منتديات هتوف  

العودة   منتديات هتوف > هتوف الترفيهيه > نكت - مواقف مضحكة - ترفية

نكت - مواقف مضحكة - ترفية نكت , نكت جديده , مواقف مضحكه جدا , ضحك , وناسه , وساعة صدر



إضافة رد
 
LinkBack أدوات الموضوع انواع عرض الموضوع
قديم 01-17-2009, 02:55 PM   #1

صدمآت { عمري } زودتني قناعة ..!!

 
الصورة الرمزية [ منسموفيتش ]
 
تاريخ التسجيل: Aug 2008
المشاركات: 2,707
معدل تقييم المستوى: 181
[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute[ منسموفيتش ] has a reputation beyond repute



(adsbygoogle = window.adsbygoogle || []).push({});
[ الجزء الثاني ] قصتي مع هيلاري كلينتون .. طفاقه وأقلاع تجتمع ~[ الديره قبل السفر ]

معلـيش على البريك الطـويل

المهـم بعد ماتخرجـت من الثـانوي وكونت لي علاقـات مع مجموعه من طعوس الديرهـ ..

صرت اكبر طعـس بينهـم والله الحمد .. فـ أخذنا نتشاور بالدراسه بالخارج .. فـ قلت بـ قلبي

اللحين لو أقول للوالد ودي اروح ادرس في خارج الخارج يعني برى الديره وش بتكون ردة فعله

وهو اللي موديني للديره ادرس .. فـ أخذت جوال واحد من الطعـوس يقال لـه [ سويلم ] ..

واتصلت بالوالد وانا كلي شوق .. وكأني فلبيني ماكلم أهلـه من 12 سنـه .. ودار بيني وبينه

الحوار التـالي :

الو السـلام عليـكم .. والوالد يرد بصوت مستغرب ومتنرفز [ مألومه عرف صوتي ] هلا من معـي ؟

قلت له معك منسـم ولدك يامال العافيـه قال : ماعندي ولد أسمـه منسم .. < جحدني

قلت لـه الا أللي أسـم أمـه فلانه يرحم والديك علومك أنت أهم شيء طيب وأسمـع صوت طوط

طوط .. فـ تكسرت خواطري وعظامي بعد .. وقررت ان أقضي الليلـه في الطعس الحزين للنبـاح

من جـديد لعـل الهمـوم تروح مني وتسكن في صدر كل واحد في الديره المغبرهـ هذي .. وانبطحت

فوق الطعـس والنجوم والشمس والقمر كلها متجمعه فوقي وأقول بـ قلبي [ يالليل الوالد وجحدني

يعني اللحيـن صرت طرش بحر .. لازم أكون مستقبلي ] .. فـ قررت أني استعين بـ شيوخ

القريـه .. ودخلت على شيخ قال وش عندك ياورع [ يلعن شكلهم كل الناس ورعان عندهم ] ..

فـ قلت انا طال عمرك مقطوع من شجره مالي أهل ولا لي الا وجهك السداسي فـ لو سمحت

ممكن تكتب لي أذن موافقـه بالدراسـه بالخارج واوعدك أني اجيب لك تنكـة عسل من واشنطن

ورد علي بصوت واحد معصب : أنت ووجهك ماتصلح حتى مساعد طقاقه وتبي تطلع للخارج !!؟

فـ التفـت على الدباسـه .. وأقول بـ قلبي [ قسم بالله لو يعودها من جديد لأخليها تصير العضو

رقـم 9 في وجهه ] .. وقلت لازم نستدرج هالشكل بالأسلوب الأملح العذب .. فـ أخذت اقردنـه

اربـع سـاعات ولكـنه رافض يقول : لو اكتب لك ورقـه تبي تروح تجيب العيد فينا هنـاك ومن ثم

الأمم المتحده تطالب بـ سجن كل أهل القريـه على حساب وجهك اللي لو أنـزله في الحراج ماجاب

خمسـه ريال .. فـ تجمـع في داخلي كل قهـر الدنيـا .. وأخذا الدبـاسـه وسويت [ كوبي بست ]

على وجـهه .. وقعد يصارخ وتجمعوا علي أنواع الطعـوس وخذ جلد لين عرفت أن الله حق

وصـدر بحقـي مرسـوم ملكـي من شيخ القريـه :


بالسجـن تسعـه ايـام .. مـع الأعمـال الشاقـه [ يعني اوصل طلبات البقاله لـ بيوت الديره ]

ولو أنهـا ماتعتبـر أعمـال شـاقـه نظراًُ لأن بيـوت الديرهـ كلهـا سته بيوت وبقاله .. ولكن حيل

اللـه أقـوى .. وبعد ماطلعـت من السجـن ذبحو لي أهل القريـه المفاطيح .. وكأنني جايب كأس

العـالم عندهم .. فـ جبت واسطـتين للشيخ .. الأولى انه يسامحني عشان الدباسه اللي لصقت

في وجهه .. والثانيه أنه يعطيني أذن بالسفر للدراسـه .. وجاك يامنسـم ماتمنـى ... وبعد

موافقـه الشيخ .. عطاني الورقـه وقال لاتنسى تنكـة العسـل .. قلت بـ قلبي أيـه تبي تبطي

ماشفت لاتنكـة عسل ولا تنكـه وجهـي بهالديره بعد .. وبديت اجهـز للرحلـه الدراسيـه بدون

علـم الوالد والأهل .. وصرت أفكر افاجىء الوالد والوالده بـ خبر السفر .. ولا أفاجئهـم بالأتصال على

برنـامج [ ديـن ودنيـا ] ويطلـع لهم أسمـي ومكتوب جنبـه [ واشنـطن ] < يسمع بالمفاجأءت

فـ قررت اسحب سيفون على الوالد وأتصل على الحنـونه والدتـي .. وأمسك سويلم وأفرشـه

وأخذ الجوال , وقبل ماأتصل قلت لـه : علي بالحرام لو اشوفك داخل سجل المكالمات لأفرشك

مره ثـانيـه .. لاتدخلـه الا بعد اربـع شهور من هالمكالمـه واروح عند ابعد طعـس بالديرهـ عشـان

اكلم الوالده .. خوفي يسمعـون صوت الوالده .. فـ بدأت مكالمتـي بـ : هـااي مـام .. وردت علي

هـاي تنشب بخشمك ياقليل الحياا .. فـ قلت بصوت واحد مرتبك معك منسم منسم ولدك

وش خشمك و تنشب وهالكلام الله يصلحك يازوجة أبوي ويوم عرفتنـي ويبـدأ شغل الدموووع

قلت بـ قلبي ][ هذي الأم ماهو الوالد كل شوي يصرفني ][ . فـ أخذت اخبـارهـا وعلومـهـا وفاتحتها

بالمـوضـوع قلت لهـا : أحد حولك !!؟ قالت : لا .. وقلت لها بصوت خفيف : انا بطلع للخارج ادرس

الا الصوت تغير وصار أبوي اللي يتكلم .. قال وش عندك بالخارج ياللي ماتستحي فـ قلت

بصـوت مرتبك : هذا جوال نوال !!؟ .. وقعد يسب لدرجه أنه صارت انفاسـه تطلـع من السمـاعه

وقعدت اهـدي فيـه لدرجه أن أهل القريه كلهم تحت الطعـس تجمعـوا من قوة الصوت والصراخ

واللـه النكبـه صدق .. واخيراً اختتم كلامه بـ مقولته المشهوره [ أنت فاشل حتى لو احطك

بحوش بعـارين ] .. وعطاني الخدامـه اللي كانت على علاقـه شديده معـي .. ولكنـي لم اطول

الحـديث حيث زحلقتهـا .. وقفلت الخط في وجههـا .. وارجـع لـ الطعوس اللي ينتظروني تحت

الطعـس وبيد كل واحد فيهم عجره .. واناظر فيهـم قلت لهـم يالربـع سوء مفـاهمـات .. وكلهـم

ساكتيـن ويناظرون فيني .. قلت لهم يالربـع : ترى المشاكل مافيهـا خير .. وهم لازالو ساكتيـن

وينـاظرون فيني قلت لهـم . يالربـع انتو 8 وانا التـاسـع وش رأيكم نلعـب كيرم .. فـ توطو في بطني

والحمد اللـه طلعـت سليم حسـب [ تقرير عجوز القريه اللي تعالج بالطب الشعبي ] ..

وبعـد مـده قرب مـوعد الرحلـه والسفر للخـارج .. واخذ اجهـز ملابسي .. واغراضي واخذت كل

كتـب الديرهـ .. لدرجه أني اخذت كشوفـات اسمـاء الطلاب معـي عشـان اكون عالي الثقـافـه

بالخـارج .. وحـان موعد الرحيـل الى الريـاض ومن بعدهـا السفر للخـارج .. وتجمعنـا في بيـت

شيخ القريـه : انـا , سويلم , مطحس , دحيم .. واخذ يعطينـا خطبـه .. وقعد يتكلـم ويتفـل علينا

وبين كل كلمـه والثـانيـه يقول : انا ادري أن وجيهـكم ماهي وجيـه دراسـه بالخارج لكـن فيـه

أمـل 0.50% أنـكم ترفعـون رأس عيال الديرهـ .. وانا جالس وكل كلمه أهـز رأسي .. يقال لـي

الولد اللي يسمـع النصيحـه .. وهو يناظر فيني قال ماأظن ورى هـزة الراس الا الدجـه .. وقعدوا

يضحكون علي .. ورديت عليـه قلت : الله يذكر أيـام الدبـاسـه بس .. ويقوم يتوطى في بطني

ولكن لامانـع من ذالك لأني متعـود أنفررش بآليـوم سبـع مرااات .. المهـم شغلنـا الددسـن

غمـاره وحده وانـا ودحيـم وسويلـم في الغمـارهـ .. و[ مطحس ] في صندوق الددسن جنب

ألأستبنـه .. وطول الخط نسـوي قرعـه من اللي بيركب محل الاستبنـه .. والحمد الله بذكائي

الخـارق ماركبت الا 14 مرهـ جنب الأستبنـه .. ونوصل الريـاض .. فـ قعدت أقول بـ قلبي أروح

للبيـت ولا مأروح .. فـ قررت أني اكون رجال .. وماأروح واعتمد على نفسي ,.. ورحنـا للمطـار ..

بـ أنتظـار الرحلـه . وكانت الرحلـه 4 العصـر .. ووصلت السـاعه 7 العشـاء وانا والطعوس اللي معي

بالمطـار مقابليـن البـوابـه .. ونقـز واحد مننا لـ موظف الخطوط قال لهـم يأخي من اليـوم

جالسيـن ننتظر رحلـه [ واشمنطـن ] واللحيـن السـاعه 7 .. وقال لـه الموظف : وين كنتو جالسين

قال جالسين عند البـوابـه رقم 8 .. فـ صكـه كف حلاقـه وقال لـه يالوح روح وسلمني على خوياك

وقل لهـم بوابـه 8 لـ المسافريـن لـ مدغشقـر .. لكـن فيه رحلـه بعد بكرهـ لـ واشنطـن السـاعه 8

الصبـح .. ورجـع لنـا وهو منـزل رأسـه تحت .. وفهمنـاهـا .. ورحنـا نسـتأجر أقرب شقـه في

عـاصمتنا الحبيبـه [ ماودي اروح للبيت ويفرشنا الوالد فرش جماعي وأنفضح معهم ] ..

واستـأجرنـا شقـه جنب المطــــــار .. تخبرون الددسن ماعاد فيهـا حيل تروح مسافات بعيدهـ ..





انتظــــــــــروني بالجـــزء الثــــــالث ~ <- يقول بـ قلبـه { ترى ماراح اطول }
__________________
سبحان الله وبحمده , سبحان الله العظيم
-->
من مواضيع [ منسموفيتش ]

[ منسموفيتش ] غير متواجد حالياً   رد مع اقتباس
قديم 01-17-2009, 03:13 PM   #2

H T O O F

 
الصورة الرمزية أحتاجك
 
تاريخ التسجيل: Oct 2006
الدولة: بين السما والآرض ~
المشاركات: 51,454
معدل تقييم المستوى: 1863652
أحتاجك has a reputation beyond reputeأحتاجك has a reputation beyond reputeأحتاجك has a reputation beyond reputeأحتاجك has a reputation beyond reputeأحتاجك has a reputation beyond reputeأحتاجك has a reputation beyond reputeأحتاجك has a reputation beyond reputeأحتاجك has a reputation beyond reputeأحتاجك has a reputation beyond reputeأحتاجك has a reputation beyond reputeأحتاجك has a reputation beyond repute
افتراضي رد: [ الجزء الثاني ] قصتي مع هيلاري كلينتون .. طفاقه وأقلاع تجتمع ~[ الديره قبل السفر


يحليك والله

اجل الله يذكر أيـام الدبـاسه

ابي اعرف وش معناة مطحس

اهلي دآيم يقولونها / آعتقد مفحط مو

ننتظر الجزء الثالث <--


,
,
__________________
{ سبحآن الله وبحمده , , سبحآن الله العظيم }

-->
من مواضيع أحتاجك

أحتاجك غير متواجد حالياً   رد مع اقتباس
قديم 01-17-2009, 06:16 PM   #3

-{ مصـورهـ محترفهـ ..~

 
الصورة الرمزية YOU AND ME
 
تاريخ التسجيل: Jul 2008
الدولة: الهوى شرقي
المشاركات: 311
معدل تقييم المستوى: 12
YOU AND ME is on a distinguished road
افتراضي رد: [ الجزء الثاني ] قصتي مع هيلاري كلينتون .. طفاقه وأقلاع تجتمع ~[ الديره قبل السفر

ههههههه منسسم من جد
جالسه اقرا واتخيل واضحك ههههههههه
خاصه شكل المطحس اللي في صندوق الددسن

بإنتظار الجزء الثالث
__________________
..



-->
من مواضيع YOU AND ME

YOU AND ME غير متواجد حالياً   رد مع اقتباس
قديم 01-18-2009, 10:19 PM   #4

 
الصورة الرمزية ŇσσŖ
 
تاريخ التسجيل: Apr 2008
الدولة: Ash Sharqiyah
المشاركات: 17,558
معدل تقييم المستوى: 4324
ŇσσŖ has a reputation beyond reputeŇσσŖ has a reputation beyond reputeŇσσŖ has a reputation beyond reputeŇσσŖ has a reputation beyond reputeŇσσŖ has a reputation beyond reputeŇσσŖ has a reputation beyond reputeŇσσŖ has a reputation beyond reputeŇσσŖ has a reputation beyond reputeŇσσŖ has a reputation beyond reputeŇσσŖ has a reputation beyond reputeŇσσŖ has a reputation beyond repute
افتراضي رد: [ الجزء الثاني ] قصتي مع هيلاري كلينتون .. طفاقه وأقلاع تجتمع ~[ الديره قبل السفر

ههـ

قسم ذا الجزء مو طبيعي ه


بإنتظـآر الثالث ولاتطووول
__________________
.
.
.
آلموج عآلي وَ البحر غدآر
ياللي تخآف (البَحِرْ ) ‘‘ تجنّب اموآجه
-->
من مواضيع ŇσσŖ

ŇσσŖ غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:50 PM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir