ذكرياتنا مع الحج

[حلم عاثر *]

بسم الله الرحمن الرحيم ..
والسلام عليكم ورحمة الله وبركاته ..

ال هتوف الكرام ..
بما ان شعيرة الحج على الأبوب .. وجميعنا نشتاق ان نكون من ضمن حجاج البيت المعمور
وأنا اولكم اشتاق جداً .. مع اني ولله الحمد حجيت اكثر من 10 حجات بحكم امتلاكنا حملة حج .. وهالشي اتشرف به والرب
بخدمة ضيوف بيت الله .. لكن ظروف العمل مؤخراً ابعدتني عن التواصل بكل سنة ..

والموضوع عبارة عن :

كل شخص يدخل بين فترة وفترة .. ويذكر لنا مواقف صارت له بالحج
سواء معه او مع غيره او حتى سمع بها ..

ولا مانع من المشاركة ب صور تدعم وتفيد الموضوع ..
او المشاركة ب فقرات تفيد وتخدم الحاج ..

والهدف ..

كسر روتين مواضيع الحج بشيء مختلف
بالاضافة للمتعة والاستفادة

احترامي

[حلم عاثر *]

ب ابدأ انا ..
اذكر اول حجة لي ب حملتنا .. كنت صغير
وكنت امشي مع الحجاج .. وكنا ب الصفا والمروة ..

المهم ..
كان جنبي شايب ومعاه بناته وراه يمشون ، سألني الشايب الحين الصفا والمروة 7 اشواط صح ؟
قلت له ايه ..
قال طيب الروحة تعتبر شوط . ولا الروحة والجية شوط ..
قلت له لا الروحة والجيه تعتبر شوط

اسمع بنته ورى تقول له يبه هذا مخرف تراه الروحة شوط والجية شوط
قال لا هذا من الحملة يعرف احسن منتس

يمكن ب الشوط الثالث قلبت كلام البنت براسي ، وقلت يمكن هي صح
واخذت جوالي طلعته من سحاب الاحرام واتصلت ب ابوي وسالته

قال لا الروحة شوط والجية شوط

كنت بخليهم يسعون 14 شوط

بس الحمد لله يوم جينا للسابع .. هو يبي يكمل المسكين
قلت خلاص خلصنا .. قال نكمل بعدين ؟
قلت لا سبع اشواط خلاص ..

وبس

والحمد لله ما اخذت تهزيئة منه

[قطرآت آلمطر]

وعليككم السسلام ورحمةة الله وبركآإآتة
ما ششاء الله الله يكبت اجركك
عقبال ما نحج حنا بعد
ههه اما موقفكك الصراحةة توحفةة
نفسس بنات خالتي عملو 14 ششوط
مسساكين هع
طرح جميل وبأنتظار مواقف الجميع

[نــ غ ــم]

وعليكم السلام ورحمة الله وبركاته

طرح جميل وموفق ..وبنتظار مواقف الاحبه

للاسف ماسبق لي الحج الله يرزقنا

بس اذكر وانا صغيره وكان بموسم حج

كنا في الطياره والمقاعد الي خلفنا ناس محرمين

وكانوا اختي واخوي المطفوقين واقفين على مقاعدهم يتفرجون على خلق الله ولمحوا شاشة قدام

ويقلون اووووه تلفزيون تلفزيون

عاد انا راكبني الملل وقتها + اشتغل عرق القافه
واقوم اوقف زيهم
ولاني كنت صغيره مره ماكنت اطول
فقمت جلست على راس الكرسي الشي الي نستند عليه <<اممم فهمتوا :)

وفجاءه اكلنا مطب هوائي مدري وش صار
الا انا منقلبه على ورا وفي حضن الرجال المحرمين والي كانوا نايمين
ومن حضنهم طرطخ على الارض

ماحسيت الا باختي جايه عندي وتسحبني بدون سلامات بدون شي

وبس << هالسالفه صايره وانا روضه او اولى يعني هالعمر
بس من الطيحه القويه والصدمه ومسكت اخواني علي فيها

عيا عقلي الباطن ينساها :)