منتديات هتوف  

العودة   منتديات هتوف > أقلام هتوف > قصص و روايات

قصص و روايات قصص , قصص طويلة , قصص رومانسية , روايات , روايات طويلة - تحميل روايات ، روايات طويلة رومنسية



إضافة رد
 
LinkBack أدوات الموضوع انواع عرض الموضوع
قديم 09-03-2008, 10:20 PM   #17
 
الصورة الرمزية Ē ṩ Ŧ α Ъ Я α 8
 
تاريخ التسجيل: Aug 2008
الدولة: فيـﮯ دوآمهـ آلزـمن ..
المشاركات: 2,448
معدل تقييم المستوى: 22
Ē ṩ Ŧ α Ъ Я α 8 has a spectacular aura aboutĒ ṩ Ŧ α Ъ Я α 8 has a spectacular aura about
افتراضي رد: روايه سعوديه جريئه كوميديه دراميه رومنسيه آفهم انك تموت وما تثير إهتمامي

عنود: طيب انا ميته جوع دامكم ما تعشيتوا نروح نتعشى وناخذ لنا بعد العشاء فره صغيره على المول عشان الطخمان بعدين نطلع نجيب لنا فيلم وفيشار وعصاير اووكي متفقين احد عنده أعتراض

كل البنات : لااا

عنود : اووكي

مرام : بنات انا ميته جووع ابي مطعم سنع مو خرابيط

سمر : ما عليك وش رايك ببيتزا

مرام : ايه ولله من زمان عنها

رفيف : حلوو اجل دومينوز بيتزا اووكي

سمر : حلوو

راحوا عند المطاعم وطلبوا لهم وقعدوا ياكلون

رفيف : مرام افتحي البلوتوث

مرام: طيب . .

فتحت البلوتوث

مرام : يووووووووووه اجهزه كثيره

عنود : بالله خل نستهبل حطي نك ولد وخلل نقعد نغازل

مرام : هههههههاااي حلووه

غيرت اسمها : : الفارس الملثم

اروى : وش حطيتي نك ؟

مرام :هههههههه الفارس الملثم هههههه

كل البناات :هههههههههاااي

مرام: ههه فيه وحده اسمها الفاتنه برسلها : ممكن نتعرف ؟ ؟

سمر: شوفي شبكي كم بنت مو بس وحده عشان اذا ما صدقت هاذي تصدق هاذي اووووكي

مرام : هههههههه لا توصين حريص


محمد : شبااااب شوفوا واحد ارسلي يحسبني بنت يقول ممكن نتعرف

بدر : ههههههههه صحيح جايين نشبك بنات مو عيال بس ما يخالف الأستهبال

محمد : ههههههههه برسله على اني بنت نشوف اخرتها

ماجد : وقسم على بالي ترقيم مثل اول تجدع الرقم على البنت ولا تدق على البيت الثابت هاذي الاساليب القديمه مو هاذي وش يدريك يمكن ولد حاط نك بنت مثل ما انت مسوي او العكس

بدر ومحمد سفهووه وما ردوا عليه

محمد : كتبت له : ايه ليه لا شو اسمك خيووو

بدر : هههههه يلعن ابو الدجه


مرام :هههههههههاااااي

اروى : شوو ؟

مرام : تقول ايه ليه لا شو اسمك خيوو

رفيف : ههههه الأخت لبنانيه

سمر : لالا وش يدريك انتي هذا آخر اساليب الكلام هاليومين

عنود : هههه اكتبي له اسمي عدنان وانتي

سمر : ههههههههه تخيلي تقول اسمي اسماء

مرام : سمر ولله يا انتي متأثره بستار أكدمي

سمر: هههه مررره الله يصلح الحال


محمد : ههه يقول اسمه عدنان

بدر : هههههه يا حليله قله اسمي اسماء

محمد وبنص عين : وش معنى اسماء

بدر: لا يرووح فكرك بعيييييد هاذي اللي بستار اكدمي البزر

محمد : اااخس يالكبير . .

ماجد اكبر من هاذي العقلياات بواااجد : اقوول انتم مرره تطفشوون يعني هاذي شغلتكم اذا رحتوا السوق على فكره حركه البلوتوث قددييييمه مرره يعني يا زمن جدي واللي يستخدمونه اللحين يستهبلوون

محمد :لا تعصب يا ابن الحلال حنا نستهبل

ماجد : ما يعجبني أستهبالكم برووح اتفرج على الأسواق والمحلات واشتري لي كم شغله

محمد : براحتك . .

ماجد راح

بدر : اقوول محمد انا رايح اشتري غرض الوالده وصتني عليه


محمد : طيب احتريك بس لا تطول

بدر : ان شاء الله


محمد يتأمل الطاوله ربعه راحوا ما فيه الا هو والجوال اللي بيده شاف على الطاوله جوال بدر ناسيه قعد يفكر ببدر لحظه ايووه بدر اخو مرام اللي شفتها يووه ولله البنت صااايره عذاااب

اخذ جوال بدر وفتش الأسماء مرت عليه اسامي كثير بس طنشهم ما يبي يجي ويشوف الجوال بيده سوى بحث : م

مسميها مرام اختي

تأكد انها هي سجل رقمها في جواله ورجع الجوال



مرام : هههههههه سمر تقول اسمها اسماء

سمر: هههااااي

رفيف : هههه ارسلي قولي ممكن توريني مين انتي

سمر: ايه واكتبي بعد لانه اذا ما عجبتني مافاتنك ماني مواصل علاقتي معك

اروى : ههههههههه صدق انكم خبووول

عنوود : الحمد الله عن جد حاجه تشبع

سمر : ايه ولله الحمد الله

محمد بينهي السالفه وبيقوم يدور رزقه واذا مالقى يكفيه القز بس دام جت من الفارس الملثم قال : ززين دام كذا خل يدري اني رجل

كتب : بقلب الجوال لمدة خمس دقايق وانت تعرفني اووكي

وقلب جواله

مرام : تقول بقلب الجوال لمده خمس دقايق وانت بتعرفني بنات دوروا بنت قالبه جوالها . .

سمر :هيييييييييييييييييييييييييييييييي

رفيف: وش فيك

سمر : يا ووويلييي

مرام : وش فيك خرعتينا

اروى : سمر وش فيييييييييييه

عنوود : يا بنت اركدي وش فيك

سمر: محمد. . محمد

عنود : أي محمد

سمر: محمد ولد خالتي وقالب الجوال

مرام : يووووه شوفي وش ارسل بعد : انا رجل وخل المغازل عنك

سمر : ياااوووليه قوموا يلاااا بسررعه ضفوا عفشكم بسرررررعه

اروى : من جد قليل العوايل ولله محمد سريع بديهه ولله ان يكشفنا

: يوووه بسرررررعه ضفوا عفشكم بشررعه

عنود : ليه عاادي

سمر : اقوول امشي وانتي ساكته ولا بعلم الخاندروا

شالوا البنات اغراضهم وطلعوا من المطاعم

رفيف : يالللللللللللله تخيلوا لو انه عارفنا

مرام : ولله ان تصير فضيحه على العاااايله أننا فاتحين البلوتوث وقاعدين نرقم

سمر : ايه بس نرقم بشرف يعني كأننا عيااال

مرام : خالاتي عاد الله من الهمجيه اللي بيفهموون اهم شي رقمنا وبس

اروى : يا وويلكم وش فيكم على اخووي ترى مو فضيحه الى هالدرجه

مرام : هه هههاااي ايه هين مو فضيحه اببددااا

اروى : يا عمررري انتي ولله انك حاقده عليه على ولا شي

مرام بمزح : ما حقدت على احد وش فيك انتي

رفيف : طيب اللحين خل نروح محل المكسرات ونجيب لنا خرابيط منه احسن من انه نروح مشوارين لسوبر ماركت

سمر : ايه ولله مشتهيه حب انا

اروى : عاااد انتي عشقك الحب

رفيف : اووكي يالله الحقوني انا حافظه الموول حفظ

عنود : اووكي

وهم يمشون ورى رفيف ..

اروى : وش عندك دايم تروحين له

رفيف : اشوووف حبيبي هنا

سمر : ولله انكم سافلات انتي وعنود مين تشوفين بيكهام ولا براد بيت

رفيف : ولا واحد اشووف تاركان

سمر : آآآآآآآآه يا تاركان قلبي مع انه خكرر بس يهبل ابن اللذين

مرااام : على طاري تاركان ما تلاحظون محمد يشبه له مرره نسخه

سمر : ايييييه ايييييييه ولله يلعن ابوو التشبيه يا مرام

اروى : دايم اقولكم بس ما حولي احد

مرام : ولله ويوم شفته عن قريب حسيته زيه بضبط بس عاد محمد مو عيونه خضر مثل ذاك الأطخم . .

رفيف: احلللى البنت بتعشق

مرام : كووولي كبر راسك انا محد تربع على عرش قلبي

رفيف: العبي على غيري وااااجد اللي تربعوا

مرام : تكلمي عن نفسك . .

عنود ما تتكلم واجد لانها مررهقه شوي طول اليوم برا البيت

عنود : رفيف من جد طووولنا وينه هذا

رفيف : وهذاااانا وصلنا

عنود : ااااااااااخييييييييييييراااااااااااااا

دخلوا البنات المحل نرجع لماجد ما جتنا اخباره خل نروح نشوفه


ماجد دخل المحل الأجهزه ووقف عند البياع بس فيه زي المكتب المحاسبه يفصل بينه وبين البياع . .

ماجد : مرررحبا

البياع : هلا طال عمرك

ماجد : الله يحفظك بغيت سماعات ووصله بلوتوث للكمبيوتر

البياع : ابشر طال عمرك دقيقه بس

المحل كان مو زحمه ولا فاضي كان فيه شخصين وحرمه ومتوزعين في المحل

ماجد كان ينتظر البياع وواقف . .

دخلت وحده لابسه عباة العاذريه وكانت العبايه اغلبها مطرز بذهبي وشكلها مرره فخم البنت طووويله وحاطه اللثمه ومكياج كاامل ذهبي وكحل عريض كانه مكياج عروس شكلها كانها اميررره بوسط قصرها شكلها جدااا مبالغ فيه وماله داعي معاها كيسه فخممه من باتشي وشنطها سوداء جلد ومو كبيره حيييل وعطرها يسبقها

كانت مللفته جدااا

اول ما دخلت شافت ماجد قبالها ومعطيها ظهره

بس مجرد ماشافت جسمه الجثه تقدمت ووقفت جنبه وكأنها تبي تشتري اي حاجه

استغرب مين ذي اللي ووقفت جنبه حس بأحد جنبه بس ما التفت ولا ناظر حتى
طنش الموضوع ما تهمه الأشكال هاذي

هي اعجبتها شخصيته الثقيله بالعاده الشباب يركضوون ركض ورى الأشكال هاذي الا هذا وش معنى هذا يعني

البياع حط الأغراض قدام ماجد: هذا طلبك . .

ماجد : ايه تسلم شوف لي الحساب

البياع متنح في البنت اللي جنب ماجد ولا سمع له

البياع وعيونه مفنجله : تامرين شي اختي

البنت بصووت ناااعم فضيييع : شوف حساب رجال هو جاي اول

البياع وهو نفس شكله ما تغير و عيونه مفنجله : ابشرري تامرين امر

ماجد استغرب ليه متنح في الحرمه كذا لهادرجه شكلها شي يعني ماحب يلتفت في عقل يوزن بلد

حس بيد نااااااااااااااعمه ودااافيه تمرر اصابعها في يده

ماجد في نفسه : ووجع خيرر ان شاء الله وين عايشين حنا


بس ما قدر يكابر نعوومه وانوثه طاغيييه ومع ذالك كان يبي يتلفت ويصطرها كف

تركت يده وطلعت وعطرها يلحقها هاذي حال الصايعات اللي في مولاتنا

ماجد ناظر في يده اللي مسكتها ورقه ايووه ترررقيم ضعيفات النفوس صاروا هم اللي يلاحقون الرجال وانقلبت الأيه . .

البياع : الحساب 130

ماجد طلع الفلوس ورماها على الطاوله واخذ الأغراض ومشى ووجهه مصفوق من اللي صار
طلع من المول بسررعه وفيه رجفه خفييفه ركب سياره بدر ودق على محمد

محمد :الووو

ماجد : هلا بسررررعه ناد بدر وتعالوا خل نرجع

محمد : طي بوش فيه صوتك

ماجد : مافيه شي انتم تعالوا بسررررعه بس خالتي سهام تبينا نساعدهم في ترتيب الأستراحه

محمد : طيب مع انه الجو مكييف عندي انا وبدر بس ما عليه

ماجد : يلا انتظركم عجلووا تكفوون . .

محمد : ان شاء الله

ماجد : زين مع السلامه

ماجد سكر التليفون وفتح الورقه اللي كانت بيده

*******050حاكيني . .

ماجد عمرره في حياته ما التفت للحريم او لهاشي كان يستحقره اساساَ ويحس ماله داعي هذا كل حياته كانت دراسه وطموحات آآحلام مالها نهايه ماجد يدرس اقتصاد وعنده ماجستير فيه ما حصل وضيفه لامنه يتاجر في الأسهم ويطلع ذهب محد يدري فيه الا هو اللي صار اليوم قلب حياته ميه وثمانين درجه صحيح استحقر البنت وحسها حيوااانه وبنت شوارع وما تربت بس ايده لمست ايدها و متعلقه بنعومتها وانوثتها عمره مالمس شي حنون ودافي وناعم زي اللي لمسه اليوم \\ ماجد قاااسي صلب ما يحس كل حياته شغل وتخطيط عمره ما التفت لغرائزه او لشهواته ماشي سيدا وماعليه من احد

بدر : وش يبي ماجد

محمد : يقول انه خلاتي يبغوننا في الأستراحه عشان نشيل معهم ومدري ايش

بدر: اييه متوقع هالشي

محمد : طيب يالله شكلهم مستعجلين

بدر: مع انه راحت علينا الصورايخ بس يلاا امش قدامي


بدر ومحمد طلعوا من المول وركبوا السياره

محمد : اقوول ماجد وش فيك وجهك مخطووف

ماجد : هاااه لا لا مافيه شي

بدر : ولله اشك ان ما فيك شي

ماجد : لا تطمن

محمد في نفسه : اعووذ بالله الولد كأنه مسخن وحرارته صاكه الأربعين افلقني يا ماجد اذا ما فيك شي . .

حركوا السيارة ووصلوا حد الأستراحه نزلوا من السيارة ودخلوا على الحريم

ام سمر : الله جااابكم كيف حسيتوا اننا بنحتاجكم

محمد يناظر ماجد كانه يسأله

بدر رقعها: امم قلنا نسير عليكم

ام ليث : طيب دام كذا تعالوا شيلوا الطاوله خلوها في غرفه البوفيه

محمد : اييه لو انه عرسي كان ما سويتوا بوفيه ولا هم يحزنون وسمر حفله بس حفله مو العرس بعد شلتوا الدنيا وقعدتوها

ام ليث : يا ابن الحلال انت شل معهم وان شاء اذا حجيت بي زوجتك مرام

ام بدر بمزح: واثقين اني بوافق عليه لبنتي مرام

ام محمد : ايه ان شاء الله بتوافقين غصب عليك احد يحصل له ولدي

ام بدر : ايه مشاء الله عليه اخلاق وسنع ورجل بسم الله عليه الله يحفظه

ماجد يضرب محمد من قوعه بمزح ويهمس له : ههاااي يا حليله ما تدري وش وراك خالتي

بدر يعرف بلااوي محمد ووش مسوي في الأيام الخوالي فمستحيل يخليه ياخذ مرام اخته بس اسكت دام الموضوع ما صار جد

ام ليث : طيب عن الهذره ويلاا شيلوو الطاوله


الوضع عند البنات ..

عنود : المكسرات فيه

البنات : فيه ! !

عنود : الفلم

البنات : فيه ! !

عنوود : الكووولا

البنات : فيه ! !

عنود : حلوو طب اللحين حنا بنرجع للقصر وما ندري اذا يصلح نرجع ولا لا

رفيف : اصبرووا بدق على خالتي . .

ام ليث : هلا

رفيف : هلا خالتي اخباركم

ام ليث : تماااام هذا العيال عندناا وقاعدين ننظم الأستراحه

رفيف : حلوو ولله طيب حنا نبي نرجع للبيت

ام ليث : ارجعووا عاادي ما عليكم الا العافيه

رفيف : زين خالتي مع السلامه

ام ليث : بمان الله

رفيف : تقول ارجعوا عادي

سمر : طيب يلاا نطلع احس رجليني تورمت وانا عرووس

اروى : طيب يلااااه

وصلوا البنات القصر حطوا الأغراض في صالتهم وكل وحده دخلت تبدل وتلبس شي يريحها

سمر دخلت الغرفه علقت عباتها وبدلت قعدت على التسريحه تنضف وجهها من تعب اليوم كان الجوال على التسريحه وقبالها شافته 10 مكالمات من طلال

سمر : ووويه فششششله بس قلعته احسسن بنحجر معاه سنه كامله

يوم جت تطلع وتدق نغمه نوكيا حاطتها له

رفعت الجوال وردت بتشوف وش يبي

سمر كانها تقول وش تبي : ايووه

طلال بحنيه : سمر حراام عليك ليه ما تردين

سمر : مالي خلق الجوال وبعدين كنت تاركته وطالعه مع خلاتي

طلال بحنيه : سمر . .

سمر بجفاااف: نعم !!

طلال : ولله مشتاق لك تطلعين معاي بكرا نتعشى سوا

سمر : اممم مدري لا لا ما ظنتي بنطلع انا وخلاتي

طلال : سمر عندي كلام وااجد بقوله لك وفيه اشياء كثيرره إنتي فاهمتها غلط

سمر: اللي يسمعك يقول عايشين مع بعض ثلاث سنين تراه يموين بس امداه يصير عندك كلام

طلال : ايه عندي وابي اكلمك

سمر: ممكن تتكلم بالجوال طيب

طلال : لا ما ينفع

سمر: طيب بنات خلاتي ينادوني اللحين يلاااا باااي

سكرت السماعه بوجهه

طلال في نفسه : هه سمر ولله انك سهله بس اصبري شووي


خلص البارت السادس تااابعووني


قراءة ممتعة ودمتم سالمين
__________________
.
.
.
.
.
.
.
ڪم هۆَ جمېڵ ..
ڵۆ ڪآڼ هڼآڪ : ڛڵـۃ مهمڵآٺ ڪبييڔه ڵ ٺڛٺۆعِب آڵڪمېه آڵهآئڵـۃ مڼ / حثآڵـۃ آڵبڜڔ
-->
من مواضيع Ē ṩ Ŧ α Ъ Я α 8

Ē ṩ Ŧ α Ъ Я α 8 غير متواجد حالياً   رد مع اقتباس
قديم 09-03-2008, 10:22 PM   #18
 
الصورة الرمزية Ē ṩ Ŧ α Ъ Я α 8
 
تاريخ التسجيل: Aug 2008
الدولة: فيـﮯ دوآمهـ آلزـمن ..
المشاركات: 2,448
معدل تقييم المستوى: 22
Ē ṩ Ŧ α Ъ Я α 8 has a spectacular aura aboutĒ ṩ Ŧ α Ъ Я α 8 has a spectacular aura about
افتراضي رد: روايه سعوديه جريئه كوميديه دراميه رومنسيه آفهم انك تموت وما تثير إهتمامي

.........................
الفصل السابع
.........................

فيصل وليث في الكرنيش يتمشون

ليث : فيصل لازم ترجع لازم عيب عليك ولله عيب

فيصل: مالك شغل فيني تتحكم فيني انت

ليث : مو اتحكم فيك انا قاعد اوجهك

فيصل : لما تخلص حفله سمر ارجع

ليث : كله واحد يا بابا اصلاَ سمعت انه سمر بتقعد كم يوم هنا حتى بعد الحفله

فيصل : حتى لوو مو زي الحفله اذا جيت قبل الحفله مستحيل يكون موقفي ضعيف وما اجي واذا جيت راح اذطر ابارك لها

ليث : الوالده كلمتني وقالت لازم ترجع اليوم عشان حفله سمر بكرا

فيصل : طيب روح وش اللي ماسكك

ليث : ما اقدر اتركك هنا وبعدين تعال كلمت امك

فيصل : ايه كلمتها وطمنتها علي وقلت لها اني ماني جاي اليوم

ليث: فيصل شوف انت بس احضر بدايه الحفله وروح وانا ابارك لها عنك واقول انه احد ربعك في المستشفى وما قدرت تكمل الحفله

فيصل : ولله مدري وش اقولك . .

ليث : لا تقول شي اذا كان الوضع كذا يعجبك اني ابارك لها عنك مستعد اسويه

فيصل: راح افكر في الموضوع

ليث : ماقدر اصر عليك واجبرك اكثر من كذا امك محتاجتك وخلاتي بيستغربوا اذا ماجيت انا ماشي الساعه 1 باليل معك ساعتين تفكر . .


الساعه 3 الفجر

في الخيمه الشعبيه لقصر ام ليث كانوا البنات هناك ..

الستاير كلها شعبيه والأثاث والكنبات والجدران كلها طين الخيمه الشعبيه قليل احد يدخلها لانها واااسعه وشكلها يخووف وتحسها مسكوونه بس البنات دخلوها عشان يسهرون على راحتهم وما يزعجون احد لأن الغرف اللي عند صالتهم كلها غرف اطفال ونايمين فما يقدروا ياخذوا راحتهم . .

سمر: لا تشغلوا الفلم لما اجي بجيب الكولا دقايق وراجعه

اروى : اوكي حبووبه .

طلعت سمر من الخيمه الشعبيه وراحت للمطبخ تجهز الكولا والثلج والبنات منزلين الفرش والوسايد عشان النومه تحت وجالسين على الأرض


رفيف مستغرربه وكأنها ملاحظه شي عجييب : بنات ما تحسون شي غريب في سمر

مرام بثقه : لا ابدا سمر نفس ماهي بس ناقصه كم كيلوا

اروى بذكاء: تقصدين طلال

رفيف: ايووه اروى ما عمرها سولفت لنا عنه او عن العرس او موقف ولا مره شفتها تكلمه على الجوال ولا مهتمه فيه

عنود : يمكن ما تحب احد يدخل في خصوصيتها او ما تحب توري الناس اللي حواليها اش فيه بقلبها

اروى: يمكن وجهه نظر مهمه

مرام : تدرون كيف نبي نعرف

رفيف وعنوود ومتحمسين على الأخر : كييييف ؟؟

اروى : عيب عليكم خصوصيات البنت

رفيف تتريق على اروى : ايه ايه ان شاء الله

مرام كانت منسدحه على الأرض
قامت وربعت ومتحمسسه على الأخر وشكلها ناويه على شر

مرام : اسمعووني زين تعرفون الحنا حق جداتنا اللي يحطونه في يدينهم وشعورهم

رفيف : اييه اييه

عنود وكأنها عرفت وش تفكر فيه : لاااااا حراااام مريوومه

مراام : اااشش عنوود لا حرام ولاهم يحزنون

اروى : مرامووه اكفي شرك وخيرك

مرام : وش بسوي انا بذبح احد ولا وش بسوي

رفيف : كملي كملي ما عليكم منهم

مرام : تذكرين كيف سمر كانت تقرف منه لما كانت تحط لها جدتي غصب عليها يوم هي صغيره

رفيف : ايه ايه اذكررها

مرام : نجيب حنا ونقعه واذا نامت نحط في يدينها ونربطهم ونشوف وش تسوي اذا قامت

رفيف :هههههههااااااااااااااااااااااي خطه جهنميه

عنود : لا مرام حرام عليك البنت عرووس ما يجوز كذا

((مرام تحب تسوي مقالب ودايم تسوي فيهم ومحد يجاريها في مقالبها القويه الا رفيف اللي تعشق هالشي ))

اروى : مراامووه صديق فيه مخ هنا

مرام : ارووى يا حبي لك لا تخربين علينا نبي نفرفش شووي هي حلاتها وهي عروس واذا كانت ربه منزل تبي تستانس اذا حطينا لها

رفيف : طيب اللحين من وين لنا (( حنا ))

عنود تدخل في العصابه : امم اتذكر انه الحبشيه مربيه فارس ولد احلام تحط حنا دايم وش رايكم ناخذ من عندها

اروى: عنووووووووود اخبرك مو معهم

عنود : ياخي ودي اهبل فيها

اروى : طيب انا مالي دخل

مرام : مين تعرف تسوي حنا

. . . . . <<محد جاوبها

مرام : طيب نخلي الحبشيه تسويه

عنود : اووكي بس تتوقعينها قايمه اللحين

مرام : اذا مو قايمه نقومها نصج نصج لما يقوم فارس ولد احلام وتقوم هي عشان تنوومه

اروى : ااااااااجراااااااااام بحق الأنسانيييييييه

عنوود : اروى لا تبالغين

رفيف : اوكي حلو بس ترى ماراح نصج الا اذا شفناها نايمه

مرام : اووكي وحده ترقى عشان ما تلاحظ سمر اذا جت اننا ناقصين عدد مبالغ فيه

. . . . <<محد رد

مرام : باللله احد يجاوب

عنود بتردد : اوكي انا رايحه

مراام : امموووت في عنوود انا بس شوفي اذا لقيتها نايمه لا تصحينها ناديني انا فنااانه في هالشي

عنود : ههههههههه طيب

اروى تهز براسها كانها تقول لا : اصحاب العقول في نعمه . .

. . . . <<طنشوها ومحد رد

طلعت العنود . .

الخيمه الشعبيه تصير جنب الفله اللي فيها غرف الخدامات والمطابخ وجلسه الحريم يعني راح تضطر تطلع من الخيمه الشعبيه وتمر على الحديقه اللي كانت فيها مرام لما شافها محمد

طلعت
كانت لابسه شوورت فوق ركبتها لونه تفاااحي وسااده ولابسه بلوزه حفر بينك برضوا ساده بس شكلها فخم كان شكلها مفصخ نوعاَ ما وشعرها مسييحته ووجهها نضيف بدون أي لمسه مكياج

كان القصر مظظظظللللم والأنوار فيه مسكره كان موحش ويخووف من وساعته وظلامه

كانت خاايفه وتشوف يمين ويسار بعيونها وقبل لا تدخل الفله ضربت في جسم كتللللله حست انها ضاربه جدار لما رفعت عيونها . .

ليث : عنوود وش عندك طالعه بهالظلام

عنود : ليثووه هلا ولله بخووي اخبارك وينك مختفي لنا كم يوم ما شفناك <<تضيع السالفه

ليث: وش عندك طالعه ؟ ؟ بهاليل ؟ انا الحمدالله طيب

عنود: طنت عطشاانه وابي مويا

ليث : ليه ما دقيتي على الخدم يرسلون لك

عنود : ما حبيت ازعجهم على هالصبح وبعدين كنت ناسيه جوالي في غرفه الحريم

ليث ومو مصدق : ااااااااااهاااااااااااا ايه يا حليلك بعدين تعالي وش هالبس انتي . . وش هالتفصخ هذا

عنود : شوو أي تفصخ تتكلم عنه اصلاَ كنت نايمه وتنبهت <<تنبهتي وبجيبين جوالك الله من الفضاوه

ليث : طيب كان لبستي روب نوم ولا شي افرضي احد السواقين ولا احد العيال طلع

عنود : ان شاء الله بنتبه مره ثانيه

ليث : انزين تصبحين على خير ترى فيصل في الجهه الثانيه ممكن يدخل بأي لحظه بسررعه خوذي اغراضك وبسررعه

عنود : فيصل رجع ؟

ليث : ايه الحمد الله . .
عنود دخلت الفله وهي تقول : ان شاء الله اجل بنتبه

دخلت يووه ظلاام وحووسه الحريم والبزران كانت تمشي وتطيح من الحوسه والظلام
رقت الدور الثاني ودخلت غرفه فارس شافت الحبشيه قاعده تتحنى

عنود : مساء الخير

الحبشيه : هلا

عنود : اخبار فارس نايم

الحبشيه : ايووه نام من شوويه

عنود كانت مرتبكه وتبي تطلع بسررعه : اقوول ممكن يعني اذا بقى من الحنا اللي معاك تعطيني منه

الحبشيه : ايووه حاظر يا مدام اصلاً خلصت هاه خوذيه

كانت طاسه وفيها الحنا

اخذته وقبل لا تطلع تذكرت

عنود : معك خرقه او قماش ؟ ؟

الحبشيه : ايووه يا ماما شوفيه فوق الكومدينه اللي هناك

عنود : اهاا يسلموو

اخذته وطلعت

__________________
.
.
.
.
.
.
.
ڪم هۆَ جمېڵ ..
ڵۆ ڪآڼ هڼآڪ : ڛڵـۃ مهمڵآٺ ڪبييڔه ڵ ٺڛٺۆعِب آڵڪمېه آڵهآئڵـۃ مڼ / حثآڵـۃ آڵبڜڔ
-->
من مواضيع Ē ṩ Ŧ α Ъ Я α 8

Ē ṩ Ŧ α Ъ Я α 8 غير متواجد حالياً   رد مع اقتباس
قديم 09-03-2008, 10:22 PM   #19
 
الصورة الرمزية Ē ṩ Ŧ α Ъ Я α 8
 
تاريخ التسجيل: Aug 2008
الدولة: فيـﮯ دوآمهـ آلزـمن ..
المشاركات: 2,448
معدل تقييم المستوى: 22
Ē ṩ Ŧ α Ъ Я α 8 has a spectacular aura aboutĒ ṩ Ŧ α Ъ Я α 8 has a spectacular aura about
افتراضي رد: روايه سعوديه جريئه كوميديه دراميه رومنسيه آفهم انك تموت وما تثير إهتمامي

وصلت للغرفه الشعبيه وحطت الطاسه تحت مغاسل حمام الغرفه الشعبيه ودخلت

عنود دخلت مرتبكه : هااااااااااي بنااات شفتو ليث وفيصل وصلووا

تكهرب الجو بس قالت اسم فيصل

عنود ما حست ان الجو متكهرب : تو وانا جايه شفت ليث وسلمت عليه


سمر تضيع السالفه تهدي الجو المتوتر : طيب تعاالي خووذي كولا تعبانه وجايبته وما تشربين

عنوود : ه يا حبي لك . . . ناوويلك على نيه بس انت اصبر شوويه

سمر : وش عندك طربانه

عنوود : آآآآآآآآآه قصدك وش عندك عشقانه

رفيف : انتي قصصك الغراميه ما تنتهي من عقب الخاندروا

عنود : هييييي وش يدريك انتي

مرام : ها ها ها ها ها علمنا انطوووني

اروى : بنات شغلوا الفلم ترى بنااام

جلسوا وطفوا الأنوار وشغلوا الفلم وبدت السهره


مرام تصحي رفيف بشوويش : رفيف رفيف نااايمه

رفيف بهمس : لا بس شكل كلهم نايمين

مرام بهمس : نجيب الحنا

رفيف بهمس : ايه بس وين حطته عنود

مرام بهمس : قبل لا تنام قالت لي انه تحت المغاسل

رفيف بهمس : اوكي روحي جيبيه تعرفيني اذا قمت اطلع اصوات الدنيا ما اعرف اتسلل

مرام بهمس : طيب

رفيف بهمس : بسررعه ترى بيأخذن الفجر وسمر بتقوم بدري عشان الحفله وتبي تتجهز

مرام طلعت وجابت الحنا وجت

رفيف بهمس تتوقعين نومها ثيقل زي اول ولا تغيرت

مرام : نومها ثقيل ولا خفيف بنحط لها يعني بنحط لها

مرام : اسمعي رفيف انتي امسكي يدينها وانا بحط

رفيف : طيب

رفيف مسكت يدين سمر وبدت مرام تحط في الملعقه

رفيف كانت مو ماسكه يدين سمر بقووه بس خفيييف عشان ما تنتبه وتقوم

شووي وسمر تحرك يدها بقووه وتحطها بوجه مرام كل الحنا جاء بوجه مرام

رفيف حبست ضحكتها لأن ضحكتها عاااليه تووحش ووجها احمر تبي تضحك : ماعليك ههه يروح اذا غسلتيه ربطي يدينها لا توصخنا بعد

مرام معععععععصبه : الله يلعن بلييس اااااف هذانا خلصنا

رفيف : طيب بسررعه روحي غسلي لا يتلون وجهك


بنفس الوقت . .

ماجد سهرررراااان ومو جايه نوم عقب اللي صار له في المول

يتقلب على الفراش ومو قادر يرتاح وبليس يلعب براااسه لعببب

مسك الجوال

ماجد في نفسه : ادق ولا ما ادق خليني ادق ما وراي شي <<شغل بلييس

قام واخذ الرقم اللي كان في جيب بنطلونه

دق . .
على الرقم

دن

دن

دن

بصووت نااعم حنوون ودلووع :ايووووووه

ماجد ارررررتبك جسممه يرجف اول مره يكلم وحده غير امه واخته

ماجد وصوته خاايف ومرتبك : هـ . .ل ا ((هلا))

: اهلين هلا وغلا مين معي

ماجد :. . . . . .<<اسكت

: شو فيك ساكت داق علي عشان تسكت يعني

ماجد : لا مو كذا الله يطول بعمرك بس يمكن داق في الغلط <<<مشكله اللي ما يعرف يغاازل

: اااهااا دام كذا حياااك بغيت شي ؟ ؟

ماجد : ما عرفتيني !! <<بالله من وين بتعرفك

: لا ولله اول مره اسمع هالصوووت

ماجد : انا اللي كنت في محل الأجهزه <<<اخيراَ بدأ يسترسل

: اللي في صحارى مول ؟

ماجد : عليك نوور

: اااهااااا حياااك يالغاااالي راح اخزن رقمك

ماجد مستحقرها : ههه طيب انتي قلتي حاكني بغيتي مني شي

: شووف انا معجبه بشخصيتك وستايلك مرره تجننن مشاء الله عليك <<ززين تعرفين الله

ماجد استانس عليها لان طبعه يحب المدح ومع ذالك محتقرررهااا : هههههههه تسلمين من ذوقك بس انتي ما تعرفيني ولا جلستي معي عشان تعرفين شخصيتي . .

ترد وبووقااحه :تبيني اجلس معك ؟ ؟

ماجد موفاهم عليها خبرته بهالأمور ززيرروو: لا انا اسأل كيف عرفتي شخصيتي عشان تعجبك جايز الستايل لما شفتيني بس الشخصيه كيف ؟

: ااااامممم ليه إلى هالدرجه يهمك يعني

ماجد وزال التوتر وبدا يرجع لطبيعته بس لا زال مو على طبيعته تماااماَ :يعني مو مره ما قلتي لي وش بغيتي ؟ ؟

: قلتلك عاجبني

ماجد : واذا كنت عاجبك لازم تخزني رقمي يعني

: ايه ليه لا انت راح تتضايق

ماجد : لا بس حاجه غريبه

: ههههههههه ما قلت لي شوو اسمك ؟

ماجد : اسمي ماجد

: عاشت الأسامي

: انا اسمي كادي

ماجد : عاشت الأسامي

كادي : وين تدرس انت

ماجد : خلصت ماجستير إقتصاد واتاجر في الأسهم وقريب راح تحصلي وضيفه

كاادي : بالتوفيييق كم عمرك ؟

ماجد : امم يعني ما بين 25 الى 28

كاادي : كل العمر ان شاء الله

ماجد بداء يتفاعل معها : اطب انتي وين تدرسين وكم عمرك

كادي : انا ما ادرس معي شهادة الثنويه وبس عمري 18 سنه

ماجد : طيب انتي صغيره ليه ما تكملين دراستك في الجامعه او الكليه وتختاري تخصص حلو

كادي : لااا ولله اتعب نفسي على الفاضي وما احصل وضيفه شو الفايده اعرف زميلات لي اكبر مني بكثيرر اللي تخصصها طب ولا حاسب وقاعدين في البيت

ماجد : على الأقل تسلين نفسك ويصير عندك زي المرجع انه عندك شهاده في شي متفوقه فيه ومبدعه فيه

كادي : هههه يا حبي لك اصلاً انا تخصصي ادبي وتخرجت ونسبتي 67 % من وين بلقى تخصص على هالنسبه

ماجد : مبين ما عندك طمووح ابداااا

كادي : شو فايده الطموح اذا كان اللي حاوليك ما يقدر

ماجد : انا تخرجت وما لقيت وضيفه قمت اتاجر في الأسهم هذا يعتبر طمووح ويطلع لي مبالغ حلووه

كادي : طيب ازمه الأسهم اللي صارت ما اثرت فيك

ماجد :قبل لا تطيح الأسهم بيوم سحبت كل فلوسي ودخلتها في شركات امريكيه

كادي : حلووو ولله حظك اسعفك

ماجد : لا مو حظ انا كنت حاس انها بتطيح لانها ارتفعت ارتفاع مو طبيعي

كادي : هههههههه طيب غير السالفه لأني ما افهم فيها

ماجد : ههههه وله لو اسولف لك عن الأسهم يوم كامل ما اخلص

كادي تبي تدخل في مواضيع تحسه مو نفس تفكيرها : متزوج ؟؟

ماجد : ليه ؟

كادي : لا بس اسأل

ماجد : لا مو متزوج ولا افكر في الزواج اللحين

كادي : تصدق اني حاسه

ماجد وبداء يتجراء : طيب ماتحسين روحك حقيره

كادي : ايه احس روحي حقيره ومعترفه في هالشي

ماجد : طيب انتي كذا أي احد يكلمك تسوين معه علاقات

كادي : ايه عااادي صح انها حقاره واحس روحي بنت شوارع بس يلااا إنما الدنيا فناء

ماجد بجديه : طيب دام الدنيا فناء ليه تضيعين وقتك في هالأمور جهزي لدنيا الخلد

كادي : هههه شكلك مطوع

ماجد : لا مو مطوع بس اخاف الله

كادي : طيب دامك كذا ليه دقيت

ماجد : عشان اسألك عن هالشي

كادي : كل خواتي واخواني متزوجين واخوي اقرب واحد لي تزوج قبل كم يوم وامي مايته الله يرحمها تخيل قاعدة مع ابوي في البيت لا شغل ولا مشغله اقول اطلع اونس نفسي

ماجد :بهالطريقه تضيعين شرفك وعرضك وتمسحين بوجه اخوك وابوك التراب

كادي كان احد كب عليها مويا بااارده : ببببس انطططم بسسسسسس خلاااص ترى مو ناقصتك

ماجد : طيب شفيك هدي شووي

كادي تشاهق من الصياح : انت ما تحس ما عندك دم

ماجد : كادي هدي شوووي

كادي وهي تبكي : انت قاعد تفتح جروحي وكأنك تكب عليها عطر

ماجد رحمها وحس انها ضااايعه في عالم وصخ : انا آسف ما اقصد . .

كادي قاطعته : بس بس اسسسكت

ماجد سكت وهي سكتت حوالي ثلاث دقايق

كادي بعد ما هدت : انا آسفه صرخت عليك

ماجد : مسموحه بس اذا هديتي كلميني اوكي عندي كلام كثيرر معك

كادي : ان شاء الله مع السلامه

ماجد : مع السلامه

. . . . . . . . .

ماجد سكر السماعه وحس ان البنت محتاجه احد يوجهها بنت بعمر الزهور صغيييرره ضااايعه في عالم ما تدري ايش هو ويمكن تدري بس مو قادره تطلع منه

كسرت خاطره البنت بس حسها حقيرره مع ذالك وحط في راسه انه يطلعها من اللي هي فيه وتحدى نفسه في هالشي

. . .. . . . . . .

كادي اول مره احد يكلمها بالطريقه كل اللي يكلمونها يحاولون يسحبونها للمستنقع بس كلمها ماجد حسته زي اخوها الكبير ويخاف عليها . . وما افكر التفكير اللي الكل يفكر فيه


ماجد رجع فراشه ونام ومركز على هدف معين براسه
.......................

__________________
.
.
.
.
.
.
.
ڪم هۆَ جمېڵ ..
ڵۆ ڪآڼ هڼآڪ : ڛڵـۃ مهمڵآٺ ڪبييڔه ڵ ٺڛٺۆعِب آڵڪمېه آڵهآئڵـۃ مڼ / حثآڵـۃ آڵبڜڔ
-->
من مواضيع Ē ṩ Ŧ α Ъ Я α 8

Ē ṩ Ŧ α Ъ Я α 8 غير متواجد حالياً   رد مع اقتباس
قديم 09-03-2008, 10:23 PM   #20
 
الصورة الرمزية Ē ṩ Ŧ α Ъ Я α 8
 
تاريخ التسجيل: Aug 2008
الدولة: فيـﮯ دوآمهـ آلزـمن ..
المشاركات: 2,448
معدل تقييم المستوى: 22
Ē ṩ Ŧ α Ъ Я α 8 has a spectacular aura aboutĒ ṩ Ŧ α Ъ Я α 8 has a spectacular aura about
افتراضي رد: روايه سعوديه جريئه كوميديه دراميه رومنسيه آفهم انك تموت وما تثير إهتمامي

صباح الأثنين

الساعه 9 الصبح دخلت الخدامه وفتحت الستاير

تيسي الخدامه : يلااا يلااا قوووموااا يووووووووه ايش هدا هووسه سوا سوا غرفه عيااال

مرام قامت وصررخت عليها : اطللللللللللللللللللللععععععععععي برااااااااااااااااااااا

رفيف وهي نااايمه : ووونعم يا قلبببي العنيييها

تيسي : لا ما فيه اطلع مدام سهام كلام يلااا قووم عشان نروح جهز في هدا حفله حق مدام سمر


مرااااام تصااارخ : طسسسسسسسي بر اااااااااا انقلللعي <<< على هالصراخ صحصحت مراام واروى ورفيف بس سمر مستحيييييييل


:::::::::::::::::::::::::::::::
في نفس الوقت مر محمد من عند الغرفه الشعبيه كان سهراان ما نام الخبل
وسمع الصراخ حس ان اللي تصااارخ عررربجيه بس اعجبببته وهو يمر سمع
الخدامه تيسي . .تقوول .. .
:::::::::::::::::::::::::::::
تيسي : خلاااص مرام انتي نامي كيفك بس لا تصرخي على انا مداام اروى يلاا قوم مدام سمر يلاا قوم مس عنوود يلاا
:::::::::::::::::::::::
محمد في نفسه : آآآآآآآآآهااا يا حليلها مرام هي اللي تصااارخ ولله يا هي طلللقه
طلع من الفله بيروح يطلع ثووبه من المغلسله
:::::::::::::::::::::::

اروى : اااااف حرام مالنا اربع ساعات نايمين

سمر نوومها ثقييييييييييييييل مستحيل تقوم لازم جراره عشان تقومها وبعد عنوود

سمر : ZzZzZzZzZzZzZz

تيسي : يلاا اروى عشان هدا حفله

اروى : ايييييييه ياااللله يمدينا نحجز في المشغل

اروى نطت اولهم مع انها كسووله بس تحب تخلص اول الناس وراحت الفله دلخت غرفتها تاخذ لها شوور

مرام : حسبي الله عليك تيسي يالذبببببااانه وشلوون بنام هالحين

سفتها الخدامه

تيسي : مداام رفيف مس عنوود يلاا قووم يلاا شوف مرام وراى قووم يلاا

رفيف : نوومها خفيف صحت من اول ما دخلت وفتحت الستاير بس كانت ترتاح على الفراش

قامت رفيف : يلاااا انا برووح احجز الحمام قبلك مراااموووه

قامت بكسسسسل وهي تمشي نقززت مراام وسبقتها بدوون ما تحس لما وصلت الفله ودختله غرفتها شافت الحمام مقفل

رفيف : مييين فيه

مرام : انا مرااامووه

رفيف : بسم الله امداك تسبقيني مو كنت في الغرفه الشعبيه

مرام : هههههه طلعت من الباب الخلفي وجت قبلك

رفيف : طييب مقبوله منك يا دوووب

رفيف ومرام بنفس الغرفه واروى وعنوود بنفس الغرفه سمر بغرفه لحالها لأن إقامتها مؤقته


في الغرفه الشعبيه سمر وعنود نايمين

تيسي ما تتجراء تسوي شي لسمر لأن عندها هيبه عند الخدم بس جابت مويا وكبته على عنود قامت عنود تصااارخ عليها بس طلعت ورقت لغرفتها

تيسي طلعت من عند الغرفه الشعبيه اللي ماصار نايم فيها الا سمر وراحت لصاله الحريم

تيسي : مداام سهام كللوه بنات قووم الا سمر ما فيه قووم

ام فيصل : انا بروح اقوومها من يوم ولدت هالبنت محد يقومها الا انا

ام سمر : هههههههه انا وانا امها ما تقووم مدري وراه تقوم عليك

ام فيصل طلعت من الغرفه كانت لابسه قميص العجز اللي دايم تشوفون عليهم لأنها كبيررره في السن ومتمسكه في زمن اول هي اكبر خواتها ولاف شعرها بغطوووه ودب دووبه حيييييل

وهي طالعه من الفله تبي تروح الخيمه الشعبيه طلع بوجهها فيصل

ام فيصل : يمممه فيييصل الله يرضى عليك رجعت يمه

فيصل قرب لم امه وسلم عليها وحب راسها : ارضي علي يمه ما ابي من هالدنيا الا رضاك

ام فيصل : راااضيه عليك يمه راااضيه

فيصل : الله يسعدددك

ام فيصل قبال الغرفه الشعبيه وفيصل معطي الغرفه الشعبيه ظهره وكان الباب مفتووح على مصررعيه

ام فيصل كانت تتمنى انه فيصل ما يلتفت وقاعده تناضر من وراه تشوف سمر باينه ولا لا

الفرررش فووق بعضه والغرفه حووسه سمر ضامه الوساده في حضنها ووساده حاطه عليها راسها وشعرها منثوور حاوليها لابسه بجاامه بينك وموووف وعليها صوور كثيرره بس مو واضحه وشكلهااا مره اصغر من عمرررها بس كان البجامه ساااتره بالمقارنه بعنود البنطلون الي اخر ساقها البلوزه الى النص

فيصل لاحظ امه تناضر وراه التفت عفووياً ناظرها بعينه مللاااااك طفله صغيرره زي عرفها غض طرفه على طوول وهذا اللي كان خايف منه انه يشوفها بالغلط تجمعت الدموع بعيونها لما شافها وقال : يمه ليه كذا سكروا البيبان ولله عيبب والله ركبوا دفاش على الأقل

ام فيصل ما قدرت تشوف النضره اللي بعين ولده قلبها ينننكسررر على طول قالت وهي تدخل الغرفه الشعبيه : ان شاء الله يمه ان شاء الله من زمان بقولهم بس الشكوى لله

راح فيصل طلع من القصر وركب سيارته وشغل الميوزك وقام يسووق بسررررعه ودمووعه تنزل بدون ما يحس فيها كان يسوق بسرعه ولا يدري وين بيروح ولا ليه يروح يحبها لااا اكثر من كذا بوواااجد مجنونها . . وصف ما يوصف شعووره اتجاهها يعشقها لحد الجنوون فيصل رجااال وهيبه وشخصيه قووويه بين ربعه تبيكيه بنت لا لا مو أي بنت هاذي الطفله روحه حيااااته كلللها . . ما كان يتوقع كل هالتأثير منها حقد عليها وعلى ليث اللي جابه هنا وحقد على ابوها وزوجها اللي ما يعرف مين هو ونااار تشتعل في صدره ما يدري وين يطفيها

:::::::::::::::::::::::::::

ام فيصل : يااااااللله مفضلك ولله ما فيه مثلك يا سمر متحنيه يالله الجنه

سمر ونصها نووم : هاااه وشو خااالتي

ام فيصل : اقوول حاطه حنا بيدياااتك

سمر : وووووووووع وشوو حنا استتغفر الله

ام فيصل : ناضري يدينك الا حااطه مفصله نضاا ره جديده واشووف زين اللحين

سمر تناضر يدينها : ووووووووووووووووووووووووووووووووووووووووعععععععععع عع
ام فيصل تأكدت انها قامت طلعت للحريم تبشرهم ان فيه بنت من بنات هاليومين تحطه

سمر وبعيونها بكي وقاعده على المغسله وتغسله : وووع ووع وووع قرررف ولله لا استاثم باللي مسوويه مررام اكييد مرام هي الحيووانه هي هي انا داريه

راحت لغرفه مرام وبقووه رجلها تطخ الباب

طخ ..

طخ . .

طخ ..


رفيف في الحمام ومرام تتتلللبس

مرام : وووجع مين هذا الوقح اللي يدك بهالطريق

سمر تصااارخ : مراااااااااموووووووووه افتتتتتتتتحيييييييي لا اكسر الباب عليك

مرام متسغربه على الأخر فتحت الباب

مرام : يووووووه وش هالصراخ وش فيييك اللله حااطه حنااا

سمر : انتي اللي حاطته ياللي ما تتسمي

مرام : بصراحه بسوي فيك مقللب بس

سمر : كووولي تبن انا عرووس تسوين فيني كذا وش يبي يقول رجلي اللحين

مرام : ترى وانا احط لك حطيته بوجهي

سمر : ااااااحسسسسسسسسسن تستاهليييين وتشووفين ان ما رديتها لك

مرام : يووه سمر تعرفين قد ايش انا احب المقالب خلي روحك رياضيه

سمر : وتعرفين قد ايش انا احب انتقم تشووفين

سمر راحت غرفتها وصبخت الباب بقووه

مرام : يووه ززعلت

رفيف فاااطسه ميته من الضحك وهي بالحمام تسمع صارخهم

مرام : ايه ايه اضحكي وش وررراك ما تدري انك نص العمليه احمدي ربك ما فضحتك

رفيف :هاااي آآآه يا بطني

مرام : ههههه يا عمري لو تشوفين شكلها

رفيف : هههاااي عاد تخيلي شلوون بتنتقم منك ولله اعرفها سمر اذا حطت ببالها شي تسوويه

مرام : طيب طيب انا نازله افطر البسي وانزلي هااه انتضرك تحت

نزلت مرام
مرام واروى وعنود يفطروا على الطاوله وانواع السواليف والحش ومرام تسولف عن اللي صار لها مع سمر نزلت رفيف لامه شعرها ولابسه حفر اخضر وتحته تيشرت ابيض وبنطلون ابيض قطني <<<وطنيه ببحتتته

عنوود : عااشت عااشت بلااادي
رفيف : خخخخخ باييخه

عنود : طيب تعالي افطري
رفيف : ايه جاايه

:::::::::::::::::::::::::::::


سمر تحت الدووش ورااسها فاااضي وما تفكر في شي كانت مستترررخيه على الأخر ورررااايقه واللي ما خلاها تستاثم بمرام انه فستانها موديله في قفازات من ستاان فضي تخطي كل يدها بس تحس بحاجه غررريبه صايره لها وهي نايمه غير سالفه الحنا . . القلب ما يخطي يا سمر

::::::::::::::::::::::::::
ام سمر تدق الباب

سمر كانت تمشط شعرها المبلوول ولابسه بنطلون جينز فاتح لونه ضيق وتيشرت ضيق بعد لونه احمر ومكتوب وعليه بالبيج بالأنقلش It was not me بخط كبير مالي بلووزه وفيه صوره دبدوب صغير جنب الكتابه . . فتحت الباب لأمها

سمر بوجه بشووش : صباااح الللخيرااات

ام سمر: صباح النوور اخباارك اليوم ؟

سمر : عااااال العاال ورررااايقه حدي

ام سمر : يالله الجنه حاطه حنا

سمر : اااف من مرام التبن هي اللي حطت لي التبن ذيك وانا نايمه

ام سمر تشوف بنتها تتحلطم وتعيد الكلام بدون ما تحس : ه

اسمر بمزح : ايه اضحكي اضحكي وش وراك

ام سمر : هههه بس ميخالف فستانك بيغطيه صح

سمر : هذا اللي ما خلاني اذبحها بس تشوفين وش بسووي فيها

ام سمر : طيب يمه عزمت طلال يجي اليوم

سمر : اااف يا كرره ويا كره سيرته

ام سمر : يعني ما عزمتيه زي ما قلت لك

سمر بكذب : الا كلمته وقلت له قال انه برى الرياض مدري وش يسوي

ام سمر : هاتي جوالك

سمر بثقه : سمي

فاطمه اخذت الجوال ودقت على طلال

طلال رد على طوول بصووت حنوون دافئ : هلا بالغلا كله

فاطمه : هلا يمه طلال انا ام سمر

طلال عدل صوته و مستغرب : هلا خالتي حياك

فاطمه : اقول يمه انت في الرياض

سمر تأشر لأمها تقول لا لا تكفييين فاطمه سفهتها . .

طلال بخوف : ايه خالتي سمر فيها شي

فاطمه : لا الحمد الله سالمه غانمه بس اليوم بنسوي حفله لزواجها ونبيك تجي

سمر طيحت نفسها على السرير : آآآآآآآآآآه يا بلووتي احد يجييب رشاااش ويذبحني

طلال انبسسسط اخيراً بيشوفها يومين عنها صحيح مو شوق نسبه صغيره مشتاق لها بس فرحان عشانه بيفهمها اللي صار ما يبي وحده لا راحت ولا جت تخرب حياته : ابشرري خالتي اول من يجي انا

فاطمه : وخل خواتك يجوون لانه المعازيم كلهم قراايب العروس والعروسه واي احد تعرفه و قريب منك اعزمه لاتبخل علينا همااه

طلال انبسسسسسسسسسط : ابشري ابشرري خاالتي من عيوني بس ليه مو سمر اللي عزمتني

فاطمه ابتلشت ما تدري كيف ترقعها : هههه يا حبي لها تقول مستحيه . .طيب ما اقدر اطوول لأننا طالعين الساعه 8 باليل تكون فيه

طلال : ان شاء الله خالتي بالسلامه


سكرت السمااعه

فاطمه : اجل برى الرياض هاااه

سمر : ييييييمه ليه سويتي كذا

فاطمه : انا بسلم على رجل بنتي واشوفه وبعدين حفله عروس وما فيه زوجها

سمر عصصصبت اخذت عباتها وشنطتها ونزلت تحت وهي تكلم نفسها وتتحلطم

فاطمه ما سوت شي تعرف بنتها شوي وترضى


سمر لبست عباتها الفراشه ساااده وواسعه وما فيها أي شي ملفت

سمر : يالله يا دوباات للحين تاكلوون

عنود : تعالي كوولي شي يالعصلا

سمر : بفطر في المشغل يالله يمدينا نحجز دور

عنود لبست عباتها ومرام وطلعوا وركبوا مع السواق

رفيف واروى قاعدين يلبسون ولسه ما طلعوا

مرام : اااااااااف وينهم ذول

سمر: كوولي تبن انتي
مرام : هاااي

عنود : يا عمري يا سمر حنووك الملاعين

سمر ومطيره عيونها : ليه هي ملعونه وحده فيه احد ثاني

مرام : هههههااي هم عددهم ثلا...

عنوود قاطعتها : لا لا هي وحده اللي مرامووه

سمر : انطقي مين

مرام : بصراحه عنود ورفيف وانا

سمر : هييييييييييييين يالملاااعين ولا عنوود مسوويه بريئه

جو البنات وركبوا السياره

وعلى المشغل على طوول

في المشغل . .

مرام : شوفي حياتي انا ابي تسريحه ناااعمه لانه شعري معوودين عليه بالتسرياحت الفخمه والكرلي المنفووش فأبي تغيير

الكوفيرا : ايه تكرم عينك شو رأيك استشووور هو لك وسوي كل بوف والبائي نسويه مموج بس مو كيرلي

مرام : انا فستاني اوورنج هاادي لأنه اكثر لون يتانسب مع طلتي فيعني لون جريء شووي والفستان بحده ناعم يعني كله ساده بس الصدر اللي كلها ترتر . . فايليت التسريحه اللي قلتي لي تو تكون اهدى يعني

الكوفيرا : شوفي البوف راح يكون صغير ماني مسويه لك بوف كبير والباقي نخليه مموج

مرام : اممم تدرين كيف استشوري ليي وسويه مكرررااات عشان يكوون ملف لف على خفيف

الكوفيرا : على راحتك

والكوفيرا تشتغل دق جوال مرام شافت رقم غرريب ما ردت ما ترد على أرقام غريبه

مرام في نفسها: اااف وش يبي هذا من امس وهو يدق شكله احد يعرفني بس لو انه يعرفني ارسل رساله يقولي ردي

وشوي وتجيها رساله

مرام ردي انا لمى

مرام في نفسها : لمى !!ما اعرف احد في هالأسم شكلها من صديقاتي القديمات او وحده تعرفني ولا اعرفها


دق مره ثانيه

مرام : الووو

: اهليين مرام

سمعت صوت رجال مو بنت سكرت بووجهه بس كيف عرف اسمها . .يمكن صدفه طنشت الموضوع . .

:::::::::::::::::::

في الحفله سمر كانت طفشاااانه انه طلال بيجي ومالها خلللللقه مو مصدقه يومين مفتكه منه

سمر شكلها كثيررر رااايق ومن يوم هي صغيره تحب لفت الأنتباه والكل يتلفت عليها فخلت فستانها من الألوان الجريئه احمممممررر قوويه يا سمر خصر نازل بعدين كسراات والفستان الى فوق الركبه بعدين الظهر كله مفتووح الى آخر فقره من عامودها الفقري وبعدين فيونكه نااعمه بس كبيره مربوطه من فوق ومن تحت في ظهرها ومن قدام بدون سيور وصدرها كله خيوووط مربطه فستاااانها حررررركه بس لونه جريء بزياده شعرها مسويته بووف كبير ومسيحه شعرها لازم يكون شكلها فخم لأنها العروس مكياجها فاااتح عشان لون الفستان صارخ والستايل هذا مصغرها كثير كأنها بنت 16 او 15

كانت بتلبس الفضي اللي فيه القفزات اللي يقولون عنه بس سحابه انفلت وما تدري ايش تسوي بيدينها وطول الوقت شغاله باليموون لعل وعسى يخف شووي


عنود فستانها عجبني جاي تنوره من نص بطنها لونها اسود وضيييقه وقماشها حرير يلمع وقميص ابيض فخم مدخلته جوا التنوره بعدين حزام عرريض فضي يفصل بين القميص والتنوره . . فستانها ررهيب وعلى الموضه تمااماَ وعشانه هادي رفعت شعرها كعكه ومكياج صااارخ. . وعلى طولها طالع حركه


اروى ما تدري وش تلبس كل شي ضيق عليها فالبست فستانها الفستقي كأنه جلابيه بس لايق عليها شعرها مستشور وطيلان ومكياجها كامل . . شكلها ما عجبني


رفيف . .مسويه بوف عشان يطولها شووي وكعب عالي اسود ومكياجها اسود وفستانها اسود ساتان بس حفر وضيق الى آخر ساقها وفيه كم شغله من فووق معطيه الفستان شكل . . الفستان ررهيب بس مالاق على جسمها الصغير

الحريم يدهروون واللي تشيل واللي تحظ ومجلس الجال مليييييييييييييييييييييييييييااااان مدري مين اللي فيه اكيد اخوان طلال وعيال عمه وربعهم عيال عمهم وكل الدنيا جايه صاير كأنه عرس اما عند الحريم برضوا كان زحمه بس مو كثر الرجال

فيصل كان اجمل الحاضرين بس اللي فيه وضيقه الصدر اللي فيه خربت شكله فغطى عليه محمد هذا أي بنت تشوفه لازم تخق يعني ملك الوسامه بس مو كثر فيصل

سمر واقفه عند الأسترويوا وتسمع الصجه والناس واللي اريح واللي جاي ما تبي احد يكلمها تخاف تبكي . .

الأستريوا شغال والشاكي يهز الأستراحه هز . . الكل كان يرقص بس سمر واقفه تتفرج وخايفه تفقد السيطره على دموعها

ام سمر : يا حيا الله من جانا

هند : الله يحييك يالغاليه

ام سمر : كادي ياسمين يمه شوفوا البنات في الصاله الثانيه

كادي : ان شاء الله خالتي

راحت كادي وهند لصاله الثانيه

كادي وهند وياسمين يصيروا اخوات طلال

ام سمر : تعالي هند بعرفك على وحده

هند : يلااا
:::::::::::::::::::::::::

كادي : الله يقطع بليسك يا رفيف آآآه بطني

رفيف : سمر ولله يا خوات رجلك رهيبات

سمر في بؤس : ايه صح

كادي : هههه دقيقه رفيف وين دورات المياه

رفيف : ليه وش بتسوين

كادي : ماني مسويه شي بغسل هههههههه

رفيف :تعالي اوريك

ورتها دورات المياه

رفيف : انا عند البنات تدلين الطريق صح

كادي : اوكي اسبقيني عرفته

رفيف : حلووو اجل انا رايحه

كادي غسلت يدينها من الحلوى وهي راجعه كان شباك صاله الرجال شافت ماجد من بعيد بس هو ما شافها

كادي في نفسها : يووه معقوله هو نفسه اللي كلمته امس مستتتحيل ولله ان تصير فضايح الدنيا لو يدري اني اقرب لسمر

كادي انصفق وجهها وضاقت عليها الدنيا ما توقعت انه يعرف سمر فكرت شوي يمكن احد اصدقاء عمانهم او يقرب لهم من بعيد

رجعت كادي للصاله تبي تتأكد

كادي : اقول رفيف

رفيف : عنوونه

كادي : فيه احد يقرب لكم اسمه ماجد

رفيف : هههههههههااااااي اخووي ماجد

كادي : اااهااا لأنه صديقتي تزوجت واحد اسمه ماجد ومن نفس عائلتكم ويشتغل هندسه

رفيف : لا لا اخوي ما تزوج وما يشتغل اخبر انه قالي انه يتاجر في الأسهم يمكن اللي تزوجته صديقتك يقرب لنا من بعيد

كادي انخطف وجهها وتمنت الأرض تنشق و تبلعها بهالحظه

رفيف : كادي وش فيك

كادي : هااه لا لا ما فيني شي
..........................
إنتهاء البارت السابع
.........................

قراءة ممتعة ودمتم سالمين

__________________
.
.
.
.
.
.
.
ڪم هۆَ جمېڵ ..
ڵۆ ڪآڼ هڼآڪ : ڛڵـۃ مهمڵآٺ ڪبييڔه ڵ ٺڛٺۆعِب آڵڪمېه آڵهآئڵـۃ مڼ / حثآڵـۃ آڵبڜڔ
-->
من مواضيع Ē ṩ Ŧ α Ъ Я α 8

Ē ṩ Ŧ α Ъ Я α 8 غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:43 PM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir