منتديات هتوف  

العودة   منتديات هتوف > أقلام هتوف > خواطر و قصائد

خواطر و قصائد خواطر و خواطر حب , وخواطر غرام وعشق , و خواطر حزينه , قصائد , قصائد شعرية , و قصائد حب , و قصائد منوعه



Like Tree2Likes
  • 1 Post By محمد بـن طلال
  • 1 Post By حنآيآ الروح

إضافة رد
 
LinkBack أدوات الموضوع انواع عرض الموضوع
قديم 04-18-2016, 02:39 PM   #1

 
تاريخ التسجيل: Apr 2015
الدولة: جزيرة العرب
المشاركات: 13,260
معدل تقييم المستوى: 5000
محمد بـن طلال has a reputation beyond reputeمحمد بـن طلال has a reputation beyond reputeمحمد بـن طلال has a reputation beyond reputeمحمد بـن طلال has a reputation beyond reputeمحمد بـن طلال has a reputation beyond reputeمحمد بـن طلال has a reputation beyond reputeمحمد بـن طلال has a reputation beyond reputeمحمد بـن طلال has a reputation beyond reputeمحمد بـن طلال has a reputation beyond reputeمحمد بـن طلال has a reputation beyond reputeمحمد بـن طلال has a reputation beyond repute



(adsbygoogle = window.adsbygoogle || []).push({});
افتراضي [قصة وقصيدة] محسن الهزاني وعبد رنية والشايب الحكيم

سلام عليكم ورحمة .. شحالكم
هذا محسن بن عثمان الهزاني أجتمعت فيه ثلاثة أمور، الشعر والإمارة والوسامة
وجعلته الثلاث يثق بنفسه إلى درجة أنه شاف حاله أشعر الناس بزمانه
وأهل زمانه شافوه أشعرهم ولا كان أحد ينكر جزالة شعره -زي إبن جدلان الحين -
لكن هذي الثقة ولدت فيه أنانية
لدرجة أنه يوم سمع بشاعر يدعى "عبد رنية" يقولون الناس أنه أشعر من محسن
حاول أنه يتحداه بالشعر، حتى يثبت لنفسه أنه هو أقوى الشعراء
رغم ان غالبية الناس كانت مؤمنه بأنه هو أقواهم !!
لكن عموما
تحدى محسن عبد رنية بأن أرسل له قصيدة على وزن المسحوب تنتهي بقافية ثلاثية صعبة وهي "نية"

يقول محسن موجهًا كلامه لعبد رنية:
يا "شين" ما عينت لي داعج العين .. قلبي عليها بالهوى زاد طنيه

إلى ضحك في مبسمه طقني بيْن .. لجت محاحيل الحشا واقرشنيه

ساره وزعبيه ونصره غدت وين .. خواتم باصباع ساره زهنيه

ساره حلاهن مير نصره حلا العين .. وسطٍ كما الخاتم على ضوضحنيه

إن كان عندك وحدةٍ عندنا الفين .. حتى الرخيصة ما نبيعه برنيه

*التحدي كان في آخر بيت*

العلم

وصلت القصيدة لعبد رنية وعبد رنية هو بريك بن عذاب آل عذاب من موالي وداعين الدواسر
وكان جار لأهل رنية ونبغ شعره فيها وسموه الناس "عبد رنية" لأنه كان مولى
العلم أنها وصلت له ورد بريك على محسن بهذي القصيدة
يقول:
يا ركب من فوق سمح الذراعين .. فوقه غلام لا ندبته شفنيه

يطوي مسير العشر في ظرف يومين .. واليوم الاّخر بالحريق أمرحنيه

الميركـه ماهـود وشدادهـا زيـن .. وخرج العقيلـي والسفايـف زهنيـه

وصبح أربعٍ تلفي بيـوت الهزازيـن .. ولا جيتهـم اعقـل ذلولـك بثنيـه

تلفي الهزازنة القروم المسمين .. من سمعني في مدحهم ما أكذبنيه

ذباحـةٍ للحيـل ومهـبـشٍ زيــن .. وماكولهم يركد علـى الكبـد هنيـه

مجلاسهم فيه الشرف والنبا الزين .. فروخ الحرار سيوفهم ترهبنيه

وأخص محسن شوق ضاف الدليقيـن .. لـولاه قـال كليـمـةٍ وأزعلنـيـه

لومي على اللي سامعه من زمانين .. وراه ما قاضاه ولا علمنيه

البارحـه يقولـون ليـلـة إثنـيـن .. أحس عيوني مـن الدمـع حرقنيـه

بكيـت ولا أبكـان هـمٍ ولا ديــن .. ولا لــي غـريــم خايف يذبحـنـيـه

أبكي على من له على المتن قرنيـن .. سبيـب شقـراء عندمـا فزعنـيـه

ومجدلات أطرافها وقم بوعين .. شروا حـبــالٍ شفـتـهـن يفتلـنـيـه

ولا همني كود أنت يا مغيزل العيـن .. يا أبو قـرون فـوق متنـه كسنيـه

رقدت أنا وإيـاه بالفـراش نيميـن .. إليـن حـس النـاس يـوم أقعدنيـه

أسقان من ريقه طعـم سكـرٍ زيـن .. والله وقـى وإلا بـغـى يشرقنـيـه

يا محسن لو شفت أريش العين .. عفت الحريق وجيتنا صوب رنيه

لو شفت سعديه وثنوى وثنتين .. في روشن(ن) ما أحلى حمامه وبنيه

ذرعان سعديه سواة العراجين .. ومشرمخات(ن) بالذهب يلبسنيه

وجسمه كما الدهدار وألين من الليـن .. وخصره كما الفتخا بضبضاب حنيه

والعنق عنق الريـم بيـن الشعيبيـن.. لا شاف قناص الضحـى وأجفلنيـه

وسنونها يا أخوي بيـض الفناجيـل .. غزلان صيـف عندمـا وضحنيـه

وسعديه أزين مار نصره حلا عيـن .. خواتـمٍ بيديـن نصـره زهنـيـه

يا محسـن قلبـي تـدالاه رمحيـن .. وإلا حنيـشٍ بالعـقـب ينهشنـيـه

لا تلومني يا خوي قلببي غـدا ويـن .. ولو شفتهن تعاف قصـرك وبنيـه

مار أنت يالي شوفتك تطرب العيـن .. رجليـك بالمغـراب لا تزلقنـيـه

قال الذي يبدع من القاف تسعين .. تسعين قـاف كلهـن أيـن وأنيـه

ما همني دنيا ولا همني دين .. ولا عدو خايفه يذبحنيه

وإن قلت لي قين فأنا قين ابن قين .. وإن قلت أنا شين فأنا عبد رنيه

أمي خلوج بالخلا تردف اثنين .. وأختي تهرول كنها المقفزنيه

وإلا أنت شيخ من رجال عريبين .. ارفع مقامك عن صرات الركنيه


ضاعت أبيات كثيرة لمحسن وبريك في القصيدتين السابقة
حيث ذكر بأنها بلغت قصيدة كل واحد منهم 90 بيت
لكن الباقي هي أبيات التحدي من محسن والرد من عبد رنية

حيث إن محسن قال بأول بيت:
يا "شين" ما عينت لي داعج العين .. قلبي عليها بالهوى زاد طنيه
وقفل القصيدة بذا البيت:
إن كان عندك وحدةٍ عندنا الفين .. حتى الرخيصة ما نبيعه برنيه

أما عبد رنية فكان أركز من محسن
وبدأ قصيدته -على عادة الاولين- بذكر ناقة مرسوله والطريق اللي يمر منه حتى يوصل لمحسن:

يا ركب من فوق سمح الذراعين .. فوقه غلام لا ندبته شفنيه

يطوي مسير العشر في ظرف يومين .. واليوم الاّخر بالحريق أمرحنيه

الميركـه ماهـود وشدادهـا زيـن .. وخرج العقيلـي والسفايـف زهنيـه

وصبح أربعٍ تلفي بيـوت الهزازيـن .. ولا جيتهـم اعقـل ذلولـك بثنيـه

تلفي الهزازنة القروم المسمين .. من سمعني في مدحهم ما أكذبنيه

ذباحـةٍ للحيـل ومهـبـشٍ زيــن .. وماكولهم يركد علـى الكبـد هنيـه

مجلاسهم فيه الشرف والنبا الزين .. فروخ الحرار سيوفهم ترهبنيه

وأخص محسن شوق ضاف الدليقيـن .. لـولاه قـال كليـمـةٍ وأزعلنـيـه

لومي على اللي سامعه من زمانين .. وراه ما قاضاه ولا علمنيه


ثم بدأ في فرد عضلاته الشعرية بالغزل على نفس الوزن والقافية
وأنهى قصيدته بالرد على تحدي محسن:

قال الذي يبدع من القاف تسعين .. تسعين قـاف كلهـن أيـن وأنيـه

ما همني دنيا ولا همني دين .. ولا عدو خايفه يذبحنيه

وإن قلت لي قين فأنا قين ابن قين .. وإن قلت أنا شين فأنا عبد رنيه

أمي خلوج بالخلا تردف اثنين .. وأختي تهرول كنها المقفزنيه

وإلا أنت شيخ من رجال عريبين .. ارفع مقامك عن صرات الركنيه


والمعنى أعرف إن مقدارك عالي ولا تنزله أزين لك
وفعلًا سكت محسن
كبييير يا بريك
ولكن هذا لا ينكر إن محسن كان أشعر أهل زمانه
ولولا أنه لم يكن كذلك لما حفظ الناس في البادية والحاضرة قصايده إلى اليوم
عمومًا
القصة هذي كانت بين 1100- 1200 هجريًا لأن محسن توفى في 1210 الله يرحمه
لكن لقيت قصيدة بجريدة الرياض لشاعر عنزي من مواليد 1265 هجريًا
هذا الشاعر هو محمد الدسم من المعمرين وشعراء الحكمة
نظم قصيدته هذي وعمره 95 سنة على نفس قافية ووزن محسن الهزاني وبريك
وأستحقر بأن همهم الفشخرة والغزل وذكر ملذات الصبا وكدرات الشيب .... يقول:

البارحة ما قرب النوم للعين .. عافن عيوني نومهن واسهرنيه

أسهر طوال الليل والناس غافين .. ونوم الملا يا عزوتي حاربنيه

سهرت وأسهرني عن النوم همين .. الهم جاني والكبر نوخنيه

ماهمني اللي هم شيخ الهزازين .. اللي وصف له زينهن عبد رنيه

هم همهم طرد البنات المزايين .. وأنا بلايه من زماني محنيه

هم همهم واحد وأنا همي ألفين .. متفاختات ظعونهم مع ظعنيه

عقب الصبا يا لابتي شفت أنا شين .. الى نويت أمشي رجولي عصنيه

ترى الصبا يا مدورين القوانين .. الطيب به والمرجله يلتقنيه

وجدي علي أيام الصبا وينهن وين .. يا حلوهن ياليتهن يرجعنيه

المقفيه عمارهم فالهم شين .. راحت ليالي عزهم واقرشنيه

والمقبله عمارهم فالهم زين .. لو تفتشون قلوبهم تضحكنيه

الكبر رماني مع اثنين واثنين .. وجميع الاربع من سببهن رمنيه

لكن رمن قلبي رجال كثيرين .. وقلوبهم من زايد الهم طنيه

شُوفي قصر واطالع الزول زولين .. والسبع من ترديدهن عجزنيه

الكبر لفواته مثل فايت البين .. ما بالصدور الى لفا يفرحنيه

كبرت وعيالي بعدهم صغيرين .. ورجلي عن رقي العلا هوننيه

وقمت أكتلف من سجتي للدياوين .. وصاب الضهر من بطو الايام حنيه

عشنا مع الحيين خمسه وتسعين .. بحساب يوم وكنهن ما مضنيه



وسلامتكم
__________________
-->
من مواضيع محمد بـن طلال

محمد بـن طلال غير متواجد حالياً   رد مع اقتباس
قديم 05-24-2016, 06:22 AM   #2
مراقبة عامه
 
الصورة الرمزية حنآيآ الروح
 
تاريخ التسجيل: May 2011
الدولة: فِيْ مَتَاْهَاْتِ اْلزَمَنْ
المشاركات: 13,749
معدل تقييم المستوى: 42949726
حنآيآ الروح has a reputation beyond reputeحنآيآ الروح has a reputation beyond reputeحنآيآ الروح has a reputation beyond reputeحنآيآ الروح has a reputation beyond reputeحنآيآ الروح has a reputation beyond reputeحنآيآ الروح has a reputation beyond reputeحنآيآ الروح has a reputation beyond reputeحنآيآ الروح has a reputation beyond reputeحنآيآ الروح has a reputation beyond reputeحنآيآ الروح has a reputation beyond reputeحنآيآ الروح has a reputation beyond repute
افتراضي رد: [قصة وقصيدة] محسن الهزاني وعبد رنية والشايب الحكيم

سلمت آياديك ع انتقآءك الرآئع
دآام نبض عطآءك المميّز
بآقآات من الجووري


__________________
-->
من مواضيع حنآيآ الروح

حنآيآ الروح غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
عبدالله يرث وعبد الله لا يرث وعبد الله يرث ؟؟؟ادخل وشوف مين اللي مايرث اميرة البلوشين المنبر الحر 1 05-24-2010 06:46 PM
قصة ابن محسن الهزاني المميز 454 قصص و روايات 0 01-07-2010 12:27 PM


الساعة الآن 01:48 PM


Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.0 TranZ By Almuhajir