أشتركتو سمعتو هالكلام مثلي مثل قنوآت إنني أنتظرك على أحر من الجمر وش زودهم عني @ قالي أقول تلايط ياكمخه وتقلع عني ترا مالي خلقك يالماصل يالأجرب يلعن أم الريحه عليك أول مره أشوف ريحه فم كنها ريحه أصابع واحد لابس شرآب العايله وقاعد يشيل أثقال أول ما سمعتها دايركت حطيت يدي على خشتي ونفخت هوآء وطلع هوآء أخضر وشميت الريحه وناظرت اللابتوب وقاعد أضحك ضحكه إبليسيه وصرت كل شوي أنفخ هوآ عليه إلين ماطلعت رساله خلاص أتوب وأنا أنفخ وكل شوي الرساله تختفي وفجأه تعفطت الشاشه وأنا على هالحاله إلين ما طاح وطلع لسانه تأكد أنه أنتهى وضعه؛ ويوم صارت الساعه ١٢ دخل أبوي وبدأ يمارس طقوسه وقال طف المكيف ألتفت عليه وقلت له طف المكيف ولا طف الليت هاهاها قالي لاإن شاء الله أنك تمزح لا تقول أنك تعرفه ؛قلت له لا لا أمزح عليك وش دعوى يايبه أعرف ذيك الأشكال ؛ ناظرني وقال خلاص عآد ييزي براد لا تصخنك ونبتلش فيك عاد مابزيناك وأنت صاحي نبزاك مصخن / طفيت المكيف وأنا أتمنى أني كنت نايم ولاسمعت هالتكريش أنسدحت وأنا للحين أشم خشتي وأقول مهيب مخيسه مره وما أمداني أكمل كلامي ألا وطالع لي ناب من الأنياب ويقول لو في أمك خير أمسك مكاني لو يوم واحد وبدت كل سنوني كل واحد يقول أيه لو فيك خير تجي وحتى خشمي تكلم قال يلعن بليسك لا تستخدمني بشم خشتك حاول أنك تشتري مروحه شفط وخلها تسحب الريحه وتدخلها على معدتك وأخرجها من تحت كأنها ريحآ؛ ولا علق بلسان الموت ذا ألي كنه ذيل قطو معطر جو حق السيآرآت ولا تصرف وشف لك حل؛ طلع سن العقل وقال بالله دق على باكستاني حق جلي بلاط وخله يجي يجلي لسانك ياشيخ ترا لسانك كنه أرضيه بركه مليآنه غرب وطحالب ماتلاحظ أن الأكل مايجلس بفمك؟ لأنه يزلق من هالغرب ؛ وتقفل معي وأصك خشتي وأسمع سن العقل يقول ياجحش ياجرثومه أنا أتكم خلني أخلص كلامي؛ وأنا أقول بقلبي هذا ألحين وأنت سن العقل ومعتبرك شيخ في خشتي وآخرها هذي ذبآتك أتفل بوجهي ا
أن فتحت لك خشتي حتى أني بحاول ما أتثاوب !! وبديت في عالم الخيالات وأنا أتخيل أني حرآ طليق أسولف وما أنكرش وأضحك وما أندبج يدخل أبوي يتأكد من المكيف ! ناظرته وأنا أقول في نفسي يوم أنك ما تحبني ليه تجيبني ليييه؟ وبديت أدمع وأتعبر وأول ما صك الباب غطيت وجهي بالوساده أصيح وأنا أحرك سيقاني فوق وتحت إلين ما طبعت كلمه أحلام سعيده على خدي ( شفتو الظلم وسايدي ذيك السفنج ألي مكتوب عليها صباح الخير ولا أحلام سعيده) لو تنوم علها ٨ ساعات جاك دمل برقبتك بديت أتخيل أني حمامه بيضآء أطير وديك جيرآننا خآق معي وأشوفه ينقر البيض وكل ما كسر له بيضه يلتفت ويناظرني وهو يمسح منقآره بوجه وحده من هالدجاج وراح لم وحده من الدجاج وهي راجنه ويآخذ البيضه حقتها ويدقدق بها وثمن شاتها في بطن الدجاجه ويناظرني ويغمز بعينه< ياشينك وأنت تشرح ومتحمس أجل غامز بعينه يعني ماغمز برجله ؛؛ بس ذكرت أن ولد جيرآنا ولد أبو رآشد توه مغير مغآطات نطبيته وما فضيت له عاد ذآك قمه الفضاوه دايم يتسدح بالصطح وإذا طقته الشمس خذ له دش بالخزآن وما فيه ألا إستلام وصاير نص صطحهم ريش والنصف الثاني حصى وقلت حرآم يصوبي ذا الثور والله أنه يعقب ههههههههه
وأنقلب على جمبي اليسار وتخيلت أني خفاش وضآق صدري لأني من الطيور ومصنفيني من الثديآت والتي تلد وترضع صغآرها بس صرت كني نعجه أستغفر الله أرضع وضآق صدري وتأكدت أني ماعرف أتخيل وأرجع على جمبي اليمين وأتخيل أني قدآم المرآيه ولقيت جسمي مخطط ولي جناح وأنبسطت وألتفت ورا بشوف ظهري وألقى في أسفل الظهر دبوس وأتقطع من الفرحه وقلت ياسلام صرت نحله من عقب ما كنت يرقه ؛ وفتحت الدريشه بطلع وأطير مادريت ألا وأنا أتوجع أثاريني طآب من السرير وأقوم وأرجع على السرير وأنا معصب وأطمر وسطه ومادريت ألأ والسرير منكسر وجبهتي على البلكه ألي رادفه السرير تأوهت من هول الصقعه وقلت الله يلعن خمآم الحرآج ؛ سمع صوت الدبجه الملك المؤسس أبوي ويلعن صير صيري وعطاني الضربه الخطافيه ألي يحط رجله على بطنك و يآخذ له لفه وبعركوب رجله الثانيه يلخك مع جبهتك عاد جت الطقه مع مكآن صفقه البلكه وزادت الطين بله وجتني هشاشه في عظام الجبهه ومسكني مع راسي بلحظه أبوبه وحنيه وقالي؛ جآك شي< يعني يايبه كل هذي الجلد وتبيني أقوم أحب خشمك وأقول ما قصرت ؛ بس جزآه الله خير ويآحبي له جت منه بآدره طيبه منه لكن بدآها بشي ما نبيه وختمها ببوسه على الجبهه؛ أول ماطلع قلت في نفسي وهذآ ما يرقد ومستقعد لي ؛ خذت صراويلي وفنايلي وثوب ورتبتها وسط الشمآغ ولفيتها وأعلقها على خشبه سريري ونزلت وأتلين بين النخل وأخذت لي غطه وقمت وألقى أبوي يلقح النخل وأنتبه لي وقآل لا تقوم وأنا أبوك خلني أخلص من السلجيه وبجي ألقحك ترآ أن قمتا بدخلك على الثور يتفاهم معك ؛خلص شغله معي وبصرآحه أحس أن أبوي أهون من الثور وأرحم ؛ وقال قم أنقلع للمدرسه توه دآق الوكيل يقول ولدكم غآيب قلت أن بطنه هاجه قال إذا ركد خلوه يجي ترا الدوري اليوم وملزومين بكبك قلت خذوه وأن بغيتوا أخوه بعد وقال وكيلكم أقول خله يجي وبلا تميلح وصكها ؛ وهو يكلمني قال وش مقعدك قم وش تحتري وأنا أتمتم وأقوله طيب أنت تتكم وشلون أقوم؟ طلعت للمدرسه وأنا أفكر بحل لأني أشوف النآس تتفسح وأنا طفرآن وأفكر وأقول إلى متى وأنا آذوق فسحه محجوب وآخذ جغمه عصير من سعيد وأتسلف ريال من واحد ما عرفه؛ وصلت مرحله أن كل الطلاب قد تسلفت منهم؛وإلى متى وأنا أفطر عبري أقعد كل الفسحه أرجم الشجره بنعالي ويا أن النعله تتعلق وأكمل اليوم أمشي وأنا أثني ركبي عشان ينزل الثوب ومحد يدري ولا يجيني سهال لأنهم راشين السدره بمبيد ؛ وقررت أتوظف في بقاله قايد< من أسمه واضح أنه مهوب يمني أبد؛ رحت أكلمه وقال خلاص أمسكها من ١١ إلى الفجر قلت والرآتب قال ٢٠٠ قلت تم ؛ وأمسكها وما جاني ولا زبون لأن هالكمخه مايبيع ألا معلبآت وبآرد من هالإنسان ألي تبي تخمه ويشتري معلبآت تآلي الليل ؛ الوكآد أني مابعت ولا شي وفي ثاني يوم هجوم تكروني على البقاله وضفوا كل شي فيها حتى من زود قوه الهجوم أنا طلعت وصرت أحمل معهم وأساعدهم يوم خلصوا صكيت البقاله ورجعت البيت ويآدار ما دخلتس الشر
رن تلفون البيت وألقآه قايد من زود الهبله ألي فيه لسانه طالع لي من السماعه وقال إين كبك قلت مآآآت قال خلوه يقيب بضآعتي ولو بغى يروح قهنم قلعه تقلعووه صكيتها في وجهه وتوني أحس بمشكلتي وأني جبت المطمه على راسي فتحت الحصاله ومالقيت فيها ألا ثلاث أنصاص وبيآله بآدريق وجدول إختبارات الدور الثاني حق قبل العام ؛قلت بس مآلهآ ألا ذيبها بروح أبيعها وأفتك من قايد الثور طلعت للمدرسه وأنا كلي هموم وأنا شآيل دروسي ولقيت جارنا يحمي السيآره بيودي بزارينه دقيت عليه القزازه وقال هآه وش تبي قلت تشتري آخر بيآله شرب فيها أبو الهول أبوك؟ ترا ريحه خشته فيها وأقرب البياله وأقوله شم ريحه الصنه شمها ؛ قال متقهوي عندكم قبل يموت قلت أيه الله يآخذه ليته عزمنا ولا شي تقهوى ومات وخذته أنا وأخوي وجدعناه عند باب المسجد قال يعني أنتم ذابحينه عطوني الديه ( جآب المطمه للمره الثانيه ) وأنحآش وأجدع البيآله عليه وخذلك ركض إلين ما لقيت حوش فاضي وأطب فيه ولقيت تيرسل منقلبه وشآبه ولها عشر سنين دخلت فيها ولقيت أنوآع الحيوانات ولقيت جثه وحيد القرن وملتف على رقبته دآب كان خانقه وطولوا وماتو وصارت جثثهم متشابكه؛ وفيه قطو نايم وسطها يعني هالقطو خاش جو هو ونومته دخلت ونمت نومه سمعوها أهل وآشنطون من طولها أول ماقمت لقيت القطو متوزي ورآي وكاتب لي على قوطي تونه ( أنا في وجهك الكلب برا يحتريني أطلع وبيآكلني) طلعت برآ ولقيت الكلب عليه قلاده قلت ألحين أنت جعري وكافر وش تبي بالدنيا والله أنك شين وقوي عين وطرار وبخشمك نغافه ؛ وبدا يتحرش ويتفلت على القطو شوي وحسيت أن سالفتهم صدقيه وأن ألي بينهم هذآ ثار ملعون خآمس؛ وفرقت بينهم وفهمت سالفتهم وجلدتهم كلهم لأنها بآيخه وسالفه بزارين الكلب يقول ليه يمد رجليه في وجهي
؛قلت ياولد أنا مآش سلوم وأخاف يعضني هالجعري بكره قررت أزبن وطلعت من حوشهم الي يحسبونه مجلس والفنجال مايسناق وسلوم الرجاجيل 24 ساعه تشتغل عندهم

ولقيت جمس حق حآرس مدرسه بنآت مكتوب على قزازته إخطار سيتم سحب السيآره ؛ فتحت البآب حق السوآق وطلع لي ضفدع لونه رمآدي ولسانه كحلي وقال هلا بالصديق أنثبر هنا ترا البسآط أحمدي
وأنا مستغرب لأن هالضفدع غريب لونه وشكله ضفدع في بطنه مخبات مثل الكنغر بس أنه حآط فيه دفتر أبو ستين وقلم أبو أربعين قلت ليه دفتر أبو ستين قال لي وأنت وش شغلك أنثبر بس قلت له طيب ليه قلم أبو أربعين قالي نفس الرد الأول ؛رفع رجله ورجلينه وحده منها بدون أصابع والثانيه فيها عشر أصابع ؛ وبدآ يطلع روائح قفلت معي وهاوشته وقال؛ لزوم نطيح الميانه ياحبيبي قعدنا نسولف وقلت له سالفتي وقال زين سويت هذا الشغل تمآم خل ألي يبغآك يجي هنا < وأنا أقول في نفسي من فيه ألحين يبغاني يالهيس الأربد ؛ سألته عن وضعه وقال أنا كنت عند بزر وهالبزر حقير لدرجه أنه يشربني فيري ويرصني مع بطني ويقول يله طلع فقاعآت؛ ولا مره تعبان وفيني حراره وراح يحطني بالفليزر؛ قلت أوف قال مستغرب ؟ تدري مره فيني مسآك ودخل فيني عود أذآن ويطلعه وينقعنه بفلاش ويدخله فيه مره ثانيه يقول خل السدد يروح وأنا دمعت عيني قال تضحك ياكلب؛؟ وقالي تصدق مره نايم جا وشالني وحطني بالنشاف وشغل ومن عقبها أنقلبت حآلي وأنخضت عيوني ألحين أقدر أشوف جوف راسي إذا قلبت عيوني؛ وصار مخي يتدربى في راسي ؛ أخذت نفس طويييل وقلت من شاف مصيبه غيره تهون مصيبته؛ قلت ماعندك غدآ قال دور لك شي يطير وأزرطه وشفت لي ذبانه وأنسدت نفسي وفي حين غفله يشطفني لسانه ويلقطها عاد أنا بصراحه أنبهرت وقلت بقلده إلى متى وأنا ما أستفيد من لساني إلى متى ولساني ما أستفدت منه ألا في ترتيب النخمه وصفصفه الكلام الوصخ؟ سألت الضفدع كامل قال مد لسانك! طلعته له وقلت له شف أقدر ألمس خشمي بطرف لساني وش رايك؟ويهز راسه ويقول ما يصلح ؛ قلت طيب تتحدى أسوي حركه لو تجي أنت وخمس ضفادع تخسون تسوونها قال وشي ؟ وأمد لساني وأدخله في خشمي وفطس علي ضحك وقال ياشيخ ظف وجهك قلت هذآ ألحين بيربط لسانه كرفته ؛ ثمن ألتفت وقال لازم تمارين إطاله للسانك ؛ وبدينا التمارين وبدا يخليني أكرر وأعيد كلام ماجد التويجري حق صدى الملاعب ؛ وبصراحه ما قدرت أكمل التمرين لأن جاني رباط صليبي في لساني؛ قفلت معي وأمد لساني وأوطاه برجلي وأوقف على شوي شي إلي ما طق وأنا واقف ولساني يتدودل وصاير وجهي كنه مقفى حصان وأول ما وخرت رجلي رجع لساني يمشي ألف تذكرت إذا قست شي بالمتر وتركته بسرعه ؛ عرفتو وشلون رجع لساني طاير لدرجه أنه صفق جبهتي صفقه تسببت في صلع بنص راسي؛ قررت أنفذ الخطه الثاني ألي هي مديت لساني وصكيت عليه باب الجمس وصرت أرجع بكل ما أوتيت من قوه والضفدع موقف ورا وما لسانه ويقول أرجع أرجع أرجع بعد تووك ترا باقي إلين ما وصلت مكانه وقالي بس كذا ممتاز؛ وراح يفتح باب الجمس ويجيك لساني مجاوب يمشي ألف وأتشقلب متأثر بسرعه دخوله في خشتي ؛أيست من هالأفكار وقالي رح سو نفس الخطه عندي تعديل عليها وأعيدها وأوصل ما وصل لساني للطول المحدد ربطه من بدايته بعد سنوني بشبر تقريبآ < مسوي فيها أشتغل بدقه متناهيه عندكم وكل شي بمقاسات ه
ومعد رجع لساني خلاص دقر بالعقده وصار يسحب وبعض الأحيان يعكرف لي وإذا بغيت أصيد لي شي أدور بلساني وأرجمه مثل حقين الكبوي مره؛ حتى أني أصيد حمام بالطريقه ذي حاط بطرف لساني غرا وإذا رجمته نشب فيه الشي المطلوب وأذكر أني مستقوي على عقاب وطار بي و يجدعني في حفريات تبع شركه الكهرب بس أشوى كنت لابس نعال ولا كان نفضني< وآضح أني أسمع بالكهرب والوقايه منه؛ بديت أتأقلم أنا والضفدع وصرت أصيد له ويصيد لي من هالذبان والنامس وكل ما يدب على وجه وأعجبتي حياتهم تخيل أنك تجوع وتلقط لك شيخ الذبان وتمزمز عليه وجا يوم وأشوف الضفدع كامل حزين وأخذه ونتمشى أنا ياه في وادي حنيفه وأنبسط ضفدوع؛ وقام يناقز بين الأنهار وأنا ألحقه وقف وناظرني وأنا شايل لساني وقال ليه ما تطامر مثلي ناظرته وقلت أخلص طامر وخلنا نرجع ترا العيون واجد على جمسنا ويطمر ويتعلق برقبتي وقال طلبتك تطامر معي وقلت تم؛ وبدا يعلمني وأحط يديني بالأرض كني بتسابق حتى فيه تكارنه يلعبون قواطي هناك وأسمعهم يضحكون وفيه منهم واحد يعلمهم يشوفون صروالي وهو نازل وأنا مدنق وأبدا أناقز وأعجبنتي حياتهم لأنهم يوصلون مشاويرهم بسرعه بس أنا مواجهتي مشكله ألي هي لساني لأني متلطم به وطرفه يتدودل بالأرض وصرت أنقز وأحرك رجلي وأنفظها بشويش و بحركه إغرائيه صراحه ماقد شفتها حتى في قنوات التمغنج والتدلع وتعلمت كل شي عن حياه الضفادع وحتى صرت أقمط مثل قمطه الضفادع ؛ ولقوني بزارين وانا طاير وقامو يرجمون علي يعني هالشعب ماتسلم منه حتى وأنت ضفدع؛ ألتفت عليهم وأنا أتفخ حلقي حركات الضفادع إذا عصبت أبيهم ينحاشون حجروني ذا الكلاب وربطوني وحطو على بطني بلكه عشان ما أنحاش؛ وصارو يشطفوني بالسياكل ( يعني معد تسوى على هياطي) وأنا أقدر أنحاش وأخلص نفسي بس عايش الجو أني ضفدع ضعيف ومافي يدي حيله والغبه مادين لساني ورابطيه في قشعه ومخلينه مطب؛ راحوا عني حزه مسيان وقمت أناقز إلى الجمس وألقى ضفدعي الكلب يغازل جراده ومبسوط رقيت فوق التنده ونمت وأقوم على أصوات فلاشات وألقاهم جريده يصوروني وجت الناس تصور وتجمهرو علي ولقيت أخوياي يقولون يآحظك وألقى مندوب مبيعات مجله قينيس وحطوني بغلاف المجله من قدام ومن ورا وكاتبين إنسان عمانه بشر وخواله ضفادع < عادي مجله وتبي الزباين يشترونها وألفو لاموضوع .. وخذوني للمستشفى وعالجوني وصارو يدورن بي على المدارس وأنا أطامر بالمسارح وفي المهرجانات صرت أجي أسحب لساني وصارت حياتي حياه عز من عقب ماكنت أفطر لي على ريحه تونه وعظامه برصي صرت آكلي يا خليه نحل أجدع لساني وسطها وألحس ولا علبه تونه أم ثمانيه ريال وأتغدى على شيخ ذبان وطلعوني بالجرايد وصرت أحضر مؤتمرات الرفق بالحيوان وفي يوم طلبت من السواق حقي يوديني بيتنا وأطل من فوق السور وألقى أبوي يخرف من السلجيه ألي كان يلقحها؛



< تقول بنفسها الله يالدنيا هالزمن ياتصير حيوآن ولا خلك إنسان وكل تبن



ترا الضفدع المذكور هو ألي حاطة صورتة ب مدونتي ! ( ماسوي إعلان ولا شي ما يحتاجْ عندي ظيفين كل يوم موجودين ) * آحبكم و سجلو و قيموني مثل ماقلتلكم << ممخ آستغلآلي بحث . .


مايستفاد //

لا يوجد

مالا يستفاد //

كل الموضوع


__________________
-




.there's , a natural mystic blowing through the air "

ممنوع وضع الإيميلات والآسك مي والمواقع الشخصية ( الإدارة )
-->
من مواضيع ][ مـكسسرٍهًّ : ـاَلكـيْبوٍرٍد ][

][ مـكسسرٍهًّ : ـاَلكـيْبوٍرٍد ][ غير متواجد حالياً   رد مع اقتباس
قديم 06-08-2010, 03:00 PM   #2
 
الصورة الرمزية - سيدة حنينك -
 
تاريخ التسجيل: Feb 2010
الدولة: בــــيث آڪوטּ غ‘ـدآإ..}
العمر: 28
المشاركات: 7,033
معدل تقييم المستوى: 5661940
- سيدة حنينك - has a reputation beyond repute- سيدة حنينك - has a reputation beyond repute- سيدة حنينك - has a reputation beyond repute- سيدة حنينك - has a reputation beyond repute- سيدة حنينك - has a reputation beyond repute- سيدة حنينك - has a reputation beyond repute- سيدة حنينك - has a reputation beyond repute- سيدة حنينك - has a reputation beyond repute- سيدة حنينك - has a reputation beyond repute- سيدة حنينك - has a reputation beyond repute- سيدة حنينك - has a reputation beyond repute
افتراضي رد: قصــة الجحلـط .. و التسلاب الـ3



يآآعينــي يآآعينــي

^^
بسم الله عليـك عندك خيآآآآل وآآســع بشكــل فضيـــع

ومبيــن فيــك حتى وأنت صغنونــه >>بحكم ان هذي من كتآبآآت المتوســط


لكـن عندي ملاحظـه يآحلوه أحس لو تبعديـن نقطـة عن الألفآآظ اللي شوي شوي تعكـر جو القآري ألفآآظ مو حلوة حبتين
^^
هذآ من وجهة نظـري
والقرآآآء مو وآآحــد

غيــر كذآ حرآآم زي هالألفآآظ تعكــر شي حلو وأسلوب وأفكآآر زي طرحك يالغلا


أتمنــى تتقبليــن نقدي
ويسعدنـي انـي أكون من المتآآبعيــن لك لكن بجو أرقــى كرقيــك

دآم قلبك وخرطك

__________________
إن وجدتم في مشاركاتي مايؤجرني انشروه وإن وجدتم مايؤثمني اتركوه .. يآرب أحسن خاتمتي ()،
-->
من مواضيع - سيدة حنينك -

- سيدة حنينك - غير متواجد حالياً   رد مع اقتباس
قديم 06-08-2010, 03:07 PM   #3

 
الصورة الرمزية هـمـس آلـبـيـلـسـآن
 
تاريخ التسجيل: Mar 2010
الدولة: السعوديه /تبوك
العمر: 26
المشاركات: 5,829
معدل تقييم المستوى: 487652
هـمـس آلـبـيـلـسـآن has a reputation beyond reputeهـمـس آلـبـيـلـسـآن has a reputation beyond reputeهـمـس آلـبـيـلـسـآن has a reputation beyond reputeهـمـس آلـبـيـلـسـآن has a reputation beyond reputeهـمـس آلـبـيـلـسـآن has a reputation beyond reputeهـمـس آلـبـيـلـسـآن has a reputation beyond reputeهـمـس آلـبـيـلـسـآن has a reputation beyond reputeهـمـس آلـبـيـلـسـآن has a reputation beyond reputeهـمـس آلـبـيـلـسـآن has a reputation beyond reputeهـمـس آلـبـيـلـسـآن has a reputation beyond reputeهـمـس آلـبـيـلـسـآن has a reputation beyond repute
افتراضي رد: قصــة الجحلـط .. و التسلاب الـ3

أولا ياملوكه ياحبي انا وين رحت؟؟؟!!!
وبعدين قصتك حلوه مرررره وتهبببل..الخيال فيها واسع ...بس في ألفاظ تقهر شوي ,,يعني مش ولابد,,لو بس تبعدي عنها..
وإن شاء الله أنا راح اكون من متابعينك دائما في مدونتك<<أثر فيني الإعلان
وفي مواضيعك
تقبلي تحيتي:
هموسة
__________________
تسجيل خروج للأبد
إحترامي للجميع
-->
من مواضيع هـمـس آلـبـيـلـسـآن

هـمـس آلـبـيـلـسـآن غير متواجد حالياً   رد مع اقتباس
قديم 06-08-2010, 04:01 PM   #4
صانع حرف
 
الصورة الرمزية عاشقة الامل الضائع
 
تاريخ التسجيل: May 2009
الدولة: اعيش في الاردن \فلسطينة الاصل
المشاركات: 9,598
معدل تقييم المستوى: 2787
عاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond reputeعاشقة الامل الضائع has a reputation beyond repute
افتراضي رد: قصــة الجحلـط .. و التسلاب الـ3

لي باك

الموضوع طويل

مرسي الك
__________________
ملاحظة هامة هامة هامة:


الرجاء من جميع اعضاء هتوف المحترمين عدم كتابة اي موضوع في قسم الصحة الى بعد التأكد من مصدره وفي حال عدم التأكد

كتابة اسفل الموضوع منقول .

صحتنا مهمة اكثير :buakrie_20040 820:

عيد مبارك .... عيد مبارك " كل عام وانتم بخير "
-->
من مواضيع عاشقة الامل الضائع

عاشقة الامل الضائع غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:35 AM


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO 3.6.0 TranZ By Almuhajir