منتديات هتوف  

العودة   منتديات هتوف > هتوف الأدبيه > حرف القصيد - خاص بقصائد الأعضاء فقط

حرف القصيد - خاص بقصائد الأعضاء فقط قصائد فقط من قلم اعضاء هتوف المبدعين



إضافة رد
 
LinkBack أدوات الموضوع انواع عرض الموضوع
قديم 04-12-2007, 06:58 AM   #1
..مُ ـستَحِيلَة..
 
الصورة الرمزية al.oorkeed
 
تاريخ التسجيل: Aug 2006
المشاركات: 5,224
معدل تقييم المستوى: 30
al.oorkeed is on a distinguished road



(adsbygoogle = window.adsbygoogle || []).push({});
افتراضي llll . شـ اعر .. المدينـة والغريـ ب .. . llll

llll



لن نقدم له .. فبماذا يعرف العلم ..؟ ولن نزيدهـ بكلمات منمقه .. فمن
عندهـ ][ الدرر ][ لاتهدى له الصدف .. قصائدهـ كافية لتنم عنة وعن شاعريته ..
شاعر يهديك مع كل حرف من حروفه جوهرة إحساس صافي..
شاعر مبدع نسج خيوط أفكاره ليؤلف لنا روائع ..شعرية
تنبعث منها مشاعر صادقه دافئة ....
شاعر للقوافي ملك .. وللأبيات مروّض ....
llll فهـــد المساعـــدllll


... شاعر المدينة والغريب ...



llll





في يوم وٌجه للشاعر فهد المساعد .. سؤالاً من هو الشاعر ؟! أجاب قائلاً..



الشاعر هو إنسان يجنح بما يملك من ثروة لغويه وخيال وتراكمات سلوكيه إلى عالم آخر..
يرى فيه الكره الأرضية ممتدة ويرى الهواء كفوف تتقاذف السحب وتداعبها ويرى الواقع النقطة ..
التي ينطلق منها لما هو ابعد .. أما انا فتعريفي لنفسي ..


lllفهد المساعد السبيعي سعودي الهوية والهوىlll



ولد الشاعر lll فهد المساعد lllعام 1398 هـ.. في مدينة الرياض ..
عاش( 4 سنوات ) في مدينة الرياض ..انتقل بعدها إلى مدينة الرمحيـة ثم أكمل فيها دراسته إلى المرحلة الابتدائية..
انتقل بعدها إلى مدينة رماح لإكمال دراسته ..عند بلوغه السادسة من عمره انتقل والده إلى رحمة الله ...
بعدها بدأ المساعد رحلته في البحث عن الذات(كما يحب أن يسميها) ...
تنقل مابين جامعة الملك سعود معهد الإدارة العام طالبا ً .. وبين عدد من جهات العمل ...
استقر به المطاف أخيرا ً موظف في شركة الاتصالات السعودية ...





بدأ فهد بكتابة الشعر وهو في سن ( الثانية عشر) من عمره ...
في إحدى اللقاءات وُجه للشاعر lll فهد المساعد lllسؤال ..عن أول البوح أجاب قائلاً..
أول قصيده خاصة بي ..فهي قصيده في اخوي .. وأذكر أن هناك من أبناء قريتي من شكك في نسبتها لي ..
واستفزني أحدهم وهو ( الشاعر مهنا بن شليه ) بقوله انه من المستحيل ان يكتبها شخص بعمر فهد ..
وأذكر بأني تضايقت لكن لم استطيع أبداء غضبي وقتها ..
وقال لي من كان في المجلس وقتها بأنه يجب علي ان اثبت بأن القصيدة لي وذلك بكتابة قصيده الآن .. فكتبت وقتها ..:





هبت هبوب العنا والصيف
موج الغضب يلطم الشاطي
ان كان تبغونها بالسيف
سيفي على المعتدي ساطي
ماجت من السرق والتزييف
عطية ٍ و الله العاطي
ارضك دهر والنبات ضعيف
وأرضي قفر مابها واطي
والنابغه مايبي تعريف
ارجع ترى موقفك خاطي..



llll


وبدأت دائرة الشهرة تتسع لدى فهد قبل خمس سنوات ..
عندما كان يقضي أحدى سهراته مع أصدقاءه وفي أحد الليالي أستوقفه أحد الحاضرين وطلب منه تكرار أكثر من قصيدة ..
ليكتشف فيما بعد أنه (الشاعر والصحفي/ أحمد الفهيد ) والذي كان صحفيا ً في مجلة شعر و فروسية حينها و أخذ قصائد فهد ليقوم بنشرها ...
أول قصيدة نشرت للشاعر كانت بعنوان ][دفتر أوجاعــي][ نشرت باسم فهد السبيعـي ..


ياعين كفي دمعتك لاتهلين
قوي الصبر هذا زمان العجايب
ماقد سمعنا رجّع الدمع غالين
ولاسمعنا رد دمع ٍ مصايب
بدل دموعك حاولي بينك وبين
قلب ٍ عساه اليوم ينسى الحبايب
مااقول انسي حاولي كود تنسين
خلاص راحت غايتك بالغصايب
الحب قصه والبطوله لشخصين
وختامها كل ٍ من الحب تايب
ماهوب مثل اللي نظنه من سنين
ماندري انه يودع الراس شايب
كنا نظن الحب يرسم بقلبين
وسهم ٍ على القلبين بالحبر صايب
واليوم اشوف الحب في دمعة العين
كنه غريب ٍ دون دم وقرايب
انشهد انه شتت الحظ أثنين
راحت وتهنا في بحور ٍ غرايب
راحت وانا واطلالها اليوم باقين
ترقب عيوني بابهم والهبايب
اذا انفتح كل الخفايا بي اتبين
واذا تسّـكر جاوب الدمع غاايب
انا قوي القلب اصبحت مسكين
يحق لك يالعين خاوي السحايب
ياعين هلي دمعتك لاتملين
غلطان انا يومي ردعتك وخايب
وآخر وصيه من فهم حالتي زين
وآمن بقلب ٍ راح في الحب ذايب
ينحت على قبري رموز ٍ بحرفين
وينحت سهم وقلوب .. فوق النصايب






llll




شاعر رائع وقصائده تتحدث عنه


* الصحفي عبدالله الراجح


...



فهد المساعد قطعة من قلوبكم تمشي على الأرض!!..قطعة من قلبي كذلك!!


*الشاعر احمد الفهيد


...




فهد حينما يكتب يتجلى شعرا وعذوبة فبعد كل بيت يكتبة تتنفس العذوبة الصعداء


* الشاعر تركي المريخي


...


الشعر عنده هوية وهوى ... لذا نحن نعرفه جيداً ... ونحبه .


* الكاتب محمد الخضيري


...



حضوره ينير المكان فنرى من حولنا


*الصحفي محمد السعدي _ الراية القطرية


...



أحب فهد المساعد كشاعر وكأنسان قبل كل شيء


*الشاعر محمد الحويماني


llll




llll





ديوان المدينـــــــة والغريب
- الديــوان الوحيــد للشـــاعر -
أصدر في الأول مايو 2004
يحتوي على ثمانية عشر قصيدة







// .. المدينة و الغريب .. //


جا يشوف الحال كيفه بعد ماهـزّه حنينه
وقبل يسألني سألته : كيف حالك يالحبيـب


قال انا كني غريب ٍ ضـيّع دروب المـدينـه
قلت انا كني مدينه تنتــظر رجعة غريـب


قال اجل وشفيك تلعن سيـرة الحب وسنينـه
قلت اجل وشلون ماالعن سـيرته دامك تغيب


انت لامن غبت حتى مرايتك صارت حزينه
كيف ماتبغاني احزن وانت لي مثل النصيب


الهدايا والرسايل والمكاتيب الثـمينه
والليالي والقمـر والـريح والكون الرحيب


كل ماتبعد .. تـجيب الشعـر ليّه من يـدينه
وتقعد جروحي تودي فالطـواريق وتجيب


يابعد كل القصيد ونزوة احـداه وانينه
لاذكرتك لاح بيت وطاح ورد وفاح طيب


وان نسيتك مانساني صـوتك المبحوح لينه ..
ياخذ لجـرحي بـثاره من خطاياك ويطيب


وبعد هـذا جاي ترمي ذنبك بوجه المدينـه
مادريت ان المدينه كلها شمعـة غريـب

للحفظ أستماع

// .. أعــز إنسـ ’ ـان .. //



صوّت حبيبي وقبل أقول ياعونك
شكا جروحه ورحت اشكي له اطعوني


يقول ما اقدر أعيش اليوم من دونك
وأقول حتى ولو ماعشت من دوني


يمكن أنا أكون اعز إنسان فعيونك
بس انت والله كل الناس فعيوني


لاصرت ربعي .. وداري فيّة اجفونك
وش دخّل الناس خل الناس يجفوني


يكفيني إن انت لامن قلت وشلونك
تطيب كل الجروح ويختلف لوني


وان كان منت بمصدقني على هونك
تعال طالع ادروبك وين ودوني


اصبحت اجامل اعداي اللي يحبونك
واكره مشاهد اعداك اللي يحبوني


ومن كثر ما أحب واكره عنك واصونك
اصبحت دفتر مشاعر وأنت مضموني


إن غبت عني شعرت بلذة طعونك
وان شفت زولك شعرت بقيمة عيوني !! ..


للحفظ أستماع



// .. يبـ ’ ــه .. //



يبه و انا بعد اثنعـش عام حسيت
اني قدرت اقـول شيٍ كتــمته


ابطى قصيدي ما انكتب فيك و ابطيت
اجر صوتـي و ارجـع اجر صمته


ماودي اكتب بيت و انـدم على بيت
ما هوب شعر الشعر كاني زهمته


الشعر كانه ما انحنى لّي ماجيـت
ان ماعـــزم مرثيتـك ما عزمته


ان ما كتبته بازرق الدمع وابكيـت
كل الجروح المبـطيه ما رحمـته


يبه وانا من بعــدك ابـو التناهيت
ما مر طعمٍ للحـزن مانهــمته


يبــه يبــه كلمه و انا كل ما اوحيت
كلمـة يبـه صديـت و الوقت لمته


يبه يبـه كلمه و انا كم تمـنيت
اهـدم بها و ابـني بها اللي هدمته


يبه و انا لاضقت رحت و تــهجيت
ركون بيـــتٍ ضـم حـلمٍ حلمـته


يومـك تعـلمني الامـن تحاكيت
درس الحـياه اللي كبرت و فهمته


هناك كانت دلـتك لا تقهــويت
و هــناك كان يساق طيبٍ حشمته


و هناك ايه اذكـرني هناك خليت
طفـلٍ ملا بالـدمع دربٍ رسـمته .. !!


هناك جاني علمك انك توفيت
و هناك خاويت الشقا و احتزمتـه


و اليـوم قلت اليوم يومي و مديت
كف القصيد و طاح شعر و نظــمته


لكن بعد صمت اثنعش عام حسيـت
اني عجـزت اقـول شيٍ كتـمـته


للحفظ أستماع


// .. صــالات المــطار .. //


قبل أسافر كنت جالس في زمان الإنتظار
ارتشف هم المكان وكل هم حاجتيــن


كنت خايف من يباس وكنت خايف من خضار
كنت أخاف إنك تجين وكنت خايف ما تجيـن


لين شفتك مـن ورا بيبان صالات المطار
مقـبلة من كثر شوقك كنت أشوفك تركضيـن


مرةٍ ركضك يمين ونظرة عيونك يسار
ومرةٍ ركضـك يسار ونظـرة عيونـك يمين


تايهـة ما كـنك إلا ضحكة وسـط انكسار
ساكتة ما كنك إلا دمعة فيها حنين


خـايفه .. وجله..حزينه .. يعني كنتي باختصار
تشرحين لكل عاشـق معنى كلمـة عاشقيـن


بعدها جيتك ولدت عينك وبعدها كان الحـوار
من كفـوفي دمعتين ومن كفوفك دمعتين


كنت أًصد وكنتي انتي ثايره مثل الشـرار
( ما على لتغة لسانك غير كلمة ) وين؟ وين؟


واذكر اني رحت قبل ابديلك أية كلـمة اعتـذار
رحت حتى قبل اطيب خاطرك في كلمتـين


لكن انتي عارفتـني زين واللي صار صار
سامحيني واذكريـني قد ما انتي تقـدرين


اذكريـني لا انتهت للشمس رحلة مــع نهـار
واذكـريني لاصحى للصبح ورد الياسمـين


واذكريـني لا لمحتي في ليالي البـرد نار
واذكريـني لا سمعتي للمطر صوت حزيـن


واذكـريني .. واذكريني.. واذكريني باختصار

اذكـر فـهـد المساعد قد ما انتي تقدريـن

!!

للحفظ أستماع



// .. كبـوة جـواد .. //




صعب لامنك فشلت وصعب لامنك لقيت

إن من يكره نجاحك يدري انك ما نجحت

امس ضقت ورحت اقلب ذكرياتي وانتهيت

عند صورة طفل صوته مثل صوتي لا انجرحت


وش مثل ؟؟ لا والله إلا هذا أنا يوم ابتديت

انطق حروفٍ تلعثم في لساني لا انمدحت

هذا أنا يوم الحياه فنظرتي عشرين بيت

ومسجدين ومدرسه من طين كم فيها اصطبحت

هذا أنا .. وأصبحت أتمتم .. (هذا أنا) حتى بغيت

اختنق بس القدر عيّا على موتي وطحت

وصاح صوت الطفل فيني انت من وين ارتميت

قلت أنا المستقبل اللي فيه كم همت وطمحت

امس كنت أبيك تكبر بس والله لو دريت

اني اللي عشت لجله مت عندك واسترحت

لو دريت إن الزمان يجر رجلي ما عديت

ولو دريت إن البحور بلا مواني ما سبحت

كان دربك لي طويل وكل ماشفتك هويت

قلت لك كبوة جواد وما كبيت إلا وجمحت

ليه تسمعني وتمشي آه ليتك مامشيت

وآه ليتك من كثر عثرات الأيام انتصحت

ضاعت احلامي وضل الحزن فيني واهتديت

للطريق اللي يوديني على دمعي ورحت

يالحزن ليتك مثل دمعي وتنزل لارقيت

بس أعرفك لو مسحت الدمع تبقى ما انمسحت

كان حلمي في وجود إنسان يبكي لابكيت

وصار حلمي في وجود إنسان يفرح لافرحت

كنت اشوف الناس مثلي كل ما جعت وضميت

ما دريت إن الاوادم ناس فوق وناس تحت

آآآه يا أول ذكرياتي خذني فحضنك نسيت

لأسألك عن وجه ابوي اللي معه ياما سرحت

خذني فحضنك ابغفى .. ياااااه مبطي ماغفيت

وان لمحت دموع عيني سو نفسك ما لمحت

خذني فحضنك وبعثر في جروحي وان قضيت

هزلي كتفي وقلي : عيب تبكي لو سمحت

اضحك وعلم زماني من أنا .. ومن وين جيت

طق باب الحزن واصرخ فيّ لامني فتحت

وضمني يمك .. وكمل ضحكتك لامن بكيت

ودي اذكر كيف كانت ضحكتي لامن فرحت


للحفظ أستماع



// .. سالفـة عشـّاق .. //



من بغى الفرقا .. لقى له عذر وأسباب ودليل


خل عنك العذر والأسباب دام الحب ضاع



كان ودك بالفراق ابشر عسى عمرك طويل

لاتردد وأنت لك كلمه ولك أمرٍ مطاع


لي عليك انك تبت بكلمه تشفي الغليل
ولك علي إني لأوقف وقفة الرجل الشجاع


لاتجاملني مخافة قال مدري خوف قيل
عمر هرج الناس مايسمن ولا يغني جياع


كان قصدك سر حبك اوعدك لأصبح بخيل
واحمل أسرارك معي للموت قدر المستطاع


بس قلها .. قل ما احبك .. وابشر بصبرٍ جميل
لاتحسب إني مثل من طبعهم لوي الذراع


صاحبك ماهو كذا .. ياصاحب القد النحيل
صاحبك طبعه غريب وغربته غربة اطباع


فالهوى مايقبل الحل الوسط ولا القليل
مثل ماهو لا شرا يشري اليامن باع باااااع


ثابتٍ لو هي تميل الأرض حدره مايميل
يدري إن الفقر ماهو عيب والدنيا متاع


ماعشق لذة حياته كثر عشق المستحيل
ولا كره حتى مماته كثر كره الانصياع


كم تعلمت من شديد البدو وش معنى الرحيل
وكم تعلمت من غروب الشمس وش معنى الوداع


وكم تعلمت من سحاب الصيف وش معنى الحصيل
وكم تعلمت من ليال البرد وش معنى الضياع


إيه .. أنا هذا .. طريقي موحش وصعب وطويل
وانت لامنك تعبت العالم فجوجه وساع


اعتبرني في بداية سكتك عابر سبيل
ورح وأنا قلبي معك من وين وجهت الشراع


يكفي إني لاذكرت بسالفة عشاق قيل
عاشر احبابه شجاع وفارق احبابه شجاع



للحفظ أستماع




// .. الـــدلـوعـ ’ ـة .. //


إيه اعرفك بنت عز وكلمتك مسموعه
وادري انك من خلقتي في ظلال وفيّه


مالعب فيك الزمان ولا قرفتي جوعه
ولا وقفتي من همومك وقفة محنيّه


ادري ورب اليتيم اللي يهل دموعه
مابعد هلت دموعك في ضحى عيديّه


بين حضن أمك وأبوك وردةٍ مزروعه
طول عمرك مافقدتي لمسة الحنيّه


إيه اعرفك واعرف إن الناس لك متبوعه
وادري إن امرك مجاب وحاجتك مقضيّه


بس أنا من فضل ربي هامتي مرفوعه
ورث أبوي وراس مالي عزوة جبريّه


ما انحنيت إلا لمخافة ربي المشروعه
ولا بعد دفقت دم الوجه أمد ايديّه


بدويٍ ماعرفت الضحكه المصنوعه
احمد الله من خلقت وطيبتي فطريّه


قانعٍ في حكمة الله ماشيٍ في طوعه
ماحسبت حساب دنياً ناسها طرقيّه


إيه أنا يا ام الترف قلبي إذا موضوعه
الفراق اللي بلا رجعه وطاري جيّه


بس روحي سايري قلبك وهدي روعه
واعذريني .. وإلا .. عادي ازعلي عليّه


دامها وصلت لذل النفس يالدلوعه
والله إن يعيش راسي ما انحنى لبنيّه



للحفظ أستماع




// .. ثـلاث سـنـين .. //



ياعين هلي دموع الوجد وانهمري
محتاج لي دمعتين تعيد ترتيبي


نويت دمر الزمان اللي نوى دمري
بايعك ياطيبتي شاريك ياطيبي


والدانه اللي تغنج كنها القمري
أمنتكم بلغوها يا مناديبي


لاعاد تشفق على نخلي ولا تمري
ولا عاد تشره علي في قل ترحيبي


إن كان ربي عطاها لونها الخمري
الله بنفسي عوضني فقر جيبي


أمنتكم الله بلغوها تحتري جمري
مادام مافاد معها حسن تهذيبي


إن عشت والله لأمشيها تحت أمري
وأحس فيها تعذب كثر تعذيبي


هذريت فيها ( ثلاث سنين ) من عمري
وان قالها الله لأخليها تهذريبي


للحفظ أستماع




// .. لا تسـ ’ ـافـر .. //



قلبي له اليوم .. ( ثالث يوم ) موجعني
وعيني لها اليوم ثالث تجمع طيوفـك


والبال كنه على دروبك يوزعني
ولساني ماكنه إلا خلق لحروفك


لا النوم نافع ولا التفكير نافعني
أنام واصحى على الباقي من وصوفك


بالله قلي شعوري هذا وش يعـني
طمني الله يطمن همك وخوفك


بيني وبينك ترا اللي صدق ضيعني
إن انت بآخر لقا شارح لي ظروفـك


مدري وش أقول لكن تدري اسمعني
خابرك وافي وأبيك اتّم معروفك


إن كنت ناوي تسافر لاتودعني
بس انتبه لاتسافر قبل ما اشوفك


للحفظ أستماع



// .. أنت زعـ ’ ــلان .. //



اسمـعك ياللي تنادني يابو قلبٍ خـلي
بس انا ماني خلي القلب لأجل اسكت واجيك


الخلي ماهو بقلـبٍ من هيامك ممتلي
الخلي قلب آدميٍ شافك ولا هام فيك


انت زعلان لجفاي مادريت ان زعلي
يوم قلبك مايبيني قد ماقلبي يبيك


حتى لو عيت همومك في غيابي تنجلي
كل هذا مايساوي لهفتي يوم احتريك


كان ماصدقت هرجي طيب اسمع مايلي
ياحبيبي يا عسى ربي يحفظك ويهديـك


جايز انك في غيابي تقلب الدنيا علي
بس انا من قبل اعرفك قالب الدنيا عليك


للحفظ أستماع




// .. النـ ’ ـاس .. //



ياصاحبي لاتجي وتقول لي قالوا
لو قلت .. ماقلت غير الله يجازيهم


لاشفت بعض الاوادم للردى مالوا
نفضتهم من عيوني قبل اخليهم


يكفيني القدر نلته يوم ما نالوا
إلا .. أو أقول .. ما ابغى أجيب طاريهم


ما أقول غير انت لامن حطوا وشالوا
تعوذ برحمة الله من اساميهم


وذكرهم إن الأعمار إن طالت وطالوا
الخالد الذكر وإلا الموت قافيهم


أما انت ياقلب إن صالوا بك وجالوا
خلك مثل ما انت لاتشره على ايديهم


الناس من خلقة الدنيا ومازالوا
عيال رجال لكن فيهم وفيهم


ذولاك من عرض ناس مالي إن مالوا
إلا اني اسكت وأقول الله يجازيهم


للحفظ أستماع



// .. خـ ’ ـلاص .. //



ياصغيّر السن قدرك طاحت أبراجه
الجرح خلى الصخر ينطق ونطقني


خلاص ماعاد تعنيني ولا حاجه
رح جعل ربي يوفقك ويوفقني


من بعد ما كنت نور العمر وسراجه
اليوم صرت الظلام اللي يطوقني


عطيتك أكثر من اللي كنت تحتاجه
أسرفت فالحب لين الحب وهقني


خلاص مالي ومال الحب وإزعاجه
مالي ومال الدروب اللي تضايقني


تعبت أضم البحر واهدي أمواجه
تعبت أجامل وأشوف الوقت يسرقني


شكواي للي عليه الضيق وافراجه
اللي إذا شاء يرحمني ويرزقني


أما انت يابو جبين عقّد احجاجه
لاعاد تسأل علامك منت طايقني


الناس كلٍ على دربه ومنهاجه
وأنا عن الناس مابه شي يفرقني


إلا اني دايم أحب الصدق وأواجه
مخلوق والله على هالوضع خالقني


حتى رفيقي ضماد القلب وعلاجه
على كثر ما أتمسك فيه صدقني


لو ادري انه مرافقني على حاجه
لاامسّكه حاجته وأقول فارقني


للحفظ أستماع


// .. رســ ’ ـالــة .. //



ياصاحبي جيتـك اشكيلك مـن أحوالي
جـيـت ومادامك رفيقي لـيـه أطوّلها


العلـم وما فيه يا أول وآخــر أمالي
عندي رساله ولا ادري كيف أوصلها


للي سبتني وأنا من قبلها سالي
أبيك توقف معي .. وتروح وتسألها


وش فيهـا تفتح عـلي أبواب عـذالي
وتحـمّـل النـفـس حاجـه ما تحمـلها


وش فيهـا رغـم الوفا تتركني لحالي
وأنا لجفاها تركت الدنيا بأكمـلها


إن كان هـذا زعل .. علمها يالغالي
ما كان قصدي ورب البـيـت ازعلها


علمها والـلـي يخلي قـلـبك الـخالي
عن ضيقتي وين وصلت من تجااااهلها


علمهـا كـم لي وأنا ماشـلـت جـوالي
كله علـشـاااان مـا اقـلـب رسايـلها


وعلمها وشلون لامرت عـلى بالي
أروح وأضم صـورتها واقـبلها


وعلمها كيف انشغل عن كثرة أشغالي
واسرح واغـمض عيوني واتخيلها


علمها عـني وعـن هـمي وغـربالي
علمها عـن كل حاجه في تجهلها


وان شفتهـا دنقـت تبكي عـلى حالي
انسى الـكلام وتذكر كـلمه وقـلها


قل شاعـرك يعتذر ويعاهـدك تالي
انـه يـرتب حساباته مـن أولها


ويقـول حتى القصيـد اللي على بالي
والله مـاعاد اكـتبه كانه يـزعـلها


للحفظ أستماع


// .. التــوبــ ’ ــة .. //



تطيح دمعه واسلّم للفضا موقي
وارفع يدين الذنوب وتظلم أعماقي


اشوف قبري يمر بوحشته فوقي
وتصير كل الحياة أضيق من أخلاقي


يانفس طالت ليالي غينا فُوقي
كم قلت يالله وقلتي تونا باقي


ياالمزنه اللي تحن لغيها نوقي
تعبت أخيلك وأقول نياقي نياقي


تعبت ياما تعبت وضاعت احقوقي
ياما ندمت وردمت الذنب فأوراقي


ياما سكت وتركت البوح لعروقي
أخاف اسولف واخيّب هقوة الهاقي


أخاف أبوح ويخون الصمت منطوقي
وأقول شيٍ يحث الناس لفراقي


يالله وأنت الملاذ إن مس بي عوقي
وأنا ذنوبي جهت من راسي لساقي


يالله تغفر خطاي وترحم وتوفي
عظمي نهار الحساب وتقبل إعتاقي


للحفظ أستماع



// .. اللـي تــركنـ ’ـي .. //



اللي تركني وأنا في عز غربالي
بعد الشدايد وش اللي ذكره فيني


يبغى زماني يعود ويرجع الغالي
وشلون يرجع بعد ماطاح من عيني


لا الوقت وقته ولا له شي في بالي
أنا نسيته مثل ماكان ناسيني


أنا تمنيت نظره منه في حالي
ياما تمنيت صوته لو يناديني


وأقول لأظلم علي الليل بلحالي
الله يجيبه يشتت غربة سنيني


من كثر ماكان طيفه دايم اقبالي
أحيان أحسه معي وتضمه ايديني


ولامن تنبهت لين وجيه عذالي
كلٍ على ماطرا باله يسميني


ليته تركني بعد هذا على فالي
زي ماتركته بعد قتله بساتيني


من بعد ماصار جاء بلسانه الحالي
يبغى يرجّع زمانٍ بينه وبيني


قولوا له إني ما أحبه كثر ترحالي
أو لا .. حرام يتضايق وإلا يبكيني؟؟


قولوا له إني أحبه .. بس من تالي
إن راح وإلا رجع ماعاد يعنيني


للحفظ أستماع



// .. المـراسـيـ ’ ــل .. //



أقول يمكن تنفرج فالمقابيل
ولا ادري إلا الأرض تحتي تهايل


وبعد التعب والهم والحط والشيل
توي عرفت إن البخت كان مايل


مع ذاك أبو ذيك الرموش المظاليل
ذاك الغريب اللي عمل بي عمايل


جتني مراسيله تشب القناديل
ومعها سؤالٍ جاوبته النحايل


يقول كيف الحال بعد المراسيل
وأقول مثل الحال قبل الرسايل


عمر الكتابه ما تجيب المواصيل
ريّح مكاتيبك ترا الشك زايل


إن ما حصل همس وحنان وتعاليل
وأعاتبك لين المح الدمع سايل


واجلس واسولف عن زمان البهاذيل
وانسى السوالف لا نسفت الجدايل


كذا يصير الحب والوصل والليل
وكذا ادري انك ما نسيت الجمايل


إما كذا وإلا اترك الحظ للميل
واتركني فوق الأرض تحتي تهايل


للحفظ أستماع




لم تقتصر اهتمامات شاعرنا بالشعر فقط .. فكانت / الرياضة / من اهتمامات شاعر المدينة
والغريب.. وجه للشاعر في احدى اللقاءات .. عن اهتماماته بالرياضه ..
وعن ميولة المحلية والعالمية ..أجاب قائلاً؟!!


أحب كرة القدم طبعا وتنس الطاوله ..
كنت امارس كرة القدم على مستوى الحاره.... مع فريق حواري عريق في الرياض اسمه الادريسي
كنت العب في مركز المحور وكدت اسجل في نادي الشباب ..
عن طريق مدرب شباب الشباب وقتها وأسمه ( عبدالله بن سالم ) لكن صرفت النظر بسبب ميولي العسكريه ..
ونيتي لدخول كلية الملك فهد الامنيه ..
لكن لادخلت الكليه ولاسجلت في النادي وعساها خيره .. احس انو خالد عزيز يقول زين والا كان طارت خانتي في المنتخب..



وعن ميولة المحلية والعالمية ؟!
قال : هلالي صميم ..
وعالميا( برشلونه ) الاسباني.. بسبب الفلته اللي اسمه رونالدينو ..
ياشيخ هذا متى ماحط في راسه يسجل قول سجل..









llll



صاحب جميل .. وقلبك أجمل .. والأجمل ..
ضحْـكَـتك يابو ضـحـكةٍ / .. تـشـبه العيد .. /


ماأقول كامـل .. بس قـــرّبت تكمل
ماناقصك غــير ( أحـترام المواعـيد )




* * *




دوّرت بـعـدك حـبـيـب .. وقلت في بالي ..
أحب هـمـي ؟ .. وقال الـقـلب : روّ قنا


قلت أنت وش دخّـلك .. بأحب غربالي
أقلّ حاجه .. نمـوت وماتفارقنا




* * *






ماعرفت أرضيك ياعذب اللما
يوم تمدحني .. ويوم تسبّــني


أنت يأمّا حبني حـبٌ عـمى
والاّ ريحّـني .. بلاش تحبّـني !!




* * *





الـدمع ماهو عـيـب .. رح علـّـم اللي
يقـول عــمره مابكى في حـياته


الـدمع مايقـطـع صلاة المصـلي
والضحك مثل أبليس .. يقطع صلاته !!




* * *





تـدرين لامنـّك زعـلـتي وش يـصير ؟!
تدرين لامن صار خـاطرك مـكـسور ..


تكـّدس أغصان الشجر بالعـصافير
وكل ماذرفتي دمعه .. يموت عصفور




* * *






/ 19 عام/ .. وبقى لك بعد عام
ويصير عـمرك مـثل مـاأنتي تحبين


عـقـبال مـاتـمـضي اللـيالي والأيام
ويـمـر يـوم ٍ فـيه اشـوفك تـقولين : ..


ياشاعـري قـل للـدفاتر والأحـلام
مرت سـنه والـيوم كمـلت عشـرين


قـلي كبرتي .. قـل كبرتي .. من العام ..
وأنا احتريها .. وأنت ساكت لهالحين ؟!


وأقــول هـذي كـلهـا حـسبة أرقام
هو للسحابه عمر !
ردي ؟!
وبعدين ..


مـهـمـا تكـبـرك اللـيالـي والأيام
تـبقـين طـفـلـة قـلبي اللي تـحـبين




* * *





يافديـت اللي اذا جـيـته أقول :
قل أحـبك .. أسـتحى ماقالها


وأن زعلت .. يتمتم بهمس ٍ خجول :
تـطـلع أحـسن لـو تجي من حالها


llll




III دفتر اوجاعي lll كانت اول البوح نشراً ..لشاعر المدينة والغريب ..
الأسرار..اخر البوح ..شاعرنا أراد لقصيدته أن تعكس ..
مايجول في خواطر الكثيرين ..فكانت هذه القصيدة ..






llll





::

لقاءات الشاعر .. فهد المســ اعد ..

مجلة اصايــ ل .. جريدة الرايه القطريه ..

مجلة الرايه القطريه .. مجلة المختلف ..

جريدة المدينة .. مجلة صدى الكلمات ..

مجلة فواصل .. مجلة ليلة خميس ..

مجلة وضوح .. مجلة مرايا ..



..

ااا صــور للشاعــ ر ااا


..















وهـ بس وهـ...’’
أن شــاء الله يعجبكم ...‘‘
واللـه تعبت :(..!!
__________________
..
.


..
.
-->
من مواضيع al.oorkeed

al.oorkeed غير متواجد حالياً   رد مع اقتباس
قديم 04-12-2007, 09:44 AM   #2

.. آرق مآبـ الكون ..

 
الصورة الرمزية اميـ نفسها ــرة
 
تاريخ التسجيل: Aug 2006
المشاركات: 15,537
معدل تقييم المستوى: 311
اميـ نفسها ــرة has a reputation beyond reputeاميـ نفسها ــرة has a reputation beyond reputeاميـ نفسها ــرة has a reputation beyond reputeاميـ نفسها ــرة has a reputation beyond reputeاميـ نفسها ــرة has a reputation beyond reputeاميـ نفسها ــرة has a reputation beyond reputeاميـ نفسها ــرة has a reputation beyond reputeاميـ نفسها ــرة has a reputation beyond reputeاميـ نفسها ــرة has a reputation beyond reputeاميـ نفسها ــرة has a reputation beyond reputeاميـ نفسها ــرة has a reputation beyond repute
افتراضي

دامه منك اكييد رح يعجبنا

يسلموو ياعسسل ع الموضوع

والله يعطيك العااافيه

والله لايحرمنا روعه موضيعك :)

ارق سلامي لك
__________________
~ { ●• آحِب آلصِمتِ!



وٍ آإآكتمِ بصُمٍتيْ سخِافاتٌ الأفِوآهِ..!! ●•


\

/
-->
من مواضيع اميـ نفسها ــرة

اميـ نفسها ــرة غير متواجد حالياً   رد مع اقتباس
قديم 04-12-2007, 10:30 PM   #3
<< مـزاجهــا صـ ع ـب >>
 
الصورة الرمزية الغزال الشمالي
 
تاريخ التسجيل: Mar 2007
المشاركات: 2,670
معدل تقييم المستوى: 20
الغزال الشمالي is on a distinguished road
افتراضي

شاعر مبدع امتعنى بقصائده الرائعه

امتعتينا دوسريه بجلبها لنا

الله يعطيك الف عافيه

مع خالص تحياتي
*
*
*
الغزال الشمالي
-->
من مواضيع الغزال الشمالي

الغزال الشمالي غير متواجد حالياً   رد مع اقتباس
قديم 04-13-2007, 01:22 AM   #4
| شـاعر هتوف |
 
الصورة الرمزية !! .. E x i t .. !!
 
تاريخ التسجيل: Jul 2006
الدولة: ع ـين السرابـ .. ’
المشاركات: 5,013
معدل تقييم المستوى: 2452408
!! .. E x i t .. !! has a reputation beyond repute!! .. E x i t .. !! has a reputation beyond repute!! .. E x i t .. !! has a reputation beyond repute!! .. E x i t .. !! has a reputation beyond repute!! .. E x i t .. !! has a reputation beyond repute!! .. E x i t .. !! has a reputation beyond repute!! .. E x i t .. !! has a reputation beyond repute!! .. E x i t .. !! has a reputation beyond repute!! .. E x i t .. !! has a reputation beyond repute!! .. E x i t .. !! has a reputation beyond repute!! .. E x i t .. !! has a reputation beyond repute
افتراضي

الدوسريه

ماقصرتي والله .. سيرة حياته بالكامل .ويستاهل والله

يعطيكِ العافيه يارب

وتسلم أيدينكِ


ونورتي القسم بإبداعكِ
-->
من مواضيع !! .. E x i t .. !!

!! .. E x i t .. !! غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:31 AM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 TranZ By Almuhajir