منتديات هتوف  

العودة   منتديات هتوف > أقلام هتوف > المنبر الحر

المنبر الحر فضاء واسع لقلمك وفكرك مواضيع عامه



إضافة رد
 
LinkBack أدوات الموضوع انواع عرض الموضوع
قديم 07-08-2008, 08:15 PM   #1
موقوف
 
تاريخ التسجيل: Jul 2008
الدولة: شآإطــح بالدنيــآإ ...
المشاركات: 4,862
معدل تقييم المستوى: 0
عبوٍدي is on a distinguished road



(adsbygoogle = window.adsbygoogle || []).push({});
افتراضي ™©™ سـعـابـيـل عـلـى مـخـدة عبودي ™©™

السلام عليكم ورحمة الله وبركاته

هلا والله بالحبايب .. كيف أحوالكم ؟!
معاكم اليوم عبودي بموضوع جديد
بس تراني مستاحش شوي !!

من الحين أقول لكم يا شطّار الموضوع شوي مقرف وطويل !!
وتراه خاص جداً جداً جداً جداً للسعوديين
!!
يعني
الأجانب
.. لا يقبلون علينا الله لا يهينهم !!
لأنه يناقش مشاكل إجتماعية حاضرة وبقوة
في مجتمعنا السعودي
<====جملة متعوب عليها بقوة بقوة بقوة

السعـــابيل وما أدراك ما الســعابــيل
!!
حاجة مميزة يندر ان تجد تمساحاً أو سحلية
او حتى قرداً وجربوعاً من بني البشر لم تتلاعب بين براطمه وهو طفل ..!!
محدثةً فقاعات .. أحيانا تنفقع بمجرد اللمس .. !!
والبعض تطفو بغزاره على سطح البراطم
وتصل لدرجه متطوره وتصل إلى حدود الرقبه وماجاورها من القرى والاقاليم
مما يستدعى استدعاء مايسمى بـ " الصديريه " أو " المريلة "
من الدولاب حالاً والا بتصير بلاوي !!
وبعض الناس ماتنفع معه الصديرية
وبعضهم يعطيك حقك من السعابيل وهو يسولف ويبربر
وانت ماناقصك إلا شامبو وفوطه
وتأخذ أحلى ترويشه بالدنيا على الهواء مباشره ..!!



سعــابيل
سعابيل سقطت مني _ كالعاده _ وانا افكر واهوجس واقلب الفكر بهالدنيا واحوالها
امور كثيره اسعبل عليها ويسيل اللعاب .. وولد عمه السعابيل علشانها
كـ :
البنات ".. " الفلوس " .. " الجريش " .. " فوز النصر على الهلال " .."الجوالات"
" بياله شاهي على احد طعوس الثمامة عقب العصر ترد الروح "

ساعات تتساقط السعابيل كالرز وانا افكر
وللعلم فقط لاغير .. للتكفير .. أوه عفواً قصدي للتفكير عندي " جو " خاص
يتكون من:
بريق شاهي نوع غضار والشاهي تلقيمه وثقيل
و فنيله علاقي للإغراء فقط مع سروال سنه
ويستحسن القطن للتنفيه عن الجسم
وجعل الهواء يصقع كل مناطق جسمك اللي ماشافت الشمس من سنين
ومعسل ابو هيثم .. روتانا سينما .. ونديبة ((حمام جانا مسيّان ولا سلّم علي ))
<==== يلعن ابو الجو اللي تعرفه ياشيخ وش تناظر ووش تخلي !!

للسعابيل غلاء خاص عندي
فأنا احتفظ بقواطي وفي رواية براميل سعابيل من شتى الأنواع والاصناف
التي خرجت بسببها تلك السعابيل الغالية
سعابيلي وانا مفهي " وهذا موجود بكميات كبيره وبدينا نصدر لأمريكا وتنزانيا "
سعابيلي وانا ضايق صدري "وغالبا تجي حامظه "
سعابيلي وانا اناظر هيفاء وهبي!!
سعابيلي وانا عند الإشاره وجنبي جمس في بنات ومسوي اخوكم في الله
ثقيل والبنات يفحطن يبوني اعطيهم شويه وجه مو وجه كامل بعد ....!!

ولكن !!
عاده سعابيلي تخرج لخدمة البشرية
وللتفكير في أمور عجيبة تستحق أن نرخي لها الخشه
وترتخي بالتأكيد السعابيل معها وتسيل احلى سعبوله من أحلى برطم !!

ابعطيكم بعض سعابيلي ... قصدي بعض الأمور اللي تخرج فيها السعابيل

هيّا بنا إلى سعابيل أبوعبدالله

السعبولة الأولى : البــقاء للأقوى

البنات .. وآه من هالبنات
احد بالعالم مايهفهف قلبه مثل سروال منشور على حبل غسيل بسطح عمارة إذا شاف بنت؟!
البنات والعيال .. من خلق الله الخلق وهم يلاحقون بعض وكل واحد يدور الثاني ..!!
ومن وقت ابونا آدم عليه السلام وعياله قابيل وهابيل والهواش اللي صار عشان زواجهم من اخواتهم
وانتم اكيد عارفين الموضوع وماله داعي افتن وانبش جروح مضت .. !!
من هاك الوقت والولد له الراية في الملاحق ومطارد الطرف الثاني .. !!
ووصلنا إلى وقت طلع الجوال ابو عشرة آلاف
وترززه في يدين هالشباب في الأسواق من أول.. والدوجان بالسوق علشان تشوفه البنت
وتقول وهي تزاعق ( واي ولد عز ... لازم اخذه لي .. يعدمني جماله هالسبهه )!!
< ==== حتى بالمغازل جلفين يا مال الوجع !!
حتى انتكست الآيه وانقلبت الكوسه باميه وصارت البنت هي اللي الحين مع الأسف تلحقك بالسوق
وتتجرأ وتعطيك الرقم <==== أسألوا مجرب ومبتلش بعد !!
وتخش في عينك وأمور تصير تخليك تشك إنك رجال
يعني بعد هالمقدمه الطويله العريضه .. وش تبووووون يابنات ..!!
ورانا ورانا وين مانروح .. رحنا الشرقيه ورانا وصارت عوائل كلها .. !!
رحنا وسافرنا برا ولحقتونا .. !!
وين نروح .. نعيش في دخنه ومعكال .. خلونا نعيش بسلام وبأمان
وبدون فواتير وجوالات مفصوله !!

السعبوله الثانية: أزمة ذوق

بعض البنات او معظمهن او كلهن بعد <==== خربها
ماخذين فكره عن الشاب السعودي إنه كائن غريب الاطوار خليط مما يلي
( جلف مايعرف يقول كلمه حلوه + ماعمره يدخل بهديه او يعزم على عشاء +
وإن خربها جاب حبه دجاجه على الفحم وبدون رز بعد+ محيوس ومبهذل في ملابسه +
حمار نوم لو ينام يومين ماكفته )
وغيرها من الصفات اللي شوي ونقول عن الشاب السعودي إنه " غنمه "
وليسمحوا لي اخواني الأغنام .. قصدي الشباب بأن أدافع عنهم دفاع مصطفى ادريس
ضد اي منطلق نحو باب النصر .. <===== خخخخاااي !! دافع ألين بكرة والله تهبى مايفوزون العبندا !!
يابنات اسمعوا وعوا
حنا السند وحنا راس المال .. حنا العز وحنا الفخر والجاه ..
حنا الاصل وغصباً عليكم مالكم إالا حنا وبناخذكم رضيتوا وإالا ارضيتوا ..
عزيزتي السحلية
لاتأخذين اخوك او ولد عمك مقياس للشباب السعودي
ترى ربعنا من جد تغيروا ماعادوا مثل اول
صاروا يتعشون بـ " كودو " ويشربون " كبتشينو " في التحليه
ويسبحون كل اسبوع مره ويحطون كلونيا
لاتأخذون فكره عن اللبناني او السوري إنهم اهل الذوق والسنع
تراهم من جد اهل حكي بس
وحنا طوال الشوارب اهل حكي وفعل
يعني نوفي بالغرض ماعليكم
وترى إذا أصريتوا على رايكم
بقول لكم فيه اختراع اسمه " مرايه " ناظروا وجيهكم الله لايعاقبنا قبل لاتحكون!!
وآه يا نانسي !!

السعبوله الثالثة: طــاقات بتنـفجر

كعادتي كل ليله اكون فيها فاضي <====مع العلم إني فاضي اربع وعشرين ساعه بس يعني ابسوي مهم!!
اروح للمقهى مع اني والله منب راعي مقاهي ابداً
لأن اخوكم في الله يحب الدش ويموت على الاخبار بس والله ولا اناظر غيرها
ولا احب الشيشه .. بس احب اناظر اللي يشيش
استغرب من هالشباب اللي موجودين .. ناس فاضيه لاشغله ولامشغله
الكثير منهم عاااطل ( 95, 75 %
....من الشباب حاط اغاني ) <=====متعوب على هيك نسبة!!
اغلبهم حاطين الخليجيه وفاق خشته عند العراقيات اللي يرقصن
ومعهن قايد الفرقه علي العيساوي مع ضروسه اللي كنها امشاط حراثه
مع الاسف حتى بالوناسه ندور الغلط
ونظن أن شوفة العراقيه وهي ترقص او هيفاء وهبي وهي تترنح بثوبها المزلط
هذي هي الوناسة وهذا هو قمه سعة الصدر
ياحكومتنا
... سلام عليكم .. وشلونتس طيبه ..!!
ترى هالشباب امانه وطاقه غير مستغله ..!!
لو ما انتبهنا لهم راح تصير كوارث

وقولوا ماقالها أبوعبدالله
لا صاروا أرهابيين تبريتوا منهم وقلتوا عنهم فئة ضالّة وأرباب الفكر المنحرف!!
وإذا قالوا وظفونا قلتوا حط ملفك واحنا ان شاء الله بنتصل عليك!!

السعبوله الرابعة : فـقاعـــات

اكتشفت بالفعل ان حنا شعب فقاعة
يعني مفقوعين للآخر
قبل فتره طلع لنا جواد العلي في ظاهرة غريبه وبجمال رباني ساحر
خلى عمال المحطات يعبون ببلاش للي يشغل لهم جواد
وصار له جمهور مهوب طبيعي
ومايحتاج البنات تفقعت قلوبهم
وطلعت لنا نانسي وهيفاء واليسا ام براطم ياكرهي لها .. والبرتقاله .. !!
وجووك ربعنا التماسيح وتسدحوا عندهن
وصار المتزوج يناظر نانسي ويطالع حرمته ويقول
ويدعي " ليه ياربي انا وش ذنبي ووش سويت لجل تبلينا بهالمصيبه اللي معي "
ثمين بعد اغتيال الحريري
طلعوا عياله الليبنوسعوديين <==== غصب ورى خشومنا
وصار يعزون في ابوهم الله يرحمه
وشاف العالم سعد الدين ولد الحريري
وخقن البنات معه
أهم شيء عند بناتنا .. ابيض .. وسيم .. كتوف .. سكسكوكه .. وبس .. !!
إن بغى يصير صومالي
كلها فتره ويخفت نجم سعيدان كما خفتت نجوم غيره
من فنانين او لاعبين او مطربين ولا يهون ياسر القحطاني

آآآآخ يابوي .. لو الله قدر وصرت سياسي
ثمين اغتالوك .. وطلعوني في التلفزيون .. وخقن معي البنات
ياســــــلام
افاااااا عسى ما اصير انا سياسي
ويفجرون موتري ويطلعون هالسبهه ولدي ويخقون معه البنات
معاند له هالهيس منيب معرس.. وخل البنات ينفعونك يا توم كروز عليشة !!


السعبوله الخامسه
<=======ريض بالسعابيل انت امتلت وجيه خلق الله تفال
انثبر وخلص موضوعك الناس ملت
بلييييييييييز <=====مدري ليه معجبتني هالكلمة من بد الإنجليزي اللي ادرسه كله ما حلت لي إلا هي!!
احس وانا اقولها اني ولد نعمه ومعه فورد وفارق شعري وادور بالعليا!!
<====أبوك على الوصف !!
خخخخخخخخخخخخخخااااي

سعــابيل
ما أحلى السعابيل في ساعه صفا
يخرخر فيها الواحد سعابيله براحه وحريه تامه ..!!

واحلى سعبوله للجميع
وسلام مربع وسعبلي يامزيكا
وآسف على السعابيل الطويلة!!

ومثل ماقلت بالبداية

**خـاص للسعــوديين **




أخــــوكم

عبودي




-->
من مواضيع عبوٍدي

عبوٍدي غير متواجد حالياً   رد مع اقتباس
قديم 07-08-2008, 11:14 PM   #2
-( عضو )-
 
الصورة الرمزية different**
 
تاريخ التسجيل: Jul 2008
الدولة: jeddah
المشاركات: 203
معدل تقييم المستوى: 10
different** is on a distinguished road
افتراضي رد: ™©™ سـعـابـيـل عـلـى مـخـدة عبودي ™©™

ههههههه سعابيلك متعوب عليها
تسلم سعابيلك






different**
-->
من مواضيع different**

different** غير متواجد حالياً   رد مع اقتباس
قديم 07-09-2008, 01:20 AM   #3

| مُبدع ـة هُـتوفية |

 
الصورة الرمزية я a ώ a и
 
تاريخ التسجيل: Mar 2008
الدولة: يـωـَآر صّدرّهْ ® !
المشاركات: 43,474
معدل تقييم المستوى: 297894
я a ώ a и has a reputation beyond reputeя a ώ a и has a reputation beyond reputeя a ώ a и has a reputation beyond reputeя a ώ a и has a reputation beyond reputeя a ώ a и has a reputation beyond reputeя a ώ a и has a reputation beyond reputeя a ώ a и has a reputation beyond reputeя a ώ a и has a reputation beyond reputeя a ώ a и has a reputation beyond reputeя a ώ a и has a reputation beyond reputeя a ώ a и has a reputation beyond repute
افتراضي رد: ™©™ سـعـابـيـل عـلـى مـخـدة عبودي ™©™

خخخخخخخخخخخخخآآي

مرسي عبود

"
__________________

[RAMS]C:\DOCUME~1\Admin\LOCALS~1\Temp\55.rm[/RAMS]
ـ
ُسبحآنك آللهم وبحمدك آشهد أن لآإله إلآ آنت آستغفرك وأتوب إليك (:
وآنتهينآ
.
-->
من مواضيع я a ώ a и

я a ώ a и غير متواجد حالياً   رد مع اقتباس
قديم 07-09-2008, 02:31 AM   #4
موقوف
 
تاريخ التسجيل: Jul 2008
الدولة: شآإطــح بالدنيــآإ ...
المشاركات: 4,862
معدل تقييم المستوى: 0
عبوٍدي is on a distinguished road
افتراضي رد: ™©™ سـعـابـيـل عـلـى مـخـدة عبودي ™©™

ألف شكر على مرورك

يانصراويه كيفي

ديفرينت
-->
من مواضيع عبوٍدي

عبوٍدي غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:45 PM


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO 3.6.0 TranZ By Almuhajir