منتديات هتوف  

العودة   منتديات هتوف > أقلام هتوف > المنبر الحر

المنبر الحر فضاء واسع لقلمك وفكرك مواضيع عامه



إضافة رد
 
LinkBack أدوات الموضوع انواع عرض الموضوع
قديم 02-09-2009, 08:35 PM   #1
-( عضو )-
 
تاريخ التسجيل: Feb 2009
المشاركات: 83
معدل تقييم المستوى: 0
قطرة is on a distinguished road



(adsbygoogle = window.adsbygoogle || []).push({});
مصيبة طالبة في الثانوي،،،{خالها يتحرش....}

السلام عليكم ورحمة الله وبركاته

لكي تكونوا معي بالصورة والحدث

وبدون مقدمات اتمنى منكم قراءة القضية كاملة والاشارة علي بأصلح الامور
فقد نالت مني الحيرة والقهر كل منال

أنا معلمة في مجمع طالبات متوسط وثانوي والحمدلله راضية عن ادائي
وأحاول جاهدة كأي معلمة الاخلاص في المادة واستغلال اللحظات لزرع
مبادىء قويمة للفتيات

ولله الفضل والمنة تلجأ لي كثير من الطالبات
بكوني أثير بعض القضايا وأقوم بعرض مشاكل أتوقع حدوثها واطرح حلولها
وقد اعتدت في نهاية درسي أنادي طالبة خارج الفصل وأناقشها عن سبب تغيرها أو سبب حزنها وغيره

ولا تصدقون فرحتهن
كما أوصيهن بالتقرب من الله فهي العلاقة الآمنة لنا

وحتى نصل صلب الموضوع

عندي طالبة في ثاني ثانوي خجولة ولكنها حزينة في الفترة الأخيرة

وحاولت مرارا عرض المساعدة عليها وتتصدد وتبتسم بحزن

وآخر مرة قلت لها اذا بغيتي تتكلمين تكلمي وشاوري أحد سواء أنا أو غيري
لأن الخبرة في الحياة والتجارب تكسب الانسان آراء وحلول قد تفوتك لصغر سنك ومن هالحكي أبي أشجعها تطلع من التقوقع اللي هي فيه

بعد أيام وشكل البنت فكرت جتني وقالت ودي أقولك لأني خلاص ابنفجر


قلت خوذي راحتك واخذتها لفصل فاضي وقالت لي على شرط يا أستاذة
ما تتصرفين ولا تسوين أي شي غصب عني
قلت ابشري قالت وعد؟؟ ,

انا حسيت الموضوع كبير وقلت لها هذه قضيتك ومن حقك انتي تقررين بس انا ابي اعطيك رايي واسمع منك

واتفقنا على كذا والبنت بمجرد ما عطيتها الأمان روت لي قصتها
اللي تمنيت اني ما عرفتها

تقول قبل فترة انتقل خالي اخو امي يسكن معنا بحكم دراسته في العسكرية
وتقول فرحنا فيه وابوي حط له غرفة بيننا وامي قايمه على راحته

المهم

حسب كلام البنت انه خالها اخذ راحته ويدخل ويطلع ويجي لغرفهم ويسولف عليهم واحيانا يناديهم لغرفته يوريهم مسرحيات وكذا

بعدها بدت تحس ميول غريب من خالها وتحس ان نظراته لها مو نظرات خال ؟؟

طبعا انا سألتها قلت وش التصرفات اللي خلتك تحسين هالاحساس ؟؟

قالت نظراته لي ويلمس ايديني وابتسامته
وتقول الطالبة :
طبعا اول شي حسيت انها معاملة خال حنون لا غير

رغم انها احيانا تزيد عن حدها ومع الايام صار يطلبها تزين له اغراضه
وتسوي له شاهي وتدخل تجيبه لغرفته تلقاه يناظر افلام جنسية وكان يقولها
اجلسي ناظري !!!!!!!!!!!

طبعا هي تقول استغرب ورغم ما عندي من فضول الا ان شعور الخوف كان مغطي

المهم كان يقولها شوفي وش يسوون ويضحك لها

وهي تسكت واحيانا تناظر شوي وتخاف وتطلع

بعدها تطور الامر صار يقرب منها ويسوي لها حركات واذا شافها استغربت يسوي نفسه بدون قصد واحيانا يقولها انتي عاجبتني مرة
وهي تفرح لانه يمدحها لكن كانت حركاته تخوفها

طبعا تطور الموضوع مع الحركات حتى وصلت انه يمد يده ويشوف
ماتحت الملابس ويصل الى مراحل اخرى

كل هذا والبنت تقول اخاف اتكلم لانه كبير ومادري ليش ارتاع واخاف من اهلي
طبعا هنا البنت تبكي بشدة تقول والله يا استاذة مابي مابي كذاا بس اخاف اقوله

قلت واهلك وينهم

قالت اهلي جزء بالمصيبة قلت وشلون ؟؟؟؟

قالت ابوي دايم يوصيني سوي لخالك كذا قومي خالك من النوم

وامي دايم تهاوشني روحي لخالك اقعدي عند خالك

لدرجة احيانا يكون فيه طلعه ويقولهم الخال خلوا فلانة عندي لو احتجت شي
وامها تهاوشها عيب عليك خالك يدرس صعبه نخليه

وهي تتقطع من الصياح وتقول يمه تكفين ابروووح لا تخليني اخاف
وتقول يا مجنونة خالك عندك بس خلك عنده لو احتاج شي

قمة القهر الام والاب واثقين بالخال لدرجة عمياء ويقدمون له بنتهم على طبق من ذهب وهذا الخال الحقييييييييييير

مجرد ما يسمع صوت اغلاق الباب يجيها مسرع لغرفتها ويتحرش فيها
وهي تصيح تقوله تكفى خلاص

طبعا انا تجمد الدم بعروقي وسألتها اذا حدث شي كبير قالت لا للحين بس
انا خايفة يا استاذة يتهور وينسى نفسه وتقول هو يقولي مجرد راحة وتفريغ مستحيل اخرب مستقبلك

قلت لازم تقولين لامك لاااااااااااااااااااااااازم مو معقووولة

قالت يا أستاذة تخيلي مرة بس لمحت تلميح بسيط هزأتني وبغت تعطيني كف وتقول لا يسمعك ابوك يصدق وتصير فضيحة

مسكينة الأم واثقة بأخوها تحس انه مقدس وكله كوم والاب المسكين
اللي حاشم اخو مرته ومخليه يعثو في بنته فساد

البنت بعد ما خلصت قصتها قالت شفتي يا استاذة قضيتي مستحيل احلها
وشلون اقول لاهلي اخاف عليهم من الصدمة

قلت خليهم ينصدمون وهذا نذل مايستاهل تخافين عليه المهم انتي لازم تلحقين عمرك

ومن القهر صراحة عصبت عليها وهاوشتها قلت ليش ساكته لو ماودك كان تكلمتي خلي تصير حريقة اهم شي هالحقير ما يلعب فييك

قالت اخااااف والله اخاااف

انا هنا حسيت اني بتقطع من القهرررررررر

قلت شوفي يا فلانة اعتبريني ما وعدتك ماعليش آسفة لازم اوقف هالحيواان
قالت لا ارجوك انتي وعدتيني

قلت تبيني اسكت لين يقضي عليك خالك ؟؟؟؟

قالت امي مريضة واخاف صدمتها باخوها بموتها وابوي عصبي اخاف يسوي شي

قلت مالي دخل ولا ترا ببلغ الهيئة بالقضية وهم بحكمتهم يساعدوننا

هنا البنت طبعا انهارت قالت يا أستاذة تبين تفضحيننا
قلت صدقيني ودي اساعدك بأي شكل ماقدر اخليك

وسألتها عن اسباب حدوث هالشي غريبة طول عمرنا مع محارمنا عمره ماتغيرت النظرة الى شهوانية اكيد فيه شي

من خلال سرد القصة قالت لي طريقتهم باللبس عند المحارم
بناطيل وقصير وملابس مشرشحة وبينهم ميانة بحيث انها تجلس جنبه تمسكه ويمسكها عادي بحكم انه محرم لها

وتقول هذا طبعنا

قلت خالك انتي اثرتيه ومع بعده عن الله سلم نفسه لشهوانيته البهيمية

عشان كذا يا رجااااااااااااااااااااال تكفوون احرصوا على لباس بناتكم
حطوا البناطيل ولباس النصارى بالزبالة

لا تخلونهن مع ذكوور حتى لو محارم خلاص حنا في زمن الفتن تحكم العقوول

شوفوا هذا لعب ببنت اخته ودمر نفسيتها

والحين اكتب لكم وانا أول مرة أحس بضيق الحيلة

لازم اساعد البنت ومابي اضرررهااااااااااااا

وشلون

يارب تفرج لها همها

مافيه حل الا ان الخال يموت صح ؟؟؟؟
حسبي الله على كل من لعب بعرض بنت
خصوصا بنت زي كذا صغيرة وبريئة ومغصوبة كانت فاهمه انه حنان

واستغل رومنسيتها وضعفها وخجلها

انتظر ردودكم بفارغ الصبر
ياليت القى رد شافي يساعد البنت وينتقم من هالنذل بدون خساير


اعتذر للاطالة واعتذر اني ضيقت صدوركم لكن المسلم اخو المسلم
وهالساحة فرصة للتناصح

الله يوفقكم ويبعد عنكم غدر الأقارب



اختكم المعلمة المحتارة
__________________
-->
من مواضيع قطرة

قطرة غير متواجد حالياً   رد مع اقتباس
قديم 02-10-2009, 04:22 PM   #2
-( عضو )-
 
الصورة الرمزية ذوق ونــظــرتــي فــوق
 
تاريخ التسجيل: Jan 2009
الدولة: الـــريــآض
المشاركات: 129
معدل تقييم المستوى: 0
ذوق ونــظــرتــي فــوق is on a distinguished road
افتراضي رد: مصيبة طالبة في الثانوي،،،{خالها يتحرش....}

حسبي الله ونعم الوكيل وش هذآآ الوقح الحقييير

مآآفيهـ إلآآ حل وآحد أن المعلمهـ تكلم أمهآآآ ولا مستقبل البنت رآآح يروووح لأنهـ ألحيين بس يتحرش يمكن مررهـ من المرآآت إذآ بقا هو وهي في البييت يغتصبهآآ

خآآفو الله في بنآآآتكم حسبي الله ونعم الوكييل

__________________





ألف مبروووك البطوولهـ يالزعيييم
-->
من مواضيع ذوق ونــظــرتــي فــوق

ذوق ونــظــرتــي فــوق غير متواجد حالياً   رد مع اقتباس
قديم 02-10-2009, 04:50 PM   #3
عضو من أعمدة الموقع
 
الصورة الرمزية زفرات سنين ..!
 
تاريخ التسجيل: Oct 2008
الدولة: في أرض الله الوآسعة ..!
المشاركات: 18,936
معدل تقييم المستوى: 2351286
زفرات سنين ..! has a reputation beyond reputeزفرات سنين ..! has a reputation beyond reputeزفرات سنين ..! has a reputation beyond reputeزفرات سنين ..! has a reputation beyond reputeزفرات سنين ..! has a reputation beyond reputeزفرات سنين ..! has a reputation beyond reputeزفرات سنين ..! has a reputation beyond reputeزفرات سنين ..! has a reputation beyond reputeزفرات سنين ..! has a reputation beyond reputeزفرات سنين ..! has a reputation beyond reputeزفرات سنين ..! has a reputation beyond repute
افتراضي رد: مصيبة طالبة في الثانوي،،،{خالها يتحرش....}

انا مع رأى اخى الفاضل{ذوق ونظرتى فوق} لااااااااااازم المعلمه تحكى مع والدتها لاكن بلطف ولين حتى لا تهيئ لها الصدمه مره واحده فجآآآآآآآآه.....حسبى الله ونعم الوكيل
__________________
لآ شيءَ فيْ الوجودْ يَرفعُ قدرَ المرأةْ مثلَ العفَّةْ .. :)





Avril و
м i я α c l ε » ♥
سـابقاً ..
-->
من مواضيع زفرات سنين ..!

زفرات سنين ..! غير متواجد حالياً   رد مع اقتباس
قديم 02-10-2009, 05:24 PM   #4

ليت الــــزعــل مـ مـ نـ ـوع

 
الصورة الرمزية Thiago neves
 
تاريخ التسجيل: Jan 2009
الدولة: مممم ........ مدري
المشاركات: 4,892
معدل تقييم المستوى: 26
Thiago neves is on a distinguished road
افتراضي رد: مصيبة طالبة في الثانوي،،،{خالها يتحرش....}

حسبي الله ونعم الوكيل
__________________


-->
من مواضيع Thiago neves

Thiago neves غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
اذا احد عنده مصيبة يشوف مصيبة هذا الرجال اخر عمرة كيف انحرم من اللي بناه‏ مكان المنبر الحر 4 09-15-2008 07:09 AM


الساعة الآن 11:37 PM


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO 3.6.0 TranZ By Almuhajir