منتديات هتوف  

العودة   منتديات هتوف > أقلام هتوف > قصص و روايات

قصص و روايات قصص , قصص طويلة , قصص رومانسية , روايات , روايات طويلة - تحميل روايات ، روايات طويلة رومنسية



إضافة رد
 
LinkBack أدوات الموضوع انواع عرض الموضوع
قديم 09-11-2008, 02:46 AM   #1
 
الصورة الرمزية Ē ṩ Ŧ α Ъ Я α 8
 
تاريخ التسجيل: Aug 2008
الدولة: فيـﮯ دوآمهـ آلزـمن ..
المشاركات: 2,448
معدل تقييم المستوى: 22
Ē ṩ Ŧ α Ъ Я α 8 has a spectacular aura aboutĒ ṩ Ŧ α Ъ Я α 8 has a spectacular aura about



(adsbygoogle = window.adsbygoogle || []).push({});
افتراضي لا خويــ ولا مخاويـــ ولا لقيتــ اليــ اهتويتــ / للكاتبة: غرشوبتي > روآيهـ اماراتيهـ



القصه واقعيه حقيقيه حصلت في الامارات طلبت مني صاحبة القصه كتابتها ونشاء اللهتعيبكم القصه ويعيبكم اسلوبي طبعا الاسماء مب حقيقيه


الجزء الأول
انا عليا عمري 17 سنه ثانويه عامه.. انا يتيمه.. ابويه مات وانا عمري 4 شهور واميييه كانت اجنبييه وبعد وفات ابوووي بشهر ودرتني وسافرت لبلادها واستغنت عني خلتنييي سارت تكمل حيااتها >> ناس ما تخاف ربها

انا عايشه ويا يدتي عذييجه وييديي بعد كان متوفي.. المهم ابووويه كاان من اصحاااب الشركات وعنده ملاييييين وبيزاات وخييير>>> ولهسسبب امييه خذذت ابووويه

المهم يدووه عذيييجه ربتني وكان عندي عميين الله يطووول في عمرهم وهم ما قصرو وياي وكلل واحد فييهم معررس وله بيته وعياله والبيت اليي انا عايشه فيييه بييت ابووويه الله يرحمه
يدووه عذيييجه اماجرره بيييتها وسااكنه في بييت ابووويه الله يرحمه يعني ما اقولكم ان يدوووه كانت تكرهني بس بعد كانت معاملتها ليي شووي قاسييه لان مهما صار بتتم بننت الاجنبييه اليي كانت السبب تقريبا في مووت ابووويه الله يرحمه ولهذا السبب كانت تكرهني شوووي وانا ما ادري شو ذنبي ان هاي اميييه
المهم كنت انا في غاية الجمال والروعه كنت ما خذه من حلات اميييه كاان شششعريي طوييييل وكسستناائيي اللون لوون شششعر امييييه وعيووونيي كاانت كبيرره ووسيييعه وحللوه ولوونه بنيي عرماادي اليي كاان يشووفنييي ما كان يصصدق انيي بنت عرررب المهم كنت وايد حلوووه<<لا واللله تممدح نفففسهاا خخخخخخخخخ

والمهم خلنا نرجع لعمامي عمي سلطان وعمي راشد
عمي سلطان عمره شي و40 وكان ماخذ وحده من اهالي سويحان فاطمه (شي و30 انسانه طيبه وحنوونه وتنحب(
المهم اكبر عياله كان فهد عمره 33 ماخذ بنت خالته حصه 28 سنه وعندهم ساره 4 وسالم سنه وبعدين ايي هادف 28 ماخذ اخت ربيعه شيخه 22 سنه عندهم راشد سنتين وبعدين ايي ((هزاع)) عمره 24 سنه يدرس في المانيا كان حلمه ان يكون دكتور ولكن عمي ما رضى وقال لازم يدش البزنس ويدير شركااتي وحلالي بعد وفاتي وهالشي الي خلله هزااع يسافر ويبتعد وييدرس البزنس في المانيا كان انسان عصبي ومتحكم مغروور خقااااق لابعد الحدوود شايف نففسه وكاان وسيييييييييم جمييييييييييل يخبللللللل كان يجننن وكان انسان له هييبته وشخصيته طوييييل عررريض خشششمه شرات السسيف اسممر اللون ولكن مب وااايد اسسسمر >>> خ كييف يعنيي شو مب واايد اسممر يعني لونه حلوو .. المهم كله على بعضه كان عذاااب نص بنات العايله متخبلات عليه وبعدين سلامه 18 سنه وبعدين عويش 15 وبعدين خليفه 9 سنين
.........................................
وعمي راشد كان عمره في ال30 وكان ماخذ بنت ييرانهم وكانت عاليه (وهي بعد في ال30 ولكن كانت اصغر منه) وعندهم هادف 16 سنه والريم 14 واحمد 9 واخر العنقود العنود 5 سنين
.............................................

كنت انا خقاقه ودلوووعه ورافعه خششمي وواثقه من نفسي ودووم افتخر بنفسي وجماالي وكانت لي اسبابي كنت اظن انيي بهالطريييقة بكوون مثثل الناس بشي وبهالشيي اريد اكون فييه احسسسن منهم يعني كنت ابا يكون عندي شي الناس تتمناه انا كنت مدلعه نفسي بنفسي ومسوييه كل ها عسسب اررضي شيي في داخلي ولكن شو ما اعرف المهم كنت دووم اتمنى ان يكوون ليي ابوو ويكون لي ام كنت دووم اغار من ربعي كنت اموت كل يوم من العذاااب وكنت اتعذب يوم مجلس الامهاات كان الكل اييب امه الا انا وما كنت اقووول ليدووه وحريم عمامي ((عماتي)) كنت دوم احاول اني اغييب في الايام ومرات ما كنت ارووم اغييب وكنت اسيير واتعذب وانا اشووف كل ام تسال عن بنتها والي تحضنها وانــــــــــــــــــــــــــــــــــا انـــــــــــــــــــــــــــأ اميييه ودرتنيي وانا صغيره وانا بعدني ما كملت ال5 شهووور اه ه ه وهالشيي اليي كان معذبني انيي كنت بلياا امم وابوو ياا ما اصصصعب الحيياة بدوون الوالديييين كنت اكره امييه مرات ومرات احبببها كنت دوم اسال نفسي لييش احبها هي شو سووت لي والي فهمته من يدووه انها كانت السبب في موت ابوويه يمكن يدوووه كرهتنيي فييها كنت كل ما يدووه تسسب امييه اصييح مهما كان وصار بتتم امييه ما كنت احب حد يسبها والا يغللط علييها كانوا يقولون ان اميييه خرربت ابووويه وخللته يتعوود عالشررب وهالسوالف وليين ما ذبحته وهالشي يدوه كانت تقووله ليي كنتت مرااات احتااجهاا تكونن عنديي كنت مراات اشتااق لها مووت وانا ما اعرفها كان خاطري اشوفها ولكن وين بلقااهاا ؟؟؟ اصصلن لوو لقييتهاا هيي تباانيي؟؟؟ وليييش هيي ودررتنيي؟؟ هل هيي تحبنيي؟؟ هالاسئئله كانت دووم تدووور في بالي ولكن من بيجاوببني علييها منووووو؟؟؟ كنت مراات احس بضيييج ومرات احتااج ان اقووول لححد في الي بخاطري ولكن منو بيسسمعنييي يدووووه!!!!!!!!!!! مسستحييل بتييلس اتقوولي عن الرمممسه الفاضيه ومن هالكلام فكنت انساانه شبه متحطمه داخليا و لكن ما كنت ابيين لحد هالشيي كنت مرات اكره نفسيي وادعي على امييه من القهر الي فيني كنت مرات اسال نفسي منوو يحبني هل في احد يحبني في هالدنيا صدق عمامي كانو يحبوونيي بس بععد كنت ابا حد يمووت فيني يهتم فيني يفكر فيني حتى ربعي الي هم ربعي ما كانو يحبووني ذاك الزوود لانيي كنت واايد متكببره وخقاقه ماكنت اسووولف وايد وياهم وجييه ويمكن الي كانو يرابعوني لكششختيي واشيائي وانا دوم كنت ابتعد عنهم حتى اذكر ايام الابتدائيه كنت اقص عربعي وكنت اقولهم ان عندي ام وابو وانهم يحبووني ويسوولي وسواالف بس عسسسب اكوون نفسسسهم حتى مرره وحده خبررت امهاا عليييه جاان تقووولهاا امهاا اني جذااابه وان اميييه وابووويه متوفييين وييت يووم الثاني وفضحتني ويووم من رديييت البيييت كنت صدددق متضااايجه وصصصحت صيااح كللله عذاااب والم وهم كنت انساانه حزييييينه بس كانت امنييتي في كل صلااة ان اميييه تررد لي وتكوون تحببني وكنت دووم احححلم بهاا وانها يييت وششلتنيي فيااهاا ولكن كللها مجررد احلاام احلاام ما اظن انها تتحقق عمري ما زقرت اميييه عمرري ما زقررت ابووويه كان وددي بسس يردوون ثواانيي واقووولهم انيي احببهم احببهم مهما سوووه فيينيي مهما سواااا ااااااااااه ولكن من بيسسسمع ومن بييحس ماليي غيير ربي اشكيي له حاالي كنت مرراات ادعي بالموت كنت يوم امرررض امووت في حجرتي ولححد يدريي بيي يدووه حيااتها كاانت كللها طلعاات وحرريم والحوااطه في الفريييج وما ترددد اليي عالساعه 9 ولا 8 واذا هي ما سارت لهم هم ايييوونهاا >>>> جنيي واايد طوولت عليييكم >>>> يلاا عاد ما بتبدييين القصصصه خخخخخخخخخ

في يووم الاربعا خلصنا امتحااناات الثانويييه العامه وكنت رااده البيييت وانا مستاانسه لاني خلاااص خلللصت وماا بررجع لشششي اسمه مدرسه و خلاااص بتنتهي المدرررسة و مشااكللها
عليا:السلاااااااام عليييييكم
عذيجه: وعلييكم السلام والرحمه ها شو الامتحان اليوم
عليا: سهل وصعب ما ادري حليييت
عذيجه: شوو بعدد ما ادري اقوولج هاا ما ابا نسبه اقل من 90%
عليا: هيهيهي ان شاالله>>>في خاطري اقووول جان ما كان 59%
عذيجه : انزين اميه سيري غيري لبببسج وحطي راسج شوي
عليا: لا يدووه ابا اييلس عنندج شوووي اليووم
عذيجه: لا الغاليه سيري ارقدي ابرك لج لا ني مششغوووله الحييين
عليا: انشاء الله انزين يدووه انااا اطلع اليوم
عذيجه: يصير خيير الحيين فارجي ابا اتصل في سلامه
عليا بحزن : انشااللله
في اليوم الي قبل ظهور النتايج
عليا كانت يالسه عند يدتهاا يشوفوون فلم وعليا كانت مستغربه من يدتها ليشش جييه تطالعها بسس بعد ما اهتميت وتميت تتابع الفلم
بعد شوي
يت يدووه ولوت علييه وتقول: الله يحفظج دنيا واخره اميييه والله يسعدج يابنيتي
وحبتنيي عرااسيي وجان احببه والووي عليييها وتميت اصيييح وهيي تصيييح فياي كنت افكر واقووول صح كانت قاسيه شوويه معاايه بس بعدد هييي تحبني وهي الي ربتنيي وهي الوحييده الي كانت تخاف عليه هي الوحيييده اليي كبرتني وربتني وتساعدني يوم تقدر لولاها هيي جان كنت انا الحيين ضايعه عالاقل عووضتنيي عن امييه شووويه على الاقل كان فيها الخيير وطلعت احسن من اميه الي يابتني وتمييينا نصييح ليين ما تعبنا وكل وحده سارت صوب حجرتها
وفي اليوم الثاني يوم النتايج كنت يالسه عالكمبيووتر واتريا النتايج واول ما فتحت الصفحه كتبت رقم جلوسي وحصلللللللت نسبتي اول ما شفتها كنت بنطييييح من الكررسيي ماا توووقعت انيي ايييب هاالنسسبه كنت موول ما ا اعرف احححلف شيي وفي لاخر يبببت 93,8 قللللت مسستحييييل مستحييل وسررت اربببع صوووب حجررة يدووه ابشررهاا
اووول ما دخلت الحجره لقييت يدووه راااقده سررت صووبهاا ابا اوعييها اوول ما دققييتها كاانت بااارده بااارده خففت وبدييت اشششك جاان اصييح واييلس اززقررهاا واحااول اوعييهاا وهيي ما تردد عللى صووت صياحي يو البشاكيير يربعون ويحااولوون فيايه يووعوون يدووه ويوم شفت خلاص ما في امل خلاص يدووووووه مــــــــــــــــــــــــــــــــــــــــــاتت تندهدت تنهييده كلها الم وحززززززززززن وطحت وجان يسييروون البشاكيير والدرييولييه يتصلوون في عماامي وحاله ويوم نشييييت لقييت عمري عالشبرييه كنت ابا اتذكر شو اليي استووى ومرره وحده جان افز وتذكرررت جاان اصيييييييييح وسرررت اربع في البييت ولقييت عمامي تحت سررت صوووبهم وانا اصيييح واقوولهم ويين يدووه ويين يدووه جان يلويي علييه عميي وايي صووبي عميي لثااني ويصييحووون اااااااااااه سارت يدووه خلاااص خلاااص سارت الي ربتني وحببتنيي خلااص انا من ليي الحييين ويين بعييش شو بيستوووي فييينيي ااااااه حتتى ما بششرتها بنتييجتيي اهههههه وجان اطيييح علييهم بعد مرره>>> لا تقوووللووون اننه دللع ولككن خلاص سارت الي ربتني وكبرتني الي اهتمت فيني يدوووه
وهاليووم يوو النااس بييتنا وكانن حرييم عمامي وبناتهم في بيتناا وبنات عميي يحاولوون يخففون عني
ومرت ال3 ايام حزيييييينه وخلللصت وكل هالاياام بنات عميي وحررمة عميي سللطاان كاانوا عندي.. رجع ولد عمي هزاع من المانيا عسب يحضر العزا
وفي اليوم الرابع يووني عمامي سلطان وراشد وقالولي
عمي سلطان: عليا حبيبتي اليوم انا وعمج ياييين نررمسسج عن مووضووع
جان اطاالعهم بنظرررة خوووف
عمي راشد : يا بنييتيي لا تخافييين نحن عمامج
جاان اصيييح ويصيحوون معااايه
عمي سللطان: اقوول غناتي خلااص حبيبي خلااص بس فديييتج انزيين انا اليوم وعمج سلطان ياييينج ونبااج تقررريين انتيي عند منوو تبيين تعييشيين
جاان ارففع رااسيي لهم واقوووول: لالالالالالالالا انا ما ابا اطلع من هالبيييت لالالالالالالالالا وبدييييييت اصيييييييييح
عمي راشد: يا بنتيي ما يصيير هنيي منو بييتم عنددج ماا في حدد لازم اتيين بييت واحد منا
عمي سلطان : انزيين انتيي اليووم تعالي بييتنا ونحن بنقرر بااجر شوو تسوووين انزيين غناتي
جاان اصيييح وعققب صلاااة الظههر سررت مع عممي سللطان بييتهم
واول ما دخلت الببييت لقيييت عمووه وبناتها يتريوني ويرحبووون فيييه
عموووه:: هلاا والله بعليا تووووه نووور البييت
عليا بصووت يلا يلا ينسسمع: بوجودكم
جان اتييني سلامه : يلاا علاايه بسيير اراااوييج حجررتج تعااليي
وجاان اسسير ورااهاا
عميي سللطاان: ام فهد تعالي ابااج
وساارت ام فهد ورا ريلها لحجرتهم
عمي سلطان: يا فاطمه انا فكرت ولقيت حل لمشكله عليا
فاطمه: الي هو؟؟
عمي سلطان: انيوزها لهزاع
فاطمه:!!!!!!!!!!!!!!!!!!شو!!!!!!!!!!!!!!!!!؟؟؟؟!!! !!
عمي: شو بلاج البنت ما علييها قصوور وهزااع كبر ولازم يعررس
فااطمه: لاا والله عليا الكل يتمناها ويباها بس هزاع شو رايه وهزاع وبيرد يدرس
عمي: شو يدرس يعني الامارات ما في مدارس هذا الا ولدج يدلع خلييه يدررس هنييهه وهو حصل عالشهاده والحيين شو يبا يسوووي هناك
فاطمه: شو ترااه يقووول اننه بقاله كورس وما ادري شو
عمي: مب مهم الي يبااه خلاص حصصل الشهاده شو يبا اكثر وحتى الشهاده ما بتنفعه لان بيدييير شرركااتي شو يباا بالشهاده
فلطمه: لا حول يمكن الولد ما يباها والبنت ما تبااه
عمي: لا انشاءالله تبااه وهو يبااهاا لييش هوو شوو يبا اككثر بنت عمه وحلوه وما علييها قصور فاطمه : والله ما ادري سوو اليي تبااه
عمي: انشااءالله خير
فاطمه: انشاءالله

في هالوقت هزاع كان يرمس هدى ((بنت سعوديه تعرف عليها يوم كان في المانيا تدرس وياه يحبها يموت فيها وهيي بعد((
هزاع: يلا ما بقا شي وبرد لج
هدى: حبيبي يلا تعال وايد طولت اشتقت لك
هزاع: بيييج ان شااء الله
هدى: حبيبي نحن متى راح نعرس متى راح تخطبني من ابوي
هزاع: قرييب ان شااء الله والحيين انا ما اروم ارمس ابويه بالسالفه لان يدوه ما كمللت ال4 ايام هدى بضيج: يعني متى
هزاع: جرييب حبيبي جرييب
هدى بدلع : ان شاءالله لاني ما عدت اتحمل فراقك
هزاع: اااااااااه منج
وفي حجرة عليا كانت يالسه وتصيح وسلامه تحاول تسكتها
سلامه وهي تصيح: بس عاد مب زيين جييه
عليا: .................وتصيح
سلامه: انتي مب مرتاحه هنيي
عليا: .................... وتصيييح
سلامه: علياا بس بس خلااص هيه صح ما قلتييلي كم نسبتتتتتتج كم ييبتيي تعرفيين انيي يببت 84%
هنييه عليا تذكررت رمسة يدتها ويوم كانت تباها اتييب نسسبه فووق التسعييييين
عليا: ااااه سرتي يدووه وما خبرتج كم نسبتي سررتيي قببل ما تعرفييينها سرتي عنيي وخليتيني برووحيي سرتي وسارت رووحي فياج خلاص ابا امووت من لي الحييين منوو اااااااااااااه من بعدج شو حالي يكون .
وفي هالوقت الي قالت فيه عليا هالكلام كان هزاع طالع من حجرته ساير صوب سلامه لان ما كان يدري ان عليا عندهم لانه كان راااقد فسمعها ووقف قلبه عرف ان هاي الي هي عليا وتم واقف في مكانه وسار صوب حجرته كسرت خاطره بس بعد شوي اتصلت فيه هدى ونسى سالفة عليا

والله ما يسوى اعيش الدنيا دونك ... لا ولا تسوى حياتي بهالاوجود
دامك انته الي رحلت وكيف بصبر ... عالبعاد وكيف ابا انثر هالورود
ما حلفت انك تقاسمني المحبه ... وتبقى لي حبن ولدروبي دليل
بس حسافه الموت كان اقرب وارحم ... حسبي الله وحده ونعم الوكيييل


__________________
.
.
.
.
.
.
.
ڪم هۆَ جمېڵ ..
ڵۆ ڪآڼ هڼآڪ : ڛڵـۃ مهمڵآٺ ڪبييڔه ڵ ٺڛٺۆعِب آڵڪمېه آڵهآئڵـۃ مڼ / حثآڵـۃ آڵبڜڔ
-->
من مواضيع Ē ṩ Ŧ α Ъ Я α 8

Ē ṩ Ŧ α Ъ Я α 8 غير متواجد حالياً   رد مع اقتباس
قديم 09-11-2008, 02:47 AM   #2
 
الصورة الرمزية Ē ṩ Ŧ α Ъ Я α 8
 
تاريخ التسجيل: Aug 2008
الدولة: فيـﮯ دوآمهـ آلزـمن ..
المشاركات: 2,448
معدل تقييم المستوى: 22
Ē ṩ Ŧ α Ъ Я α 8 has a spectacular aura aboutĒ ṩ Ŧ α Ъ Я α 8 has a spectacular aura about
افتراضي رد: لا خويــ ولا مخاويـــ ولا لقيتــ اليــ اهتويتــ / للكاتبة: غرشوبتي > روآيهـ امارا

ابغى ردود واكملها لكمـ






ويلا سلاموو
ام العيون العسلية
__________________
.
.
.
.
.
.
.
ڪم هۆَ جمېڵ ..
ڵۆ ڪآڼ هڼآڪ : ڛڵـۃ مهمڵآٺ ڪبييڔه ڵ ٺڛٺۆعِب آڵڪمېه آڵهآئڵـۃ مڼ / حثآڵـۃ آڵبڜڔ
-->
من مواضيع Ē ṩ Ŧ α Ъ Я α 8

Ē ṩ Ŧ α Ъ Я α 8 غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:25 AM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir