منتديات هتوف  

العودة   منتديات هتوف > أقلام هتوف > قصص و روايات

قصص و روايات قصص , قصص طويلة , قصص رومانسية , روايات , روايات طويلة - تحميل روايات ، روايات طويلة رومنسية



إضافة رد
 
LinkBack أدوات الموضوع انواع عرض الموضوع
قديم 07-01-2010, 12:27 AM   #1
| سبحآن الله وبحمده |
 
الصورة الرمزية تمـَرٍدْ ~ً
 
تاريخ التسجيل: Jan 2009
الدولة: الرياض .
المشاركات: 13,204
معدل تقييم المستوى: 10425607
تمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond reputeتمـَرٍدْ ~ً has a reputation beyond repute



(adsbygoogle = window.adsbygoogle || []).push({});
A9 رواية لا تظن انساك وانت قطعة مني,عمرك سمعت عن قلب عاف دقاته! كاملة|تحميل+قراءة




الـسلـآم عليكم ورحمة الله وبركآته
روآية جميلة جداً لِ الكآتبة " آلآرجـُوآنْ ..

إن شاء الله تستمتعوآ بِ قرآءتهآ ودعوآتكم بِ التوفيق لَ الكآتبة



رواية لا تظن انساك وانت قطعة مني,عمرك سمعت عن قب عاف دقاته! كاملة لِ الكآتبة الارجوآن


الشخصيات الرئيسة :
بيت بو عبد العزيز (فهد):
فهد : رجل أعمال كبير عنده شركة كبيرة ملك له ولاخوانة ولعيال عمه
زوجته منى : مديرة مدرسة حنونة وقلبها ابيض ولي يشوفها يحبها على طول
عبد العزيز : 26 سنة متخرج من جامعة دنفر بكلورادواه متزوج إسراء بنت صديقة أمه وعنده سعود 5سنين و فهد سنتين
ضاري : 24سنة مو متزوج توه راجع من بره قبل 5 شهور علاقة بأحمد قوية
جاسم : 22 سنة متزوج مها صديقة أخته وعنده محمد سنة ونص ويدرس إدارة أعمال
فاطمة : توأم جاسم 22سنة تدرس بكلية الطب ودلوعة الكل لأنها البنت الوحيدة بالبيت ومرحة والابتسامة دائما على وجها وبنت من أجمل البنات في العايلة وطيوبة وقلبها ابيض
بشار : 17 سنة بالثانوية هادى وعاشق كرة قدم
زياد : أخر العنقود14سنة وملقب بالجعدة بالبيت

بيت بو علي (حسين):
حسين : دكتور وعنده مستشفى وعصبي بطبعة ودائما يشوف الناس غلط وهو الصح
زوجته أشواق : دكتورة وعكس زوجها تماما وتتصرف بحكمة وأخت منى زوجة فهد
علي : 25 سنة متزوج مريم بنت عمه وعنده حسين 3سنين ومحامي الشركة
احمد : 23سنة صارله 5سنين يدرس بره ( من كان بالثانوي) حلاته تطيح الطير من السما كان ساكن اهو و ضاري بنفس الشقة بره
مرام : 21سنة تدرس بكلية الحقوق
رنا : 16سنة بالثانوية مرحه وإذا أقعده بمكان اهي وفاطمة تخلي الكل يضحك بس ملقوفة درجة اولا
مشعل : 14 سنة صديق زياد وطلال الروح بالروح وما يفترقون ابد

بيت بو خالد (الوليد):
الوليد : شخصية هادئة يشتغل مع أخوه فهد بالشركة
زوجته لولوه : متقاعدة أخت منى وأشواق
مريم : 24 سنة زوجة علي وموظفة
خالد : 22سنة يشتغل بالدفاع المدني (الإطفاء)
فجر : 16سنة علاقة برنا قوية
طلال : 14سنة سنة صديق زياد ومشعل
مي : 14 سنة توأم طلال

البيت العود :
بو فهد : ريال كبير بسن بس بصحته
أم فهد : مره طيبه وحنونه
عياله : فهد وحسين ووليد و راكان إيمان ونور
إيمان : 28سنة متزوجة وعندها مبارك و ميس
راكان : 26سنة مو متزوج ويشتغل بالداخلية ضابط
نور: 24سنة تدرس هندسة مالجه على عبد الرحمن ولد عمها
بو رائد : أخو بو فهد بس متوفي
أم عبد الرحمن : أخت أم فهد ريلها بو رائد
عيالهم : منى وأشواق و لولوه و عبد الرحمن عيال بو رائد وأم عبد الرحمن أما رائد أمه متوفيه ولي مربيته أم عبد الرحمن
وام عبد الرحمن مرضعته لأنها كانت علاقتها مع ام رائد قوية ولي يشوفهم يقول اختها مو شريجتها بس أم رائد توفت وهي ما صار لها أسبوع من يابت
رائد .
رائد : 29 سنة يكمل بسوريا دراسته ( طيار)
عبد الرحمن : 26سنة مهندس وصديق راكان حيل مالج على نور بنت عمه
والبقية بتعرفونهم بالقصة .


الجزء الأول :

في بيت بو عبد العزيز :

في غرفة فاطمة
أم عزيز : فطوم قومي يلا الناس راح يوصلون
فاطمة وهي تجر الكمبل : يمه دقايق بنام
أم عزيز : فطيم قومي لج عشر دقايق الاقيج تحت ولابسه و جاهزة
فاطمة : أففف يا ربي بنام
قامت راحت الحمام وهي تمشي تعرجبت بشحاطتها (تكرمون) :أي ريلي
ام عزيز : امشي شوي شوي
قامت راحت خذت شوور سريع وبدلت ملابسها ألبست تنوره قصيرة لي نص الساق لونها ابيض وفيها ورد اسود وبدي اسود وفيه ابيض مطلع خصرها وجسمها الحلو وألبست سناسل لولو ابيض ولبست كعب (تكرمون) مرتفع شويه لان فاطمة طولها حلو وحطت كحل ومسكره وحطت قلوس ونزلت شعرها وخلته طايح على جتفها وطالعة رووووعه
ويدق الباب
فاطمة : منو
إسراء : هذي انا ومها
فاطمة : تفضلوا
إسراء : الله طومي شنو هل حلاه
فاطمة : شكرا شحنتي غروري
مها : هههههههه صج فطوم صكيتي علينا خلاص إسراء انا محبطه
إسراء : أبركها من ساعه صح فطوم
مها : يا خره يا إسراؤه
فاطمة : لا هذي مهاوي الغالية
مها : احم احم
إسراء : وانا فطيم
فاطمة : عاد شتغلت الغيرة وانت بعد
وطلع صوت صراخ
فاطمة : ابصم بالعشر هذي رنا وفجر
رنا : هاي بنات
الكل : هايات
فجر : هاي
الكل : هايات
رنا : واو طومي شنو هل حلاه
فجر: صج فطوم صكيت على جاسمان
فاطمة بغرور : أكيد بصك عليها حبيبتي
فجر : غرور الله على الغرور
رنا : صج خالتي تقولكم نزلوا بسرعة الناس على وصول
فاطمة : يع ما دري شلون بتحمل نوف الغثيثة
فجر : عطيها سكب
فاطمة : هذا الي بسويه
مها : عن الهذرة الزايدة ويلا ننزل
انزلوا تحت كانوا بس أهلهم موجودين
فاطمة :السلام عليكم
الكل : وعليكم السلام
أشواق : فطوم يدج بو فهد يبيج بالديوانية
فاطمة : يوه مو لابسه حجابي ولابسه قصير
أشواق : محد موجود بس عمامج وخوالج
فاطمة: اكييد
أشواق : اكييد
راحت الديوانية دخلت
فاطمة : السلام عليكم
الكل : وعليكم السلام
يدها بو فهد : تعالي فطوم دلوعتي قعدي يمي
فاطمة حبت راس يدها وقعدت : شلونك يدي عساك بخير
يدها : الحمد الله انت شلونج
فاطمة : الحمد الله بخير تسعدنا شوفتك
بو عزيز : فطوم أحنا بنكلمج بموضوع
فاطمة: خير يبه
يدها : الخير بويهج أحنا بناخذ رايج بالموضوع بس أحنا رافضين ألا إذا كان رايج غير
فاطمة : ترى خوفتوني
يدها : يوسف ولد اليران خطبج شغلت
فاطمة : لا
يدها : خلاص حنا بعد قلنا جذي
فاطمة : ممكن اروح يدي
يدها : روحي
فاطمة : يدو
يدها : خير يا عيون يدو
فاطمة : ممكن اطلب طلب
يدها : أنت تامرين مو تطلبين
فاطمة : ثينكس يدو اخو رفيجت عنده شهادة دبلوم هندسه كمبيوتر وما لقى وظيفة والبنت حالتهم المادية صعبة ممكن توظفون عندكم بالشركة
يدها: خلاص قوله يمر باجر بنشوف له وظيفة
فاطمة : مشكور يا أحلى يد بالدنيا رب ما يحرمني منك بس بيضو ويهي جدام البنت
وباست راس يدها وطلعت
دخلت وشافت رنا
رنا : فاطمة شنو يبي يدي منج
فاطمة وهي طق رنا على راسها : مالج دخل يا الملقوفة
رنا : افا يا بنت عمي وخالتي
فاطمة : موتي حره ما راح اقولج
بعدها بساعة بدو الناس ايون
فاطمة : لا ما اقدر أتحمل يت الغثيثة
مها : استحمليها بس اليوم
فاطمة : الله يعنج يا إيمان عليها
(نوف أخت عبد الله ريل إيمان عمرها 22سنة غثيثة ومليغه و صج صج شايفه نفسها بس أخوانها غير عبد الله وناصر ومروى طيبين وعلى نياتهم )
سلموا واقعدوا
ام سالم : ما شالله منى هذي فاطمة بنتك
منى : أي هذي فطوم بنتي
ام سالم : والله وكبرتي يا فطوم وصرتي بنت مثل القمر
فاطمة تكلم مها وإسراء بصوت واطي : ورى هذا التعليق سالفة
وتكلم ام سالم : هذا من ذوقج خالتي
أشواق : طبعا فطوم من يوم يومها حلوه
أم سالم : الله يخليها وتلقى من يسعدها
فاطمة ابتسمت
اشواق : اقول ام سالم مو ناويه تزوجين سالم
ام سالم : امبله بس انشالله الي ابيها توافق

صج نسيت أقولكم سبب العزيمة سببها رجعة عبد العزيز من بره
عند الريايل :
الكل كان قاعد كبير وصغير
عزيز: جويسم ضاري
جاسم و ضاري : نعم
عزيز : مليت
جاسم : تحمل
عزيز : مو قادر
جاسم : أي من قدك تعوت على جو الأجانب
علي : أي يا جاسم بس أنا وأنت خلنا بين الشغل وهم يتمشون بجو أوربا وأمريكا
عزيز : الحين إلي يسمع يقول أنا كنت قاعد العب مو ادرس
جاسم : علي خلاص قررت ادرس بره
عزيز : ادرس احد ماسكك
جاسم : والله ما اقدر اترك أم العيال والاعيال لوحدهم
ضاري : الحمد الله ما عند ام عيال
عزيز بوله : أخ يا أم العيال اشتقت لها
علي : نحن هنا
عزيز : اذلف الحين أنا مو شايفها من 6شهور
جاسم : يعن مو مشتاق لعيالك مشتاق لمرتك
عزيز : ولا الاثنين بس مرتي أول
علي : الحب وما يهوى
جاسم : مثل القمر إلي عندي ماكوا مثيل
علي وعزيز : بلا عندنا
جاسم : متى اخلص العزيمة وروح
عزيز : أنت إلي كاليوم تشوفها تقول جذي عيل أنا شلون
علي : ميانين عيال عمي وخالتي
عزيز : حريمنا بعد شنو والله
الساعة 12 بليل خلصت العزيمه ما بقى إلا أهل البيت ادخلوا عزيز وجاسم كان قاعد بالصالة فاطمة وأمها وأبوها وإسراء ومها وعيالهم وبشار وزياد وضاري
عزيز : السلام عليكم
الكل : وعليكم السلام
منى : عزيز
عزيز : نعم يا الغالية
منى : ما جنك عندك أم تسأل عنها تقول أمي
عزيز : افا يا الغالية أنا ما أسأل ما عاش من ما يسال عن الغالية
منى : قص علي بهل كلام
عزيز وهو يضم أمه ويطالع إسراء : يمه ترى وربي مشتاق لج موووووت
فهد : بس خلاص هد أمك
عزيز : تغار مني يبه
فهد بفشيله : لا شنو أغار بس شديت حيل
عزيز : يمه عورتج
منى :لا
عزيز :خلاص يبه ثبتت التهمه تغار
فاطمة : من قدج يا الوالده ريلج يغار عليج
الكل : هههههههه
زياد : متى أي اليوم إلي أغار من احد على مرتي
فاطمة : أنت ليش مستعيل ها
زياد : بتزوج على سنه الله ورسوله فيها شي
فاطمة : فيها انك صغير والجعدة يا الجعدة
الكل إلا زياد : ههههههههه
زياد : ضحكوا ضحكوا
فهد : خلاص منى روح دوري لزياد بزوجه
زياد : والله لا لا دور أنا عند وحده
فهد : بعد مدور ومنو انشالله
زياد : بس ما تزف
فهد : أي
زياد : ماني قايل باي
فهد : يا هل جيل يطلع قرون
فاطمة تطنز: قرون وحيد القرن ولا غزال يبه
فهد : لا قرون ثور هههه
فاطمة : ينكت الوالد
جاسم :تصبحون على خير بنام يالله مها يبي حمود وتعالي
ضاري قط الجريدة الي يقراها : وانا بعد نعسان وفيني النوم
عزيز : وانا بعد والله تعبان من دوخه الطيار الصبح سعود فهود يالله فوق يالله اسراء
فهد : يالله قومي منى
فاطمة : وانا اقعد بروحي
بشار : زيود ما راح ينام تعالي نضبط لنا سهره اكل وشرب ولعب مثل أول
فاطمة : أي والله شتقنا لها
بشار : روح بدلي ملابسج على ما نجهز القعده بصاله فوق
فاطمة : لا بصاله تطلع امي ولا احد من خواني ويقلون شنو هل الازعاج ما دري شنو تعال الصاله تحت
بشار : خلاص بس يبي بيبسي من المطبخ ومكسرات والاب توب مالج
فاطمة : وانت ناد زياد
وبعد نص ساعة
فاطمة : زياد عطني وصله زين مالت الانترنت
زياد : وين مالتج
فاطمة : ما دفعت الاشتراك واقطعوه عطني خلصني
زياد : انزين
إلا ويدخل طلال عليهم
زياد : أنت من وين يت
فاطمة : بسم الله خرعتني من وين يت
طلال : أنت يا الاثول مو قلت لك بنام عندكم وقايل حق ابوي وابوي مخليني ورايح وحضرتي نايم بالملحق وانت ولا على بالك
زياد : أف نسيت انك نايم بالملحق وبعدين حسبالي رحت بيتكم
فاطمة : انزين ليش نايم إلي اعرفه انك تسهر بالعطل
طلال : مو اليوم خذيت حبة نشله تدوخ فنمت
بشار : حصل خير تعال اقعد
فاطمة : يالله وناسه خالي رئووود شابك على المسنجر
بشار : صج دخلي عليه خنا نكلمه
فاطمه اكتبت له : قوه خالو
رائد : هلا والله بعيون خالها
فاطمة : خالو ركب الكاميرا و المكرفون
رائد : انشالله
فاطمة : خالي شلونك شخبارك مشتاقتلك مووووت
رائد : حتى انا مشتاقلج قوه بشار زياد ها طلال عندكم
طلال : قوه خالي
رائد : الله يقويك اليوم رجع عزيز صح
فاطمة : صح واليوم كان العزيمة عشانه
رائد : غرت عينج فطوم برجعه عزووز
فاطمة : وبتغر مر ثانيه برجعتك خالووو
وقعدوا يسولفون لي الساعه 2 وبعدين طفوا الماسنجر وكملو سهرتهم بالتلفزون والسوالف والنت
فاطمة : يمه احبه توم كروز
زياد : صج شحلاته
طلال : زويد
زياد : نعم
طلال : تعال ندق على مشعل تلاقي قاعد
زياد : هذا ينام بالأصل
طلال : تعال ندق
بشار : عطوني انا بكلمه بعدين انتوا
طلال : هاك
بشار : الوو
الخط الثاني : الوو
بشار شاف شاشه التلفون : هذا رقم مشعل
رنا إلي كانت على الخط
رنا : أي زياد شفيك
بشار : انا بشار مو زياد منو رنا
رنا لما اسمعت الاسم تخبصت : أي هلا بشار
بشار والفرحه مو سايعته لم سمع صوتها : هلا فيج بس وين مشعل
رنا : والله مشعل بالحمام بغيت شي
بشار بخاطره بغيتج يا بعد روحي : لابس خلاص لما يطلع خل يكلمني
رنا : انشالله
بشار : مع السلامه
رنا : مع السلامه
رنا سكرت الخط وقالت : يمه قلبي
مشعل : شفيج
رنا : لا مافين شي بس دق على تلفون زياد تو دق منه بشار
مشعل : كل من أمج وربي لوريها ما خلتني انام عندهم
رنا : دق وبلا تحلطم

في اليوم الثاني :
في بيت بو عزيز :
عزيز : يمه وين طومي وبشار وزياد
منى : نايمن
عزيز : لي هالحزه
منى :عاد تعودنا عليهم وبعدين امس سهرانين ماناموا لي 7 الصبح
عزيز : بس مو ينامون لي الساعة خمس العصر
منى : قوم قعدهم يا شاطر
عزيز راح طق الباب على فاطمة
فاطمة : يمه عفيه والله بنام
عزيز : انا عزيز
فاطمة : خلوني انام
عزيز : طومي قومي يالله بسج نوم
فاطمة : عزوز نعسانه
عزيز : انتامين الساعة سبع الصبح اكييد نعسانه
فاطمة : عفيه عزيز بنام
عزيز : قووووووووومي
رن تلفون فاطمة
فاطمة بصوت كله نوم :الو
دانه : الو
فاطمة: هلا بومبه
دانه : جب تيمون كبرنا ترى على بومبا وتيمون
فاطمة كانت تنادي دانه بومبه ودانه تناديها تيمون من أيام المدرسة دانه كانت شوي متينة بس اضعفت الحين الحين مثل العود (لا تصدقين يا دانه ههههههه)
فاطمة : أنزين شتبين
دانه : لا يكون بعدج نايمة
فاطمة وهي تثاوب : أي
دانه : أنت ما شبعت نوم اقولج ترى سارة من أمس الساعة 10 بليل بالمستشفى
فاطمة : شفيها سارة دانه تحجي
دانه : هدي ما فيها شي بس أولدت
فاطمة بفرحه : أولدت شيابت
دانه : بنوته
فاطمة : أموره وكتكوته
دانه : دي حبيبتي أقمل بنوته
فاطمة: نقعد لي باجر انا ساعة وياي لكم باي
دانة : صبري
فاطمة سكرت التلفون قبل لاتكلم
دانة : والله لوريج يا فطيم
عزيز : يالله على البركه قمتي
فاطمة : الله يبارك فيك
عزيز : خلصي ونزلي
رن التلفون فاطمة : الوووووووو
دانة : يا خره يا حيوانه يا ما تستحين
فاطمة : الناس تقول السلام مو ( وتقلد صوت دانه ) يا خره يا حيوانه يا ما تستحين
دانه: ليش تصكرين بويهي
فاطمة : لا حول الله أسفه دانوه بنام
دانه : شنوا تبين تردين تنامين
فاطمة : أي برد أنام
دانه : والله يا فاطمة أي أسحبج من شعرج
فاطمة : شعري من طوله بعدين انا ساعة ويايه يالله
دانه : أنت سيده صكرتي ولاعرفتي أي مستشفى أي جناح
فاطمة : صج أي مستشفى أي جناح
دانه : تو الناس ماني قايله ولفي مستشفيات الكويت كلها
فاطمة : خلصين بلا هذره زايده
دانه : مستشفى ..... جناح 3 غرفة 13
فاطمة : أنزين يالله انزل تحت بعدن أي المستشفى باي
دانه : باي

أنزلت تحت لقتهم كلهم قاعدين ما عده بو عزيز طالع وزياد وطلال فوق بالصالة يلعبون بليستيشن
فاطمة : صباح الخير
الكل : أي صباح قولي مساء أو قولي تصبحون على خير
فاطمة : ليش الساعة جم الحين
منى : يا حلوه الحين بإذن المغرب
فاطمة : أشوف دانه ذبحتني اتصالات
بشار وهو يتثاوب : يمه
منى : نعم
بشار : أبي فلوس مصروفي خلص على المدرسين كل واحد عشرين وعشره
منى : وليش ما تقولي أنا ادفع حق المدرسين
بشار : يمه تكونين طالعه فاطر ادفع
منى : خلاص بعد شوي أعطيك
ويا زياد من فوق : بس تعطينه وأنا لا ها ولا أنا ولد البطه السوده
بشار : لا أنت ولد البطه البيضة بس اسكت
زياد : سخيف
منى : والله بشار دفع فلوسه للمدرسين مو لعبك
زياد : طلال يالله نروح الديوانية
منى راحت دارها عشان تروح للبيت العود
فاطمة : مها سارة أولدت
مها : صج
فاطمة : أي أستاذه دانه أذبحتني اتصالات
عزيز : أحسن عشان تقعدج كل يوم خل تتصل
ضاري : صار أمي الثانية عزوز
عزيز : أيا حمار انا أخوك العود
ضاري : اخو أخر زمن
عزيز : هين يا ضوير اوريك
ضاري يبي يرفع ضغطه : يا أخي أنت ولد فهد الراشد تكلم عدل
عزيز : مخلي الكلام العدل لك يا ضب
ضاري : انا ضب يا قرد
عزيز وهو ميت ضحك : قرد مره وحده أصلن انا فهد صقر نسر مو قرد
ضاري : كفوك
فاطمة : عزوز ضاري جاسم
عزيز و ضاري وجاسم : نعم
فاطمة : نبي نطلع
عزيز : طلعي احد ماسكج
فاطمة : نبيكم اطلعونا
عزيز : اها
ضاري وجاسم : اها
عزيز : مدام أنتي طلبت من عيوني
فاطمة : تسلم عيونك يا الغالي
جاسم : يالله وين تبون تروحون
فاطمة : ما دري أي مكان
عزيز : أسوره وين تبين تروحين
إسراء : ما ادري
فاطمة : اشرايكم روح برج حمود
إسراء : نبي نتمشى قبل ما نتعشى
جاسم : خلاص روح نتمشى بشرق على البحر
عزيز : فكره حلوه أنا موافق الساعة سبع كونوا جاهزين
فاطمة : بس أنا بروح حق سارة رفيجتي بالمستشفى
مها : أي صح
جاسم : يوووه
فاطمة : قومي مها لبسي عشان نروح الحين
جاسم : مو طولون
فاطمة : انشالله
راحت تصعد تبدل
في بيت بو علي :
علي : يــــــــــمـــــــــــه
أشواق : شفيك تصارخ
علي : احمد يبج على التلفون
اشواق: صج وينه عطني بكلمه
احمد : قوه يمه قوه بسراي بيتنا
اشواق : هلا احمد هلا يمه شلونك
احمد : الحمد الله بخير و الأسبوع الياي عند off راح أيكم
اشواق : صج احمد راح تنور الكويت
احمد : منوره بوجودج يمه
رنا : احمد أبي صوغه
احمد : قولي حق رنا لو تبي عيوني أعطيها جم رنوه عندنا
اشواق : اقول لو تبي عيوني أعطيها جم رنوه عندنا
رنا : احم احم وحده
علي : حلفي بس
مرام : يمه عطني بكلمه
اشواق : هاج
مرام : الو
احمد : هلا والله بمروم حبيبة قلب أخوها
مرام : تسلم حمود أنت شلونك
احمد : بخير والحمد لله
مرام : عسا دوم انشالله
احمد :شنو تبين مرام أيبلج
مرام : أبي ترجع سالم
احمد : سالم ولا غانم
علي : بس عاد خلصتوا رصيدي
مرام : يا بخلك
علي : الحين انا بخيل
مرام : اخوي من زمان مو مكلمته أبي اكلمه
علي : اخوج بعد أسبوع بي يا أستاذه وكلميه ولا اقولج أكليه
مرام : سخيف وربي سخيف
رنا ميته ضحك
مرام : ضحكت من سرج أستاذه رنا
رنا : مرام انا ومريم وفجر ومي نبي نطلع تطلعين معانا
مرام : لا عند دراسة مو مثلج
رنا : تكلمت المحامية
مرام : محتره <وراحت>
علي : هه
رنا : حسبالها نيوتن مع ويها
علي : محتره منها خلصي ثنويه ودش أعلى منها
رنا : حسون تعال
حسين : نعم
رنا: وين ماما
حسين : فوق
رنا : روح لها بسرعة نادها
حسين : قياره <طياره>
رنا : لسانه عوي ههههههه

بالمستشفى :
فاطمة : حمد الله على السلامة لأحلى قدساويه وبالوجود
سارة : الله يسلمج
فاطمة حطت بوكيه ورد على الطاوله : ها وين الاموره
دانه : بسرعة أموره شوفيها بالأول بعدين حكمي
فاطمة : هذا الشبل من ذاك الأسد
سارة : انا أسد
فاطمة : حمدي ربج مادحينج وما دحين بنتج
مها : بسم الله ما شالله قمر
فاطمة : ها بتطلع قدساوية مثل أمها و رفيجاتها ولا لا
سارة : قدساوية قصبن عليها
فاطمة : عاشت والله
سارة : فطوم انا زعلانه منج ومن مها
فاطمة : افا ليش
سارة : انا من أمس والده و انتي ومها توكم تيون حتى ما دقيتوا تلفون
فاطمة : أولا : انتي ولتي 10 بليل ثانيا : انا الساعة خمس العصر قاعدة من النوم وقالتلي دانوه
مها : وانا وبعد توني دريت
فاطمة ومها : sorry سارة
سارة : سماح هل مره
فاطمة : يالله سارة نخليج حين لان إخواني ناطرينا بالسيارة أيلج بوقت ثاني
سارة : تو الناس ما صار لكم 10 دقايق
مها : سارة نيلج وقت ثاني وواح تملين من وتقولون روحوا لوعتوا جبدي سامحين يا الغالية
سارة : يالله مع السلامه ولا تقطعون
فاطمة ومها : مع السلامة
نزلوا كانوا رايحن 3سيارات عزيز وجاسم بسيايرهم مع حريمهم وضاري مع فاطمة
ضاري : فطوم جان قعتي أكثر
فاطمة : أصلن انا كان ودي اقعد سنة عند سارة بس انتووا انتووا ماتعرفون شكثر غلاة سارة
ضاري : عن السوالف الزايدة قوليلي متى تبدين الجامعة
فاطمة : بعد شهرين
ضاري : أوف ليش وايد
فاطمة : لان انا كنت ماخذه صيفي والكورس إلي طاف كنت ماخذه مواد وايد
ضاري : اها
عزيز كان مشغل غنية وحشني موت : اسراء الغنية لج
اسراء : ثنكس حبيبي
عزيز : يا ويل قلبي
اسراء : هه
عزيز : تسم هالضحكه والله
جاسم : بس عزيزوه صاير رومانسي (لان الصوت كان شوي عالي جنه مراهق) وشغل لراشد الماجد
جاسم : على راسي يا رشووود
مها : جاسم احنا بشارع عام قصر الصوت
جاسم : قلبي ما لج دخل بالناس مدام انت معاي
ضاري : الحمد الله والشكر انينوا اخوانج
فاطمة : تتزوج وتسوي أكثر
ضاري : لا أعوذ بالله
فاطمة :شنو الزواج صار منكر عندك وعند راكان
ضاري : انا ما أبي أتزوج الحين ما أفكر بالزواج
وصلوا ونزلوا على البحر
عزيز : والله الجو ناقص نكون بروحنا انا والقلب
ضاري وهو يغمز لعزيز : ليش بو العز منو القلب إلي قلتلي عنها هذيك المرة الشقرة البيضة
اسراء عصبت : يا سلام
ضاري : هههههههه
عزيز : الله يأخذك قول آمين حطيتني بلوه
ضاري بعد يضحك : هههههههه
عزيز : مالي غير الغالية أم سعود عند القمر وأطالع النجوم مينون
جاسم ضاري فاطمة : نحن هنا
عزيز : قلبوا ويوهكم
جاسم : مهاوي تعال بعيد عن روميو وجليت
عزيز : وأنت عنتر زمانك
ضاري : الحمد لله ما عندي مره عشان تقول قيص
جاسم يغني: يجيلك يوم تندم على ما سويت
ضاري : لي ذاك اليوم يسير خير
جاسم : اخذ نصيحا من أخوك الزواج حلو لا تضيع عمرك عزوبي وراك عيال ها
ضاري : ما أفكر بالوقت الحالي
جاسم :خلاص جرب أول شهر شهر العسل يعن ان ما ندمت قد شعر راسك لأنك ما تزوجت امبجر تعال طقني
عزيز يطنز : عاد شعره وأيد
ضاري : تطنز مع ويهك
فاطمة : جبريت ما يتحمل غشمره
ضاري : غشمره بايخه وقعد يضحك هههههههه
عزيز : بايخه وانت تضحك ها
اسراء : ضاري يوصل الأربعين والخمسين وما أظن يتزوج
ضاري : لا والميه بعد
عزيز : لا انت اليوم مو ضاري إلى اعرفه الي بس ساكت جنه اطرم
ضاري : انا اطرم يا ثور
عزيز : ثور شهل تشبيهات انت ولد فهد عبد الله الراشد
ضاري : رديتها يعن
جاسم : واحد ضرب واحد
فاطمة : قلب مدرس رياضيات الأخ
ضاري : الظاهر عقدت الثانوية العامة بعدهي ما راحت
الكل : هه
وراحوا تعشوا ورجعوا البيت


ثاني يوم كان الجمعة عطله
ضاري وهو يدش البيت شاف أمه وأبوه قاعدين
ضاري : سلام بين ورد الجوري والنرجس والياسمين لأحلى أم وأبو بالدنيا
منى : أوله كل هذا لنا
ضاري : طاير من الفرحة طاير قلب على نار ناطر باجر اداوم بالشركة الي قدمت عليها
أبوه : صج متى قدمت أوراقك
ضاري : من زمــــــــــــــــان بس ما قلت لأحد
فهد : ضاري تعال شتغل عندنا بالشركة احسلك
ضاري : لا يبه انا بعتمد على نفسي
فهد : كيفك ماني قاصبك
منى : الحين وضيفه وتوضفت مو ناقص الي بنت الحلال
ضاري : يمه ما أفكر بالزواج الحين
منى : فهد شوفه كل ما كلمته قال ما أفكر ما أفكر
فهد : يا ولدي نبي نشوف عيالك قبل ما نموت
ضاري : بعد عمر طويل يبه بعدكم شباب بس والله الزواج مسئوليه انا مو قدها الحين
منى : إلا قدها ونص كا أخوك جاسم اصغر منك ومتزوج وعايش حياته
ضاري : يمه جاسم غير وأنا غير
منى : اشلون غير يا شاطر وانتوا خوان
ضاري : يمه عطيني وقت أفكر
منى : تكفه يا ضاري فرح قلبي
ضاري : انشالله يمه أبروح أنام
منى : نوم العوافي بس فكر بالموضوع زين ها
ضاري : انـــــــــــــشالله يمه
فاطمة : يـــــــــــــــمــــــــــــــــــــه
منى : شفيج تصرخين
فاطمة : خالتي اشواق تقول تعالوا اليوم عندنا تيمعوا
منى : ويع خرعتين حسبالي في شي
فاطمة : سلامات حبيب مو على بعضك سلامات ( على فكره صوت فاطمة روووعه)
جاسم يها من وره : أشوف الحزن في عيونك سلامات
فاطمة : يا حمار خرعتني
جاسم : انا حمار يا تيمون
فاطمة : جب وان عتها يا ويلك هذا الي ناقص الفقمة ينادين تيمون
جاسم : فقمة ها وراح يركض ورآها وهي تنحاش ليما حكرها بزاوية
جاسم : اليوم والله لأخذ حقي منج
فاطمة صرخت بصوت عالي : يــــــــــــــــــــــــــــــــــــــــــــــمــ ـــــــــــــــــــــــــــــــــــــــــه
منى : فطوم ويع شنو هالصوت
فاطمة : يمه شوفي
منى : الحمد الله والشكر جسوم وخر عنها خل تفكنا من ازعاجها
جاسم : قلت اخذ حقي منها أخذه
منى : خلاص انت قلت لها تيمون بعد خلاص جنكم يهال وكل واحد اكبر مني صاير ( خوش تشبيه)
فاطمة : جاسم ضب تحتك جاسم
جاسم نط : وين
فاطمة نحاشت راحت عند أبوها
جاسم : أيا كلبه يا فطوم
فاطمة : صج انك غبي ومقصه ضب بالبيت ههههههه
جاسم : جب يا تيمون قلم رصاص
فاطمة : يبه شوفه
فهد : هه الحمد الله والشكر
جاسم طلع لسانه : ورينا يا دلوعة ابوج منو يبي فكج مني اليوم
فاطمة : بابا شوفه
فهد : جويسم ويع وخر عن فطوم ان يت يمها يا ويلك
فاطمة : حره على العذال حره
جاسم : مردج بتين يا فطوم واوريج منو الفقمه والغبي انا اوريج
فاطمة : الي ما تواصله بيدك واصله بريلك
جاسم : هين
بشار: صباح الخير
الكل : صباح النور
بشار : شهل صراخ الي مساع
فهد : التوأم المختلف تهاوشوا
فاطمة : يبه طالع MBC3 من ورانا
فهد : أي تصدقين ...... جب يا حماره بس جم مره أشوف عيال خوانج قاعدين على MBC3 وأنا أقرا جريده
فاطمة : لا لا لا يبيه أثبتت عليك التهمه أطالع MBC3
فهد : فطوم ويع
فاطمة وجاسم وبشار : هه
في البيت العود :
ام فهد : بو فهد اليوم بروح لأشواق انا و ام عبد الرحمن
بو فهد : انشالله بس لا يطول السايق يقطكم بعدين يرجع بروح المسجد
ام فهد : انشالله
راكان نزل من الدري : صباح الخير
ام و بو فهد : صباح النور
راكان : وين حمني (عبد الرحمن) طلع
ام فهد : لا ما أظن يمكن بداره فوق
راكان : نيتا (الخدامة) جبي ريوق
ام فهد : راكان
راكان : نعم يمه
ام فهد : أبي تيبلي كيكه على ذوقك من محل الحلويات
راكان : why??
ام فهد : تكلم عربي راكان
راكان : انشالله ليش ؟؟
ام فهد : جذي يب وبس
راكان : انشالله
عبد الرحمن : ركووووون
راكان : نعععععععععم
عبد الرحمن : تو الناس جان ما قعت اليوم مباراتنا يا حظي
راكان : لحظه خلني أتريق البس بعدين نروح
عبد الرحمن : يا برود أعصابك
نزلت نور : صباح الخير
الكل : صباح النور
عبد الرحمن : هلا والله بنور دنيتي وعيني وسماي
نور ستحت ونزلت راسها
راكان : نحن هنا ترى ها ولا انت بايعها
عبد الرحمن : والله أظن أنها مرتي على سنة الله ورسوله وأبوها ساكت انت شكوا ها
راكان : والله انا أخوها
عبد الرحمن : امحق اخو
راكان : جذي يعن يا عبد الرحمن انا اوريك
عبد الرحمن : يله
راكان : يبه انت شلون تسمحلا ها
بو فهد : ريلها
راكان : إن ما نكت عيشتك يا حمني ما كون ولد الراشد
عبد الرحمن : ههههههه ضحكتني مع ويهك يالله خلص بروح الملعب
راكان بدون نفس : زين
عبد الرحمن : هلا بالغالية هلا بأمي تاج راسي
ام عبد الرحمن : هلا فيك
عبد الرحمن : توصون على شي
الكل : لا سلامتك
عبد الرحمن : يالله مع السلامة وأنت يا الدب لا تنبط ولك 5 دقايق ألاقيك بالسيارة مرتز
راكان : على أمرك شيخ عبد الرحمن
عبد الرحمن : قصبن عليك


بيت بو خالد :
فجر : يمه
لولوه : نعم
فجر : يمه عيد ميلاد رفيجتي قرب وبيب لها هديه
لولوه : يبي احد ماسكج
فجر : أبي ماني
لولوه: لا حول الله انتوا وين تودون المصروف
فجر : نأكله
لولوه : بعد شوي اعطيج
مي : وأنا بعد أبي
لولوه : شحقه بعد
مي : جذي
لولوه : الحمد الله والشكر مي متى تكبرين 4 متوسط السنة الياي ثانوية وبعدج تصرفات يهال
مي : يمه ابي بشتري ساعة عجيبه شفتها عند وحدة من البنات
لولوه : انشالله بعد شوي
مي : إن زين الساعة جم نروح بيت خالتي
لولوه : 6 المغرب

على البحر
زياد : طلال مشعل
طلال و مشعل : نعم
زياد : ابي اطلع مليت من الدراسة
مشعل : انت الحين طالع
زياد : اقصد ابي اطلع برى الكويت
طلال : لا سو بعد مثل الأفلام طق تذكره ومحد يدري وسافر
زياد : ودي أقول حق يدي نطلع المزرعة
طلال : أي عفيه
مشعل : ما راح يرضه لان فترت مدارس
زياد : نجرب وعندنا عطله العيد الوطني
مشعل : أنزين يالله نرجع البيت أمي ذبحتني اتصالات

في بيت بو عزيز :
ضاري و فاطمة وزياد كانوا يحبون لعب كرة السلة فحاطين ملعب يم حوض السباحة (مصكر)
فاطمة كانت لابسة لبس الرياضة بتلعب سلة
اسراء : ها فطوم بتلعبين سله
فاطمة : أي ملانه تعالي لعب معاي
اسراء : من صجج قلب ويهج
دق تلفون اسراء كانت اسيل أخت اسراء
اسيل عمرها 22سنه من شلة فاطمة
اسراء : الو هلا اسيل
اسيل : هلا اسراء
اسراء : شبقيتي
اسيل : ما في بس حاسة بملل
اسراء : طلعي
اسيل : ما لي خلق
فاطمة : سلمي عليها
اسراء : اسيل فطوم تسلم عليج
اسيل : الله يسلمها قوليلها شلونج فطيم
اسراء : تقول شلونج فطيم
فاطمة : قولي لها جب جم مره قايلتلها لا تقول فطيم
اسيل : ههههههه
فاطمة خذت السماعة من اسراء : ضحكتي من سرج يا خايسة
اسيل : فطوم شلونج
فاطمة : الحمد الله انت شلونج
أسيل : الحمد الله بس طاقه جبدي
فاطمة : نفسي *** تطلعين
اسيل : وين نروح بهل قايله
فاطمة : أي قايله بعدهي 12 وبعدين نروح مجمع
اسيل : والله فطوم مالي خلق
فاطمة : طلبتج أسول
اسيل : okانا أمرج ولا انت تمريني
فاطمة : لا انا أمرج عشان بعدين انزلج وروح بيت خالتي
اسراء : تلفوني خلص رصيده
فاطمة : اختج بخيله بعدين انت الي متصلة
اسيل : ههههههه
اسراء : بعد يطلعون ولا يقولون تعالى معانا حياج الله
فاطمة : أعناد ما راح نقولج وبعدين حتى لو قلنا بتطلعيين
اسراء : أي
فاطمة : ما راح نقولج
اسراء : يبي التلفون يا خايسه
فاطمة : اسيل بعد الساعة أيلج
اسراء : يالله سكري أسيلوه
اسيل : اسراء اعصابج طوط طوط طوط
اسراء : حماره سكرت بوهي
فاطمة : انت قلتي لها سكري
اسراء : بس تقول مع السلامة
فاطمة : اسراء اليوم شفيج مصخنه
اسراء : روح لعب كرة سلة أحسن
نزل ضاري
فاطمة : ليش ما نمت
ضاري : ما يالي نوم
فاطمة : تلعب سلة
ضاري : امممممم أي
فاطمة : قوم
سعود : عمو بلعب معاكم
فاطمة : ههههههه يا حليلك والله
ضاري : يا روح عمو انت ما يسير بعدك صغير
سعود : لا انا مو صغير انا ريال شوف عند عضلات
ضاري : أمبين انت جاكون وأنا مادري
سعود :انا راح أروح الروضة
ضاري : خلاص يا شيخ الريايل تعال العب
سعود : هيا عاش عمو ضاري عمو انا احبك وايد
ضاري : وانا احبك وايد
وراحوا يلعبون سله النتيجة 1\1
ضاري : اوووف تعبت
فاطمة : أوف نسيت اسيل وراحت تبدل عشان تروح لها
ولما وصلت البيت اسيل
فاطمة : الو اسوله يالله طلعي انا عند الباب
اسيل : أنزين
اطلعت وأركبت السيارة
اسيل : اقول فطوم جان قعتي بعد
فاطمة : لا بس لعبت سلة وضاع الوقت
اسيل : شاطرة والله
وراحوا المجمع تمشوا وتغدوا وفاطمة رجعت اسيل بيتهم وراحت بيت عمها حسين على الساعة 5

فاطمة : السلام عليكم
الكل : وعليكم السلام
كان الكل قاعد شباب وبنات وحريم واليد بو فهد
بو فهد : فطوم تعالي قعد يمي
فاطمة راحت وأقعدت يم يدها : شلونك يدي
بو فهد : انا الحمد الله انت شلونج
فاطمة : الحمد الله
بو فهد : متى تبدين دوام
فاطمة : بعد شهرين يدي
اشواق : بدال ما انت فاضيه من الأسبوع الياي تعالي المستشفى
فاطمة : لا تكفه ما صدقت افتك من الجامعة
اشواق : بلا دلع وراح تين تدربي
فاطمة بدون نفس : انشالله
زياد : يدي
بو فهد : نعم
زياد : لو سمحت يعن أبي نطلع المزرعة الاسبوع الياي
بو فهد : لا وراكم مدارس
فاطمة : لا عفيه يدي
بو فهد : خلاص مدام أطلبت دلوعتي من عيوني
فاطمة : تسلم عيونك يا الغالي
زياد : لو ندري لما تطلب فاطمة بتوافق من زمان خلينها تطلب
بو فهد : هذي فطوم الغالية
رنا : افا يدي يعن احنا مو تارسي عينك مو عيالك
بو فهد : كلكم عيالي وتارسين عيني بس فطوم غير
فاطمة : احم احم
بو فهد : خلاص يوم الخميس الياي نروح المزرعة من الصبح
طلال : يدي الخميس الصبح عندنا مدرسة
زياد : جب يا حمار ليش اذكره
منى : يعن ما راح نذكر
مشعل : تكفه يدي لا تغير رأيك الخميس الصبح
بو فهد : خلاص سمحولهم الخميس غياب وراها عطلة العيد الوطني
الكل : ييييييييييس
مشعل : عاش والله ولد الراشد
الكل : هه
إلا ويدخل احمد ( رجع من السفر الساعة 12 الظهر عشان جذي اشواق قالت لهم ايون بس ما قالت إن احمد يه)
الكل قام سلم عليه
احمد قعد على الكنبة الي يم يده
احمد : شلونكم عساكم بخير
الكل : الحمد الله
بو فهد : انت شلونك شلون دراستك
احمد : الحمد الله عند offوراح اقعد 4 أسابيع تقريبا
بو فهد: الحمد الله بس متى رجعت
احمد : الساعة12 تقريبا بس الوالدة ما قالت
ام فهد : انا طالبه من راكان كيك جذي بس بما أن احمد رجع الكيكة عشانه
الكل : هه
احمد : لا يدتي انا أبي وحدة مكتوبه بسمي مطلوبه عشاني
يدته : نطلبلك وحدة بسمك جم احمد عندنا
احمد بغرور : واحد
ام عبد الرحمن : فديت هل واحد
احمد : تسلمين يا الغالية
ام فهد : انشالله نأكل كيك عرسك يا احمد
احمد : تو الناس يدتي
ام فهد : هذا انت وهذا ضاري تو الناس تو الناس
احمد يطالع ضاري : خلاص لي تزوج ضاري أتزوج ورآه
ضاري : عيل حلمك تتزوج
الكل : هه
منى : ضاري شقلنا
ضاري : قلنا نفكر اقول احمد خلاص بعد سنة تتزوج
الكل : هه
عزيز : لا ابصم بالعشر انت مو ضاري
ضاري : باجر أبجي دم والسبة عيون عبد العزيز
ام عبد الرحمن : سمل عليك من الدم وعزيز قول ما شالله
عزيز : بحسده مع ويها بس من رجع وهو يضحك وينكت العاده ما البوز وهادي وما يكلم احد
فاطمة : يمكن ليش لا
عزيز : فطيم إن ما سكتي يا ويلج
فاطمة : فطيم ها
زياد : حكمت على نفسك بالإعدام
عزيز : ليش انشالله
زياد : فطوم ورآها حكومة
عزيز : ومنو الحكومة انشالله
مشعل : الكل اولهم يدي وعمي فهد خالي رائد وخالتي ويدتي ام فهد وام عبد الرحمن لا يعدون ولا يحصون حكومة فاطمة
فاطمة بغرور : احم احم يدي شوفه يقول فطيم
بو فهد : عزوز ويع
عزيز : يدي ريال طول وعرض وعيال ومره وعزوز ويع
بو فهد : لا تقول فطيم وما تلاقي هل كلام
فاطمة : حره على العذال حره
عزيز : فطوم ويع عذال ها شوفي منو يطلعج ويعشيج
فاطمة : سيارتي وفلوسي بطلعني وتعشين وتغدين بعد
عزيز : سيارتج ها خل سيارتج تنفعج
فاطمة : لي الحكومة
عزيز : هين يا فطيييييم
فاطمة : شحلات هل اسم أينن أحبه فطيم قمر 14
الكل : هه
فاطمة : نونو رنون
رنا: نعم
فاطمة : ما جنج اليوم ساكتة انت والثنائي الي معاج ( تقصد فجر ومي)
رنا : اليوم قلنا نأخذ off
فاطمة : لماذا؟
رنا : أحب الفصحة انا
فاطمة : عاد انا اكره العربي
رنا : مبتدأ خبر فاعل مفعول به
فاطمة : ذكرتين أيام الثانوية
فجر : اليوم مو بنرتاح منه شوي يرحم أمج لا تذكرينه
فاطمة : أحسن خل نذكركم بس انا كنت أتعذب
رنا : آيا النذلة
فاطمة : ههههههه
ضاري : شباب تعالوا بره
احمد : لا أبيك بروحك انا بكلمك بموضوع
عزيز : افا طرده محترمه يا بو حميد
احمد : ما عاش من يطردك يا بو العز
علي : تفسير كلامك
احمد : كلمت رأس شتبون شحقه التليقف
ضاري : من تدخل في ما يعنيه فطوم شنو
فاطمة : سمع مالا يرضيه
ضاري : صح لسانح
فاطمة : صح بدنك
فاطمة : فديتج يا عاشقة مخاوي الليل وحامد زيد
فاطمة : يمه قلبي
بشار : لا تموتين علينا كل هذا على شاعر
فاطمة : انت شعرفك بشعر انت طير بس طير
بشار : ما خلصنا من شاعر المليون يتنا فاطمة
فاطمة : أنزين انت شكو ها
رنا: على طاري شاعر المليون فطوم شفتي المطيري الكويتي شحلاته وبعد أهلوه اللجنة (لا تقولون انا مطيريه بس صج المطيري كان حلو والله الله اني مو مطيرية صدقتوا تنكت الاخت ههه )
فاطمة : يعجبن لما يقول والحب طيرن ربا فيني وعيه يطير ولا لما يقول والنور كلمه عجز عنها لسان الضرير
رنا : حافظه
اشواق : بس هذا الي فالحين فيه
فاطمة : خالتي الشعر إحساس
اشواق : سكتي يا ام الإحساس
فاطمة : وشلون اتركه وشلون وقلب اعشقه
اشواق : منو الي يعشقه قلبج
فاطمة : لا يروح مخج بعيد الشعر الي اعشقه
اشواق : حسبالي
فاطمة : افا يا خالتي افا انا تربيت اختج
اشواق : بهل زمن الإنسان صاير يشك بنفسه
فاطمة : حكمة لو تقول يا ليلا دان
منى : فطوم بس عاد حافظ شاعر المليون كله
فاطمة : يدي شنو رايك بالشعر
بو فهد : شعر أول يا زينه بس شعر هالايام يا شينه
رنا : فاطمة يصلح بيت شعر
فاطمة : أي والله ارجع واكتبه (فاطمة تكتب شعر ) بس يدي ليش يا شينه
بو فهد : كله احبك واعشقج
فاطمة و رنا بصوت واطي محد يسمع : وهو في أحلى منه
فاطمة : معاك حق شهالشعر ما عندهم ذوق احلى الي يتكلم عن الفداء بالوطن والعز والفخر وعن ايام قبل
رنا وهي تغمز لفاطمة : صح اكو احلى من اشعار الوطنية واشعار احمد شوقي وسعد العراف
الكل : ههههههه
فاطمة بصوت واطي لرنا : سعد العراف واحمد شوقي مره وحدة يا جذابة
رنا : قصر صوتج لا يسمعج العمدة يذبحنا

بره عند ضاري واحمد
احمد : ضاري ليش ما تبي تتزوج
ضاري : الحين انا ما خلصت منهم تين انت يا احمد
احمد: صج يا ضاري ليش ما تزوج تراك مو صغير
ضاري : قول هل كلام لنفسك
احمد : ضاري ليكون ما نسيت لمياء
ضاري : لا يا احمد انا نسيتها وخلاص ما عاد تهمني
احمد : عيل ليش ما تزوج
ضاري : بالوقت الحالي ما أفكر
احمد : ترى العمر يمشي يا ضاري
ضاري : قول حق نفسك ليش انت ما تزوج
احمد : انا ناطر ارد من السفر و خلص الدراسة وأتزوج
ضاري : انت من وازك علي اليوم
احمد : محد وازني بس شفت الكل يحن عليك
ضاري : يسير خير يا احمد يسير خير
احمد : لمياء ماتت وماتت وهي خانتك لا تنسى يا ضاري
ضاري : احمد انا اكرها اكرها على كثر الحب الي حبيتها كرهتها
احمد : الحمد الله ماتت موتت كلاب
ضاري : وشنو سويت مع المليغة الثانية
احمد : اف أظن هذي حتى لما ارجع الكويت تلحقني
ضاري : خلها تولي

البنات كانوا متجمعين بروحم بالصاله الثانية
البنات هم : فاطمة اسراء مها رنا ومي وفجر ومريم و ايمان و نور ومرام
فاطمة : بنات الاسبوع الياي نبي نسوي حفله تنكريه
رنا : شلون يعن
فاطمة : كل وحدة تلبس لبس وتخشه عن الثانية لما نقول روح لبسوا ونشوف منوا أحسن لبس واكثرهم غرابه وضحك يفوز
نور : وشنوا الجائزة
فاطمة : امممممم شرايكم نشتري ساعة غالية والفايزة تاخذها
مريم : ومنو بيدفع فلوس الساعة
فاطمة : كلنا ندفع بالتساوي والفايز يأخذها
رنا : خوش فكره
ايمان : منو لجنه الحكم
فاطمة : الحريم
مها : خلاص الخميس الحفله التنكرية
مرام : يالله عندنا اسبوع نجهز فيه
فاطمة : يا شطار ما وزعنا الإغراض منو بيب الحلويات
رنا : انا
فاطمة : ومنو الألعاب مثل أوني ونجفه والمني بولي و الطاولة
فجر : انا
فاطمة : الأشرطة والمسجل انا يله شنو تبون أشرطه يديده
وسجلو الاشرطة اليديدة الي يبونها وزعوا الأغراض ومنو يبها


بعد اسبوع
يوم الخميس:
البنات جهزوا كل شي عشان الرحلة
وتيمعوا عند البيت العود عشان يمشون مع بعض
فاطمة : يبه عفية قول حق عمامي نبي نتيمع عند سياره وحدة انا والبنات
بو عزيز : انشالله بس اختاروا السيارة الي تكفيكم واحد يسوق غير السايق لانكم بنات بروحكم
فاطمة : مشكور يا احلى أبو بالدنيا
بو عزيز : ههههههه
فاطمة راحت وقالت للبنات والبنات استانسوا وختارتوا سياره السايق الكبيرة
فاطمة : تكفه ضروي طلبتك
ضاري : قتلج يا فاطمة ما اقدر مااحب أسوق وايد
فاطمة : اخذ احد معاك تكفه ضاري طلبتك
ضاري : أمري لله أروح معاكم
ولف جهة احمد : احمد تروح معاي بسيارة
احمد : أي سيارة
ضاري : مع البنات
احمد : انت ما تستحي شلون تبي تركب مع البنات
ضاري : يا ثور انا أسوق لان ابوي قال واحد من الشباب يروح معاهم ما يصير السايق وهم وايد وكلهم بنات
احمد : اها انزين ok

و ركبوا السياراتهم
توزيع السيارات :
بو فهد مع راكان معاه ام فهد وأم عبد الرحمن و عبد الرحمن
بو عزيز يسوق ومعاه ام عبد العزيز والاغراض
بو علي يسوق ومعاه ام علي والخدامات
بو خالد معاه ام خالد والفواكه ( الماجله )
عزيز وجاسم ومعاهم اسراء ومها وعيالهم
علي ومعاه مريم ولده وايمان وعيالها لان عبد الله مسافر
خالد ومعاه بشار وزياد ومشعل وطلال
ضاري واحمد والبنات

بسيارة البنات
فاطمة : بنات بلعب ماني بولي منو يلعب معاي
رنا : انا
البنات كانوا رافعين الكراسي وفصاير مساحه وايد وقاعدن على ارض السيارة
فاطمة : رنوه غشاشه ما ابي العب معاج
رنا : ههههههه لا تلعبين
فاطمة : لا تلعبون معاها غشاشة كبرا
رنا وهي ترفع وتنزل بحواجبها : مقهوره لان فزت عليج
فاطمة : بالغش يا حماره نور شوفيها أمانه مو غشاشه اشكره تاخذ افلوس اللعبه جدامي
نور : بنت اخوي تعلمني فيها
مي : انزين فطوم يبتي شريط جوزيف
فاطمة : أي
مي : صج يا بعد قلبي والله
فاطمة : اهاك أستاذ ضاري شغل الشريط
ضاري : انشالله عمتي
فاطمة : والله انك ورده
ضاري : مصلحة
البنات كانوا فاتحين الأكل والاجياس وحلو وقهوة وجاي وعصير هذا وهم بالسيارة
فاطمة : شباب تبون
ضاري واحمد : لا شكرا
فاطمة : لا صج احنا يايبن ما جله لشهر مو 3ايام
ضاري : شنو عندكم
فاطمة : كل ماتتمناه نفسك الخيره
ضاري : محمد العوضي وانا مادري عندكم قهوة راسي بينفجر
فاطمة : فيه
ضاري : عطيني
ويرن تلفون فاطمة
فاطمة : رقم غريب ما ني راده عليه (فاطمة ما ترد على الأرقام الغريبة )
رد ودق ثاني مره
فاطمة : يالله شيبي هذا
فاطمة : الو
الخط الثاني: فاطمة فهد الراشد
فاطمة : من معاي
الخط الثاني : مو شرط تعرفين
فاطمة: شلون مو شرط اعرف تكلم انت منو
الخط الثاني : انا واحد يعشقج
فاطمة : صج انك قليل ادب وما تستحي
الخط الثاني : افا بس مقبوله يا حبيبتي
فاطمة : حبك برص قول امين
ضاري بعصبية : منو هذا
فاطمة : هاك اخذ كلم واحد قليل ادب
ضاري : نعم آآآآ لا لا لا ok
فاطمة : طاع هذا
ضاري سكر بعصبية : ثاني مره لاتردين على ارقام غريبة
فاطمة : ان شالله
احمد طالع ضاري وياشر بايده شنو صاير
ضاري غمز له
احمد فهم
دق الرقم ثاني مره
فاطمة : ملاغة رد واتصل
ضاري : ردي يمكن بيسمع صوت انوثي
فاطمة : ضاري شهل كلام الو
الخط الثاني : ليش العصبية
فاطمة : والله كيفي انت شتبي
الخط الثاني : ابيج
فاطمة : قلة ادب وحيا ما عندك خوات تخاف عليهم
الخط الثاني: عصبيه يا بعد خالو
فاطمة مستغربه : يا بعد خالو ( فاطمة تذكرت محد يقول يا بعد خالو الى خالي رائد) خالو رائد
رائد كان على الخط : رائد يا بعد خالو رائد
فاطمة : والله انك سخيف ليش تسوي فيني جذي
رائد : هه
فاطمة : لا والأخ الثاني يمثل ثاني مره لاتردين على ارقام غريبة
الكل : ههههه
فاطمة : خالي داق من رقم داخل الكويت
رائد : يس انا بالكويت
فاطمة : احلف
رائد : والله
فاطمة : لا ابي ارجع ابي ارجع بشوفك
رائد : طومي انا راح ايكم المزرعة بعد شوي
فاطمة : صج والله لفرش الطريج الي تي منه بساط احمر
رائد : وابي بعد ورد
فاطمة : افا عليك جم رئود عندنا
نور : عطيني بكلم اخوي
فاطمة : ما ابي داق علي مو عليج
رائد : يالله فطوم بصكر عطين بوسه مثل أول
فاطمة : والله خالي كبرنا على بوساتك بس يالله موووه
وصكرت احمد بقلبه( ياريتها لي)
ضاري : اختي عاشقة خالها
فاطمة : فديت خالي والله
نور : والله ما دري لما تتزوجين بتحبين اخوي ولا ريلج
فاطمة بعصبية : نور جب
نور : عيال اخوي فاطمة بعد بوسة رائد ضربة فيوزاتها
ضاري : اظن بعض الناس محترين من البوسة
احمد طالع ضاري بنظره
نور : منو انا هذا الي ناقص
الكل حسباله ان ضاري كان يقصد نور
فاطمة : ضروي شنو فيه علبت الاشرطة هذا واشرت على العلبه الي بالسيارة
ضاري : شريط حاتم العراقي و راشد الماجد
فاطمة : وع حاتم العراقي حط رشود جوزيف صكنا بصوته
مي : هذا وانت تحبينه
فاطمة : بس مليت من صوته معنا حلو
رنا : بس ما أي بصوت رشوودي
ضاري حط الشريط وكان اغنية العيون قديمه بس فاطمة تموت عليها
فاطمة : سود العيون كبار والشامه حلوه..شايل جمال الكون وباليني بلوه..
هالعيون وشلونا ميلها..سحر ذوبني بغزلها..
بوسه من عندك حبيبي..تسوى عندي الدنيا كلها..
ياضوى عيوني وحياتي..قلب اقدم هديه..
اطلب اش ما ردت مني..قول وادلل علي.
انت مني وانا منك..مستحيل ابتعد عنك..
ابتسم يا بعد عمري..ضحتك ماكو مثلها..
ذاب قلبي بالمحبه..لا تظن عنك اتوب..
طيرت عقلي بغرامك..ياما ذوبت القلوب..
انت حبي نبض قلبي..بس تعال شويه قربي.
يا اعز انسان عندي...واغلى من هالناس كلها

ضاري : الله الفنان راح يعتزل
احمد : جب عاد صوت فاطمة اينن
فاطمة : احم احم شكرا يا ولد عمي وبقلبها "يا قلبي"

وصلوا المزرعة 12 الظهر
وصلوا الكل للمزرعة
وقفت السيارات في باحة المزرعة اللي تكون على أطراف روضة خريم ...
المزرعة كانت أرض خيال ...
عبارة عن أرض وااااااسعة ...
حدايق من الأشجار ....
أغصان متشابكة تتسلل من بينها أشعة الشمس....
و أهم شي النخل اللي كان يزين طريق الدخول للمزرعة ...
عبارة عن مستطيل أخضر كبير و واسع ...
في الوسط بوابة شامخة و كبيرة ....
اذا انفتحت نشوف طريق ممهد بحجر غريب يشبه حجر الطرق الأندلسية القديمة ...
و على أطرافه نخيل ....
بعدين اذا مشيت فيه مسافة طويلة ترتفع شوي لان فيه مثل الهضبة ...
و اذا طلعت ....
تشوف على ارض منخفضة شوي....
أجمل منظر ممكن تتخيله عين ...
فيلا من أروع تصميم
شلال اصطناعي صغير ..
نافورة...
ارض خضرا واسعة تسرح فيها الخيل ...
كان البيت من الطراز البريطاني القديم البسيط لون البيت ا ابيض بسطح منزلق أحمر
و جنب الفيلا من الخلف ....
اصطبل خيوووووول...
و فيه على جنبات الفيلة على الجدار من بداية الفيلة من فوق شلال اصطناعي ينزل منه ماي لين نهاية الفيله ..
المزرعة حلوة فيها بنص فيلا كبيرة فيها أجنحة وفي صالة كبيرة لهم كلهم ومطبخ وحمام (وانتوا بكرامه) وديوانية للريايل ويمها بيت شعر ومسبح كبير للشباب وفي مسبح مصكر للبنات بس ورى ويم مسبح الشباب صالة فيها بلياردو وبليسيتشن لشباب وفي ملاعب حق لعب كرة طائرة
وفيها مثل نافوره ويمها ارض خضراء كلها عشب اخضر حلو وارض كلها رمل لشباب يلعبون كرة فيها ويم المطبخ ارض كلها رمل للأطفال وفيها الألعاب لهم ويما كراسي للقعده وفي أشياء وايد راح أقولها بالقصة

السيارات راحت و ودارت واحدة تلوا الأخرى حول النافورة لين وقفوا كلهم ....
الكل نزل ما عدا فاطمة قاعدة دور نظارتها و احمد يصكر السيارة
ولما بتنزل فاطمة من السيارة خيط جوتيها الرياضي (تكرمون) لف على الجوتي و طاحت على الارض
فاطمة : أي ريلي
احمد يا لها : سلامات شفيج
فاطمة : لا بس ريلي لفت أي تعور
احمد : تعورج حيل
فاطمة : يعن
احمد مد ايده عشان يقومها امسكت ايده وابسرعة قامت وهدته
احمد : تقدرين تمشين عليها
فاطمة : أي بس شوي تعور انادي وحدة من البنات تساعدني
احمد : سلامات عساه فين ولا فيج ( يتغزل الأخ اشكره)
فاطمة انحرجت : الله يسلمك
رنا يت : فطوم شفيج تمشين جذي
فاطمة : لف الخيط على جوتي وطحت
رنا: سلامات
فاطمة : الله يسلمج
وراحت داخل وصارت الساعة 3 الظهر
رائد : السلام عليكم
فاطمة نطت من مكامنها : خالو رائد
رائد : يا بعد رائد انت
فاطمة : مشتاقه لك مووت
رائد : وانا بعد
فاطمة : ليش ما قلت لنا راح تي عشان نستقبلك بالمطار
رائد : حبيت أسويها سبرايز
فاطمة: وربي احلى سبرايز
رائد : ههههههه
الكل قام وسلم عليه
فاطمة : خالو تعال نلعب خيل
نادوا الكل عشان يروح هناك
جاسم : يالله فطوم تسابقين بالخيل
فاطمة : أتحداك واتحد عشره مثلك
راكان : راح تخسر يا جاسم فطوم بالخيل احسن وحدة فينا
جاسم : نشوف
فاطمة البست الخوذه مالت الخيل فوق حجابها وكانت لابسه بنطلون جنز وفنيله مكتوب كلام بالانجليزي لونها اسود والكلام ابيض وحاطة جاكيتها على خصرها لونه اسود ولابسه جوتي رياضي اسود وابيض طالعا كووول رياضية
فاطمة اركبت احسن خيلها المهرة وكانت شوي كبيرة بالحجم ومبين قويه واول ما اطلعت فاطمة الخيل طلع صوت قوي الكل ضحك عليه
تسابقوا وفاطمة اهزمت جاسم بفرق صغير
احمد : وشاطره بعد بالخيل
ضاري : قول ما شالله
احمد : ما شالله
فاطمة : ها جاسم فزت ولا لا
جاسم : فزتي بس مراح اخليها لج
راكان : عفيه والله بنت اخوي بس شنو هالفرس العجيبة
فاطمة : هذي المهرة احسن خيل عند
راكان : تبيعنها
فاطمة : لو تدفع مليون ما ابيعها
عبد لرحمن : مليون مره وحده عطيه بلاش عمج
فاطمة : انا ما رضيت على المليون ارضه على البلاش
راكان : اعناد فيج بركبها
فاطمة : اعناد ها لا محد يركبها
راكان : ايا بخيله انا عمج
ضاري : فطوم انا اخوج الي وصلتج
فاطمة : تبتركبها صح
ضاري : مو انا احمد
احمد : يا جذاب ترى قال انا اركبها بس اقول انت تبيها
فاطمة : يا جذاب احمد تعال اركبها واليوم لك الحرية فيها بس محد يركب من هذول
راكان : ايا كلبه انا عمج
فاطمة: كيفي مالتي وكيفي
احمد : حره
راكان : يا كثر الخيل بالمزرعة
فاطمة : خيلي محد يجيسه
ضاري : من زينه
فاطمة : عندي احسن اثنين بالاسطبل روح اخذو غيرهم
راكان : ناخذ بس والله لوريج
راحوا البنات ياكلون و مستانسين على الاخر
صار الساعة 8 بليل
رنا : فاطمة يبتي الساعة
فاطمة : اكيد
مريم : يالله نبي نسويها اللحين
فاطمة : يالله
وراحوا البسوا
الكل نزل وكان لابس عباية علشان الثانين ما يشوفنهم
الكل نزل بس فاطمة
منى : شفيكم كل وحدة لابسة عباية ومقطين شعركم كنكم وحوش
مريم: ههههههه لا بس مسوين حفلة تنكريه
اشواق : الحمد الله والشكر
رنا: وين فاطمة
مها: قاعدة تتسبح
رنا: هذا وقته
(فاطمة مو قاعدة تتسبح بس تلبس قالت جذي عشان محد يشوف لبسها )
فاطمة دخلت عليهم
الي لبسوا ملابس تنكريه فاطمة ومرام ورنا ونور وايمان وفجر ومي
والباجي الي نسى ولي مايبي ولي ماله خلق
فاطمة كانت لابسة عباية وحجاب ومغطية كل شي مو طالع الى ويها
لما انزعوا عشان يشوفون لبس الباجي
رنا : لابسه لبس هندي ولابسه اكسسوارات هندية
مرام : لابسه لبس غرب بنطلون جنز وبلوزه غريبه وكاب بنوتي (مسكينه نست وما ذكرت الى اليوم الصبح)
فجر : لبست شبح كله اسود وحاطه قناع يخوف وينزل منه دم حتى حسون لما شافها قام يبجي
مي : لبست لبس ارقوز ولونت خشمها شكلها يموت من الضحك
نور : لبست نفنوف لونه ابيض قصير لي نص الساق ونزلت شعرها ولبست تاج كرستال كانت لابسته ملجتها يعن لابسه لبس عروس طالعه ملاك
ايمان : لابسه لبس مرة عيوز وماخذه دراعة امها و عصاه ابوها صاير عيوز خيبر باللبس هذا وشكلها حده يضحك
فاطمة :كانت لابسه لبس ريايل سوريا جنها معتز باب الحارة وماسكة عصاية صغيرة مثل مالت معتز وتمشي مثله وحاطة شوارب مثل ريايل سوريا
شكلها يضحك
الكل: ههههههه هههههه
مريم : يالله حكموا منوا اقرب لبس واكثرهم ضحكوم
رنا : فطوم من وين يبتي اللبس
فاطمة : لما رحنا سوريا بشار شراه ولبسته الحين
الحريم ما رضوا يحكمون علشان ما يزعلون البنات فراحوا عند الشباب عشان يحكمون بس فاطمة ومرام لبسوا حجاب اما نور لا لان كلهم خوانها وعيالهم ورائد نايم لأنه تعبان من الطيارة
راحوا والشباب ماتوا ضحك عليهم
احمد : شوفوا فاطمة
الكل : هههه
فاطمة : خلصونه يالله حكموا
ضاري : معتز ابو العز
فاطمة : اهلين ابضاي (تقلد صوت معتز)
ضاري : كيفك
فاطمة : ماشي الحال وينك يا رجال
عزيز : انا بو عصام يالله معتز اوم جيب الاهوى
فاطمة : من عيون يا بي
جاسم : هههههه
فاطمة : عاد يالله
زياد : سكتوا شوفوا نور
مشعل : وين خالي عبد الرحمن يموت علينا هني
نور : سمالله عليه يا حمير
عبد الرحمن دخل الصالة وشاف نور انين : ياويل قلبي
نور انحرجت
راكان : لا تاخذ راحت أخ حمني
عبد الرحمن : جب مرتي وبكيفي
نور انحرجت ويها طماط ولا تكلمت ولا كلمه
احمد : سكتوا خلنا نشوف روميو وجليت زمانهم
الكل : ه
عبد الرحمن : انا اشوف لما رجعت اشوف الصالة نورت أي الصالة المزرعة كلها
نور : من ذوقك
ضاري : حمني لا تاخذ راحت ترى مو صج عروس لبس بس لبس
حمني : جب انت
ضاري : هين
عبد الرحمن : طالعة قمر 14
راكان: طالعة قمر 14
فاطمة : خلاص راكان عبد الرحمن رومانس مو مثلك يا الدفش
راكان : انا دفش
عبد الرحمن : صح لسانج يا بنت اختي
فاطمة : صح بدنك خالو
راكان : ترى ما قالت قصيده
نور : عن اذنكم
راكان يقلد صوتها : عن اذنكم
نور طالعت راكان نظرة عصبية وراحت
فاطمة : نور نطري اللعبة
نور ابتسمت: ما العب وراحت
عبد الرحمن: ايا كلب انت شكو تدخل عصك ها يا تيس
راكان : كيف اختي وكيفي
عبد الرحمن : اختك وكيفك ها خل اتزوج والله حتى اسمها ما تنادي يا حمار
راكان : من زينها ولا زين اسمها
فاطمة : خلصونا عاد يالله حكموا
ضاري : راح نكون لجنة من 3 أشخاص وهم يحكمون
الكل : اوكي
اللجنة كان فيها احمد و راكان و خالد
فاطمة تكلم البنات : اللجنة فيها راكان والله مراح أفوز
رنا : على لبشج تاخذين المرتبة الاولى
احمد : اخترنا
الكل : أي
احمد : اخترنا
الكل : أي
احمد : اخترنا فاطمة
فاطمة : يس
رنا : قطيعة راح تاخذ الساعة
فجر : عليها حظ يكسر الصخر
فاطمة : قول اعوذ برب الفلق
احمد يهمس لضاري : احبها وربي احبها
ضاري : هي تراني اخوها و اشكره تغزل فيها
احمد : أخ يا ضاري ودي أقوم أبوسها
ضاري : لا انت فاصخ الحيا بس انطر والله لقهرك
مها : شعليج راح تاخذين الساعة
فاطمة : احم احم
ضاري يا لها من وره ولمها : أخ عليج انت بكل شي قالبة
فاطمة : طالعة على اخواني
احمد أنقهر من حركة ضاري ان لم فاطمة
عزيز: فطوم ومن وين يتلج فكره اللبس
فاطمة : الله يسلمك قبل امس قاعدة أطالع باب الحارة وفكرت ان أسوي جميلة بعدين تذكرت ان عند بشار لبس سورين لبسته
بشار : أي صح هذا مالي ايا كلبه
فاطمة : توه يستوعب الأخ
بشار : كلبه والله كلبه مو لابسه ولا مره
فاطمة : مسامحة لأني مأخذه لبسك
بشار : مو طيبن منج
علي : ولا شوفوا ايمان عيوز خيبر
ايمان : اههههه شفت يا وليدي بعدين تعال يا حمار انا عمتك
علي : توها تستوعب
الكل : ههههههههه

صارت الساعة 12 الكل نام ما عدا الشباب والبنات قاعدين بيت الشعر
فاطمة : خالو
رائد : نعم
فاطمة : شرايك تتزوج
رائد برتباك واضح : اتزوج
فاطمة : أي شفيك مرتبك
رائد : انا مرتبك لا بس ما افكر بالزواج
فاطمة : ليش ما تفكر كل ما قلنا لأحد قال ما افكر
راكان : كيفنا
فاطمة : كيفنا شنو كيفكم رائد راح يصك 30 وبعده ما تزوج
ضاري: يا ثوله لو تزوج رائد ما راح تشوفينا ولا تطلعين معاه ولا تاخذين راحتج مثل الحين لان متزوج وما تقدرين
فاطمة : لا يا قلبي انا غالية عند خالي لو كنت بالمريخ وهو بعطارد
رائد : صح بس شهالتشبيه
فاطمة : عشان نبين لهم
رائد : يا بعد خالو والله
فاطمة : خالو يالله تزوج
رائد : انت شتبين اليوم منو وازج علي اكيد امي (رائد ينادي ام عبد الرحمن يمه لان اهي مرضعته ومربيته)
فاطمة : لا محد وازني بس برقص بعرسك وشوف عيالك
رائد : صارت امي ثانية فطوم
فاطمة : يالله عاد
ضاري : لي تزوجتي نتزوج احنا
فاطمة : يا سلام شنو لي تزوجتي تتزوج انا بنت
ضاري : ويعني بنت
فاطمة : حبيبي مو انا الي اروح اخطب بعدين تو الناس انا بعدني صغيرة ومو أي واحد اتزوج
احمد سمع كلام فاطمة وصار سجاجين بقلبه ضاري حس فيه
ضاري : فطوم بس عاد
فاطمة : شنو الي بس عاد
رنا : بس شنو صرتي خطابه
فاطمة : الي بتزوج اخوها وعمها وخالها صارت خطابه
راكان : انا مستحيل
رائد : وانا بعد يمكن بعد جم شهر أو جم سنه
فاطمة : مقدور عليكم انتوا بس بعدين بس ضاري شقله عندي
رنا : الفال لخوي
احمد : خلهم ساكتين يا سوسه
رنا : ألا اروح اقول لامي
احمد : عشان اللسانج أقطعة
مرام : عايلتنا ضد الزواج
زياد : الا انا ابي اتزوج اليوم قبل باجر
فاطمة : الحمد الله والشكر
الكل : ه


اليوم الثاني :
الساعة 11 الظهر
ما ناموا الشباب والبنات الا الساعة 5 الفجر
ام فهد : عيل وين البنات
منى : مريم واسراء يتمشون وايمان ومها بالمطبخ يسون حلو والبنات نايمين
اشواق : أي الخدامة تقول الساعة 5 ناموا
منى : يا هالسهر ذابحني
ضاري : يـــــــــــــــــــــــــــــــــــــــــمـــــــ ــــــــــــــــــــــــــــــــــــه
منى : نعم عيال متعودين يصرخون
ضاري : بتزوج
منى : شنو
ضاري : بتزوج
منى : عيد عيد شقلت
ضاري : بــ تـــ ز و ج
منى : احلف
ضاري : هه والله
منى : شتبي مليون مليونين عشر ملاين
ضاري : لا ما ابي مليون ولا مليونين ولا عشر ملاين ابي بنت حلوه
منى : بس احلى بنات الكويت أيبلك
ام فهد : مبروك يا ضاري
اشواق ولولوه : مبروك يا ضاري
ايمان ومها : شسالفة
منى : ضاري بيتزوج
مها : صج مبروك يا ضاري ما بقيت
ايمان : الظاهر فطوم أنجحت امس
ضاري : الله يبارك فيكم
ام فهد: قلووووووووووووش
مريم : شسالفه نسمع يباب
لولوه : ضاري بيتزوج
اسراء : لا لا ما بقيت مبروك
مريم : مبروك يا ضاري
ضاري : الله يبارك فيكم لو زواجي بيفرحكم جان من زمان قلت بتزوج
الكل درى بخبر ضاري و ستانس
فاطمة اقعدت الساعة 5 العصر : شهالزعاج
منى : سلمي اول
فاطمة : صباح الخير
ام عبد الرحمن : قولي مساء الخير
فاطمة راحت وباست راسها : ولا تزعلين يا الغالية مساء الخير
الكل : مساء النور
فاطمة : شهالزعاج راسي انبط منه ما قدرت انام
ام فهد : ضاري بيتزوج
فاطمة : لا صج عيل انعل ابو النوم لا بوه
عزيز : يا حبج لنوم
فاطمة : والله ما احب انام بس اكون نعسانه ومحتاجه انام
منى : عدلي نومج وما تتعبين
فاطمة : شرايج يمه انام الساعة 8 ديايه
منى : لا مو 8 بس نامي 11 12 مو 5 الفجر وتبين ما تتعبين
ضاري : هذا وانت بكلية الطب بعد عيل لو بالتربية شلون
عزيز : طول اليوم نايمه
فاطمة : شدعوا عاد يالله قلبو ويوهكم
رائد : عاد حدكم ولا فطوم
فاطمة : فديتك والله
ضاري : رئود
رائد : نعم
ضاري : نعم الله عليك متى ترجع سوريا
رائد : لا تذكرني
ضاري : ليش
رائد :ها لا ولا شي بس متهاوش مع دكتور
ام عبد الرحمن : متهاوش ليش انشالله
رائد : لا يمه بس حقير حاط درجه قلط وعافس معدلي فوق تحت وانا ما بقالي شي
منى : بس مو تهاوش معاه يحقد عليك
رائد : لا اهو يحبني ما يحقد
لولوه: شلون يحبك
رائد : ها لا يحبني يعن يعزني دايمن اراضيه بجم كلمه بس هالمره بط جبدي
اشواق : شفيك تكلم بالألغاز
رائد : أي الغاز لا الغاز ولا شي
فاطمة شافت رائد وعرفت وراه سر وقالت بعدين اكلمه





شنو السر الي خاشه رائد ؟
ومنو لمياء الى تكلموا عنها ؟
وهال زواج ضاري راح يتم ؟
وأكيد فهمتوا ان احمد يحب فاطمة بس هل راح يعترف لها بحبه ؟



__________________
اللّهم أني أسألك إيماناً دائماً وقلباً خاشعاً
وعلماً نافعاً ويقيناً صادقاً وديناً قيماً
والعافية مِن كل بلية وتمامَ العافية
ودوامَ العافية والشُكر على العافية

والغِنى عَن النآس


-->
من مواضيع تمـَرٍدْ ~ً

تمـَرٍدْ ~ً غير متواجد حالياً   رد مع اقتباس
قديم 07-01-2010, 12:34 AM   #2
تعبـــت آنســــآآكــ
 
الصورة الرمزية شموخ منكسره
 
تاريخ التسجيل: Dec 2009
الدولة: In My Ho0om
العمر: 27
المشاركات: 99
معدل تقييم المستوى: 0
شموخ منكسره is on a distinguished road
افتراضي رد: رواية لا تظن انساك وانت قطعة مني,عمرك سمعت عن قلب عاف دقاته! كاملة|تحميل+قراءة

آحــس الروايه روووعه بس مآآآلي مزآآج أقراهــ‍‍آ
يسلمــــو
نزل التكمله عشآآن المتابعين خلف الكوآآليس

لــــي بـــــآآآآآــكــ

شموخ منكسره غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية صاحب الظل الطويل DR.DODO قصص و روايات 5 06-28-2012 10:05 PM
رواية ألا ليت القدر كامله تمـَرٍدْ ~ً قصص و روايات 389 06-14-2012 04:16 AM
رواية طلبتك لا تحاكيني كامله -طلبتك لاتحاكيني للتحميل تمـَرٍدْ ~ً قصص و روايات 469 10-24-2011 03:10 AM
تحميل رواية مستحيل أحبك مستحيل أعيش من دونك كآملة تمـَرٍدْ ~ً قصص و روايات 490 06-05-2011 09:58 PM


الساعة الآن 09:47 AM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir