منتديات هتوف  

العودة   منتديات هتوف > هتوف الأدبيه > حرف القصيد - خاص بقصائد الأعضاء فقط

حرف القصيد - خاص بقصائد الأعضاء فقط قصائد فقط من قلم اعضاء هتوف المبدعين



إضافة رد
 
LinkBack أدوات الموضوع انواع عرض الموضوع
قديم 12-25-2006, 11:17 AM   #1
..ღ ســ م ــو المــشــا ع ـر ..ღ
 
الصورة الرمزية شــامـــخ
 
تاريخ التسجيل: Jul 2006
الدولة: الريــاض
المشاركات: 8,525
معدل تقييم المستوى: 41
شــامـــخ is on a distinguished road



(adsbygoogle = window.adsbygoogle || []).push({});
افتراضي قصيده في جميع قبائل السعوديه ..

[frame="13 70"]بسم الله الرحمن الرحيم



السلام عليكم ورحمة الله وبركاته




قـصــيــدة فـــــي جـمــيــع قـبــائــل الـسـعــوديــة

يالله ياخالـق اراضيـن وابحـار **** الـواحـد المعـبـود رازق عبـيـده

الخالق الغفار عـلام الاسـرار **** وفـرق شعـوب الارض فـي كـل يـده

وابدي واسولف من عذيبات الاشعار **** ابيات شعر والمعانـي وكيـده

اشري وابيع واعرف كيف بختار **** واختار من جـزل البيـوت الفريـده

وذكر تراث وعـز وامجـاد وافخـار **** قبائـل تومـن بديـن وعقيـده

وصلت حضارتنا على سطـح الاقمـار **** ابنـا الجزيـر والجزيـره مجيـده

في ظل حكام لهم فعـل واشـوار **** ال السعـود اللـي تفـك الضهيـده

نسل الزعيم الحاكم العـادل البـار **** مجـدد امجـاد الجزيـره بجيـده

حتى اصبحت حره وحنا له انصار **** في ظل اخـو نـوره هنـوف سعيـده

وصارت لابو تركي بطوله وتذكار **** والفخـر والامجـاد تبقـى شهيـده

وخلف لنا املوك لهم فعل واخبـار **** الشعـب واحـد والقيـاده رشيـده

والامن بانينه على ساس وجدار **** وقرو علـى العابـث عقوبـه شديـده

وحنا حماة الدار من كـل غـدار **** ومـا همنـا بطشـه وخبثـه وكيـده

قبائـل مالحقناهـم اوعـار **** وعشنـا بهـذي الـدار عيـشـه رغـيـده

والحمد لله نحمده سر واجهـار **** شعـب تكاتـف مـن سنيـن مديـده

ودون الوطن جيش على كل معبار **** لارفرف البيـرق ونـادى عقيـده

بشرق البلاد وغربها دوم حضار **** وارض الشمال اللـي نفـوده مديـده

وارض الجنوب اللي تخيضر بالاشجـار **** جزيـرة فيهـا القبايـل عديده

وقوم اعنزه مروين الاخصام الامرار **** اولاد وايـل مـن عصـور عهيـده

ارض بها قحطـان وافيـن الاشبـار **** وياعـز منهـم بالشدايـد بسيـده

واذكر عتيبه يوم للطيب مغـوار **** لا ثـارت الهيجـا وقـرب ضديـده

وشمر هل الطولات والجود مقدار **** اهل الكرم واهل الفعـول الحميـده

ومطير قوم تكرم الضيف لا زرار **** وياويـل خصـم فـي حراهـم وعيـده

واذكر قبيلة حرب يانعم الاخيـار **** وتاريخهـم يحكـي سطـور مجيـده

وسبيع نعم القوم ووجيه الاسفار **** زبن الدخيل ليـا زبـن مـن طريـده

واذكر قبيلة يام والطيـب ينـدار **** اهـل العلـوم الوافيـه والرشيـده

ثم الدواسر تجعـل الخصـم منهـار **** عيـال زايـد عـز منهـم سنيـده

ثم السهول اللي لها الطيب مدرار **** وعن منهج العادات ماهـي محيـده

ثم اذكـر العجمـان حمايـة الجـار **** والمرجلـه والجـاه فيهـم عتيـده

واذكر بني مره طويليـن الاعمـار **** مـا ينقـد المـري ولا لـه نقيـده

ثم الهواجر لابة تقـدح النـار **** اهـل الركـاب اللـي خطاهـا بعيـده

واذكر بني خالد قبيلة وامار **** قوم لهـم فـي المجـد قـول ورصيـده

وبني تميم اللي لها الطيـب مصـدار **** بنـي تميـم وكـل فعـل تجيـده

ثم الزعوب اللي بها الخصم يحتـار **** شجعـان ماترضـى سـوا ماتريـده

العازمي وافي وفي الطيب بيطار **** روحه على كـل المصاعـب صميـده

ثم الظفيري في المصاعيب جبـار **** والطيـب والامـداح باصلـه وطيـده

ثم اذكر الاشراف بجلال واكبار **** اهـل الحجـاز اللـي تفـك الزهيـده

ثم الهذيلي له مواقف ومندار **** راعي الفخـر راعـي العلـوم السديـده

ثم البقوم اللي لهم جيش وامهار **** ريـف الضيـوف ليـا لفاهـم وليـده

واذكر ثقيف اللي لهم مجد وآثار **** ومهمـا حسبنـا مـن كـلام نعيـده

وبلحارث اهل العز بشهود واقـرار **** ا لحارثـي ياطيـب فعلـه وجيـده

والمالكي معروف لا صار ما صار **** في موقف اهل الطيب يبذل جهيـده

واثني تحياتي عدد وبـل الامطـار **** علـى سليـم وكـل خصـم تكيـده

واذكر جهينه هل مواقيف وادوار **** تلقى الجهيني راسم الطيـب بيـده

واذكر بلي والمجدله فعل واظهار **** وتاريخهـم يحكـي فعـول فريـده

وبني عطيه في المواجيـب حضـار **** قـوم بوقـت الجـد قـوم عنيـده

ثم الحويطي والكرامه لـه اشعـار **** ثـم الشـراري لـه فعـول مفيـده

ثم الرشيدي في الصعيبات صبـار **** علـى علـوم الطيـب فعلـه يزيـده

وباقي جنوب الدار والقاف مادار **** باقي علـى قلبـي كـلام واشيـده

زهران نعم القوم في وقت الاضرار **** والخصم عينه مـن لقاهـا سهيـده

والغامدي معروف له عزم واصرار **** راعي المراجـل والعلـوم المفيـده

وشمران قوم والجمايل لهـا اطـوار **** وبلقـرن سـم للقلـوب النكيـده

والاكلبـي والمحلفـي مابعـد بـار **** والحارثـي طيبـه وفعلـه يشيـده

وبني شهر وبني عمر سيـف بتـار **** قـوم علـى الاخصـام نـار وقيـده

والاسمري والاحمري صيتهم سـار **** بيـن القبايـل والمواقـف شهيـده

واذكر عسير الهول ذربين الاذكار **** وابها احتموها فالسنين الشديـده

وادهم والصيعر على حد الاقطار **** يحمون حد الدار مـن اللـي يريـده

وامشي مع الساحل مع جملـه افكـار **** رسمتهـا والطيـر زان اتغريـده

وانزل على جيـزان تاريـخ واديـار **** ورجـال فيفـا والقبايـل عديـده

وارجوا العذر واهل المواجيب عذار **** الي نسيته مانذكر في القصيـده

الواهبي عـدد ابيوتـه بـالادوار **** مـن شاعـر ماشـل قلبـه حقيـده

شهران ربعي هم هل المدح والكار **** واهل الكند واهل السيوف الجديده

يوم البلد مايامن الزنـد لاثـار **** زيزومنـا ابـن مشيـط نعـم الوليـده

فالجهل شجعان وفي السلـم تجـار **** مـن بطـن بيشـه للتهـم لارفيـده

حبيت ابين موقفي بين شعار **** وارجـوا سموحتكـم علـى ذا النشيـده

ماحب انافق واتعنصر تعنصار **** ولا نـي باطيـع اهـل العقـول البليـده

ما كل من طب البحر قيل بحار **** وما كل من شل الفشـق جـاب صيـده

فالشعـر بستـان بـه ورد وازهـار **** واللـي تعداهـا بيوتـه فقـيـده

واقولها في الشعر تكرار وامرار **** ضـرف بـلا عنـوان يلغـى بريـده

وبعض السوالف له مواقف ومحضار**** وشعـر بـلا معنـى لـزوم نبيـده

وصلوا على المرسول شفـاع الابـرار**** محمـد الهـادي وقـدوة عبيـده




(( منقول ))[/frame]
__________________
-->
من مواضيع شــامـــخ

شــامـــخ غير متواجد حالياً   رد مع اقتباس
قديم 12-27-2006, 04:09 AM   #2
شــاعر الأحــزان
 
الصورة الرمزية عذروب
 
تاريخ التسجيل: Dec 2006
الدولة: الرياض
المشاركات: 63
معدل تقييم المستوى: 0
عذروب is on a distinguished road
افتراضي

اختيار رائع


ونعم بكل القبايل كل قبيلة ماخذة حقها


مشكور على هالاختيار الجميل تحيتي لك
__________________
3
2
1
الصوت واضــح ؟؟

اوكي طيب

ّأحبك ّ
[bimg]http://tbn0.google.com/images?q=tbn:2SmDrZfXL07jHM:http://bp3.blogger.com/_-ClP4U7eETc/...9%88%D8%AA.jpg[/bimg]
-->
من مواضيع عذروب

عذروب غير متواجد حالياً   رد مع اقتباس
قديم 12-27-2006, 04:05 PM   #3
-( عضو )-
 
تاريخ التسجيل: Dec 2006
المشاركات: 61
معدل تقييم المستوى: 0
توم كروز الجهني is on a distinguished road
افتراضي

واذكر جهينه هل مواقيف وادوار **** تلقى الجهيني راسم الطيـب بيـده

يسلموووووووووو على الموووضوع الراااااائع ^_*
-->
من مواضيع توم كروز الجهني

توم كروز الجهني غير متواجد حالياً   رد مع اقتباس
قديم 12-28-2006, 02:05 PM   #4
..ღ ســ م ــو المــشــا ع ـر ..ღ
 
الصورة الرمزية شــامـــخ
 
تاريخ التسجيل: Jul 2006
الدولة: الريــاض
المشاركات: 8,525
معدل تقييم المستوى: 41
شــامـــخ is on a distinguished road
افتراضي

الله يعطيكم العافيه

شاكرلكم على المرور
-->
من مواضيع شــامـــخ

شــامـــخ غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
أوبــرآآ تتحدث عن المرأه السعوديه...!!! تاج الغرور المنبر الحر 8 11-09-2007 02:04 AM


الساعة الآن 05:28 AM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir