منتديات هتوف  

العودة   منتديات هتوف > أقلام هتوف > قصص و روايات

قصص و روايات قصص , قصص طويلة , قصص رومانسية , روايات , روايات طويلة - تحميل روايات ، روايات طويلة رومنسية



إضافة رد
 
LinkBack أدوات الموضوع انواع عرض الموضوع
قديم 06-15-2010, 11:56 AM   #1
اعشقه حتى الموووت
 
الصورة الرمزية عشقي نجد
 
تاريخ التسجيل: Jun 2010
الدولة: السعوديه
المشاركات: 36
معدل تقييم المستوى: 0
عشقي نجد is on a distinguished road



(adsbygoogle = window.adsbygoogle || []).push({});
قصة يبه ابتسم لوسمحت

يبه ابتسم لو سمحت

=====================================

خلف هو الاخ الاكبر لخمسة اخوان واربع اخوات.. كان خلف يعتقد ان الاخ الاكبر لازم يكون جاد وقوي الشخصية مايبتسم ومايضحك وكبر عنده هالاعتقاد بمتابعته لعمه العود عبد الله
كان عم خلف قوي الشخصية ومايبتسم مسيطير جاد في عمره ما ابتسم ... وفي يوم توجه خلف لغرفة ابوه وتم يتسولف وياه وفي نهاية الكلام قال: (( يبه أنا ابي اكون شرات عمي عبد الله جاد وشخصية وهيبة ))
استغرب ابو خلف من هذا الكلام وقاله: (( ليش؟؟ ... ليش اخترت عمك عبد الله ؟؟ مع اني اعرف ان معظم الشباب إلي في عمرك ... انا ما اقول كلهم اقول معظمهم يتمنون انهم يصيرون شرات آباءهم .. ))
خلف: (( يبه اسمحلي انت تبتسم واايد والريال إلي يبتسم تقل هيبته .. والانسان في هذا الزمان لازم يكون مسيطر ويقضي على غيره قبل لا يقضون عليه ))
ابو خلف: منو قالك هالكلام ؟؟
خلف: محد انا تعلمت هالشي بنفسي .. اسمحلي يبه تصبح على خير ..
ابو خلف: خلف فكر في كلامك عدل ... راجع نفسك
ابو خلف والحزن بادي على وجهه: لاااااا .. الظاهر ان الزمن بيعيد نفسه ... ارجو من الله انه يوفر لعيال خلف العم الحنون إلى بيرعاهم ..
* * *
بعد مرور ست سنوات
كبر خلف وكبروا كل خوانه واخواته ... وكان خلف شديد الشبه بعمه عبد الله كل يقلده في كل حركة من حركاته يقلد مشيته ونظرته وطريقة كلامه لين ما صار نسخة من عمه ... فقد خلف اعز ما يملك فقد احاسيسه ومشاعره فقد ابتسامته !!!!
عيسى اخو خلف الثاني كان صورة معاكسه لأخوه كان يختلف عنه في كل شي ... كان طيب وحنون والابتسامة ما تفارقه ... تخرج خلف من الجامعة وتزوج وصار عنده ولد سماه ((خليفة)) من يوم ولادة خليفة وخلف في عمره ما ابتسم في ويه ولده كان يعلم ولد كيف يكون قوي الشخصية، صلب، متسلط، والاخس من هذا ان زوجة خلف كانت مثله تماماً قوية ومتسلطة، ما تعرف الرحمة طريق لقلبها... كانت تغرس صفات خلف في نفس خليفة الصغير وتعلم كيف يكون متسلط وما يرحم احد... لين ما يه ذاك اليوم إلي غير الكثير في حياتهم ..
خليفة: يبه انت مشغول؟؟
خلف: شوي.. بس قول شو عندك؟؟
خليفة: لا ماشي حبيت بس اتسولف وياك
خلف: قول قول شو عندك ؟؟
خليفة: يبه تعرف... ما ادري ليش ... انا احب عمي عيسى واايد
خلف: وبعدين ...
خليفة: اتمنى ... اتمنى اني استوي شراته ... لا استوي نسخة عنه ..
خلف: شوووو ؟؟ .... ما لقيت إلا عمك عيسى ؟؟
خليفة: هيه .. وشو بلاه عمي عيسى طيب وحنون و ....
خلف: جب ولا كلمة ... قالي طيب وحنون ان سمعتك تقول هالكلام مرة ثانية لا تلوم إلا نفسك
خليفة: ليش؟؟
خلف: بدون ليش.. قم وسير حجرتك بسرعة ... قم ما ابي اشوف ويهك
خليفة: يبه لو سمحت لا تنسى باجر الحفلة الختامية في المدرسة ... يبه احتاجك تعال لا تنسى..
خلف: سير حجرتك بسرعة ..
ام خليفة: شو بلاك تصارخ؟؟
خلف: تعالي جوفي ولدج ... ين الولد لا اكييد ين يقول انه يبا يصير شرات عمه عيسى .. والله لأتبرى منه إذا شفته يبتسم بس ..
ام خليفة: شووو ؟؟ عمه عيسى ؟؟ قلوا اعمامه ما اختار إلا عيسى؟؟
خلف: جفتي عاد ... انا حلفت وبنشوف يا خلوف انا ولا انت ..
* * * *
الجزء الثاني ...

====================================

ثاني يوم في مدرسة خليفة
الاستاذ: اي خدمة ؟؟
خلف: انا والد الطالب خليفة خلف
الاستاذ: هو في اي صف؟؟
خلف: امممم .... يمكن ...
عيسى من ورى خلف: في صف اول ابتدائي /5
الاستاذ: ايوااا عرفته ... ده ولد شاطر قوويي ... تفضلوا من هنا ..
خلف: عيسى شو يابك هني؟؟
عيسى: الشي إلي يابك ... السيارة ... مب معقوله ايي مشي هني
خلف: عن الاستهبال.. ليش ييت ؟؟
عيسى: ييت عشان خاطر خليفة
خلف يطالع عيسى بنظرات غضب وعيسى يبتسم في ويهه ويقعد على الكرسي..
بدأت الحفلة وكل صف قدم فقرته ... واخيرا هذا دور صف خليفة .. قال الاستاذ: انا كاتب اكثر من سؤال وحاطنهم في هالعلبة وكل طالبة يسحب سؤال ويجاوب عليه
كان سؤال خليفه هو : من هو الشخص الذي تتمنى ان تصبح مثله في المستقبل؟؟
خليفة: الشخص إلي اتمنى اني اكون مثله هو : شخص عاادي وبسيط لاهو حاكم ولا امبراطور .. شخص يحب الخير لكل الناس شخص اذا ابتسم ببابتسامته يفرح قلوب ملايين البشر ... وفوق هذا هو شخص مبدع ... طيب ... حنون .. شخص ذو مهنه انسانية .. هو عمي الغالي والعزيز عمي عيسى
وابتسم خليفة ابتسامة ساحرة تشرح قلب كل انسان ...
كل الحضور اعجبوا بشخصية خليفة وجرئته واختياره الرائع إلا شخص واحد كانت نار الحقد والغضب تحرق قلبه ... حس ان تربيته كلها تبخرت في الهوا .. وإن كل إلي غرساه في نفس خليفة راح وضاع ... طلع من قاعة الاحتفال وراح بيته وقعد في حجرة خليفة ينتظره متى بيرجع ..
بعد ما خلصت الحفلة رجع خليفة البيت وكان مستانس لأنه عبر عن إلي في قلبه وارتاح... لكنه ما كان يدري شو إلي ينتظره في البيت
دخل خليفة حجرته شاف ابوه يالس على الكرسي وكان معصب ... خاف في البداية لكنه استجمع قواه وسلم على ابوه ..
خلف: لك ويه تسلم علي عقب إلي قلتله اليوم؟؟
خليفة: يبه انا ..
خلف: وحطبه .. انت شو ؟؟ عندك شي ثاني تقوله غير إلي قلته اليوم ... فشلتني و نزلت راسي .. فضحتني جدام الناس بكلامك يالرقيق ... مستوي مرهف الاحساس ..
ونزل عقاله وضرب خليفة ضرب ... ضرباه بلا رحمة وحبساه في الغرفة وقفل عليه الباب ... تم خليفة يصيح ويترجى ابوه انه يطلعه لكن بدون فايدة واشوي رن التلفون إلي في غرفة خليفة
خليفة: الوو ..
عيسى: هلا .. هلا والله بالغالي ... شحالك ؟؟
خليفة: عمي الحق علي ... انا ما بتم هني تعال ارجوك .. ( وتم يصيح)
عيسى: شوو ؟؟ ... دقيقة واكون عندك ..
ركب عيسى السيارة .. وساقها مثل المينون وكان صوت خليفة يتردد في اذنه ... وصل عيسى بيت خلف فتح الباب وتم يصارخ : خليفة ... خليفة ..
طلعت ام خليفة: ههيي انت ... وين عايش ؟؟ خفض صوتك توني مرقدة عبد الله ما فيني ينش مرة ثانية ..
عيسى: وين خليفة؟؟
ام خليفة: في حجرته ... وين بيكون يعني ؟؟
عيسى: شو سويتوا فيه ؟؟
ام خليفة: تقصد هو شو سوى فينا ..
عيسى : الكلام وياج عقيم وما منه فايدة.. قومي من جدامي
وطلع بسرعة وحاول انه يفتح باب حجرة خليفة لكن للأسف الباب كان مقفل بالقفل
عيسى: ماشي إلا اني اكسر الباب ... خلوف ابعد من عند الباب ..
وبعد ثلاث محاولات كسر عيسى الباب ودش الحجرة وشاف خليفة ممدد على شبريته وكان تعبااااااااان ..
عيسى: حبيبي خلوف شو سووا فيك ؟؟!!
وشلاه ووداه المستشفى ...
* * * *
الجز الثالث ...
==================================
عيسى: يبه لازم نشوف لنا حل
ابو خلف: حل ؟؟ لشوو ؟؟
عيسى: يبه .. تصرفات خلف محد يقدر يتحملها ..
ابو خلف: هيه والله ... شو نسوي له ... ياما نصحته وقلت له بس هو الله يهداه ما يسمع
عيسى: يبه ... هذا ولدك واكييد اذا انت قلت له شي بيسمعه ... فهمه هذا ولده مب من الشارع .. ولده من صلبه ..
ابو خلف: انا صوتي راح من كثر ما اقوله ... بس تعرف اخوك
عيسى : خلاص انا بتفاهم وياه ..
ويتصل عيسى عند خلف ...
عيسى: الوو
خلف: افففف ... شعندك انت بعد ؟؟ ... ما تعرف ان الناس في هذا الوقت يرقدون
عيسى: لا ما اعرف ...
خلف: شو تبا ؟؟ تكلم بسرعة ..
عيسى: ليش ضربت خليفة؟؟
خلف: كيفي ولدي وانا حر ...
عيسى: لا مب كيفك ... شو انا حر ؟؟ وين نحن
خلف: عيسى انامب متفيج الحين ..
عيسى: شو مب متفيج ... لعبه هي ... تقول وتكفخ ولدك ؟؟ وين عايشين نحن في العصر الحجري؟؟
خلف: انت الظاهر ما عندك سالفة وانا نعسااان وابي ارقد ... مع السلامة
وقفل في ويهه عيسى ... زعل عيسى من تصرف خلف ... بس تذكر ان خليفة راقد بروحه في الحجرة قال: خلني اسير واتطمن عليه احسن لي ..
في حجرة عيسى....
عيسى يالس عند خليفة ويقول: حبيبي ... شو سووا فيك ... ليت انا مكانك ... يصيبني ولا يصيبك .. حبيبي انت ..
اشوي ... ينش خليفة ويقول: عمي ؟؟
عيسى: عمري ... آمر ؟؟
خليفة: عمي انا عطشان ابي اشرب ماي ..
عيسى: ثانية بس والماي بيكون عندك ..
خليفة بعد ما شرب الماي ... قال: عمي
عيسى: هلا ..
خليفة: عمي انا ابي اتم عندك ... ما ابي ارد البيت
عيسى: لييش؟؟
خليفة: محد يحبني هناك .. ليش اسير لمكان انا واثق انه محد يحبني فيه ... واترك المكان إلي احس فيه بالراحة
عيسى: لا تقول جذي ... ماشي اهل ما يحبون عيالهم ..
خليفة: لا يا عمي شيي ... ابوي وامي ... يكرهوني ويحبون اخوي عبد الله اكثر مني ... دوهم يقولون انه بيكون احسن مني.. انا يوم اقول جذي هذا مب معناه اني اكرهه اخوي او اني احقد عليه لا بالعكس انا احبه بس هم ما يحبوني..
عيسى: خلوف ماشي اهل ما يحبون عيالهم ... لا تقول جذي ..
خليفة: عمي .. انت تقول جذي لأنك في عمرك ما حسيت بالاحساس إلي انا احسه .. يدي سيف ما قصر وياكم يعني جوف انت الحين كم عمرك ... 20 سنة .. وبعده يحضنك ويبوسك بعد ... وانا عمري 6 سنوات وابوي ما ابتسم في ويهي ولا مرة !!!!
عيسى: خلوفي ... ابوك غير ما يحب انه يظهر مشاعره لأحد
خليفة: بس انا مب اي احد ... انا ولده
عيسى: وانا اخوه ... في عمره ماقالي كلمة حلوة ولا ابتسم لي ... يا يبه هونها وتهون .. انا موجود واعمامك اله يخليهم ويدك ويدتك ... كلنا هني وان شاء الله بنعوضك عن الحنان
خليفة وهو يحضن عمه: الله يخليكم لي ياعمي ..
عيسى يبتسم ويمسح على راس خليفة .....
* * *
اسبوعين مروا من ذاك اليوم ... وخلف ما سأل عن ولد ... وخليفة بعده في بيت يده .. كانوا كلهم يالسين في الصالة ويتسولفون ..
ام خلف: عيسى ... متى ان شاء الله بتفارقنا ؟؟
عيسى: شوووو ؟؟؟
ام خلف: يعني متى بتشد حيلك وبتخلينا نخطب لك ؟؟
عيسى: لاااا ... شووو تخطبون لي ... لا لا لا
ام خلف: شو لا لا لا ؟؟
عيسى: يمه حرام عليج ... تبين تدفنين زهرة شبابي
ام خلف: اي زهرة شباب ... استحي ع ويهك ... مستوي اطول عن ابوك .. واعرض عنه وبعدك تقول زهرة شبابك ؟؟
عيسى: ههههههه
ام خلف: وبعدين كل ربعك إلي في عمرك عرسوا وعندهم عيال الحين ما بقى إلا انت
عيسى: يمه كل إلأي عرسوا عندهم خلل ... او شي في عقولهم
ام خلف: محد فيه خلل في عقله إلا انت
عيسى: حرام عليج يمه .. تقولين جذي لولدج الوحيد
ام خلف: اي وحييد ... استح ع ويهك وباجي خوانك وخواتك شو سويت فيهم ؟؟
عيسى: ماشي... تبريت منهم بس..
ام خلف: قم من جدامي
عيسى يضحك وكلهم يضحكون ... واشوي يسمعون صوت احد يدق الباب ..
ابو خلف: عيسووه ... قم وفج الباب.
عيسى: ان شااااااا الله ... محد غيري في هالبيت ..
ام خلف: هيه مب انت ولدي الوحيد ... ما عندنا عيال غيرك
عيسى: لا خلاص هونت مب الوحيد .... مب الوحييييد
ويفتح عيسى الباب ويلاقي خلف ...

=======
الجزء الرابع ..
==============
عيسىبصوت عالي: هلااااااااااا خلف
خلف: خفض صوتك .. لا تزاعج
خليفة اول ماسمع صوت ابوه ركض وسار حجرة عمه عيسى وتم يالس هناك..
عيسى: حياك تفضل الوالد والوالده في الصالة .
يسكت خلف ويدش البيت ويسلم على امه وابوه .... طلع عيسى وسار حجرته عشان يشوف خليفة ..
عيسى: خلوف انت هني وابوك تحت قم وياي بننزل عشان تسلم عليه ..
خليفة: ما ابي ..
عيسى: ليش؟؟
خليفة: بيضربني ..
عيسى: ما بيضربك ولا بيسوي فيك شي
خليفة: واذا سوى ؟؟
عيسى: قلت لك ما بيسوي ... المهم ان تيوم تنزل تحت سير وسلم عليه وحب يده وراسه
خليفة: لاااا ... اخاف بيضربني
عيسى: قلت لك إذا سوى لك اي شي لا ترمسني ابدا
خليفة: خلاص انا بتحمل كل شي عشان خاطرك
عيسى: حبيب قلبي ..
ونزل خليفة مع عمه ..
عيسى: مثل ما قلت لك سلم عليه وحب راسه
خليفة: ان شا الله ..
سار خليفة وسلم على ابوه وحب يده وراسه ..لكن للأسف خلف ما اهتز ولا صار له شي بالعكس كان يناظر خليفة من طرف عينه..
يلس خليفة اشوي وياهم في الصالة وكان يناظر عمه عيسى... وعيسى كان يحاول انه يغير الجو اشوي ويضحك وينكت لكن بدون فايدة .... زعل خليفة ونش من مكانه وسار حجرة عمه ... نش عيسى ولحق بخليفة ودش الحجرة وجاف خليفة يصيح..
عيسى: شو بلاك حبيبي ليش تصيح؟؟
خليفة : يعني ما تعرف ؟؟
عيسى: لا ما اعرف قولي شو بلاك؟؟
خلييفة: اصيح من القهر إلي فيني
عيسى: حبيبي لا تقول جذي ...
خليفة: عمي انت قلت لي سير وحب ويده وراسه وانا سرت وسويت إلي طلبته مني .. اوكي .. بس ليش ما قلت لأبوي انه يبتسم اشوي .. إذا كانت الابتسامة صعبه عليه لا يبتسم خلاص ما ابي اشوف ابتسامته .. بس على الاقل ما يطالعني بنظره عادية ليش يطالعني من طرف عينه ؟؟ ...
عيسى يقرب من خليفة ويحضنه .. وخليفة يصيح عيسى يحاول انه يهدأه
خليفة: ليش ابوي يعاملني بهالطريقة؟؟ ... بس لأني ابتسمت ؟؟ انت تعتقد انها جريمة ؟
عيسى: خليفة الابتسامة مب جريمة ولا شي بس ابوك الله يهديه ... لا تخاف انا وياك دووم وان شاء الله بعوضك عن كل شي
في الصالة:
خلف: يبه انا ييت آخذ خليفة البيت
بوخلف: زين تسوي .. مهما يكون هذا ولدك
خلف: خليفة .... خليفة ... تعال بسرعة
خليفة يركض وينزل بسرعة ويقول: خير يبه ؟؟
خلف: قم يالله بنسير البيت ..
خليفة مب مصدق إلي يسمعه ويقول: ان شاء الله يبه ..
عيسى يقول لخيفة : جفت ... انا اقولك بس انت ما تسمعني ولا تصدقني .. هذا ابوك
خليفة: هيه صح
وسار خليفة مع ابوه وفي السيارة..
خلف: انت ... لا تتحراني اني خلاص رضيت عنك
خليفة: .......
خلف: انا رديتك البيت بس عسب اعيد تربيتك ... انا بتعامل وياك بأسلوب يديد
خليفة منزل راسه: ان شاء الله
خلف: لا تقهرني اكثر عن جذي ... كون ريال لا تنزل راسك شرات الحريم
خليفة: بس يبه ... انت ابوي وانا ما اقدر ارفع عيني في ويهك
خلف: يا ربي هذا الولد بيذبحني ... انا اباك تكون قوي ... شخصيتك قويه مب ضعيف
خليفة: اسمحلي يبه ... هذا اسمه احترام الوالد مب ضعف
خلف: قمت ترد على ابوك بعد
خليفة: انا آسف
خلف: شغلك في البيت مب هني
في البيت ...
خلف: مريم ... مريم تعالي
مريم (ام خليفة) : شو بلاكم انتوا ؟؟ ... كل العيلة مب فالحة إلا بالصراخ طفرتوني شو تبا؟
خلف: خذي ولدج وديه حجرته
مريم : زين ... تعال انت شغلك بعدين في الصبح مب الحين
خليفة يسكت ويسير مع امه ..
وتمر الايام وخلف في كل يوم لازم يضرب خليفة ... يعني ما يمر يوم إلا وضرباه فيه وكسراه من الضرب وامه لا ع بالها ولا جنه ولدها ... كل همها انها ما تخلي عبد الله يكون شرات خليفه كان خلف يعامل ولده اخس من معاماته للخدم الوجودين في البيت ما يهتم في لبسه ولا اكله ولا شي ولا يعرف في اي صف ولده ... وفي يوم
خلف: خليفة قم يالله بنسير بيت يدك يبا يشوفك
خليفة وهو مستانس وطاير من الفرح : حاضر ... ثانية بس وبكون عندك
في بيت بو خلف...
عيسى يالس في الصالة ويقرى كتاب واشوي يسمع صوت الباب
عيسى: انا ما بفج الباب ... ما بفجه لا تحاولون .. نو ويي .. مستحيل ... كل ما ايلس في الصالة يدقون الباب ما بفجه .... محــــــــــــمد تعال فج الباب
محمد : اففففففف ... كله محمد .. محمد ... انت يالس في الصالة .. فجه وبعدين انت اقرب انا فوق في الطابق الثاني
عيسى: انزل وفج الباب ... اضعف اشوي تاكل وتيلس غادي شرى الدرام
محمد : انت ما بس تعلق بس ما عندك شغله ثانية
عيسى: للأسف ما عندي .. يالله بسرعة انزل وفج الباب بموت هذا إلي يالس يدقه حرق الجرس
محمد : هذا هو إلي يهمك الجرس صح ؟؟
عيسى: والله انك ذكي كيف عرفت ؟؟
محمد : ما يحتاي اخوي واعرفه ... اكبر زطي في البلاد
عيسى: ههههههه ... يالله فج الباب
محمد يسير ويفج الباب ويجوف خلف في ويهه وكان معصب
محمد: هلا خلف شحالك؟
خلف: سنة لين ما تفجون الباب انا نقعت في الشمس وانتوا حظراتكم يالسين وتتهاوشون .. وينه هذا عيسى ... بيجوف شغله الحين ... عيسوووه
عيسى: انا هني في الصالة
خلف: سنه لين ما تفج الباب
عيسى يقرى الكتاب ويهز راسه... خلف يقرب من عيسى وياخذ كتابه ويطره ويفره بعيد
خلف: يوم ارمسك تطالعني مب تسوي لي طاف
عيسى: تعرف ... صوتك عااالي واايد ... وانا اليوم طفراااااان والدكتور في الجامعة كان صوته عالي وانا راسي مصدع ومالي خلق هواشة الحين
خلف: عيسى بتتادب ولا شوو ؟؟
عيسى: ولا شوو ... هاهاهاهاها ... سخيفة اعرف
خلف: عيـــسى ... ويحاول انه يمد يده عليه بس يسمع صوت خليفة
خليفة: بس ... يكفي ... طفرتونا .. جنكم يهال بس تتهاوشون
خلف: تعرف تسكت
خليفة : لا ما اعرف
خلف: شووو ؟؟ اشوفكم كلكم منقلبين علي اليوم شو السالفة ؟؟
محمد يرز ويهه : عيوز مخالفة ... هيهيهيهيهيييي
خلف يطالع محمد بنظره .... محمد يخاف ويسكت
خليفة: يبه ... انت ليش تسوي جذي في عمي عيسى ... كل ماسوى شي تطيح فيه .. هو ما غلط كان مشغول ... يمكن الكتاب إلي يقراه كان مهم وماحب انه يقطع الفصل إلي يقراه على طول تزعل وتفر الكتاب ... اذا كان فيه اسم الله شو بتسوي ؟؟
خلف خلاص وصل حده وما يروم يستحمل اكثر ... ينزل عقال ويضرب خليفة ضرب عيسى يركض صوب خلف ويحاول انه يبعده عن خليفة ... ومحمد يركض ويزقره ابوه وامه
عيسى: خلف خلاص وقف ... ويدزه على الكرسي ويشيل خليفة ويحضنه
خليفة: هيه هو دومه يسوي فيني جذي كل ما ارمس يسوي جذي ولا جني ولده
خلف: بتجوف يا خليفة انت وعمك هذا بتجوفون انا ولا انتوا...

===============
الجزء الخامس ...
===========

اشوي وينزل بوخلف بسرعة : خير شو بلاكم ؟؟ ليش تتهاوشون
محمد : يبه انا بقولك شو صار ..... ( وبعد ما قاله محمد عن السالفة )
بوخلف: عيسى انت غلطت يوم رديت على اخوك بذيج الطريقة ... بس الغلطة الكبرى على خلف ماكان لازم انه يفر الكتاب ويهاوش ويصرخ ويضرب ...
خلف: والنهاية؟؟
عيسى: خلف تأدب هذا ابوك
خلف: انت آخر من يرمس عن الادب
محمد: شو بدينا ؟؟
خلف وعيسى يطالعون محمد بعصبية .... محمد : خلاص خلاص بسكت انا كل ما اقول شي يهاوشوني
بوخلف: خلف ... في شي لازم ما تنساه ...
خلف: شووو ؟؟
بوخلف: خليفة ولدك ... ولدك البجر وسندك عامله بطريقة احسن عن جذي
خلف: احسن عن جذي ؟؟
بوخلف: يعني قوله إلي تباه بس بدون ضرب
خلف: خلاص على امرك يبه ..... خليييييييييييفة
خليفة: خير يبه ؟؟
خلف: من اليوم ورايح انت مب ولدي وانا ما اعرفك واذا جفت قربت من البيت اذبحك خلاص
خليفة: ليش ؟؟ شو سويت ؟؟
خلف: اسأل عمرك مستوي محامي الدفاع لعمك ... خل عمك الحين ينفعك
عيسى: طبعا عمه بينفعه ... خليفة مب وحيد ... عنده بدل العم الواحد .. اربعه ... وعنده بدل العمة ثلاث ...
خلف: لااا .... تتحداني يا عيسووه ... خلاص بنجوف والايام من بينا
بوخلف: انتوا هيي ... شو انا مالي راي من بينكم تسون إلي تبونه ولا جني موجود هني
خلف: يبه انا قلت إلي عندي خلاص هذا القرار انا اتخذته من زمان بس كنت اتريا اللحظة المناسبة ..
بوخلف: زين والله ... قمت تاخذ قرارات وتتريا الوقت المناسب خلاص عيل انا بعد اتخذت قراري .. من اليوم اذا شفتك عندي في البيت لا تلوم إلا نفسك وخليفة بيعيش عندي هني معزز ومكرم
خلف: زين تسوي .. لأني ما كنت ابي اصرف عليه وهو في الملجأ
بوخلف: قم من جدامي ... اطلع من بيتي ما ابي اشوفك
خلف انا طالع وما برد ابدا
بو خلف: يكون احسن ....
وطلع خلف وصمم انه ما يرد لبيت ابوه مرة ثانية
بوخلف: انا شو سويت ؟؟ ... استعيلت واايد ؟؟؟ شو ذنبه خليفة حرمناه من ابوه
خليفة: يبه لا تقول جذي ابوي من زمان وهو يفكر بهالشي وكان يتريا الفرصة بس
بوخلف: خلييفة ... ويمسح على راسه
خليفة: يبه اذا تضايجتوا مني تراني عادي بسير اي مكان ثاني
بوخلف: شو نتضايج منك انت ولدنا لا تقول جذي ..
ام خلف: خلوف حبيبي ... انت حفيدي الاول انت فرحتي انت عيوني وروحي اذا ما شالك البيت عيونا تشيلك
خليفة يحضن يدته ويصيح ... وام خلف تبدأ تصيح بعد
عيسى: اووهووووو .... بدأ الفيلم الهندي.. اقول يبه انت عندك مصنع كلينكس ولا شي ؟؟
بوخلف: شوووو ؟؟؟ شو تقول انت ؟؟
عيسى: لا يبه افهمني ... انا اقصد يعني ان افراد عايلتنا الكريمة ماشاء الله عليهم يضربون الرقم القياسي في البكا ... فقلت يعني اسألك اذا كنت انت مالك المصنع ولا لأ ..
بوخلف: صج انه ما عندك ساااااالفة هذا وقته الحين ...
عيسى: ه
ويضحك كل إلي في الصالة ....
عيسى: هيه جيه اباكم مب كل اشوي قالبينها مناحة

=========
مروا شهرين على ذيج السالفة وخليفة استقر في بيت يده وفي يوم كان يالس في الصالة ويطالع التلفزيون ... اشوي ودش عمه عيسى ويلس وياه
عيسى: شخبارك؟؟
خليفة: .......................
عيسى: خلوف .... خلوف ؟؟ .... شو هالاندماج ؟؟
خليفة: هااا ؟؟ شو كنت تقول عمي ؟؟
عيسى: سلامتك ... ما قلت شي ..
خليفة: لا والله ... قولي شو كنت تقول ..
عيسى: ماشي بس إلي ماخذ عقلك يتهنى به
خليفة: ههههههه ... لا مب جذي ..
عيسى: عيل ؟؟
خليفة: لا ماشي
عيسى: صج خلوف قولي شو بلاك؟؟
خليفة: عمي .. انا اشتقت لأخوي عبد الله ..
عيسى: هيه
خليفة: هو الوحيد إلي ما سوى لي شي .. وبعدين عبود ماله ذنب بإلي صار .. ابوي تبرى مني وامي ما سألت عني بس هو اخوي وماسوى لي شي .. عمي انا خاطري اشوفه
عيسى: افااا عليك ولا يهمك الحين اوديك إذا تبا
خليفة: لاا مب الحين بنسير الساعة 5 العصر
عيسى: ليش؟؟
خليفة: في هذا الوقت هو يطلع مع شغالتنا وابوي في الشركة وامي في بيت وحدة من ربيعاتها
عيسى: خلاص ما عليه الساعة 5 بوديك
خليفة: مشكوووووور عمي
عيسى: ما سويت شي ..

الساعة 5 العصر وفي سيارة عيسى...
عيسى: يالله سير انا بترياك في السيارة
خليفة: ان شاء الله ما بتأخر ..
ركض خليفة عند اخوه ... وحضناه بقوووو ... لكنه تفاجأ من ردة فعل اخوه يوم بعداه عنه وقاله : شو تبا ؟؟
خليفة: عبود انا اخوك شو ابي بعد ؟؟
عبد الله : انا ما عندي خوان ... انا وحيد امي وابوي
خليفة: عبد الله ؟؟ ... انت نسيت ؟؟ انا خليفة
عبد الله : ما اعرف احد بهالاسم
خليفة: عبوود؟؟ ... ليش تعاملني جذي ؟؟
عبد الله : ابوي قالي انه انا ولده الوحيد ... وانك انت مب ولده وهو ما يعرفك .. وانه رباك عشان تخدمه بعدين
خليفة: شووو ؟؟ هو قالك جيه ؟؟
عبد الله :هيه والحين خلاص فارقنا
خليفة: عبوود ... انا اخوك ... بس ما عليه خلاص بسير الحين
عبد الله : احسن هذا إلي قاصر الحين كل اشوي بيطلع لي واحد وبيقول انا اخوك
دش خليفة السيارة وكان متضااااااايج والدموع تارسه عينه
عيسى: خلوف شو بلاك؟
خليفة: ماشي ... عمي ردني البيت
عيسى: شو صار ؟
خليفة: عمي ارجوك ردني البيت
عيسى: خلاص براحتك بس بعدين بتقولي شو صار...
خليفة منزل راسه ويصيح ...
في بيت خلف...
خلف توه ناش من الرقاد ... ويالس يشرب جاي
عبد الله : يبه ...
خلف: شعندك ؟
عبد الله : يبه في واحد يه اليوم وقال انه اخوي
خلف: شوووو ؟؟؟
عبد الله : هذا خليفة إلي كان عندنا
خلف: وانت شو سويت؟؟
عبد الله : ماشي قلتله ما ابي اشوفك مرة ثانية
خلف: الحمد لله ... شاطر يا ولدي ريحتني ... تحريتك بتقول شي ثاني .. كنت ذبحتك والله
عبد الله : لا تخاف انا ولدك
خلف: وانا واثق من هالشي
في حجرة عيسى...
عيسى: خلوف اباك تقولي شو صار
خليفة: عمي مب الحين ..
عيسى: اذا مب الحين متى بتقولي؟؟ ... انا ما اقدر اشوفك بهالحالة واسكت
خليفة: خلاص بقولك خلاص...... ( ويقوله شو صار )
عيسى: استغفر الله ..
خليفة: جفت يا عمي .... جفت ابوي شو سوى فيني .. حتى اخوي الصغير
عيسى: ما عليك حبيبي ... ما عليك ... الله يمهل وما يهمل
خليفة: خلاص يا عمي .... انا ما ابي منه شي الحين ... خلاص
عيسى: خليفة انا بقولك شي واحد
خليفة: شو هو ؟؟
عيسى: لو شو ما صار ... و شو ما استوى ... هو يتم ابوك .. والدم ما يصير ماي لازم تحترمه على كل إلي يسويه فيك ... لازم تحترمه
خليفة: ان شاء الله
عيسى: قم يالله بننزل تحت يدتك تزقرنا
ام خلف: وينكم انتوا ؟؟ حلجي عورني من كثر ما ازقركم
عيسى: نحن موجودين ... كنا فوق في حجرتي
ام خلف: لا والله وليش ما كنتوا تردون علي دامكم موجودين ؟؟
عيسى: ما سمعناج..
ام خلف: ما سمتعوني ... هيه صدقتكم ... حليلكم ما سمعتوا صوتي
عيسى: ههههههه ... ما عليه لا تزعلين يالغالية كم ام عندي انا ؟؟
ام خلف: هيه ما فلحت إلا بالكلام ... لو انت صج تحبني وتبا تراضيني جان سمعت كلامي وخليتني ادور لك على عروس
عيسى: وييييييي ... ردينا .... يمه انا بعدين صغروني ... واذا انا سرت منو بيهتم فيج؟؟
ام خلف: قصدك منو بيحشرني ..
عيسى: انا ما قلت شي ...
خليفة: ... صح عمي ليش ما تبا تعرس ؟؟ .. عرس وفرح يدتي
ام خلف: هذا هو وليدي ..
عيسى: انت بعد .... انقلبت ضدي ... ما عليه انا اذا عرست ما بهتم فيك ولا شي خل اعمامك الثانين يهتمون فيك ..
خليفة: لاااااااااا ... ما فيني ... يكفي إلي سوه فيني
ام خلف: ليش شو سووا ؟؟
خليفة: ذاك اليوم كانوا يلعبون بالبليي ستيشن وعمي محمد فاز على عمي خالد ... جان يقوم عمي خالد ويفلع عمي محمد وبعدين فلعوني انا ... حليلي ما سويت شي
ام خلف: متى صار كل هذا ؟؟
خليفة: قبل يومين ..
عيسى: ههههه
ام خلف: اضحك انت شو وراك
عيسى: ههههههه ... اسمحيلي يمه ..
وقضى خليفة باقي يومه عند يدته وعمه يتسولف ويضحك وياهم مع انه كان حزين ومتضايج واااااااايد وفي الليل ...
خليفة: عمي ... ممكن ارقد عندك؟؟
عيسى: كم تدفع لي؟؟
خليفة: هههههه حتى انا لازم ادفع لك؟؟
عيسى: لا امزح وياك عادي تعال وارقد
خليفة: مشكوور عمي
عيسى: العفو ... وابتسم
خليفة: عمي بقولك شي
عيسى: قول ..
خليفة: عمي ... بعد كل إلي ابوي سواه فيني ... انا مب زعلان منه
عيسى: .........
خليفة: انا ما بزعل منه ابدا ... وبدعيله دووم وانا مب متضايج منه ابدا ابدا
عيسى: هيه
خليفة: عمي تعرف ليش انا اسوي كل هذا ؟؟
عيسى: ليش؟؟
خليفة: لأنه ابوي ... ابوي .. ولازم احترمه واطيعه
عيسى يبتسم : هذا هو الكلام إلي احب اسمعه منك ... انت عاقل وطيب وبي اليوم إلي ابوك بيقدر فيه هذي الطيبة ..
خليفة: ان شاء الله
عيسى: خلاص ارقد الحين وانسى كل شي صار لك اليوم ... اعتبر ان باجر هو بداية حياة يديدة لك ...
خليفة: تصبح على خير
عيسى: وانت من اهل الخير ..
* * * *
==============
الجزء السابع . .
=============
مرت الايام والاشهر والسنوات وصار عمر خليفة 10 سنوات وما في شي تغير ... كل شي بعده على نفس الحال ... خليفة في بيت يده وخلف ما يدري عن ولده وعيسى بعده ما عرس وبعدها ام خلف تحن على راسه ليل ونهار وفي يوم ...
خليفة: يدتي ..
ام خلف: عيوني ... خير ؟؟
خليفة: ما بتسافرون هالسنة ؟؟
ام خلف: والله ما ادري اسأل يدك هو إلي يعرف ..
خليفة: هييه خلاص بسأله
ام خلف: انت خاطرك تسير مكان معين؟؟
خليفة: الصراحة هيه
ام خلف: وين ؟؟
خليفة: ابي اسير مكة ..
ام خلف: والله ؟؟ ... زين يا اولدي ...
خليفة: خاطري اجوف الكعبة صج مب في التلفزيون ..
ام خلف: ان شاء الله بقول ليدك ..
خليفة: وبعد ...
ام خلف: شووو ؟؟
خليفة: ابي ادعي لأبوي ... عسى الله يرقق قلبه ويحننه علي ..
ام خلف: حبيبي ... بعد عمري خلوف ولا يهمك ما يصير فالك إلا طيب ..
خليفة: الله يخليج يا يدتي ... ويقوم ويحب راس يدته
ام خلف: ويخليك لي يا
يدخل عيسى ويقول: يا عيسى الله يخليك يا عيسى صح يمه ؟؟
ام خلف: بسم الله الرحمن الرحيم ... انت من وين طلعت ؟؟
عيسى: هههههه ... توني داش
ام خلف: الناس يسلمون .. مب على طول يدشون في السالفة
عيسى: السلاااااااااااااااااام عليكم ... الله يخليني انا صح؟؟... عن شو كنتوا ترمسون؟؟
ام خلف: ما تسأل عن احوالنا واخبارنا ؟؟
عيسى: صح نسيت .... شحالكم وشخباركم وشعلومكم ؟؟ ... صح يمه الله يخليني انا عن شو كنتوا ترمسون؟؟
ام خلف: انت طالع على منو ؟؟
عيسى: عليج ... ههههههه ... احم ... ما ادري .. شو السالفة ؟؟ قوليلي ؟؟
ام خلف: خليفة خاطره يسير العمرة
عيسى: والله ؟؟ وانا بعد
ام خلف: وانا بعد والله .. خاطري اسير هناك وادعي حق واحد من عيالي
عيسى: منو ؟؟؟؟
ام خلف: انت ... ومنو غيرك ؟؟
عيسى: والله ؟؟ شو بتدعين لي ؟؟
ام خلف: بدعي اني افتك من ويهك ... وانك تعرس وارتاح
عيسى: يمه انتي ما تدعين لي انتي تدعين علي
ام خلف: حرام عليك ... عمرك 24 سنة وبعدك مب معرس ... اخوك الاصغر عنك خطبنا له وانت بعدك
عيسى: خلاص يا يمه خلاص ... ما يصير خاطرج إلا طيب إلي تبينه سويه خطبي إلي تبينها .. انتي فصلي وانا بلبس
ام خلف: والله ؟؟ والله ؟؟ ما اصدق ... عيسووه ... انت تعبان ولا شي ؟؟
عيسى: لا ما فيني شي
ام خلف: غريبة وافقت ..
عيسى: ليش؟؟ ... بس عادي جان تبين بغير رايي
ام خلف: لااااااا ... انا ما صدقت متى وافقت
عيسى: ههههههه
ام خلف: انا بسير الحين ..
عيسى: وين ؟؟ ما يلست وياج ..
ام خلف: بسير برمس ام محمد ... وبخطب لك بنتها
عيسى: ما شاء الله مزهبه كل شي
ام خلف: هيه إذا تركت لك كل شي ما بتعرس ابد
عيسى: هههههه ...
خليفة: مبروووووك يا عمي ... منك المال منها العيال
عيسى: خلوف .. بس عاد
خليفة: ليش؟؟ زعلت ؟؟
عيسى: لا ... انا استحي ..
ام خلف: مالت عليك ... انت تستحي ؟؟ جان زيين
عيسى: وليش ما استحي ؟؟ .... اغلب البشر يستحون ... ولا انا مب من البشر
خليفة: ه
ام خلف: لا من البشر ... بس ما احيد انك استحيت
عيسى: لا خلاص قمنا نستحي
ام خلف: انا بسير الحين احسن لي .. ما فيني اتم وياك وبعدين تغير رايك ... انا ما صدقت متى انت وافقت
عيسى: موافق بس بشرط
ام خلف: شرط ؟؟ ... شو هو ؟؟
عيسى: ما ترمسينهم إلا بعد ما نرد من العمره ..
ام خلف: خلاص عيل المهم عندي انك وافقت على سالفة العرس
عيسى: خلاص ...
اشوي ودش بوخلف ....
بوخلف: اشوفكم مستانسين شو السالفة؟؟
ام خلف: ولدك ... اخييرا وافق
بوخلف: وافق؟؟ على شوو ؟؟
ام خلف: انه يعرس
بوخلف: والله ؟؟ .... عيسوووه انت مسخن اليوم ؟؟
عيسى: ههههه ... لا ما فيني شي
بوخلف: صج والله وافقت ... اخيرا بجوف عيالك
عيسى: ان شاء الله
بوخلف: ان شاء الله ... ان شاء الله
ام خلف: وفي شي ثاني بعد ..
بوخلف: شو هو ؟؟
ام خلف: خليفة خاطره يسير العمره ... يعني شرايك كلنا نسير هالسنة ؟؟
بوخلف: انا كنت حاط في بالي هالشي ... كنت ياي اقولكم شرايكم نسير ... بس ازين والله دامه هذا هو راينا كلنا متى ما تبيون ترى نحن حاضرين
ام خلف: خلاص عيل نسير الاسبوع الياي
بوخلف: ما عليه بنتوكل على الله ..
خليفة: مشكور يدي ... مشكورة يدتي ... ( ويقوم ويحب راس يده ويدته)
عيسى: وانا ؟؟
خليفى: شوو ؟؟
عيسى: ما تحب راسي ؟؟
خليفة: ليش؟؟
عيسى: حبيت راس امي وابوي ... وانا يعني حب راسي بعد مرة وحدة
خليفة: هههههه ... يالله ما عليه بحب راسك
عيسى: امزح وياك ... شو صدقت ؟؟
خليفة: هههههه ... اعرف انك تمزح ... قلت بكمل المزحة ..
عيسى: ه ... حليلك يا خلوف
خليفة: هيه والله ... حليلي وفديتني ..
==========
الجزء الثامن ..
========
واخييرا يا اليوم إلي بيسافرون فيه ... يا اليوم إلي كان خليفة يترياه اخييرا بجوف الكعبة حقيقة مب صورة ... كان خاطره يسير هناك ويدعي لأبوه وامه
في ذاك اليوم الكل كان مشغول ومافي احد متفيج للثاني .. كل واحد يبي يخلص شغله ويبي يسير المطار وفي ذيج الربشة سار خليفة عند عمه عيسى وسأله
خليفة: عمي .. انت قلت لأبوي اننا مسافرين ؟؟
عيسى: هيه قلتله
خليفة: والله ؟؟ شو قالك؟؟
عيسى ( ابتسم) : خلوف ... لازم تعرف؟
خليفة: عمي قولي شو قالك ابوي
عيسى: حبيبي خلوف ... انت تحبني صح ؟
خليفة: هيه اكيد .. عمي
عيسى: خلوف انا بتم وياك دووم وما ببتعد عنك ..
خليفة: خلاص فهمت
عيسى: لا تزعل منه ..
خليفة: انا مب زعلان منه ولا بزعل هو ابوي ... وما اقدر ازعل منه
عيسى: لا تحط في بالك انت الحين بمكانة ولدي .. إلي بيي
خليفة: بل عليك .. لهدرجة مستعيل .. احيدك ما تبا تعرس والحين تبا يكون عندك ولد
عيسى: هههههههه ... اجوف لسانك طال
خليفة: ههههههه شسوي
عيسى: خلاص سير ولم اغراضك
خليفة: ان شاااء الله
كانوا كلهم محتشرين و كانوا بعد متأخرين ... ساروا المطار وركبوا الطيارة وبعد ساعتين وصلوا مطار جدة ... خليفة كان طاير من الفرحة لأن امنيته بتتحقق ... وصلوا الحرم واعتمروا وخلصوا وكل شي وخليفة في كل يوم كان يدعي لأبوه عسى الله يحنن قلبه ويرققه... يلسوا هناك مدة اسبوعين وام خلف كانت تتريا اليوم إلي بيردون فيه بس عشان تخطب حق ولدها وتفتك منه ...
بعد اسبوعين ردوا الامارات وعلى طول ثاني يوم دقت ام خلف حق ام محمد وقالت لها عن سالفة الخطبه ... كانت ام خلف يالسه في الصالة واشوي دش عيسى
عيسى: السلاااااااااااام عليكم ( وحب راس امه)
ام خلف: وعليكم السلام ... هلا والله بالمعرس
عيسى: شحالج يمه؟؟
ام خلف: بخير يا المعرس
عيسى: خير شو السالفة ... كل اشوي تقولين لي يالمعرس
ام خلف: لأنك معرس
عيسى: كيف يعني ؟؟
ام خلف: انا رمست ام البنية وهم وافقوا ... وبنسير باجر وبنخطب لك رسمي
عيسى: ماشاء الله عليج يمه ... مسرع
ام خلف: هيه ما بترياك ولا شي
عيسى: يمه ... انا مب مصدق ... لا ما اقدر
ام خلف: شو ؟؟ انك بعد فتره بتعرس وان شا ءالله بتكون اب
عيسى: لا
ام خلف: عيل؟
عيسى: انج ما تحبيني وتبين الفكه مني
ام خلف: اقول... قم من جدامي احسن لك ... هذي يزاتي اني ادور لك احسن البنات
عيسى: امزح وياج يمه ... يا مسرع ما تصدقين
ام خلف: ههههه ... ما عليك اخيرا بستانس وبفرح فيك
عيسى: الله يديم الوناسة والفرح يايمه
ام خلف: ان شاء الله
ثاني يوم ... سارت ام خلف وبوخلف وعيسى عشان يخطبون حق ولدهم ... والحمد لله وافقوا اهل العروس واتفقوا على يوم الملجة ويوم العرس وكل شي
عيسى: يبه ...
بو خلف: خير يا المعرس ؟؟
عيسى: ههههه ... يبه انا اشوف انه الافضل اننا نعزم خلف صح ؟
بو خلف: هيه والله صح
عيسى: تهقى انه بيوافق ؟
بوخلف: ما ادري والله .. بس ان شاء الله يوافق
عيسى: انا بسير اليوم وبكلمه وبعزمه بس يبه
بوخلف: خير
عيسى: لا تقول لخليفة ... عقب ما نعرف شو هو رده بنقوله
بوخلف: ان شاء الله
طلع عيسى وسار بيت خلف عشان يرمسه ويعزمه ع العرس
عيسى: السلام عليكم
خلف: وعليكم ... شعندك ؟؟ .. شو إلي ذكرك فيني
عيسى: انا في عمري ما نسيتك
خلف: واضح .. الدليل انك ما سألت عني 4 سنوات
عيسى: بس هذا مب معناه اني نسيتك
خلف: عيل .. شو معناه ؟؟ استهبال؟؟
عيسى: لأ مب استهبال ... انا سويت الشي إلي انت سويته
خلف: شوو ؟
عيسى: انت تجاهلت ولدك ونسيته وانا بعد سويت شراتك
خلف: انا ما عندي ولد غير عبد الله
عيسى: وخليفة؟؟
خلف: ما اعرفه ..
عيسى: بس هو ولدك ؟؟ من صلبك ؟؟
خلف: قلتلك ما عندي ولد تفهم ؟؟ ... وبعدين ليش ييت ؟؟ شو عندك ؟
عيسى: ماشي .. حبيت اعزمك على عرسي
خلف: شووووو ؟؟؟ ... اخيرا بتعرس
عيسى: هيه بعرس
خلف: بالبركة ... منك المال ومنها العيال ... تتهنى ان شاء الله
عيسى: بس انا فرحتي ما بتكتمل إلا اذا اكتملوا خواني وكلهم حضروا
خلف: اعذرني ما بيي
عيسى: ليش؟؟
خلف: انت ادرى
عيسى: خلاص ماعليه ... انا بترك البطاقة هني واذا حبيت تعال انا فرحتي ما بتكتمل إلا بوجودك ... انت اخوي العود
خلف: مع السلامة
عيسى: مع السلامة
يلس خلف بوحه في الحجرة ... وتم يفكر .. اول مرة في حياته يرمس اخوه بهالطيبة ... تم يتسآءل ليش سوى جذي ... هو دومه يتهاوش وياه .. شو إلي غيره هالمرة ... قال في نفسه : مستحيل... لا مستحيل انزل هيبتي .. مستحيل ما ببتسم انا الاخو العود وما بسوي جذي ... واشوي دش حرمته
ام خليفة: خلف شو بلاك؟
خلف: ماشي ..
ام خليفة: شعنده اخوك ؟؟ .. توه تذكرك ؟
خلف: لا ماشي ... عزمني على عرسه
ام خليفة: والله ؟؟ ... اخيرا بيعرس وبيفكنا
خلف: شفتي عاد
ام خليفة: وان شاء الله انت بتسير ؟؟
خلف: ما ادري يمكن
ام خليفة: شو يمكن ... لازم ما تسير
خلف: ليش؟
ام خليفة: انت تبا تسير عشان خاطر اخوك لاو تبا تشوف ولدك ؟
خلف: اكيد عشان اخوي .. ما ابي اشوف خليفة
ام خليفة: الحين إلي يسمعك يقول انه ما بيحضر العرس .. اكيد بيحضر ترى هذا عرس عمه
خلف: ما ادري انا بسير بس عشان اخوي وخلاص
ام خليفة: واضح .. بتسير وبتشوفه هناك
خلف: اسكتي وسيري عند بنتج طفرتني بصوتها
ام خليفة: الحين صوتها قام يطفرك
خلف: هيه عندج مانع ؟
ام خليفة: خلاص بسير الحين
خلف: احسن قفلي الباب وراج
طلعت ام خليفة وهي معصبة من خلف ... وتم خلف يالس في الحجرة بروحه ويفكر في إلي صار اليوم ...
* * *

====
الجزء التاسع

========
في بيت بوخلف الكل هناك مستاانس ومب مصدق ان عيسى اخييرا قرر انه يعرس ... طلع خليفة الطابق الثاني وسار حجرة عمه
خليفة: عمي ... انت مشغول ؟؟
عيسى: لا حبيبي دش قول إلي تباه
خليفة: ههههه .. وكيف عرفت اني ابا اقول شي؟؟ ... يمكن اكون ياي عشان اساعدك
عيسى: يبه خبره .. خلاص
خليفة: هه
عيسى: قلوي كل إلي ف يخاطرك ..
خليفة: عمي بسألك ... ابوي بيحضر العرس ؟؟
عيسى: والله .. ما ادري .. انا عزمته وعطيته البطاقة وكل شي
خليفة: هييه .. انزين عمي ... ابوي .. شحاله ؟؟
عيسى: والله الحمد لله بخيروصحته زينه ...
خليفة: الحمد لله
عيسى: صح نسيت اقولك
خليفة: شوو ؟
عيسى: ياتك اخت
خليفة: والله ؟؟ ... شدراك جفتها ؟؟ ولا ابوي قالك ؟
عيسى: ما قالي ولا شي .. انا جفت صورتها وابوك كان شايلنها
خليفة: هييه ... وكيف كانت ؟؟
عيسى: تشبهك وااااااااايد
خليفة: ههههههههه ... زين والله ... وشخبارها امي وشخبار عبود ؟
عيسى: ما شفتهم والله بس ان شاء الله ما فيهم إلا العافية
خليفة: ان شاء الله ... عمي بسألك سؤال ثاني
عيسى: ههههه ... اسأل
خليفة: عمي انت بعد ما تعرس ... بتهتم فيني ولا خلاص ؟؟
عيسى: خلوف ... شو هالكلام ؟؟ ... انا مستحيل اتخلى عنك انت ولد اخوي ومقام ولدي
خليفة: الله يخليك يا عمي
عيسى: ما ابي اسمع هالكلام مرة ثانية
خليفة: ان شاء الله ... عمي انا بسير تامرني بشي ؟؟
عيسى: انا ما سمحت لك انك تسير .. تم وياي
خليفة: ان شاء الله
عيسى: حلييييلك خلوف ... طيوووب .. امزح وياك سير ما عليه
خليفة: لا ما عليه بتم وياك انا ما عندي شغله ثانية
عيسى: براحتك ..
* * *
وجاء اليوم الموعوود ...
يوم عرس عيسى ... طبعا عيسى كان مستاااااااااااانس والابتسامه شاقه حلجه ... بس كان يسوي عمره عادي انه مب متحمس واايد
محمد: يالله عالمعرس مستانس محد قده اليوم عرسه
عيسى: منو انا ؟؟ ... لا عادي
محمد : واضح عادي ...
عيسى: .. هيه والله مستانس
محمد: تتهنى يا اخوي ... انتم السابقون ونحن اللاحقون ...
عيسى: مستعيل على رزقك واايد
محمد : شسوي مليت من حياة العزوبية
عيسى: استح ع ويهك بعد ما كلمت 18 سنة
محمد: عادي
عيسى: قم من جدامي وسير ساعد ابوي حليله من الصبح وهو يكرف سير وساعده
محمد: انزين خلاص بسير

وفي بيت خلف....
ام خليفة: خلف وين ساير ؟
خلف: بسير عرس عيسى
ام خليفة: ليش؟
خلف: بسلم على اخوي وابارك له ليش يعني
ام خليفة: اخوك ولا بتسير تشوف ولدك
خلف وهو معصب: شوووو ؟؟ شو تخربطين ... انا ما عندي ولد غير عبد الله تفهمين واذا سمعتج تعيد هالكلمة ... سير بيت ابوج
ام خليفة: نعم ؟؟ ... بيت ابوي ...
خلف: هيه
ام خليفة: ما عليه يا خلف ... انا ما قلت شي بس هذا إلي احس فيه
خلف: لا تحسين ولاشي ... ولا تقولين كلام ما تعرفين اي شي عنه
ام خليفة: خلاص ... خلاص لا تزعل
وطلع خلف من البيت وسار بيت ابوه عشان يحضر العرس ... كان خاطره يجوف ولده يلمحه بس ... لكن كلام حرته كان يتردد في راسه وكان يقول: لا مستحيل انا ما عندي إلا عبد الله

واجتموا الناس وبدوا يهنون المعرس وابوه واخوانه ... وكان عيسى يدور على خلف ... لعل وعسى ... واشوي لمح واحد ... استانس واايد يوم جافه ... سار عنده بسرعة وسلم عليه وقاله: كنت واثق انك بتحضر
خلف: انا ييت عشان اسلم عليك وارد بس ما بطول
عيسى: المهم انك ييت
خلف: وينه الوالد ؟
عيسى: يالس مع ربعه
خلف: بسلم عليه
عيسى: اوكي تعال ...
وهم ماشين اشوي ويه خليفة وهو مستانس وقال: عمي جفت اليهال إلي هناك تعرف شو سووا ؟؟
عيسى: شوو ؟؟
خليفة: ...................... يبه ؟؟
عيسى: هيه ابوك
خلف: عيسى وينه الوالد ...
خليفة: يبه شحالك ؟
خلف: بسرعة عيسى ... ما ابي اتأخر
خليفة: يبه تولهت عليك
خلف: عيسى ... وبعدين وياك وبوديني ولا ارد البيت
عيسى: خلاص خلاص ... تعال وياي ... خليفة برد لك بعدين
خليفة وهو منزل راسه : ان شاء الله
عيسى: خلف... انت لين متى بتم جذي ؟؟
خلف: عيسى تعرف انا راسي يعورني ومالي خلق هواش
عيسى: بس هذا ولدك
خلف: عيسى وبعدين وياك ... انا برد البيت احسن لي وسلم ع الوالد بدالي
عيسى: خلف .. خلف اترى .. خلف تعال هني
طلع خلف وتجاهل اخوه وسار ويلس في سيارته وكان يفكر في كلام ولده ... لكن قوه شخصيته وقسوة قلبه منعته انه يرد عليه .... قال بينه وبين نفسه : الحمد لله انا نجحت في الامتحان وبينت اني ما اهتم فيه ابدا
نرد للعرس ...
عيسى: يبه خلف يه وسلم عليك
بوخلف: والله ؟؟؟؟ ... خلف كان هني ؟
عيسى: هيه بس ما قدر انه يسلم عليك تم يدور عليك بس ما لقاك وقالي اوصل سلامه
بوخلف: هيه .. الله يسلمه ويرضى عنه ... انا مسامحه والله ... وراضي عنه
عيسى: الله يخليك يا يبه ... ويحب راس ابوه
بوخلف: يالله شد الهمه ... يالمعرس ... ( قالها والدموع كانت في عينه ... ولده الغالي بيعرس )
عيسى: يبه .. لا لا لو سمحت ... تراني والله اصيح وياك
بوخلف: متى بتيوز عن سوالفك
عيسى: ههههههههه
بوخلف: منك المال ومنها العيال
عيسى يحب راس ابوه ويسير ....
ام خلف: اخيرا ما بغيت تعرس ومابغيت تفكنا من ويهك
عيسى: خلاص اليوم بفككم من ويهي وبترتاحون من حشرتي
ام خلف: لا والله بنتوله عليك واايد
عيسى: مسرع ما غيرت كلامج ... توج تقولين بتفتكين مني
ام خلف: ههههههه ... انت ما تطوف شي ؟
عيسى: لا ما اطوف
ام خلف: سير عند حرمتك تترياك
عيسى: لحظة اشوي
ام خلف: شو بعد ؟
عيسى: بتغلى ...
ام خلف: طع منو إلي لازم يتغلى
عيسى: ... لحظة برمس خليفة ... خلوف حبيبي هالله هالله بعمرك
خليفة: ان شاء الله عمي
عيسى: باجر ان شاء الله بيلس وياك وبنتسولف لين ما نشبع ... انا اخاطري اتم وياك بس شسوي حاشريني
خليفة: حاشرينك ولا ......... ما عليه مسامحينك
عيسى: ههههههههه
ام خلف: يالله يالمعرس بتدخل وياي الحين
عيسى: لا لا لا ... استحي ادش عند الحريم
ام خلف: عيسى عن هالحركات ... بسرعة يالله
عيسى: ان شاء الله ... ادعولي
خليفة: بالتوفيج عمي
عيسى: الله يستر
ام خلف: الي يسمعك يقول انها بتاكلك
عيسى: انا استحي
ام خلف: دش وانت ساكت .. خواتك وخالاتك وعماتك مب اي احد غريب
عيسى: بنجوف ..
وسمع عيسى الكلام ودش مع امه ما كان يبا يفك يدها بس هي سحبت يدها وخلته يطلع ع الكوشة ....
* * *
الجزء العاشر

===========
ثاني يوم سار عيسى عند ابوه عسب يسلم عليه ويتسولف وياه
عيسى: السلام عليكم يبه ... صباح الخير
بوخلف: وعليكم السلاااام يالمعرس ... صباح النور ... شحالك
عيسى: بخييييير والحمد لله
بوخلف: اكيييد بخير ... ويضحك بوخلف ويضحك عيسى وياه
عيسى: يبه خليفة وينه ؟؟
بوخلف: ما ادري والله ... كان يالس وياي وقبل لا تيي بشوي ما ادري وين سار
عيسى: هييه
بوخلف: إلا ... صج ان خلف يه البارحة ؟؟
عيسى: هيه صج ... وكان يبي يسلم عليك بس مالقاك
بوخلف: حليله اولدي ... والله اني راضي عنه بعد كل إلي سواه
عيسى: الله يخليك لنا يا يبه ..
ويدش خليفة ويشوف عمه
خليفة: هلاااااااااااااااااااا بالمعرس ... من متى انت هني ؟؟
عيسى: اهليييييين بولد اخو المعرس ... انا هني من زمان انت إلي وينك
بوخلف: اي زماان .. توك ياي
عيسى: ههههههههه .. .اعرف بس كنت اباه يتحسر لأنه طلع وما يلس وياي
خليفة: كشفتك .. توك واصل وتقول انك من زمان
عيسى: ههههههه صح النوم ... تو الناس
خليفة: ههههههه ... صح عمي ابي اقولك شي
عيسى: قول ..
بوخلف: شو سر ؟؟ .. ما تباني اسمعه ؟؟
خليفة: لا افااا عليك يدي .. انا ما قلت شي
بوخلف: لا ما عليه بخليك انت وعمك عشان ترمسون ع راحتكم
خليفة: لا والله يدي ما عندنا مانع عادي تم ويانا
بوخلف: لا ما عليه .. اصلا انا ساير الحين .. عندي شغل وبخلصه
خليفة: اسمحلي يدي ما كان قصدي
بوخلف: لا حبيبي ما صار شي انا اصلا كنت ساير
خليفة يقوم ويحب راس يده ... ويطلع بوخلف من الحجرة ويتمون عيسى وخليفة مع بعض وبرحهم
عيسى: خير خلوف قلت انك تبا تقولي شي
خليفة: عمي .. ابوي البارحة ليش سوى جذي ؟؟
عيسى: ما ادري والله
خليفة: عمي ... يعني لهدرجة ابوي يكرهني ؟؟
عيسى: حبيبي انا ما قلت انه يكرهك
خليفة: عيل ... إلي سواه يثبت انه يكرهني وانه ما يبا يرمسني
عيسى: لا خلوف لا تقول جذي ... ابوك بعده يحبك
خليفة: شوو ؟؟ بعده يحبني ؟؟ ... مستحيل .. اذا كان يحبني كان رد على سلامي وهذا اقل شي
عيسى: خلوف ابوك بعده يحبك .. والدليل انه حضر العرس البارحة
خليفة: حضر لأنك انت طلبت منه
عيسى: انت تعرف ابوك عدل ..لو كان بعده زعلان منك ما كان حضر العرس اصلا .. لأنه يعرف انك بتحضره ... واذا هو يكرهك ما كان بيحضر عشان ما يشوفك
خليفة: هييه .. بس ليش رمسني بذيج الطريقة؟؟
عيسى: لأنه ما بغى يظهر مشاعره لأحد ... وانت اكثر واحد تعرف ابوك .. ابوك جاد وما يحب يبتسم .. كيف تباه يقولك انا اشتقت لك بعد ... صح ولا نا غلطان
خليفة: هيه صح ... كلامك صح
عيسى: يالله عاد ما احب هالتعاسة والكآبه إلي على ويهك يالله ابتسم ... هيه جذي اباك مبتسم مب ما بوزك شبرين
خليفة: هههههه .. ان شاء الله عمي
عيسى: تعرف انا بسافر اليوم
خليفة: وين ؟؟
عيسى: وين يعني ... المعرس وين يسافر ؟؟
خليفة: هيه صح نسيت انك عرست وانك بتسير شهر العسل
عيسى: انت بعد علموك شهر العسل
خليفة: .. هيه طبعا الكل يقول جذي
عيسى: الكل ؟؟ ... ماشاء الله
خليفة: وين بتسيرون ؟؟
عيسى: ليش اللقافة ؟؟
خليفة: ابي اعرف ...... اشوي يدش محمد ويقول :
محمد : انا اعرف وين بتسير ..
عيسى: بسم الله الرحمن الرحيم ... انت متى يت ؟؟
محمد: من زمااااااااااااان
عيسى: قم قم من هني ... اقلب ويهك وسير
محمد : شو اقلب ويهك وسير ما بسير مب ع كيفك
عيسى: اشوف طال لسانك
محمد: لا قصر هيهيهيهيييي
عيسى:آه آه بموت من الضحك ... لا بطني بينقع الحين .. انت متى بتودر نكتك السخيفة؟
محمد: مب سخيفة الكل يحب يسمعها
عيسى:إلا انا
محمد: كيفك عاد
خليفة: صج عمي محمد تعرف وين بيسيرون ؟؟
محمد: هيه اعرف
خليفة: وين ؟؟
محمد: بيسيرون دبي ... عمك بيقص على حرمته وبيودها دبي اونه شهر العسل وبيردها
خليفة: ههههه ... وليش يعني ؟؟
محمد: انت ما تعرف عمك اكبر زطي على هذا الكوكب ... اقصد في المجرة كلها
عيسى: ترى انا بعدني ساكت ... واذا رمست بتشوف شغلك
محمد: لا حبيبي لا ترمس ولا شي تم ساكت احسن لي ولك
عيسى: هيه زين ... تم جذي شاطر ومؤدب
محمد: ان شاء الله
عيسى: الحين روينا عرض جتفك
محمد : من غير ما نرويكم .... عرضه 17 انج ..
عيسى: محمد ... فارقنا اطلع برع فكنا
محمد : افففف ... انزين خلاص بطلع الحين
عيسى: صك الباب وراك
ويطلع محمد من الحجرة ويصك الباب
خليفة: عمي يوم بتسير ... لا تنساني
عيسى: شو تقول انت ؟؟ ... انا انسى روحي ولا انساك
خليفة: الله يخليك يا عمي ... عمي في شي ثاني
عيسى: خير ؟؟
خليفة: انا خذيت صورتك ... قفلت بحطها عندي ... خذيتها من عند يدتي
عيسى: هيه
خليفة: بحتفظ فيها .. عشان اتذكرك دووم ... ممكن احتفظ فيها ؟؟
عيسى: اوكي ما عليه ... عادي احتفظ فيها
خليفة: مشكوووور يا عمي
عيسى: العفو ..
ام خلف: عيسووه ... انت هني ... شحالك اولدي وشخبارك تولهت عليك
عيسى: ماشاء الله ... غبت يوم واحد مب سنة
ام خلف: والله اليوم مر علي جنه سنه ... ما رقدت طول الليل ..
خليفة: هيه كانت تصيح طوول الليل ... ولدي عيسوه و ولدي عيسوه
عيسى: لا والله ؟؟ ... صج يمه ؟؟
ام خلف: انت ما تقدر تخبي شي في بطنك لازم تتطلع كل شي ؟؟
خليفة: شسوي ؟؟
ام خلف: شغلك بعدين في وقت ثاني
عيسى: هههههه ... صج يمه كنت تصيحين عشان خاطري ... ما كنت اعرف انج تحبيني لهدرجة ... يوم اقولج ما بعرس وانت كل يوم تقولين عرس وفكني من ويهك
ام خلف: ههههههه ... لا مع الايام بتعود على غيابك
عيسى: ومنو قال اني بغيب ؟؟ ... انا بيلس في هالبيت
ام خلف: لاااااا .... كل إلا هذا انا ما صدقت متى افتكيت من حشرتك
عيسى: يمه ما عرفنا لج مرة تصيحين لأني بسير ومرة تقولين لا ابي افتك منك
ام خلف: هههههههه ... امزح وياك حياك الله البيت بيتك
عيسى: اعرف
ام خلف: مالت عليك انزين جامل قو لشي
عيسى: يمه المجامله جذب وانا ما اجذب صح ولا لأ
ام خلف: خلاص خلا ص... انزل تحت حرمتك تترياك
عيسى: وييييي ... نسيتها ... قلتلها تمي في السيارة وانا بجوف امي وبرد
ام خلف: شاطر .... الحرمة نقعت في السيارة
عيسى: ههههههه ... بعدني مب متعود
ام خلف: الله يعينها
خليفة: هيه والله ... الله يعينها
عيسى: يالله بننزل كلنا تحت ...
ام خلف : هيه احسن ...
ونزلوا كلهم ويلسوا مع بعض ....
عيسى: يمه ... ترى نحن اليوم بنسافر..
ام خلف: هيه تروحون وتردون بالسلامة
عيسى: ان شاء الله
ام خلف: وين بتسيرون ؟؟
عيسى: سويسرا ان شاء الله
ام خلف: ان شاء الله
خليفة: اخييرا عرفت وين بتسير
عيسى: ارتحت خلاص
خليفة: هيه راحه نفسية
عيسى: ملقوووووف ... ما ادري على منو
خليفة: على عمي
عيسى يطالع خليفة بنظرة : اي عم ؟؟
خليفة: لا لا لا مب انت ... عمي الثاني
عيسى: تحريت بعد
ميثة ( حرمة عيسى) : ماشاء الله مسوي لهم رعب في البيت
عيسى: هيه عيل
و عقب صلاة العشا .... سار عيسى مع حرمته المطار وخلاص سافروا ..
* * *
==========
مر اسبوع على سفر عيسى ... وكان اطول اسبوع مر على ام خلف وبوخلف ...
ام خلف: والله البيت ماله معنى من غير عيسى
بوخلف: هيه والله ... تولهت عليه وااايد
ام خلف: تعرف عيسى كان يقول انه بيسكن عندنا
بوخلف: والله ؟؟ ... اصلا نا ما بخليه يسكن في مكان ثاني
ام خلف: بس اخاف ان حرمته ما توافق
بوخلف: ما اظن انها بترفض ... بالعكس هي بتستانس اكثر عنه ترى بيت اهلها جريب من بيتنا ... يعني متى ما بغت سارت عندهم
ام خلف: هييه ... احسن
بوخلف: الله يوفقه في حياته ان شاء الله
اشوي يدش خليفة يقول: الله يوفق منو ؟؟ ... يوفقني صح ؟؟
ام خلف: ههههههه ... تحريتك عيسووه .... سبحان الله شراته بالضبط
خليفة: ههههههههه ... شسوي من كثر ما ايلس وياه ... حليله عمي
بوخلف: هيه والله حليله عيسى ... الله يوفقه
ام خلف + خليفة: آمييين
وينش بوخلف من مكانه ويطلع صورة كان حاطنها في الكبت ويتم يتأمل فيها ... دمعت عيون بوخلف ... بس حاول انه يخش دعمه عن ام خلف وخليفة ... سار خليفه عند يده وسأله : يدي صورة منو ؟؟
بوخلف: هاي صورة اعمامك وعماتك كلهم يوم كانوا صغار
خليفة: والله ... اجوفها
بوخلف: جوف هذا الماسك غرش الماي ولابس شورت هذا عمك عيسى
خليفة: ههههههه ... من صغره وهو طول الوقت ماسك غرشة الماي
بوخلف: ههههه ... هيه ... وهذا الثاني إلي يصيح عمك محمد
خليفة: شكله يضحك والله
بوخلف: خله يسمعك بيكفخك
خليفة: هههههه ... يدي ومنو هذا ؟؟
بوخلف: هذا المكشر ابوك ... اتذكر انه ما بغى يبتسم
خليفة: هيه ... من صغره وهو جذي
بوخلف: ه ... الله يعين
خليفة: هيه .... يدي اسمحلي انا بسير حجرتي اشوي
بوخلف: مسموح يا اولدي ... ويحب خليفة راس يده ويطلع ... ويسير حجرة
في حجرة بوخلف ام خلف تقول : ليش قلتله جذي
بوخلف: تحريته بيضحك ... ما تعرفين اشكثر هو متعلق في عمه ومن يوم ما سافر وهو متضايج ... قلت افرحه اشوي
ام خلف: جان طلعت له صورة ثانية غير هذي الصورة
بوخلف: ما لقيت غيرها
ام خلف: الله يهداك بس
بوخلف: انا بسير بجوفه
ام خلف: لا اتركه وبعد اشوي سير عنده ...

في حجرة خليفة .... خليفة يالس بروحه ومطلع صورت عمه عيسى ويقول: وينك يا عمي ؟؟ طولت غيبتك ... تولهت عليك وااااااايد ... انا راحتي بشوفتك ... رد لنا بسرعة او اتصل ما اقدر على فراقك .... وطاحت دمعه من عينه وبعدين حضن صورت عمه وتم يصيح ويقول... عمي انا محتاج لك ... ومن كثر الصياح رقد في مكانه

في الليل ... كانوا كلهم يالسين في الصالة إلا خليفة اشوي رن التلفون ... نقز محمد من مكانه وسار يربع عشان يرد ... بس تفاجأ يوم جاف اخوه خالد بعد نش وقام يربع ... محمد يسرع وخالد يسرع ... لين ما مسكوا السماعة اثنيناتهم ورفعوها بس ما تكلموا مع إلي دق تموا يتهاوشون
محمد: فك السماعة انا شليتها قبلك
خالد: تحلم انا إلي شليتها قبلك
محمد: الصغار يسكتون يوم الكبار يرمسون
خالد: تحلم ... انا وصلت قبلك
محمد: قم يا الدب ... ويدز خالد ويقول: الوووو ؟؟
عيسى: الحمد لله والشكر ... انت ما بتكبر ابدا استحي ع ويهك عمرك 18 سنة
محمد: هلااااااااااااااااااااااااا عيسى شخبارك ؟؟
عيسى: تمااام الله يسلمك شحالك انت ؟؟ وشخبارك؟؟
محمد : بخييير والله
عيسى: شحالهم الوالد والوالدة ... شحال خلوف ؟؟
محمد: والله كلهم بخير
عيسى: وينهم ابي ارمسهم ...
محمد: لحظة .... يبه عيسى يباك
بوخلف: هلا عيسى شحالك
عيسى: بخير الحمد لله انت شحالك وشحال امي ؟
بوخلف: كلنا بخير دامك انت بخير ... شو الجو عندكم ؟؟
عيسى: والله تمام ... تذكرتكم وااايد ... كان خاطري ايبكم وياي
بوخلف: ههههههههه ... قص على واحد ثاني ... مب على ابوك ... انا اكثر واحد يعرفك
عيسى: ههه ... اقول يبه خلوف وينه ؟؟
بوخلف: في حجرته ... بزقره الحين
بوخلف: خلوووووووف .... خليييييييفة .... تعاااال بسرعة
اول ما سمع خليفة صوت يده نزل بسرعة قال: خير يبه ؟؟
بوخلف: عمك يباك ..
خليفة: اي عم ؟؟ ... عندي واايد
بوخلف: هههه ... عمك عيسى
خليفة: والله ؟؟ .... ونزل بسرعة ومسك التلفون : الووووو
عيسى: خلوف ..... شحالك ؟؟
خليفة وهو مب قادر يمسك دموعه : تمااام ... انت شحالك ؟؟ متى بترد ؟؟؟ تولهت عليك
عيسى: حبيبي .... وانا بعد والله ...
وتموا يرمسون مع بعض وخليفة يمسح دموعه ... ويبتسم
عيسى: خلوف ... هالله هالله بعمرك .... ما اوصيك ...
خليفة: ان شاء الله عمي ... وانت بعد تحمل على نفسك
عيسى: ان شاء الله ... .سلم ع الكل
خليفة: وصل ... مع السلامة
عيسى: مع السلامة ...
قفل خليفة التلفون وكان طاير من الفرح ... ما يقدر يشيل عمره من كثر الفرح ... سار وحب راس يده ويدته وسار حجرته وتم يالس فيها بروحه

مرت الاسابيع وفي يوم كان خليفة يالس في الصالة اشوي وسمع صوت الجرس ... نش من مكانه عشان يفج الباب
و
اشوي جاف عمه عيسى .... ما صدق عيونه تم يفركهم ويقول: انت عمي صج ؟؟ والله ؟؟ ما اصدق
ابتسم عيسى وقال: هيه عمك شو نسيتني ؟؟
خليفة: افااا عليك ونقز على عمه وحضنه بقوووو
ميثة: شحالك خلوف ؟؟
خليفة: تمام الله يسلمج ... انتي شحالج ؟؟ ... وشخبارج ؟؟
ميثة: بخييير والله بشوفتكم
خليفة: ان شاء الله دووم
ميثة: شو عيبتكم الوقفة ع الباب ؟؟
خليفة: هههههه ... لا نسيت اقولكم دشوا
ميثة: متعودة والله ... عمك اكثر من مرة سوى نفس هالحركة فيني
عيسى: بس بس فضحتينا من عند الباب ... خلنا ندش اول شي وبعدين
ميثة: ههههههه ...

خليفة: يلسوا هني بسير وبزقر يدي ويدتي
عيسى: خذ راحتك ..
وينزل بوخلف: هلا هلا هلا بولدي عيسى نور البيت
عيسى: منور بصحابه شحالك يبه ؟
بوخلف: تمام والله انت شحالك وكيف كانت السفرة؟
عيسى: والله كشخة... وناااسة
بوخلف: الحمد لله ... المهم انكم استانستوا
عيسى: هيه واايد صح ميثة؟؟
ميثة: هيه والله ...
بوخلف: بغيت اقولك ... ان يوم الخميس ان شاء الله بنسوي عزيمة وبنعزم فيها كل العيلة
عيسى: شو المناسبة؟؟
بوخلف: لأنكم رديتوا بالسلامة
عيسى: هييه ... اوكي ما عليه
بوخلف: مب تقولي بعدين ما اقدر ..
عيسى: لا ان شاء الله بحضر
بوخلف: وبعدين بتلاقي مفاجأة بتعيبك وااايد
عيسى: والله ؟؟ شو هي ؟؟
بوخلف: اذا قلتلها ما بتكون مفاجأة
عيسى: هههههه هيه
بوخلف: بتعيبك انت وخليفة واايد انا واثق من هالشي
سكت عيسى وتم يطالع ابوه وهو مستغرب .... ابتسم بوخلف وقال: خلاص انتوا سيروا وارتاحوا وبتعرفون كل شي في وقته ...
* * *
الجزء ال 12
============
يلس بوخلف بورحه في الصالة ورجع بذاكرته لأيام قبل يوم كانوا عيالهم كلهم صغار تم يتذكر خلف قال: خلاص انا بنهي هالسالفة
مسك التلفون واتصل عند خلف ..
خلف: الوو
بوخلف: السلام عليكم .... ارتبك خلف يوم سمع صوت ابوه
خلف: وعليكم السلام ... شحالك يبه ؟؟
بوخلف: وييييي ... من زمااااان ما سمعت هالكلمة منك
خلف: .......
بوخلف: انت شحالك وشخبارك؟
خلف: تماام
بوخلف: الحمد لله ... شحاله عبود ؟؟
خلف: بخيير
بوخلف: الحمد لله .... عيسى قالي انك حضرت العرس
خلف: هيه حضرت بس ما قدرت ايي واسلم عليك ... ما لقيتك
بوخلف: هييه
خلف: دريت يبه ؟؟ ... ياتني بنية
بوخلف: والله ؟؟ بالبركة ... من متى؟؟
خلف: من خمس اشهر
بوخلف: جذي وما تقولي ... يالله ما عليه ... شو سميتها ؟؟
خلف: سميتها مهرة
بوخلف: عاشت الاسامي ... تتربى في عزك
خلف: الله يخليك يبه
بوخلف: اقول خلف ...
خلف: خير ..
بوخلف: يوم الاربعاء عندنا عزيمة ونباك تحضر
خلف: ليش؟
بوخلف: بحضورك بتكتمل فرحتنا
خلف: بحاول
بوخلف: لا لازم تيي
خلف: يبه بسألك ... انت بعدك زعلان مني ؟؟
بوخلف: لا والله ... انا راضي عليك وما بزعل منك ابد ... انت اولدي
خلف: الله يخليك يبه
بوخلف: خلاص عيل تعال يوم الابعاء عقب صلاة المغرب
خلف: يبه انا بيي بس بشرط
بوخلف: شو هو ؟
خلف: ما ابي اجوف خليفة
بوخلف: انت متى بتيوز عن سوالفك ؟
خلف: يبه هذا هو شرطي .... انا ما ابي ولدي يكون رقيق ومرهف الاحاسيس تقول بنية
بوخلف: انت ليش جذي ؟؟ ... اذا كان ولدك قاسي وصلب بشو بيفيدك
خلف: يبه انا هذا اسلوبي في التربية .... ابي اولادي يكونون اقوية
بوخلف: الله يعين .... انت إلي نيت على نفسك
خلف: يبه انت لو تشوف عبد الله كيف مستوي ريال والله
بوخلف: ان شاء الله بجوفه يوم الاربعاء
خلف: ان شاء الله
بوخلف: مع السلامة
خلف: مع السلامة
بوخلف: الله يعينك يا خليفة ويصبرك على ابوك ...ما اعرف شو بيكون موقفك يوم بتجوفه يوم الاربعاء...
في بيت خلف... كان خلف يالس بروحه اشوي دشت حرمته وسألته : كنت ترمس منو ؟؟
خلف: ارمس ابوي
ام خليفة: ابوك؟؟؟
خلف: هيه ابوي شو بلاج ؟؟
ام خليفة: لا ماشي بس شعنده ؟؟
خلف: ماشي يعزمني
ام خلفية: هييه الله اعلم شو ورى هالعزايم
خلف: الله يعين ... سيري وزهبي لي ملابسي بظهر الحين
ام خليفة: وين ؟؟
خلف: عند شغل
ام خليفة: دقايق وازهب لك كل شي
مر الاسبوع بسرعة ويا يوم الاربعاء ... بوخلف كان حاس بشي قابض ع قلبه بس ما حب انه يظهر لأحد انه متضايج ولا شي ...
في بيت خلف.. كان خلف راقد
ام خليفة: خلف ... خلف يالله قوم الساعة ست الحين بتتأخر
خلف نقز من مكانه .....: شوووووو ؟؟
ام خليفة: انا من متى اوعيك
خلف: انزين خلاص خلاص ... طلعي كندورتي وغترتي
ام خليفة: انزين لا تعصب ...

لبس خلف ثيابه بسرعة وطلع من البيت مسرع وساق سيارته شرى المينون ... هو ما صدق متى ابوه رضى عليه ... هو ما بغى انه يتأخر عليه وما انتبه ان الاشارة كانت حمرة تعدى الاشارة واشوي يت شاحنه جدامه ودعمته ....
تجمعوا الناس ويت الشرطة والاسعاف وطلعوا خلف من داخل السيارة كان الدم مغطي ويهه بالكامل ... دخلوه في سيارة الاسعاف وودوه المستشفى بسرعة ودخلوه غرفة العمليات ....
في بيت بوخلف...
رن التلفون ورد عيسى ..
عيسى: الوو
الشرطي: السلام عليكم
عيسى: وعليكم السلام ... منو وياي ؟
الشرطي: هذا بيت سيف الهاملي ؟؟
عيسى: هيه هو ..
الشرطي: نحن نرمسك من مخفر الشرطة
عيسى: الشرطة ؟؟؟ ... خير شو صار ؟
الشرطي: انت تقرب لخلف سيف ؟؟
عيسى: هيه انا اخوه
الشرطي: اخوك خلف صار له حادث وهو الحين في المستشفى
عيسى: في اي مستشفى ؟؟
الشرطي : في مستشفى الجزيرة
عيسى : الحين بيكم .... وسار عيسى عند ابوه بسرعة وقاله: يبه الحق ...
بوخلف: خير شو صار ؟
عيسى: يبه خلف في المستشفى .
بوخلف: شوووووو ؟؟ ... لييش ؟؟ شو صار ؟؟
خليفة: شو صار لأبوي ؟؟ ... عمي قولي ..
عيسى: صار له حادث وهو الحين في المستشفى
بوخلف: وانت شو تتريا قم يالله بسرعة بنسير هناك
عيسى : يالله .... وساروا كلهم بسرعة ... في المستشفى
عيسى: دكتور نحن اهل خلف سيف ... شخباره ؟؟
الدكتور : حالته مستقره الحين .. بس للأسف
عيسى: شووووو ؟؟
الدكتور : خلف انضرب ضربة قوية على راسه ... وهذا سبب له شلل
عيسى: لا لا ... لا تقول جذي ... قول انك تمزح
الدكتور : هذا قضاء الله وقدره
عيسى: ونعم بالله ... وسار عند ابوه والدموع مغرقه عينه
بوخلف: خير شو بلاك ؟؟ شو صار ؟؟ خلف فيه شي ؟؟
عيسى: يبه الدكتور قال ان خلف صابه شلل ... وحضن ابوه وتم يصيح
بوخلف: شووو ؟؟ كيف ؟؟ شو تقول انت
خليفة: عمي لا تمزح ويانا هذا مب وقت المزح ابوي ... لا ارجوكم لا تمزحون وياي وركض بسرعة وتم يدور على الحجرة إلي ابوه فيها لين ما لقاه ..
دش خليفة الحجرة بسرعة و وقف عند راس ابوه وكانت الدموع تتساقط من عينه اشوي فتح خلف عيونه وجاف ولده وهو يصيح ... كان بين وبين نفسه يبى يبتسم له بس تذكر عزت نفسه .. استجمع كل قوته وقال كلمتين
خلف: (( اطلع برع ))
بكى خليفة وتم يقول: ليش ؟؟ ... انا شو سويت ؟؟ يبه لا تسوي فيني جذي ... يبه ابتسم لي لو سمحت ... ابتسم ولو لمرة ..
خلف: قلت لك اطلع برع ما ابي اجوف ويهك
طلع خليفة بسرعة وسار سيارة عمه وتم يصيح هناك ... دش بوخلف الحجرة عند خلف قاله: شخبارك ؟؟
خلف: يبه انا كم مرة قلت لكم اني ما ابي اجوفه
بوخلف : استهدي بالله
خلف: يبه انا تعبان وابي ارقد
بوخلف: خلاص براحتك انا بتم وياك هني وعيسى بيسير مع خليفة البيت
خلف: كيفكم ..
=============
في السيارة ..
عيسى: خلوف ... ليش يالس هني ؟؟ ليش ما سرت وتطمنت على ابوك ؟؟
خليفة: سرت عنده ..
عيسى: وشو قالك ؟؟
خليفة: قالي اطلع برع
عيسى: شوووو ؟؟
خليفة وهو يصيح: ... هيه قالي اطلع برع ما بغى يجوفني ...
عيسى: هذا زودها ... لين متى بتم على هالحالة
خليفة: .........
عيسى: ابوي قالي اوديك البيت ... وبعدين برد وبجوفه
خليفة: يالله خلنا نسير
عيسى: حبيبي خلوف اسمح دموعك ... تعرف اني ما احب اجوفها
خليفة: ان شاء الله
وصل عيسى البيت واستقبلته امه عند الباب
ام خلف: خير شو صار ؟؟
عيسى: ماشي خلف صار له حادث
ام خلف: كيف ؟
عيسى: كان مسرع ودعمته سيارة
ام خلف: وهو شخباره الحين شو قال الطبيب
عيسى: للأسف ... ياته ضربه على راسه وهالشي سبب له شلل
ام خلف: شلل ؟؟ ... ولدي ... خلف ... ما اصدق ... واغمى عليها
عيسى: يمه ... يمه .... ميييثة سيري ويبي ماي
ميثة : ان شاء الله ... وسارت تربع للمطبخ ويابت الماي وشربت ام خلف ... نشت ام خلف وقالت: عيسى ودني المستشفى الحين
عيسى: يمه انتي تعبان الحين ... ارتاحي اشوي
ام خلف: قلتلك الحين تفهم
عيسى: ان شاء الله ... ميثة سيري ييبي عبات امي وعباتج
ميثة: اوكي ..
عيسى: خليفة انت تم هني مع عمك محمد
خليفة: انزين
وساروا كلهم المستشفى عند خلف ... دشت ام خلف الحجرة عند ولدها وجافت بوخلف يالس وياه في الحجرة ... قربت من ولدها ومسحت على راسه وكانت الدموع اطيح من عينها على يبهته
خلف: يمه ؟؟
ام خلف: الحمد لله على سلامتك
خلف: الله يسلمج
ام خلف: شحالك الحين ؟؟
خلف: بخير
وتمت ام خلف تصيح وما قدرت تسكت ...
بوخلف: بسج عاد خلاص ...
ام خلف : انا بسير الحين يا اولدي تامرني بشي؟؟
خلف: سلامتج يمه
وطلعت ام خلف وهي تصيح
عيسى: ميثة سيري عند امي اشوي تمي وياها
ميثة: ما يحتاي انك تقولي يا عيسى
عيسى: الله يخليج
ودش عيسى عند اخوه وتم يطالع فيه وكان يحاول انه يمسك دموعه بس ما قدر سار عند اخوه وحضناه وتم يصيح
خلف: عيسى... ابعد عني ... واستح ع ويهك انت ريال
عيسى: انت لين متى بتم جذي
خلف: تباني اكون شراتك ... اصيح ... هالإلي قاصر
عيسى: انا ما اقصد الصياح ... اقصد خليفة
خلف: ما ابي اسمع اسمه ... انتهت السالفة
عيسى: لا ما انتهت
خلف: انا ما عندي غير عبد الله
عيسى: ما عندك غير عبد الله ؟؟ ... وينه ؟؟ ما ياك ولا تطمن عليك .. ولا حرمتك .. وينهم؟؟ اما خليفة اول ما سمع بالخبر تم يصيح إلا يبا ايي ويجوفك
خلف: الحين بيون
عيسى: بنجوف
وطلع عيسى من عنده و رد هو وحرمته وامه البيت
في المستشفى .. كان بوخلف راقد وخلف كان يتأمل في ابوه ... ويوقل في خاطره: ابوي ليش يسوي جذي ؟؟ ليش يتعب عمره ؟؟ الحين اذا عبد الله مرض انا بسوي شراته ؟؟ انا ما تحملت ابتسامت خليفة ... لا انا غير عن ابوي وما بكون شراته انا نسخه عن عمي عبد الله .. عمي عبد الله صاحب الشخصية القوية بكون شراته وما بغير طبعي .. شو يعني اذا تشللت ... عادي بكمل حياتي وبكون اصلب واقوى
بعد اسبوع طلع خلف من المستشفى ورد بيته كان كل ما يطلب شي من حرمته ترد عليه بتأفف .. ملت منه تحملته شهرين كاملين وعقبهم خلاص ما رامت تستحمل اكثر
واذا زقرها ما ترد عليه و اتم تتهاوش وياه وفي يوم ..
ام خليفة: خلف اسمعني ...
خلف: قولي شعندج
ام خليفة: تراني والله مليت منك ... لاعت جبدي ... انا مب شغاله عندك
خلف: والمعنى ؟؟
ام خليفة: انا ما اقدر استحمل ... طلقني
خلف: شوو ؟؟
ام خليفة: إلي سمعته ... انا ما اقدر اعيش مع شخص معاق
خلف: بطلقج ... بس لا تحلمين انج تجوفين عبد الله ومهره مرة ثانية
ام خليفة: الحمد لله يات منك ... انا اصلا ما كنت اعرف شقايل افتك منهم
خلف: انتي طالق .. طالق طالق ... سيري بيت اهلج
ام خليفة: والله هذي الساعة المباركة فكيتني وريحتني
خلف: طلعي بسرعة
وطلعت ام خليفة من بيت وكانت مستانسه ... وبعد ما انتهت عدتها تزوجت واحد ثاني
خلف ... صار انسان بائس ... لكنه ما فقد قوته وتسلطته ... كان يغرس صفاته في ولده عبد الله ... سوى عبد الله نسخة طبق الاصل عنه ... في الصفات والحركات ... وصار اخس عن ابوه في قساوة القلب ..
مرت السنوات والسنوات والسنوات .... وكبروا العيال ... وعيسى صار عنده بنتين و ولدين
كبروا خليفة وعبد الله ومهره ... وكل العيال ... وتزوجت مهره وسارت بيت ريلها وتم خلف بروحه في البيت مع ولده عبد الله ... فقد خلف الحنان إلي كان يلاقيه من بنته ... وتفاجأ من تصرف ولده إلي انقلب من انسان لوحش عديم الاحساس قساي القلب ... متسلط ما يضحك ولا يبتسم ولا شي ... ما يعطف على احد حتى ابوه ...

في بيت بوخلف....
ام خلف: هلا هلا والله بحفيدي الغالي
خليفة: هلا يدتي شحالج ؟
ام خلف: الحمد لله ... وانت شحالك؟
خليفة: بخير دامج بخير ..
ام خلف: الله يخليك ... اقول خليفة
خليفة: هلا يدتي
ام خلف: متى ناوي تعرس ؟؟
خليفة: مممم ... ما ادري
ام خلف: شو ما تدري ؟؟
خليفة: ما ادري ... ما ابي اصلا
ام خلف: مب ع كيفك ...
خليفة: ههههه ... ليش ؟؟
ام خلف: بس .. لازم تعرس ... مب تسوي لي شرات عمك
خليفة: هههههههه ... حرام عليج يدتي لا تدفنين زهرة شبابي
ام خلف: سبحان الله نفس الكلام إلي كنت اسمعه من عيسى اسمعه منك
خليفة: هههههه ... طبعا مب هو عمي
ام خلف: هيه عمك بس مب يعني تقدله في كل شي
خليفة: لا يدتي حرام عليج ما ابي اعرس الحين
ام خلف: حرام في الدرام ... بتعرس غصبا عنك
خليفة: يدتي ... لا تقولين جذي
ام خلف: اسكت ولا كلمة
خليفة: انزين ... منو العروس ... اعرفج مزهبه كل شي
ام خلف: هيه صح العروس هي بنت عمك عيسى
خليفة: والله ؟؟ ... انا موافق
ام خلف: مالت عليك وعلى ويهك ... جان قلت لي من زمان
خليفة: شسوي انا شاب خجول
ام خلف: واضح .. الخجل يقطر منك ..
خليفة: ههههههههه ... متى بتخطبونها لي ؟؟
ام خلف: مسرع ... توك ما تبا الحين غيرت رايك
خليفة: هههههه ... بس عاد يدتي انا استحي
يدش عيسى ويقول: منو هذا إلي يستحي ؟؟
ام خلف: يت في وقتك ...
عيسى: انا دومي ايي في الوقت المناسب ... خير شو السالفة؟؟
ام خلف: قررنا اننا نخطب حق خليفة
عيسى: والله ؟؟ بالمبارك ... ومنو العروس ؟؟
ام خلف: بنقولك بس نخاف انك ترفض
عيسى: وليش ارفض انا شو يخصني ؟؟
ام خلف: لأنها بنتك
عيسى: شووو ؟؟ ... والله ؟؟ ... انا موافق اصلا ما بلاقي احسن عن خليفة
ام خلف: بارك الله فيك
عيسى: بالمبارك يالمعرس ... وحضن خليفة
خليفة والبسمه شاقه حلجه : الله يبارك فيك يا عمي
عيسى: انا موافق والحين لازم ناخذ راي العروس
خليفة: هيه لازم
عيسى: انا بسير وبسألها هي وامها وبنرد لك خبر ..
خليفة: بترياك هني
عيسى: ليش مستعل ؟؟
خليفة: ههههههه ... خلاص خذ راحتك
ورد عيسى البيت وقال لحرمته
عيسى: ميثة انا عندي خبر لج
ميثة: شو هو ؟؟
عيسى: اليوم يوم سرت بيت ابوي ... امي قالت لي انها تبا تخطب بنتي العنود لخليفة
ميثة: والله هذي الساعة المباركة
عيسى: لازم تكون الساعة لامباركة تراه ولد اخوي الغالي
ميثة: ههههههههه .. لازم نعرف شو هو راي البنية
عيسى: هيه اكيد
سارت ميثة وسألت بنتها ... و وافقت العنود ... وبعد شهرين عرسوا وسافروا ...
في بيت خلف...
عبد الله : يبه ابي اقولك شي
خلف: خير ؟؟
عبد الله : انا ما اعرف كيف أبدأ
خلف: ابدأ من اي مكان
عبد الله: يبه بصراحة انا مليت منك ... لين متى بتم اعتني واهتم فيك ... خلاص يعني انا صبرت عليك واايد وللصبر حدود
تنهد خلف وتم ساكت وبعدين قال: والمعنى ؟؟
عبد الله : انا بوديك دار العجزة ... هناك بيهتمون فيك اكثر عني
خلف: هذي نهايتي ؟؟
عبد الله : للأسف
خلف: خلاص سوي إلي يريحك
عبد الله : عيل بخلي الصبي يزهب اغراضك واليوم بوديك
سكت خلف وزقر الصبي وخلاه يدز الكرسي ماله ويوديه الحجرة وبعدين قاله: حط اغراضي داخل شنطتي
راجو: ليس ؟؟ ... انت وين بيسير ؟؟
خلف: بسير مكان بعيد ..
راجو: لا بابا .. انا في يروح معاك
خلف: لا انا بسير بروحي .. قال خلف في نفسه : الصبي حن علي و ولدي مل مني ... هذا جزائي انا استاهل كل شي
اخذ عبد الله ابوه ووداه دار العجزة وتركاه هناك وطلع ... وبعدها ما جافه خلف ابدا ما جاف ولده مرة ثانية
رد خليفة من السفر وفي يوم سار عند عمه وقاله
خليفى: عمي بسألك
عيسى: اسأل
خليفة: شحاله ابوي ؟؟ ... تعرف انه ما حضر عرسي ولا شي
عيسى: والله ما اعرف ... عقب الحادث إلي استوى له وهو ما يبا يقابل اي واحد وانت تعرف هالشي
خليفة: هيه ... انا بسير الحين بيتنا الجديم وبجوف عبد الله
عيسى: هيه صح انا نسيته
خليفة: هههه ... بسير وبسأله
وسار خليفة عند اخوه ... وطبعا عبد الله ما عرف خليفة ... تم خليفة ساعة كاملة يحاول انه يذكره لين ما تذكر
خليفة: عبد الله وينه ابوي ؟؟
عبد الله : اي اب ؟؟
خليفة: عبد الله ... .ابوي ... وينه ؟
عبد الله : هيه ذاك الشايب المشلول ؟؟
خليفة: عبد الله احترم الفاظك
عبد الله : خلاص ... قطيته في دار العجزة سير هناك وبتلاقيه
خليفة: شووو ؟؟ ... متى ؟؟
عبد الله : من زمااااااان
خليفة: ليش ؟؟
عبد الله : طفرني ... وبعدين انا ابي اعرس وحرمتي ما بترضى به
خليفة: مالت عليك وعليها ... انا بسير الحين
عبد الله : لا ترد مرة ثانية
خليفة: ومنو قالك إني برد
وطلع خليفة بسرعة سار يدور على ابوه في كل دور العجزة لين ما لقاه
كان خلف يالس بروحه حزين والدمعة ما تفارق خده ... كل الدكاتره إلي هناك احتاروا وما عرفوا شو السبب سار خليفة ودق باب الحجرة ودش
جاف ابوه يالس ع الكرسي كان منزل راسه وحزييييين ومتضايج
خليفة: يبه ..
لف خلف بسرعه ... ما كان مصدق إلي يسمعه
خليفة: يبه ... انا خليفة
خلف: ولدي ... وتم يصيح
خليفة: يبه ... لا تصيح ما احب اجوفك جذي
خلف: خلوف ... تعال عندي ... تعال ابي احضنك .. كنت خايف اني اموت قبل لا احضنك واستسمح منك
خليفة: يبه لا تقول جذي .. أنا إلي لازم اعتذر لأني تأخرت
خلف: انت اولدي ... وانا غلطت في حقك واايد
خليفة: انت ابوي ... انا راضي
خلف يحضن ولده بقوووو .... ويقول: انا اعتذر مرة ثانية
خليفة: يبه لا تقول جذي
خلف: بسألك شحاله عبد الله ؟؟
خليفة: عرس
خلف: خذ بنت منو ؟؟
خليفة: بنت خالته
خلف: عيل ... هالله هالله بعياله ... اعتني فيهم مثل ما اعتنى عمك فيك
خليفة: ان شاء الله يبه ... يالله يبه ... بوديك وياي البيت
خلف: لا ما بي بتم هني
خليفة: يبه ارجوك محد بيتضايج منك ... بتكون في بيتك ... كلنا ساكنين في بيت يدي وهو بيتك
خلف: ما عليه ... انت شخبارك ...
خليفة: يب ه لا تغير السالفة بتيي وياي وبتعيش ويانا ...
خلف: ان شاء الله ...
خليفة: يبه عندي امنية ثانية ... من زمان وانا اتمناها
خلف: شو هي ؟؟
خليفة: يبه ... ابتسم لو سمحت ..
ضحك خلف ... وبعدين ابتسم ... وحضن ولده

THE END

يمكن البعض يتسآل شو صار في ام خليفة ... ام خليفة تزوجت مرة ثانية ويابت بنتين والبيتين فيهم اعاقه .
__________________
-->
من مواضيع عشقي نجد

عشقي نجد غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
.. علمني حبك .. أن أحزن .. شــــــوق قصص و روايات 94 12-08-2016 08:02 PM
بليييييييييييييز جيبوها لــــــي انا مسكينه z00z00 قصص و روايات 8 01-04-2010 06:39 PM


الساعة الآن 10:28 AM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir