منتديات هتوف  

العودة   منتديات هتوف > منوعات هتوف > صور و صور

صور و صور صور , صور , صور منوعة , اجمل الصور , صور طبيعه و مضحكة و كاركتير و غريبة و صور خياليه و صور مدن و اطفال و حيوانات



إضافة رد
 
LinkBack أدوات الموضوع انواع عرض الموضوع
قديم 11-13-2008, 01:34 PM   #1

][ طَايِشْ ][

 
تاريخ التسجيل: Sep 2007
الدولة: .. القَلْبْ شِرْقِيْ .. والرُوْحُ نَجْدِيَهُ ..
المشاركات: 10,923
معدل تقييم المستوى: 0
جريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond repute



(adsbygoogle = window.adsbygoogle || []).push({});
التحليه وما ادراك ما التحليه .. :d



في باريس يسمونه الشانزلزيه ..}



في مدريد يسمونه قران فيا ..}



في لندن يسمونه اكسفورد ..}



في برشلونه يسمونه لارمبلا ..}



اما هنا


يالهوتي




عندنا يسمونه التحليه ..}



السلام عليكم ورحمة الله وبركاته

توه يفكر بالمقدمه

كيفكم ..؟!

ان شاء الله بخير وتزقحون

نخش بالموضوع دوغري
لان عندي كلام كثيييييير ويمكن يمتد لعدة اجزاء

طبعا من الصور ملاحظين الفرق بين شارع التحلية وباقي الشوارع ..
التحلية هذا حالة خاصة .. حالة تستحق الدراسة .. صدقوني لو تخصصي علم نفس كان قدمت رسالة دكتوراه عن هالشارع ..
وأضمن لكم إنهم بيعطوني الدكتوراه وهم مايشوفون الدرب .. ومع مرتبة الشرف بعد ..


التحلية مثل ماتعرفون شارع يرتاده شريحة كبيرة من الشباب السعودي ..
ولأهداف متعددة ومتباينة ..


في هالموضوع راح أحاول أصنف الأشكال إلي يكثر تواجدها بـ هالشارع ..
وأشرح عادات وتقاليد هالأصناف .. وماينبغي وما لاينبغي فعله في حال التعامل معهم ..


تحذير هام

ترى الموضوع مطول


//


1- فئة النقا / وتس آب مان !!


2- فئة الحنس / آبك الغنم تشّـبع !


3- فئة الخكو / يمامي انمشخت ,,


من وجهة نظري المتواضعه أشوف إن هالثلاث فئات تعتبر أبرز ملامح هذا الشارع ..
لذلك راح أفصفص كل فئة على حدى .. وأترك باقي فئات الشباب إلي ترتاد هالشارع لكم ..
ببدأ بفئة أحمل لها في قلبي من البغض مالله بهِ عليم ..


//


فئة النـقــا




وهم مجموعة إمعات مالهم أي هدف في الحياة .. همهم الأول والأخير تقليد زنوج أمريكا ..
يحاولون يقلدونهم في كل شي .. في اللبس في المشية في السلام في الكلام .. وطبعا في الأغاني إلي يسمعونها والرقص إلي يرقصونه ..


من الشخصيات المقدسه عندهم ..
فيفتي سنت


تو باك


سنوب دوق



هالفئة يكثر تواجدها في الساعات الأخيرة من الليل ..
وتلقاهم في العادة مسويين قروبات وموقفين عند رصيف ونازلين جنب السيارة يسولفون ..


بعض الأحيان يفلونها ويشغلون السماعات ويقعدون يرقصون عالرصيف ..
بس هذي في العادة ماتصير في التحلية .. ولافي الشوارع الرئيسية بسبب الكثافة الأمنية ..


يقال إنهم ياخذون راحتهم ورى التميمي إلي في الثلاثين .. بس ماقد شفتهم صراحه ولا يشرفني ..


طبعا سيارتهم تكون أما همر ثلاث ارباعه سماعات وعليه من ورى علم جاميكا .. < خوالي



أو تكون سيارة كشف وردية كـلاسيك ..

أو آكورد هوندا معدل عليها إلــين أذنت ..

المهم إنها تكون سيارة مستنكرة الشكل مثل هذي ..




لمعرفة هذا الأشكال لازم تعرفون زيهم الرسمي ..
تلقون الواحد منهم لابس خيمه يقال له تي شيرت .. وموصلن لتحت الركبه ..


وطبعا لازم يصير عرض التي شيرت 30 متر ..
يعني يمديه إذا تأزم الوضع يدخل هو وخمس من ربعه في تي شيرت واحد ..
مثل إلي في الصورة ..




هذا طبعا غير كشك الاكسسوارات + تعليقات مفاتيح + كم درزن بكله أم مغاط + ربطة الشعر حقتهم ..
زي إلي لابسها توباك ..



الشعر عندهم يخضع لثلاث حالات لا رابع لها ..


1- زيرو




وهذا أفضل السيئين ..


2- كدش




يحلفون إنه مشارك في أسبوع الشجرة ..






3- جدايل ويسمونها تضفيرة






يقولون إن أمريكا تفكر تستخدم هالجدايل كأسلاك شائكه لمعتقلاتها ..


<< تراني غطيت الوجيه حفاظا على الذوق العام


الحذر واجب في حالة الإحتكاك بـ هالأشكال ..

لأن المخ قفل ومايعرف يتعامل إلا بيده ..

يعني على قولة تيمون / القري نص القدعنه



شطـــحـــه ..:

والله لا اخليكم تندمون على الساعه اللي دخلتو فيها الموضوع

//


فئة الحنسات




وفي رواية اخرى
يطلق عليهم اسم الطعوس


الحنسات وما ادراك ما الحنسات ..
فئه من البشر يبي لها إقتلاع من الجذور ويمكن بعد تقشّع الارض اللي حواليها خوفا من انتشار العدوى النكراء!!


الحنسات مثل ماتعرفون مخلوقات خرجت من قلب الصحراء ..
مالحقت ع التطور وهالشغلات ..

فـ تلقا الواحد منهم مسقط رأسه الديره وعمره ماشم هوا غير هوا ديرته ..

لكن قدرت الظروف انه يجي يشتغل عسكري بالرياض ويسكن مع ولد عمه مطحس اللي بالنظيم ..


هـ الفئه عشان تميزها وتعرفها لازم تعرف مواصفات الهيئه .. مع اني اظن انك بتعرفها على طول على طول ..

ثوب مصفّر + ياقه ثنين متر + خنافس*+ رقبه تلقا عليها شوية سهول ووديان من الاتربه والكثبان المتجمعه إثر عوامل التعريه ..

(وسيأتي لاحقا تفسير معنى الخنافس بوضوح ودقه متناهيتين)

هالأشكال تسمع بالكشخه ولاتدري وش هي اصلا ..

إذا بغا يكشخ غرق الشماغ بالنشا إلين تحس إن الشماغ لو يطيح بينكسر ..

وطبعا لازم يلبس نظارة شمسية عشان يحس إنه متطور ..
يوقف عند أقرب محطه ويطق له ذيك النظارة إلي ماحصلتش ..


يعني من ناحية اللبس والكشخه لاتدقق عليهم واجد ..
فإذا قدر الله عليك وشفت واحد منهم لابس تحت الثوب صروال رياضه لا تستغرب وسلك ومشّي مشّي والحياه حلوه ..



من الشخصيات المحبوبة عندهم ..
بشير حمد شنان




ويلقب بـ / بشير فنان الدشير


مزعل فرحان




وهذا أحلا مافيه إسمه

وبصراحه هو اللي محليه

يعني اسمع الاسم واحلب عنز



طبعا بنو حنيسه معروفين بشوفة النفس والنفخه الكذابه ..

ياويلي ويلااااااااااااه وأنا ولد فلان .. وأنا جدي فلان ..

ويحلفون إن محد طق له خبر لاهو ولا أبوه ولاجده ..



ومعروفين أيضا بثقه النفس العمياء جدا .. يعني ممكن تشوف ذا الفره >>



* شفتوا كتل الشعر إلي طالعه من الأطرف .. هذي هي الخنافس


تلاحق ربايعنا اللي بالبانوراما ..

طبعا لا تلومهم .. والله يلوم اللي يلومهم خبرك هالشذرمه من البشر مصابه بمرض ( البنت خاقه علي ) ..


آحيان تلقاهم يفرفرون بكامري جي إكس إل .. وآحيان تلقاهم بشاص ..
طبعا صوت بشير شنان يلعلع بالأجواء .. وإن هاه حبو يغيرون حطوا مزعل فرحان ..


طبعا الفرفره في الغالب مالها أي هدف سوا التميلح عند البنات ..
وإذا مالقوا بنات ممكن يحولون الخط على فئة الخكو والتي سنتحدث عنها الآن ..



شطـــحه اخرى


ودي اروح للبحرين

<<<< كف وبرااا

//


فئة الخكو




خكو إختصار لكلمة خكري ..
والخكري هو الشخص الذي يفتقد جزء من رجولته .. وفي آحيان يفتقدها كلها ..



وهم في خكرنتهم طبقات ..
أهونها طبقة الخكارية إلي على خفيف ..




وهذي الفئة يمكن تقبلها ..
صح إنهم يجونك ناعمين شوي ويالله يالله تطلع الكلمة منهم ..
بس إنهم ينبلعون .. وهم أهون من غيرهم بكثير ..


طبعا لا تستغرب إذا لقيت واحد منهم حاط مكياج على خفيف .. أو حاط وحده من هالكريمات زي كريم فريند آند لفي مدري وش إسمه ..
يعني هذا شي طبيعي عنده .. عشان يحافظ على رونقه وجماله
إسم الله على قليبه ..


أذكر أيام الثانويه كانوا معروفين إنهم قبل مايدخلون المدرسه لازم يشربون ميرندا فرواله ..

عشان تطلع شفايفهم ورديه ..

كل صبحيه تشوفهم في البقالة إلي جنب المدرسه ومافي إلا قوة تشفيط من هالميرندا ..



هالفئة مستحيل إنك تشوفها في شارع التحليه إلا بعد الساعه 9 - 10 ..

يعني بعد مايتأكدون إن الشمس غابت تماما تماما .. ألزم ماعليهم بشراتهم إسم الله عليهم ..



الطبقة الثانيه .. وهي طبقة الجنس الثالث ..




وهذي الطبقة هي أقصى طبقات الخكرنه ..
وهم مجموعه من البشر - مع تحفظي على كلمة بشر - تحاول بكل ماتملك إنها تغير جنسها ..


إذا شفتهم ودك تنشق الأرض وتبلعهم ..
أشكالهم تقرف بشكل ..


والله اذكر الاجازه الماضيه اجازة عيد الفطر اللي راح

كنت طالع أنا والشباب نتعشى في زيت وزعتر إلي في التحليه ..

قعدنا شوي بعدين دخلت علينا بنت فاتشه في المطعم ومعها رجالين..


أول ماشفتها من على جنب تنحت .. وش ذا البنت إلي بايعتها ..
أقسم بالله الجسم جسم بنت .. الشعر مرسوم رسم .. والتي شيرت وردي بناتي ..


شوي يوم إلتفتت وعطتنا وجهها كانت الصدمه الأليمه ..
طلع جنس ثالث وإنتوا بكرامه ..


والله إني قعدت دقيقتين إلين إستوعبت إنها مو بنت ..
ياشيخ الله يرحم حالك بس ..


أنا ماقهرني إلا الثنين إلا قاعدين معه ..
شلون يرضون على عمارهم بس ..



هالفئة والعياذ بالله مطلوبه وبقوة من قبل فئة الحنوسه ..
زي ماقلت لكم قبل .. الحنوسه إذا مالقوا بنات حولو على فئة الخكو ..
بس للأسف الخكو مايواطنون الحنوسه في عيشت الله ..


يمكن بعضهم اذا شاف حنس يغمى عليه ..
يااااااااااااي شو هالطعس ..


//



طبعا لوحظ في الفترة الأخيرة نزوح بني حنس وإحتلالهم لشارع التحلية مما أدى إلى حدوث نقلة تاريخيه في عالم الدشره والدشير ..
ألا وهي نزوح فئاتي النقا والخكو إلي شارع آخر يدعى شارع الأمير تركي بن عبدالعزيز الأول ..




فهل تعتقدون إن هالنقله راح تكون بداية النهاية لشارع التحليه !!





مع تحيات واحد مدري وش يحس بوه يوم يكتب الموضوع
بس انها مسكت غلط هالمره



مشتهي لبن يا ناس
-->
من مواضيع جريح الضماير ..!

جريح الضماير ..! غير متواجد حالياً   رد مع اقتباس
قديم 11-13-2008, 01:47 PM   #2

[ آگرهـ غيآآبگ ]

 
الصورة الرمزية همسه هلاليه
 
تاريخ التسجيل: Oct 2008
المشاركات: 10,808
معدل تقييم المستوى: 57
همسه هلاليه is a glorious beacon of lightهمسه هلاليه is a glorious beacon of lightهمسه هلاليه is a glorious beacon of lightهمسه هلاليه is a glorious beacon of lightهمسه هلاليه is a glorious beacon of lightهمسه هلاليه is a glorious beacon of light
افتراضي رد: التحليه وما ادراك ما التحليه .. :d

ههههههههه
موضوع بصراحه شي شي شي
تشكر ع الشرح المفصل
__________________



-->
من مواضيع همسه هلاليه

همسه هلاليه غير متواجد حالياً   رد مع اقتباس
قديم 11-13-2008, 01:54 PM   #3

-{ آلحلو دآيم مآيبي شآهد ~

 
الصورة الرمزية مزيوون 18 الرياض
 
تاريخ التسجيل: Jul 2008
الدولة: فـ حآآرتنــا..؟
المشاركات: 4,606
معدل تقييم المستوى: 26
مزيوون 18 الرياض is on a distinguished road
افتراضي رد: التحليه وما ادراك ما التحليه .. :d

آوومآآآ... حنس وخكو ..والعبند الي ماابلعهم ....

شنو شنو هالابداع ياريان ...

ماتوقعتك كووووووووووووووذيه ...

المهم ...من ناحيه ان الحنس استولوا ...على التحليه ...

فهم استولوا استيلاء ..اوب صآحي ..

بس النقله الي على شارع الامير تركي ...

ذي اول مرهـ اسمع عنها ..

يقولون انهم انتقلوا ...على شارع الستين بالملز ...

بدلاً من التحليه ...

هذا الي سمعته ...و هذي آخر الاخبار الي جاتني ..<<يتابع الاخبار الي كذاا ...

مزيوون

__________________
ماقدرت احكي ولا انطق بكلمه ...اخنقتني عبرتي وعيآ لساني ...
يوم شفتك مع هذاك الي تكلمه ... قلت في نفسي ياليت الله خذآني ...
انت ماظنيت قلبك فيه رحمه ... {عيني عينك} خنت عشرتنا بثواني ...
قلبي المسكين مآدري شلون افهمه ...هو [mark=#993300]يحبك[/mark] وانت تحب ثآني ...
-->
من مواضيع مزيوون 18 الرياض

مزيوون 18 الرياض غير متواجد حالياً   رد مع اقتباس
قديم 11-13-2008, 01:58 PM   #4

][ طَايِشْ ][

 
تاريخ التسجيل: Sep 2007
الدولة: .. القَلْبْ شِرْقِيْ .. والرُوْحُ نَجْدِيَهُ ..
المشاركات: 10,923
معدل تقييم المستوى: 0
جريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond reputeجريح الضماير ..! has a reputation beyond repute
افتراضي رد: التحليه وما ادراك ما التحليه .. :d

اقتباس:
المشاركة الأصلية كتبت بواسطة لوكا مشاهدة المشاركة
ههههههههه
موضوع بصراحه شي شي شي
تشكر ع الشرح المفصل

دوم الضحك يا رب

والله مرورك اللي ثلاث شيات


منوره
-->
من مواضيع جريح الضماير ..!

جريح الضماير ..! غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
حدثت في شارع التحليه باالرياض لمار قصص و روايات 18 11-15-2008 06:18 PM


الساعة الآن 10:49 PM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir