منتديات هتوف  

العودة   منتديات هتوف > هتوف الترفيهيه > نكت - مواقف مضحكة - ترفية

نكت - مواقف مضحكة - ترفية نكت , نكت جديده , مواقف مضحكه جدا , ضحك , وناسه , وساعة صدر



إضافة رد
 
LinkBack أدوات الموضوع انواع عرض الموضوع
قديم 09-30-2008, 08:20 AM   #1

صدمآت { عمري } زودتني قناعة ..!!

 
الصورة الرمزية [ منسموفيتش ]
 
تاريخ التسجيل: Aug 2008
المشاركات: 2,707
معدل تقييم المستوى: 180
[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute



(adsbygoogle = window.adsbygoogle || []).push({});
العيـــد فـــي [ لنــــدن ] غيــــر !!


العيد في لندن غير طبعاً ادري أنكم تقلبون في هالكمخات تقولون وش عنده منسم معيد في لندن .. لا يأخوان تراني معيد في جـده .. بس هالقصـه من كمختي ..


ترى مليت من الرسميـات كل يوم رسميات رسميات .. مابقى الا وتجي دله رايحه وتروح دله . كأننـأ جالسيين في مجلس الوليد بن طلال ..


اذن المغرب .. والعائله تفطر وانا طايح بلـع في السمبوسه .. تقول أول مرهـ يشوف سمبوسه .. المهم غصيت يوم قال أبوي ترى بنعيد في لنـدن واخوي أغمى عليـه واختـي جاها شد عضلي باللسـان يعنـي بالعربي كل العائله تسدحوا على سفرة الفطور .. يوم سمعوا طاري لندن .. وانا اقوم وارش على كل واحد مووويه تقول كأني مظلي يشتغل في الهلال الأحمر .. والوالد مبقق عيـونه ويناظر فيهم .. قال لي وش فيهم ياورع .. قلت الورع جابه ابوك < دلخ .. مادري يوم قلت لندن تسدحوا لانهم متعودين يسمعون منك ( جهزوا ملابسكم نبي نروح الديره ) ماشاء الله هالسنه خربتها الله يطول بعمرك لعيالك ويخليك لـ زوجتك < جحد أبو العايله كلها .. المهم ويقومون بعد رحلة أغماء طويلـه واناظر في اخوي قلت لـه .. ترى بنروح لنـدن ياورع .. وينسدح مغمى عليه مرتن ثانيه .. قلت خله يأخذ أووف آكل من الفطور لين وقف بطنـه .. الموهيـم ونتشـاور انا والوالد لأني اكبر العائلـه فـ حلفت عليـه أني انا اللي أسوق السياره من الرياض لـين ناصل لندن ويرقعني ذاك المخمس اللي سدحني جنب اخوي في حالة أغماء .. وماصحيت الا بعد صلاة المغرب .. واجلس معـه .. قلت شكلها بتخرب معك يايبـه قبل نمشي لندن وراك رقعتني مخمس ؟ قال : فيه أحد يروح لندن بسيارهـ .. قلت له ايه فيه ناس يروحون بسياره . قال من هم ؟ قلت له : انا وانت والعائله الكريمه وبعدين خلك ابو عاقل الله يهديك هذا وانا اكبر عيالك وآخر العنقود وطايح فيني جلد .. الموهيم ويقعد يقول لي ترى جارنا أبو صعفق بيروح معنا هو وأهله .. قلت لـه دام يبي يروح هو أهلـه .. نبي نربطهم في جناح الطائره لين نوصل هناك لأنهم كثيرين كلام .. وقبل العيد بـ سبعة ايام .. كان موعد الرحله .. ونتجمـع في المطار كأننا عوانس وعجايز واقفين قدام باب الضمان الاجتماعي .. حاذفين اكياس الملابس ومتبطيحن عليها ( تعرفون نظام الشناط مانعرفه ) المهم ونروح للجمارك .. ويدخلوني مربع صغير ويررن الجرس .. قال الضابط معك شيء حديدي أو معدني قلت لا والله معي الوالد والعائله طالعين لندن .. قال لا يالوح يعني معك شيء فيه حديد قلت .. لا والله ويكرفسوني في غرفه ويفتشوني .. ولقوا سني الذهبي مسوي زحمه وهو اللي يخلي الجرس يرن .. الموهيـم عديت سليم الحمد الله وجاء دور صعفق




ولد جارنا يوم مر من عندهم رررررن الجرس بقوه وانا اركض واخم أقرب طفايه على الجدار وارش عليهم ( يقال لي الولد اللي يبي يساعد ) .. ويمسكوني فررش وجلد في المطار .. ويدخلوني غرفة التوقيف عندهم وبعد القردنه والمشاورات طلعوني .. ونطلع الطياره .. انا جالس بين أبوي وأبو صعفق .. ( لاوالله رحت فيها يامنسم ) وتجي المضيفـه تشششششلخ البنت .. قلت لها ممكن تبدلون الكرسي هذا بكرسي واحد معاق ولا واحد نيجيري عشان اذا تكلموا عليه الوحوش اللي يميني ويساري يتوطى في بطونهم ولا انا ماأقدر لهم قالت لي + ( ضحكه اطلق من ضحكه جينفر لوبيز ) :ههههه لا هيدا مكانك حسب الحجز ماتغيروا .. قلت العـن أبو واحد يغيروا يابعدي .. الموهيـم وتطير الطيارهـ وانا احاول اربط الحزام مره متكرفس تحت الكرسي ويطلعني أبوي ومرهـ طايح بحضن ابو صعفق من الحماس .. وبعد معاناه حطيته على بطني على بالي رابط الحزام .. والطياره بالجو .. أبو صعفق وأبوي يسولفون وانا كل ثانيه اناظر يمين ويسار يقال لي الولد اللي خاش جوو مع سوالفهم وانط بحلقهم يوم قالوا اول مانوصل نبي نركب تاكسي يودينا لأقرب فنـدق .. قلت بصووت الولد المتحمس الذرب الي متعلم الأصول : سلااااااماات بتركبون تاكسي وانا موجود ( وهم يناظرون فيني ؟ ) قلت بـ قلبي ( من أول واحد بيعطني مخمس أبوي ولا ابو صعفق ؟ ) ويطبون في بطني ثنينهم ..وتجي المضيفه ومعها الوجبه .. واناظر فيها وقلبي قعد يقرقـع داخل ركبتي .. شكلي حبيتها من أول رحله على الخطوط الجويه السعوديه .. الموهيـم وتجي عند أبوي وقال لها : عطيني سفن آب وكيكه لوزين < طعس نمرهـ وأستمارهـ .. وتجي عند أبو صعفق قال عطيني عصير ربيع ومويـه بس .. وتناظر فيني وانا اناظر في الحزام طلع احمر من الخجل .. < وش دخل الحزام .. الموهيم .. قلت لها بنبرات خجوله : فيه معسل تفاح ؟ .. ويناظر فيني أبوي عدلت كلمتي قلت .. لا أختي أنا أقصد معسل فراوله .. وابوي يقول لها لو سمحتي ناظري ورى شوي .. ويفجر وجهي .. الموهيـم وتصرفني بأقرب وجبـه .. وتمشي .. وبعد الآكل طلبوا شاهي الأخوان ونسوني ( يمكن لأني صغير بينهم يحسبون المقعد فاضي ) .. ويسولفون عن لنـدن .. أبو صعفق يعطي أبوي من النصب أسمعه يقول لـ ابوي : ترى عنـدي سبـع شركات في لنـدن أستثمر فيهم .. بس بصراحه اشياء طفسسه .. وأبوي يوم شاف الدعوهـ نصب خربها قال له : ابو صعفق تدري أن لندن حقتنا !!!!!!؟ < سلامات سيارهـ ولا ارض على شارعين ,, وانا ساكت اخاف اتكلم ويطيحون فيني جلد .. المهم .. شوي الا مساعد الطيار يقول : سنمر بمطبات هوائيه نرجو من العموم ربط الأحزمه وانا مفهي ابي أشوف من وين يطلع الصوت .. وأول مطب الا انا في حضن صعفق وثاني مطب في حضن أبوي وثالث مطب في حضن أبو صعفق ورابع مطب في حضن سبعيني فرنسي .. ( اتوقع لو طولت المطبات مريت على احضان الموجودين كلهم حتى الطيار ) .. الموهيـم .. وارجع للكرسي حقي بعد الدوخه .. واجلس وبعد ساعه تجي المضيفه توزع جرايد ومجلات .. قال أبوي عطيني جريدة الشرق الأوسط ( بدري توك تشتاق للشرق الأوسط ) وأبو صعفق مايعرف يقرأ وانكب مايدري وش الجرايد اصلن ولا المجلات والتفت علي وسألني وش أقول لها تعطيني ؟ .. قلت له قول لها عطيني مجلة ابطال الديجيتال .. وتجي عنده ويقول لها عطيني مجله ابطال الديجيتال ويضحكون اللي جالسين ورانا ( عائله خليجيه ) .. والمضيفه تضحك .. ويناظر فيني وهو معصب .. قلت له بصوت خفيف : مجله سبيس مجله سبيس تون .. ويلتفـت ويقول سبيس تون .. وينفجرون اللي ورى من الضحك .. وينزل العقال قدام 847 راكب ويمغطني مغط بالطيارهـ ليييين قلت ( سلامو عليكوم يالندن )وشوي الا الوالد نااااام واناظر في أبو صعفق قلت له ماودك تنام ؟ قال : لا ,, قلت طيب ماودك تطلع برى تشم هواء ؟ : قال لا .. قلت له طيب ورى ماجلست في بيتكم تحرسه اثناء غياب العائله الكريمه .. سولف يأخي طفشان انا ( دام الوالد نايم والله لأطلع ريحته ) ..ـ



الموهيـم قال ماعندي سوالف ,, قلت ايه هين ماعندك سوالف وانت تسولف بشركاتك في لندن ويطلع وجهه مثل وجه راكب تنـزاني رايح لـ لندن لـ غرض التسول .. وقال لي : هذي اشياء اكبر منك .. مالك دخل فيها ,, قلت له شايفني أبو منسم تلعب علي .. وش شركاتك اللي في لندن وعلى فكره ترى انا أشتغلت عام 1414هـ في كل شركات لندن حارس آمن .. ويصفـر مخه وتنقـز عيـونه .. قلت له : لو احلف حتى بقاله في احياء الرياض الشعبيه ماعندك .. وتقول عندي شركات .. بعدين ترى وجهك مايأهل يكون وجه واحد عنده شركه أنت المفروض ينصبون لك تمثال في وسط حي عليشـه كـ، ( أكبر واحد نصاب بعد مسيلمه النصاب ) .. وهو يناظر فيني قال / استح على وجهك ياورع لأقوم ابوك ينتف وجهك هنا بالطيارهـ .. قلت لـه أن قام أبوي فـ انا اوعدك أني احذفك من الطياره ويكون بعلمك ترى اللحين نمر من تحت البحر الهندي الاطلسي .. وانا قريت في مجله ان البحر الهادي الأحمر المتوسط تكثر فيـه الاسود والنمور .. يعني بتروح غلطـه .. وتضيييييع علوممه .. والتفـت يسار الا صعفق ينتـف الكرسي اللي قدامه بـ مفتاح .. قلت له وش تسـوي أنت ورأسك الدائري قال اكتب ذكريات .. ( مالت عليك حتى بالطياره تكتب ذكريات ) .. واعطي أبو صعفق ظهري واسولف مع ولده .. قلت لـه : تخيل اننا رايحين لحالنا لندن ومامعنا اللي نايم هذا ولا اللي وراي ؟ وش بيكون شعورك ياورع ؟ قال والله فلـه ع الأقل ماأحد يسألني وين رايح ووين جاي مثل الزلابه أبو نظارات اللي جالس وراك ( يقصد أبوه ) .. قلت هذا حال الدنيا ياصعفوقي يوم لك و 356 يوم عليك .. واقوم للحمام ( الله يكرمكم ) ويوم خلصت وطلعت وامشي واقزقز بخلق الله اللي نايم واللي منسدح واللي مفهي واللي يسولف .. وتطيح عيوني على وحده جالسه جنب الدريشه وتقرأ كتاب وماعندها أحد .. ( هلااا والله ) .. واجي وقبل لأجلس قلت لها ( هااي ايام منسم فروم سئوديا اريبيا ) قالت ( واعمل لك شوو ؟ )< طلعت لبنانيه قلت لها ( معليش احسبك خواجه ) .. لا بس انا منسم من السعوديه .. قالت وبعدين يأخ منسم شو اعمل لك ؟ .. قلت لها ابوتس ماعلمك المرجله قولي ونعـم .. وتبتسم وتكمل تقرأ الكتاب .. واخذ لفـه على الطياره ( مسوي واحد من المضيفات ) ويوم مريت من جنب أبو صعفق قلت له بصوت ناعم ( كوفي أور تـّـي ؟ ) ويناظر فيني احس أنه يقول بـ قلبـه ( آلله يشفيـه ) واروح مالقيت احد وامر من جنب اللبنانيه واجلس قلت بالعربي ياساندرا انا طفشان .. قالت ساندرا مين ؟ قلت أنتي قالت انا سارا .. قلت لها سارا ساندرا كلها واحد اللهم الفرق حرف الطاء .. وتضحك وقالت لي : شو بدك ؟ قلت .. اللي بدك بدي والي مابدك مابدي .. انا بدي اسولف انتي شو بدك ؟ .. وهي تناظر احس أنها تقول بـ قلبـها ( وش ذا المنسم اللي جاي من منتدى هتوف يتلكع علي ) < خرج خارج النص ,, الموهيـم .. وتحط الكتاب في الشنطه .. وانواع السواليف معها قالت انا نازله ع لنـدن قلت لها حتى انـا مدحدر على لنـدن ( القلوب جنب بعضها ) ويطلـع وجهها كأنه ركبه نصراويه بكيفي ..



الموهيـم .. وبعد السوالف والضحك والفلـه الا صوت رجلين ابوي جاي يركض من آخر الطيارهـ .. ( لاحول ماكان نايم هذا ) .. ويمسكني من شوشتي وشلووطي قووووي ماوقعـت الا بالكرسي .. وبعد الدوخه اناظر الا هو جالس يضحك معها وجالس جنبها .. قلت بـ قلبي ( لازم اشبكها قبل يطيرها أبوي علي ) .. وابدا اخطط خطط جهنميه حتى اني طلبت واحد شاهي وقلت لهم كثروا سكر .. وطلبت قلم وورقـه خارجيه .. وامسك تخطيط وتخطيط .. وانا اروح لـ الكراسي اللي قدامنا على طول ( طبعاً الوالده واخواني وأهل صعفق ) .. واناظر في أول وحده جالسه على الكرسي قلت لها ( يايمـه معك خمسين بشتريسروال وفنيله ) وترد علي بصوت وحده ثمانينيه ( ماني أمك يامال المغص اللي يمغصك من شعرك لـ أخمص قدميك ) قلت لها لاتقولين كذا لأرقعك مخمس احطك على شكل دريشه مغيمه أسود بجدار الطيارهـ .. واناظر فيهم قلت ( وين أم منسم بينكم ؟ ) وترفـع أمي يدها ( يالبـى قلبك ) .. قلت لها ممكن تسكتين ذا العجوز اللي جنبك ولا قسم بالله لأجمعهم في كيس واحد هي واهلها واحذفهم من الطيارهـ خصوصاً اننا نمر في مدينـه يقال لها ( مدينـة الأشباح ) هذي المدينه مافيها لا أشباح ولا شيء بس مدينـه وش أسمـه .. المهم عطيني خمسين ريال بس .. وتعطيني ( اممطخخ على خدك بالكاتشب والمايونيـز ) وادزهـا لـ آخر الطيارهـ وارجع لـ أمي قلت لها تعالي فيـه فستان يصلح لك ( طلع سوق مو طيارهـ ) .. وتجي معي وامر من جنب أبوي واللبنانيه .. واوقف قلت ( يووووووه جالس مع لبنانيه ياقليليليليل الوودب ) وأمي تعطيـه من الكلام وتغسل شراعه غسسل .. وانا أضحك ومبسوط .. ( اللحين طيرتها عليه ) جاء دوري .. وارجع أمي للكرسي قلت اللحين صلاه مقفلين .. بعد الصلاه نروح نشتري لك فستان خققـآني .. وارجـع للكرسي وابوي ينـآظر فيني يقول ( سويتهآ يآللي ماتستحي ؟ ) قلت له : ( البادي أظلـم بعدين البنت كانت تدرس معي رابع ابتدائي ) .. الموهيم ويناااام من القهـر واروح جنب صديقتي ساررراا .. وانواع السوالف والضحك .. ونكمل الوناسه وأخذت أيميلها قلت اذا رجعنا للريآض بسوي لك ( أدد ) < مسوي برستيج .. وارجع للكرسي .. واجلس حتى قال الطيار ( نرجو مع جميع الركاب ربط الأحزمه تجهـزاًَ للهبوط ) .. وانا بصراحه ماربطته من يوم ركبت .. وامسك شماغ صعفق واربطـه على الكرسي .. واتمسك فيـه .. وننزل في المطار ..




أوووف أووف وش ذا الناس اللي ماأدري وش يبون بالحياه ..وانا عيـوني كل شوي طامره على بنت ( معذور ماشفت خير ) .. وننتظر عند ( استلام الشناط ) ..وكل شوي شاطفـه شنطه الوان واشكال ( برتقاليه , حمراء , زرقاء , ) وشوي الا جايه اكياس ( العثيـم وبنـده ) .. وقال أبوي شلها . قلت فاضي فضايح انا .. اللي يشوفكم أنتو واكياسكم يقولون توهم راجعين من هايبر بنده .. شيلوها أنتـو الله لايهينـكم .. ويعطيني ركبـه .. من قوتها انسدحت في حق الشناط هذا مأدري وش يسمونه ويأخذ فيني اربـع لفات مع الشناط .. لين جوو حراس الآمن والمسؤولين ونزلوني .. ( يعطيكم العافيـه يأهل لندن ) .. ونأخذ الشناط .. وينط بوجهنا واحد شعره أصفر وشنبه بني ووجهه احمر كوكتيـل لندني .. قال ( تاااكس ) قلت لا : سعوديين .. ويناظر فيني بـ تعجب .. قلت لـه : ( عن عن عن ) < يعني نبي سيارهـ ليموزين .. ويبتسم قال ( قو , قوو ) .. ويمشي ونمشي وراهـ .. ويوم وقف عند سيارته والتفت وراه الا جيش مو ركاب .. قال : { AAooohhh Many passengers } يعنـي ركاب كثيررر .. اللي يشوفه يقول ( هنـري مضيـع بلنتي لـ فرنسا ) .. قلت لـه : فيـه فلوس كتير عند هذا نفر كمخه وهذا نفر تاني كمخه برضوا + وأشر على أبوي وأبو صعفق .. قال : نو نو ويهز رأسه وركب سيارته وحط رجله .. وشوي يوقف مصري ( مادري وش جابه هنا سواق تاكسي ) .. ونركب معه ويودينا أقرب فنـدق .. ونستأجر .. وننبسط اسبوعين ورجعنـا للسعوديـه .. بس انا رجعـت ( فيني كسر في الحوض + اربع فقرات عمود فقري ضاعت في جسمي + الرمش اليسار منتوف نصه + الخشم داخل 5 أنش من البقوس والمخمسات + ضياع الورقه الي كاتب فيها أيميل سارا اللبنانيه ) ..

القصـه كاتبها قديماً بـ سبيسي ويمكن الأخوان اللي مروا عليه قرأؤها .. ولكن وقـت ممتـع للي ماقرأهـا :)
__________________
سبحان الله وبحمده , سبحان الله العظيم
-->
من مواضيع [ منسموفيتش ]

[ منسموفيتش ] غير متواجد حالياً   رد مع اقتباس
قديم 09-30-2008, 07:52 PM   #2
| عضو مميز |
 
الصورة الرمزية Sm!le..~
 
تاريخ التسجيل: Jul 2008
الدولة: (•̪●) ..~
المشاركات: 828
معدل تقييم المستوى: 12
Sm!le..~ is on a distinguished road
افتراضي رد: العيـــد فـــي [ لنــــدن ] غيــــر !!

ـههههههههه هههههههـ ..
ضح ـكتنيي ..
تقبـل مروـري
__________________


,,..![mark=#CCCCCC]![/mark]
-->
من مواضيع Sm!le..~

Sm!le..~ غير متواجد حالياً   رد مع اقتباس
قديم 10-01-2008, 01:15 AM   #3

أحتاجـڪ تـﯛاسينيے

 
الصورة الرمزية الفراشة التائهة
 
تاريخ التسجيل: Oct 2006
الدولة: جــــــــدة
المشاركات: 829
معدل تقييم المستوى: 14
الفراشة التائهة is on a distinguished road
افتراضي رد: العيـــد فـــي [ لنــــدن ] غيــــر !!

ـ
حلوووة والله

بانتظاار جديدك
__________________
,‘

يآا جدهـً . . .
ربيے يحفظ آآږآضيــﮗ

,‘
-->
من مواضيع الفراشة التائهة

الفراشة التائهة غير متواجد حالياً   رد مع اقتباس
قديم 10-01-2008, 01:21 AM   #4

وينهآآ عيونكـــ

 
الصورة الرمزية تعبيتي نفسانه
 
تاريخ التسجيل: Aug 2008
الدولة: في قلوب اللي يحبوني
المشاركات: 2,725
معدل تقييم المستوى: 19
تعبيتي نفسانه is on a distinguished road
افتراضي رد: العيـــد فـــي [ لنــــدن ] غيــــر !!

نيهاهاهاهاهاهاها
يقطع شرك منسم
صار لي شهر قلت ما بقرى لا رودك ولا مواضيعك
عشان ما تنفقع مرارتي من الضحك
ياخذ عدوينك قل امييييين
هههههاآآي
__________________
.
.



.
.





دومآ لكـ الحــمد ربي
..~


.
.
-->
من مواضيع تعبيتي نفسانه

تعبيتي نفسانه غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
أشيـــاء فـــي الحيـاة تأتـــي للمـــرء مـــــرة واحـــدة فقـــط دلع عبده المنبر الحر 13 06-29-2011 01:24 AM


الساعة الآن 08:55 AM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir