منتديات هتوف

منتديات هتوف (http://htoof.net/vb/)
-   خواطر و قصائد (http://htoof.net/vb/f57/)
-   -   { أإبــي عـقب التـعب رآإحــه ... لقى فيني التعـب رآإحـة !! (http://htoof.net/vb/t38030.html)

彡رذآذ 彡 10-16-2008 12:32 PM

{ أإبــي عـقب التـعب رآإحــه ... لقى فيني التعـب رآإحـة !!
 



يعين الله يادنيا تسـوق ايّامهـا الأحــزان
يعين الله .. وانتي مثل قفـل ٍ ضـاع مفتاحه



يعين الله ... وجروحي لها في كلّ وقتٍ شـان
كذوب اللي يقول ان الزمن بيـداوي جراحه


سقى الله يوم انا يمـّه غرير ٍ يزعج الجيران
سقى الله يوم انا طفلٍ يصج البيت بصياحه


سقى الله يوم كان اقصى طموحي .. لعبة الدنان
نهاية يومي المغرب ... واخاف الليل واشباحه


سقى الله يوم انا البس بشت ابوي وثوبه القيطان
واقلد كلّ شيٍ فيه .. حكيه .. جدّه .. مزاحه


واشيل المسبحه مثله ليا هوجس وهو سرحان
بيشعر ...واحسب ان اللي عطاه الشعر مسباحه


سقى الله بيتـنا ذاك البسيط مشقق الجدران
شجـاع ٍ يهزم الغدراء … بقنديله ومصباحه


تكحِّلنا القناعه .. لا طمع .. لا هم .. لا حرمـان
واذا جاء الليل تكفينا ... ثلاث اخوان .. طرّاحه


جميع الذكريات اللي غدت في قفرة النسـيان
يحـاكي حلوها عبره ... بموق العين سبّاحه


خذتني غربـةٍ عنوانها ... غربه بلا عنوان
ابي عقب التعب راحه ... لقى فيني التعب راحه


رجعت اليوم مثل اللي رجع عقب القنص خسران
غدا طيره وجاء يسحب سلـوقيه وملواحـه


قصيده مابَعَد مرّت ببال مسـاعد وضيـدان
هواجـيس ابدويٍ هايـم ٍ في عشق فـلاحه


وروح ٍ تايبـه كانت تبي لذنوبـها غفـران
خطـاي انّي كتمت اسرارها بعيـون بواحه


تقولين المطر ماهـوب … يمّـه دايمٍ هتان
اجل معذور قلبٍ في همومه ضاعت افراحه


انا يمـّه غلطت ولاني اول واحـدٍ غلطان
ابونا آدم من الجنه خرج باسباب ... تفاحه


خذلك الوقت فيني .. ماخذلتك ياأعـز انسان
وش الدبره ؟ وحظي صار.. قفل ٍ ضاع مفتاحه

.
.


من آروع مآقرأت ..
لـمتنبي الشعر الشعبي:
محمد الدحيمي

دلع جدهـ ~ 10-16-2008 12:36 PM

رد: { أإبــي عـقب التـعب رآإحــه ... لقى فيني التعـب رآإحـة !!
 
حب مسطّر يلج القلوب بغير استئذان..
ينثر الوله المقتدر ..
ويغدق دفئه الوارف بين المسامات..
عربونا على كل الوفاء..
حرف متلألأ في سماء الإبداع
يأبى إلا أن يستحوذ على الألباب بوهجه الفتان..
كنتُ هنا بين أبجدياتك المتقنة الاختيار

فكوني دوما بهذي الألق والجمال

خالص التقدير والاحترام

彡رذآذ 彡 10-16-2008 01:31 PM

رد: { أإبــي عـقب التـعب رآإحــه ... لقى فيني التعـب رآإحـة !!
 
حبوبه .. توآجدك ينثر عبيرآآ مميزآآ

كل الشكر لك ..

ولآحرمنآ هذا التواجد العذب ..

دمتي بود يالغلاآآ ..

المرساااا 10-16-2008 01:31 PM

رد: { أإبــي عـقب التـعب رآإحــه ... لقى فيني التعـب رآإحـة !!
 
قصيده رائعه بمعناها ومن اجمل ماقرات هنا
صح لسان شاعرها
وسلمت يمناكـِ على مانقلتِ
بنتظار القادم من جديدكـِ
الى ذلك الحين
كوني بخير:152:


الساعة الآن 06:12 AM

Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir