منتديات هتوف  

العودة   منتديات هتوف > أقلام هتوف > قصص و روايات

قصص و روايات قصص , قصص طويلة , قصص رومانسية , روايات , روايات طويلة - تحميل روايات ، روايات طويلة رومنسية



إضافة رد
 
LinkBack أدوات الموضوع انواع عرض الموضوع
قديم 01-13-2008, 10:40 PM   #1
هلاليه هتوف
 
الصورة الرمزية شوق الهوى
 
تاريخ التسجيل: Sep 2007
الدولة: في بيت ابوي اجل وين
المشاركات: 229
معدل تقييم المستوى: 12
شوق الهوى is on a distinguished road



(adsbygoogle = window.adsbygoogle || []).push({});
شباب في جامعة الملك سعود

السلام عليكم

اليوم جايبه لكمـ قصه رهيبه بـمـ ع ـنى الكلـ م ـه
انواع الهباااال

وح ـبيت انزلها لكمـ وربي مراح تـ خ ـسرون شي بقرأتهاا
مو طويله مرره((
مــــقـــدمـــه ))

بدأت قصتي عندما دخل صديقي المعاق فكريآ ( بدر الشوق ) في عالم الحب..
ذ1لك العالم الغامض الذي لاينيره أي مصباح حتى لو اقتربت الشمس نفسها من ضلمته
فلن تنير إلا جزء يسير لايسمح بمن كان بصره مثل بصر زرقاء اليمامه
ان يرى ماجول في داخله..
فكيف بحالنا ونحن نعاني من ضعف البصر رغم أكلنا لكميات كبيره من الجزر..
لقد حضر إلي وهو يروي لي قصة حبه المشئومه
وعن ظروف صديقته اللتي لايستطيع رؤيتهاا,, فحارت نفسه النتنه
لتسول له بأن يزور شهادتي ثانويه باسمي وأسمه ويقدمها لجامعة الملك سعود
التابعه للفتيات لنكون أحد منسوبيها كي يستطيع أن يحقق رغبته
ويرى حبه اللذي نمى مع كثرة المكالمات وشحن البطاقات ( والله يافيها ناس رهنت بطاقات الأحوال)
فقد ألبسني ملابس نسائيه وأزال شعر جسدي بـ النير
لأصبح وكـ أنني دجاجه نزع ريشهاا..
لأشترط عليه والغضب يشتعل في خلايا جسدي بأن البس اللون الأحمر
ولاكنه نهاني وقال بـ أن إدارة الجامعه تمنع الملابس ذ1ت الألو1ن الفاقعه والجذ1به
وأننا سوف نمر من خلاال بوابات التفتيش,,
وأللتي تحمل الأرقام التاليه: ( 2 , 5 , 4 , 7 ) ..
وهناك سننال كماَ من التوبيخ غير البصاق في حالة المخالفه..
لا أريد ان اطيل عليكم في الحديث وسأدعكم مع هذه القصه اللتي سأسردها لكمـ
باللهجه العاميه


(( البـــــــد1يــــــه ))

وقفنا عند باب الجامعه بعد ما نزلنا خوينا وحنا لا بسين عبايات مخصره وكل و1حد ردفه
يوقف عليه بقره حامل وأنا اقول يا ( بدر الشوق ) أنا خايف..
قال لي جمد قلبك يا ( ابو هديب ) .. قلت أحس بـ ألم,,
وهو يقول لا تخلي الألم يدخل قلبكـ
قلتـ ألآلم ماهو فـ قلبي الألم في رجلي من ضيق الجزمه..
قال اسمها شوكه مهوب جزمه لاتفضحنا.. قلت شكلك جايع وش شوكته؟
تنهد وهو يقول
تحمل وعشان تتناسى الوجع تخيل انك تتطيول عشان تطل من ورى جدار
على سكن أمريكيات وهم يسبحون..
قلت ابو الأقناع اللي تعرفه
تنهد وهو يقول وش تبيني اسوي فيك .. طنشته وتقدمت خطوه وأنا أترنح,,
وهو يمسكني ويقول زبط مشيتك
كذ1 بيقولون جايه سكر1نه
قلت ولا يهمك بصرفهم بقول شاربه باور هورس منهي تاريخه وسبب لي مشاكل في الأرحام
نغزني بكوعه وهو يقول يا ( شهيره ) وقفته وقلت منهي شهيره؟؟
قالي انت يا (ابو هديب) أسمك ( شهيره )
قلت لا يأ أخوي اسم شهيره قريب من كلمة فطيره
أبي اسم زي النااس
قال مافيه مجال نغيره مكتوب فـ الاوراق كذ1
قلت طيب وأنت؟؟ وش اسمك؟
قالي وهو يسبل بعيونه اللي ملطسه كحل
أسمي ( ياره ) قلت نفس الشي قريب لـ كلمة ( بياره ) أنا احسن منك..
دخلنا من بوابه رقم ( 2 ) ولقينا شؤون الطالبات يفتشون وعتقنا منهم بشق الأنفس
وحنا نمشي متجهين لـ مبنى ( 24 ) قسم التربيه الخاصه في الجامعه وحنا نمشي نقزقز
هـ البنات اللي يضحكون وكل ثلاث مع بعض وهم يتوجهون مجموعات للقاعات
وأنا اناظر الجدول وأقول وش علينا هالحين قالي ( بدر الشوق ) علينا مادة ( سلم )
وحنا نمشي وقفت وأنا اقول مومعقوله التنوره ضيقه أحس بتتصلب شرايين رجليني كذ1 بتجيني غرغرينا لو أستمر الوضع كذ1..
مسكني ( بدر الشوق ) وهو يقول وش فيك مطير التنوره الى نصف صدرك نزلها شوي
طالع كنك هندي لابس وزره..
قلت طيب وهو يمسكني بسرعه خلنا نلحق على المحاضره
مشيت بالحسره كـأني طفله فيها كساح وأنا اقول وحنا نمشي مهوب المشكله في التنوره
المشكله بعد في الملابس الداخليه ضيقه ليش ماجبت اكبر من كذ1 تنهد وهو يقول ياخوي وقسم بالله هذ1 اكبر مقاس لقيته في نعومي وأحمد ربك أننا شرينا قبل مايطبقون نظام سعودة المحلات وقلبها نسائيه
وإلا كان نمش خشومنا..
قلت مهوب مشكله وأنا أأشر وأقول هذي القاعه رقم ( ) ,,


دخلنا وجلسنا على الكرسي وقلت من اللي يدرسنا..
قال لي الدكتوره ( حليمه ) قلت معقوله ( حليمه بولند ) تدرس فـ الجامعه هذي ؟؟
قال هذي قديمه من سنة 1405هـ موجوده معها دكتوراه وماجستير من مصر
بس خلك ساكت لاتلفت الأنتباه وحنا جالسين دخلت وحده وفيها غرور وشفة نفس
وكـ أنها بتستفرغ من نفسهاا وأنا اتمتم وين ( حليمه )
تأخرت ودي أخذ منها توقيع بعد المحاضره.. نغزني وهو يقول حليمه قدامك
المدرسه السودانيه اللي دخلت .. قلت معقوله هذي حليمه؟
هذ1 تزوير في اسامي الدلع كيف يجي هـ ألاسم الزين على بقايا عظام الضبعه اللي قادمي؟
وأنا أعلق سمعتني اللي جنبي وقامت تضحك وهي تقول شكلك فله ومنسمه..
قلت فـ حيا ليش شايفتهم حاطين فوق ر1سي برميل مويه ويشوفون من وين التنسيم..
أضحكت وأنشخف قلبي وهي تقول معك ( هدى ) وش رايك نتو1عد بعد المحاضره في البوفيه؟
قلت ماهوب مشكله لو تبين نتو1عد في الصناعيه..
و ( بدر الشوق ) جنبي يقول بصوت واطي اجل في الصنااعيه؟؟
تسمع بـ الحب؟؟؟؟؟
خلصت المحاضره بشق الأنفس وأستهلكنا فيها كميه كبيره من السعابيل والسبه النوم بـ الغلط..
طلعنا من المحااضره مصابين بـ آلأم في الظهر وتنمل في الرجلين وأنا اقول لـ ) بدر الشوق )
وين البوفيه؟ قال لي في مبنى ( 12 ) وقلت طيب خلنا نروح البنت مواعدتنا هنااك..
قال لي طيب شف انا بخليك معها في البوفيه وبحاول أقابل خويتي قلت مهوب مشكله
وحنا نمشي قلت ثواني تكفى أحس بـ أن الكلون نزل ( يعني شراب للناطقين بغير اللهجه النسائيه )
وقفت ورفعت التنوره شوي وجلست اضبط الكلون وما تنبهت لوحده كانت تشوفني
ثمن جتني وهي تقول عفوآ قلت مرحبا .. قالت خويتي يبغى تتعرف عليك ..
قلت ماهوب مشكله خليها تجي نتشرف والله ..
شوي ر1حت ورجعت مع خويتها وأنا لاهي أزبط الشر1ب هـ البايخ
اللي بدون مغااط كل شوي يطيح وأنا ازبط سمعت صوت غريب قريب من صوت احتكاك
الأشجار في بعضها إذ1 هبت رياح شماليه..
رفعت ر1سي وأشوف ذيك البنت السوداء الخاله اللي تقول لـ اللي وخر وأنا أجي مكانك
مدة يدها وهي تقول السلاام عليكمـ سلمت عليهاا وأنا مندهش وهي تقول:
أنا اسمي ( شروق ) !!!
أبتسمت وأنا اقول غريبه مع العلم ان وجهك يوحي بـ الغروب
أبتسمت السوداء ( شروق )
وهي تقول مقبوله منك يا عسل .. قلت أمري قالت معليش بس أنا شفتك وأعجبت فيك
وحابه أتعرف عليك وتكونين صديقتي الخاصه..
قلت لهاا آسفه أنا من زمان بطلت أقتني الحيوانات وثاني شي أنا مش تبعة الحركات هذي
أني اكون لكـ الحنان والدلع ..
أبتسمت وهي تتدلع بس بس قلبي تعلق فيك ..
صرخت في وجهها من زين قلبك اللي كنه مكينة كرسيدا..
وبعدين سوري اسمحي لي ما أقدر أنا أسوي الحركات هذي الزم ماعلي سمعتي
بكرى يجي وأحد يخطبني ويدري أني وقفت وتكلمت معك ممكن يغير رايه فيني
كيف لو سويت معك علااقه اسمحيلي ..
مده ايدها ( شروق )
وهي تصافحني وتقول طيب ممكن أطلب طلب أخير قلت ليش أنتي بتموتين؟؟
قالت لاا.. بس أتمنى تكتبين لي أهداء على أيدي بخطك وتكتبين أول حرف من أسمك بعد..
قلت مافي مشكله .. معك طامس؟؟ عشان اكتب
قالت معاي قلم قلت هاتي بس أخاف مايبين على بشرتك البايخه....
أخذت القلم وجلست أكتب لمدة عشر دقايق وهي تسولف مع اللي جنبهاا
وأنا اكتب قلت خلصت .. ناظرت ( شروق )
وجلست تقرى بصوت عالي وهي تقول :
( عاش ابو ر1يش , ابو هاجوس مرعب النفوس , ياروحي ياشارع Xl ,
الرجاء عدم المرور الطريق مغلق للصيانه , بين قوسين فندق الوحده )
سكتت ( شروق )
شوي وبعدين قالت وش هذ1 قلبتي يدي جد1ر مدرسه ...
وبعدين وش تقصدين بكلمة بين قوسين ( فندق الوحده ) !!!
قلت وانا أبتسم مدري وش معناها بس أشوف الشباب دائمآ يكتبون كذ1 على بر1ميل الزبايل
( فندق النصر , فندق الا تحاد )
وقلت أكتب هـ الكلمه في المكان المناسب.. ومالقيت انسب من يدك عشان أكتبهاا

قلت اكتب الكلمه في المكان المناسب ومالقيت انسب من ايدك علشان اكتبهاا بعدهاا رحت وخليتها واتجهت للبوفيه وجلست على الطاوله وانا اشوف البنات يروحون ويجون وكجتمعاات مع بعض االلي كاش وغنيه واللي فقيره ومنزويه على حالهاا واللي تستهبل وتضحك بصوت عالي (يعنني منسمه) واللي حاااول ويالله تشيل نفسهاا ..



