منتديات هتوف  

العودة   منتديات هتوف > أقلام هتوف > خواطر و قصائد

خواطر و قصائد خواطر و خواطر حب , وخواطر غرام وعشق , و خواطر حزينه , قصائد , قصائد شعرية , و قصائد حب , و قصائد منوعه



إضافة رد
 
LinkBack أدوات الموضوع انواع عرض الموضوع
قديم 02-23-2009, 11:03 PM   #1
الخرج خرجك لو طال هجرك..فديتها
 
الصورة الرمزية الزين قصيمي والدلع شرقاوي
 
تاريخ التسجيل: Feb 2009
الدولة: في قلب حبيبي مشعل
المشاركات: 133
معدل تقييم المستوى: 11
الزين قصيمي والدلع شرقاوي is on a distinguished road



(adsbygoogle = window.adsbygoogle || []).push({});
الشاعر محمد جار الله السهلي









شاعر استطاع أن يحلق بنا إلى عالم القوافي والأوزان ..
كما استطاع ان يرسم لنا من واقع الكلمات أجمل الصور وأروعها
هنا حيث قصائده التي عانقت حروفها صدق الاحساس وحسن
التصوير والاتقان نقف وقد هالنا شموخ الكلمات ورقة المعاني
ونبحر معه وكأننا نحن من نظمنا الأبيات ...





هناك حيث قصائده قد لامست شغاف قلوبنا وحررت الآمنا من قيودها
وانطلقنا معه وبه الى حيث الموسيقى الهادئه
وحيث آلآهات الكامنه في تلك الصدور المتعبه ...
انه شاعرا قد جعل من الكلمه والقلم طوع
أمره ومن القرطاس مهدآ لفكره ..


انه شاعر قد سابق الافكار وصاغ المعاني لتتجسد لنا
في اطار جميل يفهمه الصغير قبل الكبير
لايكون هذا الوصف لغير الشاعر



ولادته ونشأته:
ولد الشاعر محمد جار الله السهلي في 1982.10.7
في دولة الكويت محافظة الاحمدي



تعليمه وثقافته:

حاصل على الإجازه الجامعيّه ( بكالريوس ) من جامعة الكويت - كلية العلوم الإجتماعيه - قسم الجغرافيا - فبراير / 2006


هواياته:
أولى هواياته القراءة والشعر وحب الاطلاع


أعماله ومسؤولياته:
موظف في وزراة التربيه - الكويت - يناير / 2007



إلحالة الاجتماعية:
متزوج ولديه من الأبناء ( جارالله )


بداية مشوارة:
- بدأ كتابة الشعر عام 2001 و النشر عام 2002 من خلال مجلة آفاق الجامعيّه ومحلق (الواحه) جريدة الأنباء وملحق ( ملتقى الشعراء ) جريدة الوطن .
- في عام 2002 تنبأ بنجوميّته الشاعر الإعلامي ( عبدالله الفلاح ) من خلال عدة كتابات في واحة الانباء .
- في عام 2003 قدّمه الشاعر والصحفي الكبير ( بدر الحمد ) بخط يده من خلال مجلة الساعي .
- في عام 2004 بدأ النشر في مجلة المختلف بتقديم ودعم من مدير تحرير مجلة المختلف الأستاذ : نايف الرشيدي


عضويات يشغلها:
* عضو ديوانية شعراء النبط الكويتيه
* عضو جمعية المعلمين الكويتيه


أمسياته الرسميّه:
- أمسية الجهراء بمناسبة تكريم مجلة المختلف للشاعر الكبير طلال السعيد - نوفبر / 2004
- أمسية مهرجان هلا فبراير - 2005
- أمسية مهرجان عنيزه - 2005
- أمسيه مهرجان بريدة - 2006
- أمسيه مهرجان الدوحه الثقافي - 2006
- أمسية ( ابو ظبي ) : تنظيم الاتحاد الوطني لطلبة الإمارات - 2006
- أمسية مهرجان أبها 2006
- أمسية مهرجان هلا فبراير - 2007
- أمسية ( باق في قلوبنا ) : تنظيم اتحاد طلبة الهيئه العامه للدراسات التطبيقيه - 2007


لقاءاته تلفزيونية:
- برنامج جواهر : تلفزيون دبي
- برنامج يا هلا : قناة روتنا
- برنامج حلو الكلام : تلفزيون مملكة البحرين
- برنامج الغبقه : تلفزيون دولة الكويت
* شارك بالعديد من البرامج الاذاعيه خليجيا


اصدارته الشعريّه:
- ديوان مقروء ( أصعب سؤال ) - 2006
- ديوان صوتي ( مختلف ) - 2007



من قصايد الشاعر محمد جار الله السهلي

لا تساومـنـي ..

إستريح شويّ .. واسمعني ثواني
بعدها مسموح .. قول اللي تقوله ..
جيت لك والقلب ماهو بالمحاني !
شف قبل لوصلك سابقني وصوله !!
ووالله ان لو لا الغلا ما جاك عاني
يا بعد منهم بكوله و ضحكوله ..
عاشقك سوّاح !! وعيونك مواني :
اخذني ّ .. من الحزينه .. للخجوله !!
أبتسم خلني افضفض لك عشاني
الحكي غصن ٍ عجز صوتي يطوله ..
تعقد احجاجك وتعقد لي لساني !!
المطر يا غيم ضميّان لهطوله !!
خاطري مكسور من قسوة زماني
وانت ( كنْك إياااه ) وفعولك فعوله !!
تعتبرني .. شخص مغرور وأناني
واعتبرك .. الكون في عرضه وطوله ..
آآه لوّ تحسّ بجروح الأماني
كان ما تزعل علي ّ بهالسهوله !!
حط ( عمرك ) يابعد ( عمري ) مكاني
وان لقيت قصور ؟؟ قول اللي تقوله ..
وأنتبه يا سيّد الغيد الغواني
التشّره والمعاتب له أصوله ..
لا تساومني ولا تجرح كياني
كل شي ّ إلا ّ الكرامه والرجوله !!



غشاك الليل ..
لا غشاك الليل واسرف بك الحزن العميق
جنّب وجيه البشر واسجد لخلاّقها
ادخل بغيبوبه من الهدوء .. ولا تفيق !!
وراود دموعك على عينها واحداقها
خل روحك تدّرج !! من زفير اليا شهيق
دمعة ٍ لحضورها .. دمعة ٍ لفراقها
كن دمعك وقتها يغسلك ويبل ريق :
وجه الارض !! وينتزع روحك من ارهاقها
رتّب انفاسك !! ودوّر على نفسك طريق
واسترح بين الحنايا وفل ارواقها
راجع ذنوبك على اقل من مهلك .. وويق :
شوف وتفقّد معاليقك وخفّاقها
الحزن : دافع قوي للرجال .. ولا يعيق
غير ناس ٍ تخلق وذلّها فاعناقها !!
الشقيق يدعّم الذل في اخوه الشقيق
والبضايع تختلف باختلاف اسواقها
وانت حاضرك يتفاخر بماضيك العريق
شجرة ٍ عجز الزمن لا يحت اوراقها
كنْه شمس من الذهب والجواهر والعقيق
كل صبح يلامس المجد نور اشراقها
وكان عزمك ما رقى قمة الضلع المويق
ما انت لاقي ( عز ) في جلالها ودقاقها
نوّخ ركابك .. وشكّل من اشكالك فريق
الرخامه في تزايد عدد عشّاقها !!
الاسامي حمل !! واللي حمل ما لايطيق :
شاه ودك للصفاه الضحى تستاقها !!
العرب ما تبغي الفخفخه ولا البريق
تبغي امطار السحب ماتبي برّاقها
لا تحسب المرجله : زول ولسان ٍ طليق
الرجال رجال : بافعالها واخلاقها
افرد اجناحك مدام السما تبغى عشيق
اغتسل من غيمها وفج كبد افاقها !!
خل اخوك الصبر !! واعجابك بنفسك صديق !!
واعتنز بالله كفيل البشر وارزاقها
لا تفكر في هل الهرج لوّ شبّوا حريق
الكلاب مربّطه لا تحل وثاقها !!
وكان صدرك من خبالين خلق الله يضيق
والله ان تبطي ضلوعك بضيق خناقها !!
وان تغنيت بشعر في فعولك ما يليق
نقّع جزال القصايد وبلّ اوراقها !!
لا تكلف نفسك ( بزوبعة جال المضيق )
( المحيطات أربعه ) والدرّر باعماقها
مادرى الشاطي عن الخوف بعيون الغريق
ولا لعب في حسبة الناس غير اشواقها
فان دعاك الشوق للورد وانفاس الرحيق
اذكر اجمل سيدات الترف واعناقها
المهاه .. الفارع .. أسطورة الحس الرقيق
ما ذبحك الا غلاها وطول فراقها !!



جساس والزيـر ..

يا كذبها قولت : ( ترى الناس للناس )
والسالفه ما عاد تحتاج تفكير
اما تصير بموقفٍ يرفع .. الراس
ولا عساها ما تحقق ولا تصير
قد لي ثلاث ايام حاير ومنحاس
الحال ما به خير واقول انا بخير
خايف تشمت عاذلٍ فيه وسواس
مهما تصاغرني يحس اني كبير
من زود همي ما جذب عيني انعاس
كن السهر ( حاتم ) وجفني ( مسايير )
كل النتايج تعترفلي بالافلاس
واضحك على نفسي واسوق التباشير
يا حظ ليتك تحشم معرّب الساس
ما كان جاني منك.. زله وتقصير
مابيك تغريني بضحكه ومجلاس
لو القناعه كنز عندي انا غير
لا ماقتنع بالطيب بحدود وقياس
يكبر فعين الغير وبعيني صغير
وان قلت شوف فلان يحطب بلا فاس
بقول : ( لو به خير ما عافه الطير )
هذا وسجل يا قلم فوق قرطاس
ابيات ما ودي تمر دون تفسير
اللي يبي صيتٍ وذكرٍ بنوماس
يقضي حياته ما يحسب المخاسير
واللي يشوف الصح في فعل جساس
بتشوم نفسه عن فعل سالم الزير
واللي ما حاش المجد بالدرع والطاس
ما هي بعيده.. لو يذم المناعير
واللي ما تطرب نفسه لفزعة ( دباس )
من دون فزعاته يحصل معاذيير
يقوله اللي فوق خشم الخطا داس
وطويق ما يشرهه على قاعت البير


بعثرني عتب..

جمّع اللي ودك تقوله وبعثرني عتب
الملامه شي عادي دامها منك وجاي
أنت تامر وأنا ألبي ما تبي بليّا سبب
بس كان لجيّتي خاطر تلبي لي رجاي
رجوتي لا تلحق اعيونك مشاريه الهدب
لا تضايقه بدموعك والتفاتتك وخطاي
كل شي الا دموعك واعرف انك من شطب
صفحة الطيش بحياتي وابتدا صفحة شقاي
سق فديتك كل ما تملك من جنون وغضب
وابشر بصدرٍ يضمك حيل دام انك هواي
ولا رويت عتاب ناظرني وقل طاح الحطب
واسأل شرايك وابنسج لك من الأعماق راي
باتناثر لك رضا واحساس صادق ما كذب
وأنت رتّبني على كيفك وشكلني برضاي
وان تلعثم حضورك ثم نطّقني لك تعب
حاول انك تسمع أشواقي وسط تنهيد ناي
اسمع دموعه وقرّب لي وقرّب وأقترب
واسألأ عيوني عن طيوفك وقصتها معاي
كيف كانت في غيابك فجأه تطري واغترب
اركض لمنفى خيالي وارمي الواقع وراي
اوجدك ما بيني وبيني واسولف لك واشب
ليلة حضورك قصايد تشتكي لك من عناي
آآآه لا منه بزغ فجر الحقيقه وانسحب
طيفك اللي ساكن عيوني وضاقت بي سماي
وقتها ليتك تحس شعور من حظه ضرب
آخر آماله بعرض الهم والوحده مداي
اكتشف وشلون يموت الصوت برماح الطرب
لحظةٍ جيت أتغنا بك وعاندني غناي
واكتشف كيف السهل فجأه يتحول لي صعب
لا نويت ابكيك ثم أزريت القابي بكاي
أقسم بربي وربك فيني احساسٍ غصب
كل كلي في غيابك ينجذب لك ياهناي
ما نسيتك لو نسى التاريخ أمجاد العرب
وما تركتك الا بين ضلوع صدري وبحشاي
لأنك أكبر من غلا الشاعر لآخر ما كتب
ولأنك أقرب لي من سكوتي اذا عانق شفاي
ولأنك أول من تمكن بي وعلمني أحب
ولأنك الشخص الوحيد اللي يجي في مستواي
صاحبي جمع كلامك ثم بعثرني عتب
والله أن كل شي عادي لا غدى منك وجاي



.. هـزني المـوت ..
يهزني الموت وطاري وحشة قبوره
وتطري ذنوبي علي وربي ادرابي
واحس في داخلي هالروح مذعوره
وايممالوجه للخالق ولا القابي
سوى امنية شاعر ٍ خجله ومغروره
وخوف وطريق وبقايا طيبة اصحابي
واحساس لو اكتبه بتعاتب سطوره
حظي وطيبي وعقلي واول احبابي
يارب .. ساعدني ابني حلمي وسوره
ودي اشرّع لبكره .. كل ابوابي
تعبت اشوف النهار بدفتري نوره
واجامل الليل واقول انه (( اولابي ))
يا عين لاهنتي وعن جد مشكوره
يا ما حشمتي سواد الليل باهدابي !
قلتي : زهقت الظلام وقلت : معذوره
ما دام جسمي عجز عن شيلت ثيابي
تبت يدين الصبر لا طالت شهوره
ما هي بسهله سنه ناطر على اعصابي
قدام عيني تطيح احلام .. مقهوره
يا رقة القلب .. ويش القلب .. سوّابي
ماني مكمل ياهمي خلها مستوره
بيني وبينك ( قصيدي ) واعتق اسرابي
لان ( الشعر ) لا طرالي جفت بحوره !
واحس كنه يموت بصفحة كتابي !!
لاني احبه واحب اراعي شعوره
احسب حسابه مثل ما يحسب حسابي
ابيه لامن حظر يجمّل ... حظوره
وان قدّر الله وغبت؟؟ يقدّر غيابي !!
شاعر ( ماهوجس ) بقولة كم جمهوره ؟
يكفيني ان ما كتبته (( كاسب اعجابي ! ))



الحـــب ....
الحب .. طفل ٍ سكن شعري وهوجاسي
وفي ظلوعي العوج ربيته وكبّرته
خذاني من .. الوطن والناس وانعاسي
وابلا قناعه .. تقبّلته و برّرته
سلمت أمري إليه وطحت متواسي
إلين ماصار شي ٍ ما تصوّرته !!
حبيبتي .. كيف اكذّب حزني وياسي
لو العذر يعذرك قبلك تعذّرته !!
الله يسامحك .. ما قدّرتي احساسي
وانا على شانك .. الاحساس قدّرته
نسّاني الهم .. غالي ربعي وناسي
وذكرت ربي .. وقلبي فيك ذكّرته
ودوّرتي اسهل طريق .. لضيقة انفاسي
ماكن درب الفرح .. لرضاك دوّرته
يا سيّدة خافقي ومحطمّة باسي
كم مرة ٍ لمت خفّاقك وحذّرته
صحيح احبك .. وآخاف فراقك القاسي
وخطاك .. ياما تجاهلته ومرّرته
لكنّي اليوم لا ذاكر ولا ناسي
ودّعتك الله .. وقلبي عنك صبّرته
عساني الموت .. كان بينحني راسي
ويا جعلي الضيم .. لو مبداي غيّرته


التجربـه ....
تقدم الدنيا لنا درس ٍ جديد بكل يوم
والناس تسلم من غثا الدنيا بحفظ دروسها !!
وعلى حسب حفظ المواجيب وتعاليم السلوم
نعرف مقاسات البشر بالمرجله ونقوسها
صيت الرجال الوافيّه بأفعالها .. ولا ّ الرخوم
ينبيك عنها : قل نفعتها وشين نفوسها
تطرد ورى الدنيا وتكشخ بالمواتر والهدوم
مثل ( الحريم ) أغلب دراهمها على ملبوسها
والإمعه والشايب الكذّاب وضعيف العزوم
ناس ٍ مع العالم بلا هيبه تدربي روسها !!
والبخل : خلاّنه بهايم !! لا تسام ولا تسوم
لا شفتها ترفع يدك حمد وشكر وتبوسها
على الصحن هم أول الجلاّس وآخر من يقوم
يعيّفك حلو الاكل والشرب طول جلوسها
ماهيب لللازم سند ولا ذخر عند اللزوم
تموت ماسرّك مهايطها وكثر فلوسها
وسوالف الخبلان .. رفعة ضغط وصداع وهموم
فلاوة ٍ تخطّف علوم العرب وتحوسها
واجب عليك إليا حكت عن جملة حكاها تشوم
الهند ما يرأس حكومتها سوى هندوسها
وربع المصالح والمجامل خوة ٍ ماهيب دوم
اقولها والتجربه قطع وريدي موسها
وقت الرخا .. مثل الصقور اللي على المرقب تحوم
فيّ ٍ يذّري ساقك الرمضا وحر ّ شموسها
وإليا احتمت صكّات بقعا وامست علومك علوم
اتلوّي خششها وتجحد خوّتك وتدوسها
من عقب ما انت الطيّب وقدرك معزّز ومحشوم
تصير اردى ما خلق ربي ودم ضروسها
أبعد عن الأشكال ذي .. بعد الثرى عن النجوم
وش حاجتك في قرب رديان العرب ونجوسها
ماهوب عيب إليا عزموك تقول يالربع .. معزوم !
العيب : لارحت لعزايمها وجيت عروسها
وخلّك فطين تعلّمك دنياك درس بكل يوم
والرجل يسلم من غثا الدنيا بحفظ دروسها !!


. مسـك الختـام ....
اللي مثلك يا حبيبي ما يلام !
قوم وانسى الدمع .. وانساني معه !!
لا تحاتي الليل ! ودعني .. ونااام
السهر ما هو بضيق الا سعه ؟؟
خلّني مابين كذبك !! والغرام
بنثره وآخر طموحي اجمعه ..
بك ( ختمت المسك ) يا ( مسك الختام )
واحفظ ( اغلى ) بيت وانسى ( مطلعه )
( شاعرك ) لا شحّ صوته بالكلام ؟
ناظر عيونه كلامه تسمعه !!
ما ورى هاك الطعون الا الخصام
وماورى وصلك وقربك منفعه ..
عدّني ما كنت وانساني .. مدام
الفراق اصبح : ( جهاتي الاربعه ! )
خابرك حسّاس وتخاف الزحام !
خاف قلب ٍ به هموم مجمعه !!
إعتقه لله !! واتركه بسلام
ما بقى به عرق تقدر تقطعه ؟!
ضامي واطرد سرابك ( نصف عام )
حالتي حاله ! واجامل واتبعه ..
كل ما طاح ( الامل ) شلته وقام
لين طحت ! ولا لقى من يرفعه ؟!
غلطتي كنت انتظر منك اهتمام
وغلطتك ( بُعدي ) ثمنها و ( ادفعه )
لا تقول البُعد والفرقا حرام ؟؟
الحرام : اعطيك ( عمر ) تضيّعه !!



الزين قصيمي والدلع شرقاوي







__________________



احبك موووووووووووووووت يامشعل



إإإإإإهداء لــــــــــ مشعل >>>>>>.....


كذا نتعاآآآمل
-->
من مواضيع الزين قصيمي والدلع شرقاوي

الزين قصيمي والدلع شرقاوي غير متواجد حالياً   رد مع اقتباس
قديم 02-24-2009, 01:42 PM   #2
هتوف ملكي
 
تاريخ التسجيل: Dec 2008
الدولة: سارت حياتي في بيوت الشعر والقصايد مدينه
المشاركات: 254
معدل تقييم المستوى: 11
مستريحه البال is on a distinguished road
افتراضي رد: الشاعر محمد جار الله السهلي


مسك الختام ...
غلطتي كنت انتظر منك اهتمام
وغلطتك ( بُعدي ) ثمنها و ( ادفعه )

لا تقول البُعد والفرقا حرام ؟؟
الحرام : اعطيك ( عمر ) تضيّعه !!



" ...الزين غربي والدلع شرقاوي ..."
__________________
-->
من مواضيع مستريحه البال

مستريحه البال غير متواجد حالياً   رد مع اقتباس
قديم 02-25-2009, 02:51 AM   #3
الخرج خرجك لو طال هجرك..فديتها
 
الصورة الرمزية الزين قصيمي والدلع شرقاوي
 
تاريخ التسجيل: Feb 2009
الدولة: في قلب حبيبي مشعل
المشاركات: 133
معدل تقييم المستوى: 11
الزين قصيمي والدلع شرقاوي is on a distinguished road
افتراضي رد: الشاعر محمد جار الله السهلي

يسلمووووووو ياقلبي
ع مرورك
__________________



احبك موووووووووووووووت يامشعل



إإإإإإهداء لــــــــــ مشعل >>>>>>.....


كذا نتعاآآآمل
-->
من مواضيع الزين قصيمي والدلع شرقاوي

الزين قصيمي والدلع شرقاوي غير متواجد حالياً   رد مع اقتباس
قديم 03-04-2009, 02:57 AM   #4
-( عضو )-
 
تاريخ التسجيل: Mar 2009
المشاركات: 2
معدل تقييم المستوى: 0
نوايا قلب is on a distinguished road
افتراضي رد: الشاعر محمد جار الله السهلي

ذووووووووووووووووووووووووووووووووووووووووووووووووو ووووووووووق بصراحه شي شي شي ماقصرت يالزين قصيمي والدلع شرقاوي

نوايا قلب غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:31 AM


Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.0 TranZ By Almuhajir