|
| |||||||
| خواطر و قصائد خواطر و خواطر حب , وخواطر غرام وعشق , و خواطر حزينه , قصائد , قصائد شعرية , و قصائد حب , و قصائد منوعه |
 |
| | LinkBack | أدوات الموضوع | انواع عرض الموضوع |
07-25-2010, 07:06 AM
| #1 |
 تاريخ التسجيل: Jul 2010 الدولة: في بيتنا
المشاركات: 172
معدل تقييم المستوى: 8  (adsbygoogle = window.adsbygoogle || []).push({}); |  يبه هاذي اول مشاركه لي اتمنى تعجبكم وهي خاطره حزينه عن فقدان الاب يبه شلونك...ملل هالــكــون من دونك .. يبه شلونك ؟؟وتمضي رحلة الدنيا.. بليا طلة عيونك..؟؟!! يبه شلونك ؟؟؟ تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟ يبه حنا صرنا كبار..صرنا رجال يبه ماعاد فيه صغار..يموج بهالزمن كل شي.. وحنا ماتموجنا..على ذاك العهد نسري.. نبيع العمر والدنيا..ولا تخلف بنا ظنونك يبه شلونك ؟؟تبي تدري عن اخباري ؟؟ عن افكاري وتذكاري ؟؟ اشيلك داخلي جمره ..وبعيون الحزن عبره..تغرقني .. وتحرقني.. اشوفك نجمة تجبر..مراعيها .. يراعيها.. واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى يبه تذكر زمان مر؟؟ يبه تذكر مجالسنا ؟ وحارتنا ومجلسنا ؟ حارتنا ومسجدنا ؟ يبه تذكر سوالفنا ؟ لاجل هذا .. وكل هذا .. قالوا ما يدوم الزين !! ... و انا عندي امل للحين .. و لكني اعرفك وين !! يبه وينك ؟؟ عسى الداعي يبه بس خير ؟!! عساك بخير .... مداين تكرم لعينك ... بس ارجوك علمني ... علمني .. يبه وينك ؟؟ بس تكفى علمني .... متى رجوعك ؟؟ .... يبه بس تكفى علمني . وش احلى من طلوع اثنين ؟؟ طلوع الشمس .... و طلوعك يبه وينك ؟؟ سألتهم ...... غيابك طال ؟؟ ولا كنّي اعرفك وين !! و قالو.. حسافه ... ما يدوم الزين ... مع كل هذا صدقني .. انا عندي امل للحين !! سؤالي عنك يالوالد .. صار كما الموال و اشوفه طال ... والله طال .. حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه .. ما عاد بي من حيل .. وين الحيل ؟؟ و انا اشوفك نهار و ليل .. مع اني ادري ما ترجع !! غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !! يبه .... وينك ؟؟ و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك .. و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !! يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!! ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. .. ذكراك تفرحني .... في نفس الوقت تجرحني !! ... لا من جبت في طاريك ... دموعي غصب تفضحني .... يبه .. تذكر ليالي الصيف ؟؟ كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف .. زمن قاسي .. زمن قاسي ... اخذ مني بلا رحمه ... اخذ مني اعز ناسي !! و خلاّ لي سهر هالليل .. في عيني ضيف .. الا يا حيف !! كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف .. .. صحيح الدنيا ما ترحم .. تجرعنا التعب انواع ... و لكن الأمل ما ضاع .. يبه تذكر شطانـتـنا ؟؟ نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حسافه الدنيا ما ترحم ... خذت منا سعادتنا ... خذتك بعيد .. و خلتنا !!! امي تذّكرنا ... بأيامك قبل ما تروح ... تناديها.. يا روح الروح .. في ذاك الوقت .. كنا صغار ... معَ هذا ... كنا نغار .. 1عليها .. او بعد منها ... كنا نغار نحبك يا يبه ... ارجع .. مثل شمس الفجر .. اطلع حزينه الشمس في غيابك .. و نفس الحزن في احبابك .. واخاف الشمس من حزني .. تغيب و ما بعد تطلع !! .. يبه ارجع !! ... اذا لي خاطر فـ قلبك .. تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. لكن قلّت الحيله ... و يمكن مـ البطا ضاعت .. و قلنا يوم !! ... قبل ينشف حبر الأقلام ..كلامي بعده ما خلّص سامحني بترخّص .. اشوفك والوعد باكر !! الله الله بردود الحلوه منقوول |
|  |
|
07-25-2010, 01:03 PM
| #2 |
| [ مرآقبة آقسام الادبية ]   تاريخ التسجيل: Apr 2010
المشاركات: 6,161
معدل تقييم المستوى: 497  | رد: يبه طرح جميل واختيار اجمل للمعاني سلمت يمناك يالغلا وسلمت كل نبضه من قلبك النقي ودي لقلبكـ |
|
| |
|
07-25-2010, 01:16 PM
| #3 |
| تاريخ التسجيل: Jul 2010 الدولة: في بيتنا
المشاركات: 172
معدل تقييم المستوى: 8 | رد: يبه
اشكرك على المرور
|
|
| |
|
07-25-2010, 02:09 PM
| #4 |
|
 تاريخ التسجيل: Dec 2009
المشاركات: 25,747
معدل تقييم المستوى: 42949766 | رد: يبه سيلآف هنا .. عناقيد الجمال .. بطعم الألم .. راااااااااااائعه .. وخالقي .. وكأنكِ تقطفين من النجوم أجملها .. مهما كتبت ووصفت الإبداع منك , ( لن اوفيه حقه ) ودي ووردي اقدمه بين يديك ~ 
__________________
--> |
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
| |
العرض العادي