وأنا جالس على الطاولة مستمتع بالريحة المعفنة حقت البوفيه جاني ( بدر الشوق ) وجلس معي وهو يقول شف اتصلت عليها تقولي بتخلص وبتجي للبوفيه بس أتمنى ما تقوم معي انتظرني هنا
قلت ليش خلني أشوف هالجمال اللي مسحبنا عشانه للجامعة وأنا أسولف جت ( هدى ) البنت اللي كانت جنبي في المحاضرة ومعها شلتها وابتسمت في وجهي وهي تقول ممكن نجلس معكم ..
قلت وقلبي يخفق أجلسي على الكراسي وأن ما كفت الكراسي مستعد أتعلم السحر وأسحر زميلتي ( ياره ) عشان أحولها لك كرسي أنا قلت أسم ( ياره ) طاحوا البنات ضحك وهم يقولون لـ ( بدر الشوق )
بالله أسمك ( ياره ) ثمن ألتفتت البنت وهي تقولي وأنت وش أسمك قلت أنا أسمي ( شهيرة ) ويدلعوني ( أم هديب ) أنا قلت كذا على طول طاحوا ضحك ووحده منهم تقول وش هالاسامي أسامي لبنانيين ..
قلت وأنا ألعب بخصلة من خصلات شعري إيه الوالده جدها لبناني عشان كذا نعود لبنانيين من عائلة الأطرش .. قالت وحده منهم غريبة مع أن أشباهك أشباه يمنية طاقها الجوع ..
ابتسمت وأنا أقول قصدك عشان بشرتي لا اللي مخرب بشرتي هو لأننا نسافر كثير لليمن وأنت تعرفين اللي يسافر لليمن ويشرب من موية النيل حقهم لازم يرجع لهم شوي جاني كوع من ( بدر الشوق )
وهو يقول وش نيلة النيل في اليمن نعنبو خيرك ما درست جغرافيا ..

،،،،،،،،،،،،،،،،،،
قلت من زين هالجغرافيا اللي درسنها كلها عن طقس المملكة من الأبتدائي الين الجامعة والطقس ما تغير هو هو ..
جلسوا البنات وهم يضحكون ووحده منهم تقولي أنت تحفه هبال دمك خفيف ممكن أتعرف عليك وإذا ما عندك مانع تكونين من شلتي ..
قلت أنا في الخدمة مستعدة لو تبين تتبنيني وإلا تسكنيني في غرفة السواق حقكم ما عندي مشكلة ..
أضحكت وهي تقول خلاص أجل بس اعملي حسابك ترى البنات يجتمعون عند الشيخة في القصر وهي تحب الضحك ..
وأنا أبعرفك عليها بتنبسط عليك .. دق جوال ( بدر الشوق ) ثمن قال بصوت ناعم عن أذنكم مواعده وحدة وأن شاء الله أخلص وأجي قلت مهوب مشكلة بس لا تتأخرين
قام وخلاني معهم ووجهي يحرقني من النير ووحده من البنات تقول وهي تأشر علي أنا أبروح أجيب شي نشربه أنت وش تحبين تشربين ..
قلت وأنا متحمس علي الطلاق محد يجيب الطلابات غيري .. وقفوا البنات يناظروني وهم مستغربين واستوعبت أني دمرت المسألة كلها ثمن قلت الله يلعن أخوي علمني هالكلمة وعلقت في لساني ..
ابتسموا ووحده منهم تقول تحفه .. تحفه جنان هالبنت .. قلت معليش وش أسمك من اليوم تقولين تحفه تحفه ... شكل تخصصك أثار ومرسلينك الإدارة تقنعيني عشان يحطوني في متحف الجامعة ..
هنا البنت أنسدحت على الطاولة وغطت وجهها وهي ميته ضحك .. قلت يا جماعة شوفوا خويتكم ليكون جاها هبوط وداخلت في غيبوبه ..






رفعت راسها وهي تضحك وتقول خلاص خلاص ... قلت وأنا مرتبك عن إذنكم أبروح أجيب لكم شي تشربونه وتاكلونه وش تبون قالت وحده يا حسره وش عندهم غير الكفي والكرواسون
قلت حلو نعمه ثمن رحت للبوفيه وأنا أمشي اسمع سواليف البنات في الجلسات .. بنات يتكلمون في الميك أب وفي اللبس وبنات يحشون في الدكاتره وفي مبنى المعلمات رقم ( 15 )
وبنات يتكلمون عن سوء الزفلته الداخليه بين المباني وعن كمية الحصى اللي تكسر الجزم والرجلين وفيه بنت تأشر علي وهي تقول شوفوا جسمها كيف شكله طالعه كأنها غسالة بابطين ووحدة جالسه على الكرسي
حابسه دمعتها وهي تكلم بالجول وتقول معليش يا قلبي يا ( مشعل ) صدقني كنت في المحاضرة ما قدرت أرد عليك صدقني ما صكيتها في وجهك عمد كنت في محاضرة ..
أرجوك لا تزعل وهو شكله يهزئها ومستقوي عليها وهي حابسه عبرتها والمنديل في يدها متفط ومتلوي وحالته حاله وتمسح عبرتها وتسوي أن عينها داخل فيها شعرة عشان محد ينتبه ..
جيت عندها وقلت معليش أختي ترى سمعتك وأتمنى ما تضنين انه تطفل مني لكن أبقولك شي ترى اللي خلقه خلق غيره
واللي ما يحس فيك وفي دموعك ما يستاهل أنك تذرفين له دمعة وأبيك تعرفين شي ثاني ترى فيه نوعية من الرجال يستمتع لما يشوف البنت تصيح وتبكي يحس أنها ملكه ..
عشان كذا شوتيه وأكثر ما كثر الله الرجال اللي يحسون ولو تبين رقمي خذيه .. ناظرتني بعين ثمن استوعبت الموقف وقلت وأنا مرتبك سوري أخذني الحماس وترى أمزح معك
بس صدقيني خذيها كلمة اللي ما يحس فيك لا تحسين فيه أبد ابتسمت لي وقالت شكرا

رحت للبوفيه وجبت الطلبات ورجعت للبنات ولقيتهم مهمومين ومتضايقين قلت وش القصة يا بنات سلمات ناظرتني وحده منهم وقالت ( هدى ) متضايقة جيت جلست جنب ( هدى ) وقلت وش فيه سلمات وش اللي مكدرك قالت مافيه شي .. قلت ( هدى ) هالحين صرنا صديقات وبيكون بعد شوي بينا كرواسون وكفي عشان كذا وش فيك .. ناظرتي وهي تقول مدري بس أحس بضيقة قاطعتها ما يحق لي اعرف هالضيقة وإلا تشوفين اني غريبه .. قالت لا عادي وش دعوة تمونين أنت هالحين وحده منا وفينا .. قلت دامني وحده منكم وفيكم اجل وش فيه ردت علي وهي ضايقة تعرفت على واحد من الشباب في الانترنت وجلست أسولف معه وأنا من طبعي أحب خفة الدم والضحك وأخذت وعطيت معه وحبيتة مع مرور الوقت وكان يطلب مني صورتي بإلحاح وكنت أقوله صورتي على الجهاز مانيب موريتك ألين توريني صورتك ووراني صورته وقلت ما عندي لك صورة عقبها حقد وطلب من هكر أنه يهكر على جهازي وأخذ الصورة ثمن طلب مني رقم جوالي وعطيته وكلمته وهالحين طالب مني أنه يقابلني والا بيفضحني وينشرها .. قلت لا حول الله ولا قوة إلا بالله وش هالناس مصايبهم كثيرة مالك هم واللي يريحك منه قالت كيف ..

قلت ما عليك هاتي رقمه .. وعطتني رقمه وحفظته عندي .. ثمن قلت فليها ووسعي صدرك وما عليك وشوفي وجه خويتك هالدبه اللي معك كنه دونات بدون سكر .. ضحكت بدون نفس وأخذت دونات وعطيتها وقلت خذي هذي من يدي وأكلنا سوى وحنا ناكل حسيت بمغص غير طبيعي ...مغص قطع أحشائي من قوته وقفت وأنا أقول سوري يا بنات أبروح دورة المياه بعد اذنكم .. رحت أمشي ألين بعدة عنهم ثمن رفعت التنورة ألين الركبه وقمت أركض والسيقان مشلعة ألين وقفت عند وحده والوجع سيطر على مخي وأنا أقولها عفوا أختي وين دورات مياه الرجال ناظرتني وهي تقول تستخفين دمك مافيه إلا سيدات وإلا نزعتي الحياء قلت أحب رجلك وينها .. قالت في أخر السيب .. رحت ركض ودخلت لقيت كومة بنات على المريات يعدلون في الميك أب وأنا أقولهم عن أذنكم دورة المياه .. وأنا أمشي لقيت في وجهي ( شروق ) وهي تقولي إيش الصدفة الغريبة هذي ..

قلت مهوب صدفة ولا شي كنت متوقعه ألقاك في دورة المياه هذا مكانك الطبيعي قلت كلامي وزواني بطني ومغصني ودفيت ( شروق ) واختل توازنها وأنا أدخل لدورة المياه تمسكت ( شروق ) في حافة باب الحمام وأنا من العجلة ما شفت يدها صكيت الباب على أصابعها شوي سمعت صرخة رجت الجامعة كلها .. صرخة وحدة تقول أفتحي الباب يا حيوانة قلت بكل برود وش هالاخلاق بين البنات ألفاظ منحطه ( ما أدري أنها تكلمني ) .. جلست شوي ثمن فتحت الباب لقيت ( شروق ) طايحه عند الباب ووجهها أزرق قمت أخذت شنطتي وسطرتها على خشتها وأنا أقول قلة أدب جالسه تطلين من تحت الباب وصلت فيك الوقاحه للدرجة هذي رفعت ( شروق ) وجهها لي وهي تقول وش أطل أنت اللي سكرتي الباب على أصابع يدي حسبي الله عليك قلت لها يا أختي ما أبي أتعرف عليك أنت بالنسبة لي محل كفرات مستعملة يعني انسي بعدها طلعت ورجعت للبنات وجلست معهم وتوني أبقول لـ ( هدى ) لا تشيلين هم دخل علي ( بدر الشوق ) وهو يقول بعد إذنكم ممكن اكلم ( شهيرة ) على أنفراد .. قمت معه ورحت بعيد .. قلت وش فيه قال خلنا نطلع طلعت البنت بشعة كنها حراشف سمك .. قلت طيب وخير يا طير يعني أنت زين هالحين عشان تعذرب على البنت أهم شي الجوهر إذا هي تحبك مافيه مشكلة قال قم أقولك خلنا نطلع .. قلت طيب ابستأذن من البنات .. وجيت عندهم وقلت لهم بعد إذنكم يا بنات ... ومعليش يا ( هدى ) ممكن تعطيني رقم جوالك عطتني رقم جوالها وقلت صدقيني بخصوص الشاب الوقح راح تسمعين أخبار تسرك ومهوب متعرض لك ابد أن شاء الله بس انتبهي في المرة الجاية لا تثقين في أحد ..


قلت كلامي وطلعنا من الجامعة ورجليني منتفخه من ضيق الجزمة وخصري بينقطع من ضيق التنورة والملابس الداخليه .. وحالتي حاله قلت اقسم بالله أن ضيق المشد اللي يلبسونه أهون من ضيق هاللبس اللي أنت جايبه قال امش ..
جلسنا في البيت وقالي ( بدر الشوق ) تحطم حبي يوم شفت وجهها طلعت شينه .. قلت ياخوي لا دقق والحب مهوب بالجمال .. الحب بالأخلاق والمعرفة والعشرة

بعدها دقيت على رقم الرجال وقلت له أني خويت ( هدى ) وأني مره سمعتك تكلمها و أعجبت فيك وأخذت رقمك بدون ما تدري ( يا كثر ما صتير الحركة )وأبي أتعرف عليك
تعرفت عليه وطلبت أقابله وعطاني موعد ورحت شفته وأنا مرسم وجيت عنده وقلت له ممكن يا الحبيب
قالي خير .. قلت ممكن نجلس شوي قال وش تبي .. قلت معليش يمكن تنصدم بس أنا اللي كان يتصل عليك و ( هدى ) اللي كانت تكلمك هي واحد من الشباب يقلد وكنا نسحبك وصراحة اسمح لي أقولك أكلت المقلب وكنت أحسن واحد لعب دور الحمار .. وبخصوص الصورة اللي معك ترى مقصوصه من مجلة أتمنى ما أكون صدمتك بالخبر ولا تزعل .. شوي جاني بقس خلخل عظامة وجهي وورمت خشتي .. وبدى يلكم والناس تجمعت وقامت تفك وأنا غايبه شمسي معد أشوف صرت أشوف الاموات اللي كانوا معنا حسبت أني انتقلت للرفيق الأعلى من قوة البقوس حسيت أنها طالعه من قلب وبحقد .

بعدها رحت البيت وطلعت الكمادات والثلج اللي في الفريزر وأكياس اللحم المجمدة و صففتها على وجهي وبعد أيام أتصلت ( هدى ) وهي تقول وش سويتي الرجال يهزئني ويقول لعد تمثل أنت وخشتك تراك ولد ومدري إيش وجلدت خويك..انت وش قلتي له .. قلت بهدوء ممكن تسمعيني شوي عشان تفهمين وش السالفة .. قالت أنا معك و جميلك هذا مستحيل أنساه لك طول حياتي .. قلت الله يخليك أهم شي أبيك تسمعيني .

(النهايـــــــــــه)
أنا ... أنا ... مش بنت مثل ما أنت مفكرة .. أنا ولد ودخلت الجامعة متنكر أنا وخويي عشان يقابل خويتة ومع البلبلة أعجبت فيك لكن يوم شفت مصيبتك ما هنتي علي عشان كذا قابلت الرجال وكلمته ولعبت عليه أن حنا شله كبيره نستهبل على الشباب ونخيشهم أن حنا بنات عشان كذا قالك الكلام هذا وبعد عنك .. وصدقيني أنا مستحقر نفسي على اللي سويته لكن أهم شي أنك هالحين مبسوطه وهو بعيد عنك .. قالت وش تقولين .. قلت قصدك وش تقول أنا أسمي ( ابو هديب ) ساكن في البديعه من رواد مطاعم الشراع والمتضرر نفسيا من اللي شفته في الجامعة من لبس ومن جمال ومن أمور كثيرة ما توقعتها أنها في عالم البنات .. قالت أنا ودي أسكر في وجهك السماعة لكن برضوا أنا مش ناكرة جميل وأشكرك على تصرفك وعلى فزعتك ومثل ما قلت لك جميل مستحيل أنساه لك لكن أتمنى ما تتصل على رقمي هذا ولا أشوف رقمك في جهازي .. قلت مالك هم بس أهم شي أنك مرتاحه ومبسوطه وصدقيني أنا ماني راعي لف ودوران وعند كلمتي ومستحيل اتصل عليك .. كحت وهي تقول هذا العشم فيك واسمح لي أقولك عجبتني خفة دمك وطيبتك اللي مالها حدود .. طلعت خدودي حمر وأنا أقول الله يسلمك ومالك الا اللي يرضيك هذا رقمك أبحذفه وصدقيني ما اخذته إلا بعد ما قلتي معاناتك لي ..

سكرت السماعة منها ومعد اتصلت عليها أبد .. وهي معد اتصلت .. واحترمت رغبتها
وعشت في عالم الحب والهيام من بعيد لبعيد وفي ذكريات الجامعة اللي طلعت الشيب في شعر اذني .

تقبلو خالص تحياتي / ابو هديب
( النهـــاية )

ان شاءالله تعجبكم القصه يارب
منقول
__________________
[img][/img]



[i[flash=http://mismail.bizhat.com/flash_sign.swf]WIDTH=500 HEIGHT=200[/flash][/]
-->
من مواضيع شوق الهوى


التعديل الأخير تم بواسطة شوق الهوى ; 01-13-2008 الساعة 10:48 PM
شوق الهوى غير متواجد حالياً   رد مع اقتباس
قديم 01-15-2008, 10:14 PM   #2
هلاليه هتوف
 
الصورة الرمزية شوق الهوى
 
تاريخ التسجيل: Sep 2007
الدولة: في بيت ابوي اجل وين
المشاركات: 229
معدل تقييم المستوى: 12
شوق الهوى is on a distinguished road
افتراضي

المشاهدات11
ولارد ليه
__________________
[img][/img]



[i[flash=http://mismail.bizhat.com/flash_sign.swf]WIDTH=500 HEIGHT=200[/flash][/]
-->
من مواضيع شوق الهوى

شوق الهوى غير متواجد حالياً   رد مع اقتباس
قديم 05-15-2008, 12:16 PM   #3
-( عضو )-
 
الصورة الرمزية بنوته رجه
 
تاريخ التسجيل: Apr 2008
المشاركات: 66
معدل تقييم المستوى: 0
بنوته رجه is on a distinguished road
افتراضي رد: شباب في جامعة الملك سعود

هه
ههههههه

والله انه رهيب ابو هديب صدق انه زاحف
مشكوره اختي على الموضوع وانشاء الله يجي منك اكثر
-->
من مواضيع بنوته رجه

بنوته رجه غير متواجد حالياً   رد مع اقتباس
قديم 05-15-2008, 08:28 PM   #4
بـهلول

 
الصورة الرمزية عايشة باحلامي
 
تاريخ التسجيل: Mar 2008
الدولة: فوق السطوح
المشاركات: 1,606
معدل تقييم المستوى: 0
عايشة باحلامي is an unknown quantity at this point
افتراضي رد: شباب في جامعة الملك سعود

ههههههههه
قصم فااااااطسه ضحك
مرسييييييي خيتو
__________________

-->
من مواضيع عايشة باحلامي

عايشة باحلامي غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:57 AM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir