منتديات هتوف  

العودة   منتديات هتوف > أقلام هتوف > خواطر و قصائد

خواطر و قصائد خواطر و خواطر حب , وخواطر غرام وعشق , و خواطر حزينه , قصائد , قصائد شعرية , و قصائد حب , و قصائد منوعه



إضافة رد
 
LinkBack أدوات الموضوع انواع عرض الموضوع
قديم 05-28-2008, 01:06 AM   #1

لڪَ وحشْه مٌآإهِيبْ { صَآإحيه

 
الصورة الرمزية {..رِمشّـ ـهأإ فتــآإن ~
 
تاريخ التسجيل: May 2008
الدولة: جــ ^_^ــدهـ
المشاركات: 2,107
معدل تقييم المستوى: 19
{..رِمشّـ ـهأإ فتــآإن ~ is on a distinguished road



(adsbygoogle = window.adsbygoogle || []).push({});
قصيده الجمهره لحامد زيد

اي بالله أخطوا والخطا اللي جابهم عين الصواب

مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد بتاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما قدره

عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

=========================================

وهذي القصيده .. صوت
للاستــماع




للتحميــل
-->
من مواضيع {..رِمشّـ ـهأإ فتــآإن ~

{..رِمشّـ ـهأإ فتــآإن ~ غير متواجد حالياً   رد مع اقتباس
قديم 05-28-2008, 04:54 AM   #2
| عضو مميز |
 
الصورة الرمزية دنيتي بعيونكـ
 
تاريخ التسجيل: May 2008
الدولة: داخل عيونه
المشاركات: 1,316
معدل تقييم المستوى: 16
دنيتي بعيونكـ is on a distinguished road
افتراضي رد: قصيده الجمهره لحامد زيد

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

اي بالله انا اشهد
صح الله لسان حامد المبدع
وصح ذوقك الراقي يالغلا
بجد استمتعت كثيييييير بهالقصيده
يعطيك العافيه
-->
من مواضيع دنيتي بعيونكـ

دنيتي بعيونكـ غير متواجد حالياً   رد مع اقتباس
قديم 05-28-2008, 01:53 PM   #3

لڪَ وحشْه مٌآإهِيبْ { صَآإحيه

 
الصورة الرمزية {..رِمشّـ ـهأإ فتــآإن ~
 
تاريخ التسجيل: May 2008
الدولة: جــ ^_^ــدهـ
المشاركات: 2,107
معدل تقييم المستوى: 19
{..رِمشّـ ـهأإ فتــآإن ~ is on a distinguished road
افتراضي رد: قصيده الجمهره لحامد زيد

الاروووع تواجدك عيوني :::
تشرفت بمرورك::
-->
من مواضيع {..رِمشّـ ـهأإ فتــآإن ~

{..رِمشّـ ـهأإ فتــآإن ~ غير متواجد حالياً   رد مع اقتباس
قديم 05-28-2008, 02:19 PM   #4
حال الزمن غير مساراتي !
 
الصورة الرمزية محشش صآحي !
 
تاريخ التسجيل: Mar 2008
الدولة: عآلم النسيـآإن ~
العمر: 34
المشاركات: 1,600
معدل تقييم المستوى: 17
محشش صآحي ! is on a distinguished road
افتراضي رد: قصيده الجمهره لحامد زيد

تسلمين اختي لوجين .. عالقصيده ..

تنقل للقسم المناسب (( الخواطر والقصائد المنقوله ))
__________________
الاتصالات السعودية لا تساوي قيمه كيبل هاتف ثابت في اوروبا ..
والدليل : تتصل عليهم من اربع جوالات وتطرح اربع مشاكل مختلفه وكل الموظفين يعطونك نفس الاجابه
عزيزي العميل : اعانك الله على ماابتلاك واثابك على صبرك
-->
من مواضيع محشش صآحي !

محشش صآحي ! غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:08 AM


Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.0 TranZ By Almuhajir